Blaðsíður: 1 ... 18 19 20 ...21 ... 23 ...25 ...26 27 28 ... 46

19.03.07

  12:36:37, Skrásetjari: Jón Rafn Jóhannsson, 165 orð  
Flokkur: Bænalífið

Blessunarbæn heil. Jósefs – eftir heil. Jean Eudes

Í dag heiðrar kirkjan heilagan Jósef, brúðguma Maríu meyjar og verndara Kristskirkju og nafndýrling Jósefskirkju í Hafnarfirði. Því þessi bæn:

Blessað sé elskuríkt hjarta þitt, María, sökum allrar þeirrar ástúðar sem þú auðsýndir heilögum Jósef!

Blessað sé hið göfuglynda hjarta þitt að eilífu, heilagur Jósef, sökum allrar þeirrar elsku sem það bar í brjósti og mun bera til Jesú og Maríu að eilífu og fyrir alla þá umhyggju sem það bar fyrir þörfum Sonarins og Móðurinnar og vegna alls þess sársauka og angistar sem það leið vegna þjáninga þeirra og þeirrar fyrirlitningar og vanþakklætis sem þau máttu þola vegna vanþakklætis mannanna!

Heilagur Jósef, við berum hjörtu okkar fram fyrir þig. Fjötra þau við hjarta þitt og hjörtu þeirra Jesús og Maríu. Bið þau um að þessi sameining vari í sífellu og eilíflega.

  11:09:51, Skrásetjari: Jón Rafn Jóhannsson, 1378 orð  
Flokkur: Fóstureyðingar og vernd, Getnaðarverjasamfélagið

Getnaðarverjasamfélagið – eftir David Prentis

Það var mikið óheillaspor þegar mótmælendakirkjurnar samþykktu getnaðarvarnir athugasemdalaust árið 1930. Frá og með þessari stundu hófst þróunarferli sem enn verður ekki séð fyrir endann á. Með þögn sinni hafa þær einnig stutt fósturdeyðingar með óbeinum hætti og tvær mótmælendakirkjur hafa einnig samþykkt vígslu samkynhneigðra para, það er að segja Biskupakirkjan í Bandaríkjunum og sænska Þjóðkirkjan. Nú þegar þess er skammt að bíða að flóðbylgja lagasetninga um líknarmorð ríður yfir er hætt við að margar mótmælendakirkjur bregðist einnig í þessu mikilvæga máli. Þá er fátt eða ekkert eftir af boðskap kristindómsins um mannhelgi, ef þá nokkuð. Nú á næstunni mun ég fjalla um þetta efni í nokkrum greinum þar sem fjölmargt kristið fólk – og það ekki síður kaþólskt – gerir sér ógnina af getnaðarvörnunum ekki ljósa eða sá stóri þáttur sem þær eiga í hruni kristinna siðferðisgilda og íbúafjöldans á Vesturlöndum (JRJ).

Allar umræður um getnaðarvarnir ganga út frá því að hér sé einungis um einkamál einstaklingsins eða hjónanna að ræða. Engu að síður eru getnaðarvarnir og ófrjósemisaðgerðir stundaðar í miklum mæli í hinu iðnvædda samfélagi nútímans og þannig getum við gengið út frá því að þetta hefur áhrif á samfélagið í heild. Í reynd eru þessi áhrif víðtækari og djúpstæðari en ætla mætti í fyrstu.

Read more »

18.03.07

  13:06:51, Skrásetjari: Jón Rafn Jóhannsson, 1555 orð  
Flokkur: Fólksfækkunarvandamálið

Um samkynhneigð í Biblíunni – viðtal við föður Jean-Baptiste Edart

Í tilefni fréttar í Morgunblaðinu í gær (bls.18) um að forystumenn sænsku þjóðkirkjunnar hafi samþykkt að heimilað verði að gefa samkynhneigð pör saman í kirkjum með sama hætti og gagnkynhneigð pör er þetta viðtal birt. Í reynd er hér á ferðinni fríhyggja siðferðilegar afstæðishyggju hins vestræna heims. Strax á sjötta áratugi s. l. aldar hvatti Planned Parenthood til hómósexúalisma sem einna þeirra aðferða sem stuðla myndu að fækkun íbúafjöldans. Taka ber fram að þetta var löngu fyrir tilkomu eyðnismitunarinnar.

RÓM, 15. mars 2007 (Zenit.org).– Biblían boðar með ljósum hætti að virkt kynlíf samkynhneigðra er rangt. Þetta segir textafræðingur við Stofnun Jóhannesar Páls II í Róm. Faðir Jean-Baptiste Edart er annar tveggja höfunda ritsins „Clarification sur l’Homozexualité dans la Bible“ (Ljósi varpað á samkynhneigð í Biblíunni) sem kom út hjá Edition du Cerf.

Read more »

17.03.07

  18:37:00, Skrásetjari: Jon Valur Jensson   , 1230 orð  
Flokkur: Siðferði og samfélag

Fellið vændismálið! - Opið bréf til þingheims og dómsmálaráðherra

Háttvirtir alþingismenn, hæstvirtir ráðherrar, sér í lagi dómsmálaráðherrann.

Er það í alvöru ætlan ráðherrans og stuðningsmanna hans að láta þingmál nr. 20 (frumvarp til laga um breyting á almennum hegningarlögum, nr. 19/1940 (kynferðisbrot)) ganga í gegnum þingið á þessum lokadegi þess? Á svo gott sem að lögleiða vændi á Íslandi? Þau verða einmitt áhrif frumvarpsins,

Read more »

  16:55:15, Skrásetjari: Jón Rafn Jóhannsson, 1530 orð  
Flokkur: Fólksfækkunarvandamálið

Sjálfsmorð Vesturlanda? – eftir Joseph D'Agostino

Svo er sagt að menningarheildir deyi oftar út með sjálfsmorði fremur en að þeim sé tortímt. Fyrir tveimur áratugum skrifaði James Burnham bókina Sjálfsmorð Vesturlanda, um eðli fríhyggjunnar sem með afneitun sinni á einu frekar en öðru væri hugmyndafræði sjálfsmorðsins. Hann samdi bókina með hliðsjón af baráttunni við kommúnismann, baráttu sem er fjarri því að vera afstaðin, þrátt fyrir að margir standi í þeirri trú. Í dag horfir sá heimur sem á rætur að rekja til kristindómsins í augu við mikla baráttu við enn fornari fjandmann: Íslam. Með yfirburðum sínum á sviði hernaðartækni, efnahagsgetu og menntunar ættu Vesturlönd auðveldlega að vinna sigur, eða er það ekki? En sjálfsmorðshugmyndafræði fríhyggjunnar er dragbíturinn í þessu sambandi. Múslimar eru ekki mesta ógnin sem steðjar að Vesturlöndum.

Read more »

  11:29:12, Skrásetjari: Jón Rafn Jóhannsson, 290 orð  
Flokkur: Kraftaverk tengd Guðsmóðurinni

Madonna hinna blóðugu tára

Í dag heiðrar kirkjan heil. Patrek, verndardýrling Íra. Írland og Ungverjaland! Tvö lönd píslarvotta sem þjáðust afar mikið vegna trúar sinna og urðu að heyja mikla baráttu fyrir sjálfstæði sínu. Þrátt fyrir ótaldar ofsóknir hafa Írar og Ungverjar ætíð elskað Guðsmóðurina afar heitt.

Hin blessaða Mey hefur heldur ekki brugðist Írum. Hið sama má segja um Ungverjaland sem ætíð varðveitti trú sína og von um betri tíð. María hefur mikla samúð með þeim barna sinna sem þjást. Eftirfarandi frásögn ber þessu vitni:

Í dómkirkjunni í Gyor í Ungverjalandi heiðrar fólkið hina írsku Madonnu. Málverk þetta er af fæðingu Drottins þar sem sjá má hina blessuðu Mey og barn hennar. Það var írskur byskup sem kom með myndina til Ungverjalands árið 1650, en hann hafði sloppið lifandi undan ofsóknum Cromwells.

Þann 17. mars 1697 meðan sexmessan stóð yfir á minningardegi heil. Patreks og á sama tíma sem trúarofsóknirnar stóðu sem hæst á Írlandi, tók Madonnan að úthella blóðtárum í þrjá tíma. Skrifaðar heimildir og staðfestingar sjónarvotta eru enn varðveittar um þetta í Gyor, þar á meðal borgarstjórans, herstjórans, héraðsstjórans, kalvínskra og lúterskra presta og auk þess rabbínans í borginni.

Allt frá þessum tíma hefur írsku Madonnunni verið auðsýndur heiður í Ungverjalandi og mikill mannfjöldi kemur til að heiðra hana. Málverkið er staðsett fyrir ofan altari dómkirkjunnar og fólsksfjöldinn er mestur á minningardegi heil. Patreks og á Hátíð himnafarar Maríu (Marias himmelfahrt).

Úr franska tímaritinu La Croix (Krossinn, frá 6. apríl 1954).

  01:01:08, Skrásetjari: Ragnar Geir Brynjólfsson   , 111 orð  
Flokkur: Trúarpælingar, Páfinn

Afnám syndarinnar hefur í för með sér aukna sektarkennd

Páfagarði 16.3.2007 Zenit.org.
Í ávarpi til nývígðra presta sagði Benedikt Páfi XVI að missir syndarhugtaksins úr nútíma þjóðfélagi hafi haft í för með sér aukna sektarkennd. „Í dag blasir við mannkyn sem vill vera sjálfu sér nægt, þar sem margir trúa því að hægt sé að lifa góðu lífi án Guðs.“ „En samt sem áður“ bætti páfi við „virðast því miður margir vera dæmdir til að takast á við tilvistarlegt tómarúm, svo mikið ofbeldi og svo mikil einsemd íþyngir hinum mannlega anda á þessari samskiptaöld!“ Sjá tengil: [1]

16.03.07

  12:11:44, Skrásetjari: Jón Rafn Jóhannsson, 1064 orð  
Flokkur: Erlendar fréttir

BENEDIKT PÁFI XVI: HVETUR TIL HERVÆÐINGAR TIL AÐ VERJA HINA NÁTTÚRLEGU TILHÖGUN

Þann 24. febrúar s. l. ávarpaði Benedikt XVI meðlimi Akademíu lífsins í Vatíkaninu á árlegum fundi hennar. Hér er fjallað um nokkur meginatriði ávarpsins:

Hin náttúrlega tilhögun

Það umfjöllunarefni sem páfi vakti athygli á í ávarpi sínu til meðlimanna og skírskotaði þar til alls samfélags kirkjunnar og almenningsálitsins hvað áhrærir réttinn til lífs og að halda uppi vörnum fyrir honum. Þetta er réttur sem allir verða að gera sér grein fyrir vegna þess að hér er um grundvallaratriði að ræða sem lýtur að öllum öðrum mannréttindum. Þetta er lögð þung áhersla á í Hirðisbréfinu Evangelium vitae: „Sérhver einstaklingur sem er einlæglega opinn gagnvart sannleikanum og gæskunni getur með ljósi skynseminnar og huldum áhrifum náðarinnar borið skyn á það í hinu náttúrlega lögmál sem ritað er í hjartað (sjá Rm 2. 14-15) að mennskt líf er heilagt frá upphafi til enda og getur staðfest rétt sérhverrar mannveru til þess að þessi frumgæði ber að virða af dýpstu lotningu. Sérhvert mennskt samfélag og stjórnskipun grundvallast á þessu“ (gr. 2).

Read more »

15.03.07

  11:45:29, Skrásetjari: Jón Rafn Jóhannsson, 1289 orð  
Flokkur: Hugleiðingar

Mylla Guðs malar hægt en örugglega

Kristindómurinn er opinberunartrú: Hann trúir á opinberun Guðs á vettvangi sögunnar. Smám saman opinberar Guð sig mönnunum með fyllri hætti, fyrst í Gamla sáttmálanum í hinu sýnilega ríki Ísrael á jörðu og endanlega í hinni endanlegu opinberun Guðs í Jesú Kristi í holdtekju sinni í hinu nýja og andlega Ísrael: Kirkjunni. Gamla testamentið opinberar okkur speki Guðs í lögmálinu sem við getum nú skilið með andlegum hætti í KRISTSLJÓSINU. Það er að þessum leyndardómi sem Orígenes (185-253) víkur að í hugleiðingunni sem fylgir með guðspjalli dagsins í dag, þriðja fimmtudaginn í mikluföstu þann 15. mars.

Read more »

14.03.07

  23:57:52, Skrásetjari: Ragnar Geir Brynjólfsson   , 60 orð  
Flokkur: Erlendar fréttir úr heimi kirkjunnar

Mótmælendaprestur dæmdur í fjögurra ára fangelsi

Mótmælendapresturinn Dmitry Shestakov var dæmdur í fjögurra ára fangelsi í Úzbekistan. Hann var fundinn sekur um að hafa rætt við fólk og haldið ræður. Lögreglan tekur myndir af fólki sem kemur í kirkju og yfirheyrir það. Trúfrelsi er áfátt í Úzbekistan og lögregluaðgerðir tíðar gegn kristnum söfnuðum: [1]

  23:32:28, Skrásetjari: Ragnar Geir Brynjólfsson   , 51 orð  
Flokkur: Erlendar fréttir úr heimi kirkjunnar

Kaþólskir biskupar á Bretlandseyjum mótmæla kjarnorkuvopnum

Kaþólskir biskupar á Bretlandseyjum hafa beitt sér gegn endurnýjun Trident kjarnaflaugakerfisins en umræður um það eru í breska þinginu. Það viðhorf hefur komið fram að endurnýjun breska kerfisins á þessum tímapunkti sé óheppilegt og leiði til aukinnar framleiðslu þessara vopna í heiminum. Sjá eftirfarandi tengla: [1],[2] og [3].

  13:03:09, Skrásetjari: Jón Rafn Jóhannsson, 79 orð  
Flokkur: Vefrit Karmels

Glæpurinn gegn mannkyninu – Kynþáttahyggjan og íbúafjöldafækkunin

Sanger

Nú er Glæpurinn gegn mannkyninu – Kynþáttahyggjan og íbúafjöldafækkunin komin á Vefrit Karmels í endurbættri útgáfu. Enginn sem ber hag ófæddra barna fyrir brjósti ætti að láta þetta rit Pauls Jalsevac fram hjá sér fara. Hér flettir hann ofan af sambandi kynþáttastefnu Íbúafækkunarbandalagsins og hugmyndafræðilegra tengsla þess við hinn róttæka femínisma og fósturdeyðingaræðis frú Maragaret Sangers, stofnanda „Planned Parenthood.“

TENGILL

13.03.07

  23:21:53, Skrásetjari: Ragnar Geir Brynjólfsson   , 122 orð  
Flokkur: Önnur trúarbrögð, Erlendar fréttir úr heimi kirkjunnar

Tveir fréttamolar af Asianews

Pútín Rússlandsforseti hitti Benedikt páfa XVI í Páfagarði nú síðdegis. Þeir ræddust við í um 25 mínútur og skiptust á gjöfum. Sjá hér: [Tengill]

Í nafni fjölmenningarhyggju færist í vöxt að leyfa fjölkvæni meðal múslima á á Grikklandi. Sú spurning er skoðuð hvað gera eigi ef maður sem á fjórar konur flytur til Ítalíu. Hver múslimskur karl má eiga fjórar konur en kona má aðeins eiga einn mann á þeirri forsendu að annars væri ógerlegt að feðra börnin. Sjá hér: [Tengill]. Hin kristna lífssýn byggir eins og kunnugt er á því að hjónabandið sé samband eins karls og einnar konu.

  11:23:59, Skrásetjari: Jón Rafn Jóhannsson, 505 orð  
Flokkur: Fóstureyðingar og vernd

Nú er mælirinn fullur, þetta getur ekki haldið svona áfram!

MACON, Georgia, 12. mars 2007 (LifeSiteNews.com) – Fyrrum öldungardeildarþingmaður á Bandaríkjaþingi, Zell Miller, kenndi fósturdeyðingunum um skortinn á nýliðum í herinn, yfirvofandi hruni velferðarkerfisins og því hversu háðir Bandaríkjamenn væru orðnir ólöglegum innflytjendum.

Þessi lífsverndarsinni og fyrrum þingmaður Demókrata komst svo að orði: „Hvað býr því að baki að þetta mikla land allsnægta hefur ekki auðnast að endurnýja íbúafjölda sinn s. l. 30 ár? Hér má sjá þá kaldranalegu staðreynd sem enginn hefur kjark til að minnast á. Við erum of fá vegna þess að of mörg barna okkar hafa verið myrt. Fjöldinn er 45 milljónir frá árinu 1973“ (máli Roe gegn Wade þegar hæstiréttur samþykkti fósturdeyðingarnar).

Read more »

12.03.07

  20:08:58, Skrásetjari: Jón Rafn Jóhannsson, 441 orð  
Flokkur: Erlendar fréttir

Mikill vísindamaður og lífsverndarsinni – dr. Jérôme Lejeune – tekinn í tölu heilagra?

Erkibyskupinn í París hefur nú ákveðið að hefja rannsókn á lífi franska erfðafræðingsins Jérôme Lejeune (1928-1994) til að taka hann í tölu heilagra. Jérôme fæddist í Montrouge, einu úthverfa Parísar og lagði síðar stund á læknisfræði og erfðafræði. Árið 1958 varð hann heimsfrægur fyrir að uppgötva erfðagalla sem valda Downseinkennum. Þrátt fyrir að hann aflaði sér viðurkenningar sem fræðimaður, prófessor og vísindamaður, hélt hann áfram að starfa með börnum sem bjuggu við alvarlega fötlun og síðar varð hann mikill lífsverndarsinni og var ómyrkur í mæli hvað áhrærir fósturdeyðingar í Evrópu sem utan, þrátt fyrir fjandskap margra félaga sinna innan læknisfræðinnar.

Read more »

11.03.07

  12:34:43, Skrásetjari: Jón Rafn Jóhannsson, 1023 orð  
Flokkur: Hugleiðingar

Um heiðrun og tilbeiðslu

Í dag sem er þriðji sunnudagurinn í föstu heiðrar kirkjan heil. Teresu Margrét Redi (d. 1770). Þetta gerir kirkjan daglega, það er að segja að hún velur einn hinna heilögu og bendir á þá sem fyrirmynd til breytni. Systir Teresa Margrét var einungis 23 ára gömul þegar hún andaðist. Hún er næst yngst þeirra kvenna sem hafin hefur verið upp við altarið í tölu hinna heilögu. Hin hét einnig Teresa og var frá Lima í Perú. Hún var einungis nítján ára gömul þegar hún andaðist!

Víkjum fyrst að orðinu heiðrun, að auðsýna einhverjum heiður. Í fornkirkjunni var þetta nefnt duleia á grísku. Maríu Guðsmóður er sýnd sérstök heiðrun. Þetta nefndu hinir fornu feður og mæður kirkjunnar á grísku hyperduleia eða sérstaklega mikla heiðrun. Þegar á annarri öld auðsýndu þeir Guðsmóðurinni slíka hyperduleia eins og við sjáum til að mynda í skrifum Tatíans (d. 160). Frá upphafi og fram á daginn í dag er gerður strangur munur á latreia eða tilbeiðslu og heiðrun. Guð einn í Þrenningu er tilbeðinn: Honum einum er kristnum mönnum ætlað að tilbiðja.

Read more »

  08:30:58, Skrásetjari: Jón Rafn Jóhannsson, 574 orð  
Flokkur: Bænalífið

Hún skal merja höfuð þitt

Opinberanir Maríu Guðsmóður komu út á pfd-formati á Vefritum Karmels í fyrir tveimur dögum (síðdegis). Aldrei hefur neitt rit notið eins mikilla vinsælda á Vefritum Karmels: 331 heimsókn á tæplega tveimur sólahringum sem er það langhæsta fram að þessu.

Sjálfur er ég sannfærður um að það verði Guðsmóðirin sem sameini kirkjuna að nýju, eins og sagt er fyrir í 1M 3. 8. Eða eins og segir í riti Erzebet Szanto um hið Flekklausa Hjarta Maríu:

Jesús varaði okkur við: „Öll kirkjan er í mikilli hættu og þið getið ekki komið neinu til leiðar með jarðneskri viðleitni. Einungis Alhelg Þrenning og hin blessaða Mey í samvinnu við heilaga engla, hina heilögu og þeirra sálna sem þú hefur hjálpað, geta bjargað kirkjunni.“

Við skulum taka saman höndum á þessum náðartímum. Gerum við okkur ljóst hvílíka ósegjanlega andlega náðargjöf við öðlumst hjá hinni blessuðu Mey með loga elsku hennar.

Eitt sinn spurði Elísabet: „Hvað er logi elskunnar?“ Jesús svaraði: „Logi elsku Meymóður minnar er ykkur það sem örkin var Nóa!“ Og hin blessaða Mey svaraði: „Logi hins Flekklausa Hjarta míns er sjálfur Jesús Kristur!“ (bls. 151).

Read more »

09.03.07

  11:08:13, Skrásetjari: Jón Rafn Jóhannsson, 1608 orð  
Flokkur: Fóstureyðingar og vernd, Fólksfækkunarvandamálið

Átök kærleiksríkrar og kærleikssnauðrar þekkingar

Ef við ættum að skilgreina samtíma okkar með einni setningu, þá getum við sem best gert það með því að segja að hann sé tímaskeið átaka kærleiksríkrar og kærleikssnauðar þekkingar. Sjálfur sagði Drottinn meðan hann dvalið með okkur á jörðu: „Ætlið ekki, að ég sé kominn að færa frið á jörð. Ég kom ekki til að færa frið, heldur sverð“ (Mt 10. 34). Með þessum orðum skírskotaði hann til stríðs kærleikans. Í hinni kristnu opinberun færði hann okkur kærleiksríka þekkingu elskunnar, eða með orðum Jóhannesar guðspjallamanns:

Þér elskaðir, elskum hver annan, því að kærleikurinn er frá Guði kominn, og hver sem elskar er af Guði fæddur og þekkir Guð. Sá sem ekki elskar þekkir ekki Guð, því að Guð er kærleikur. Í því birtist kærleikur Guðs meðal vor, að Guð hefur sent Einkason sinn í heiminn til þess að vér skyldum lifa fyrir hann. Þetta er kærleikurinn: Ekki að vér elskuðum Guð, heldur að hann elskaði oss og sendi Son sinn til að vera friðþæging fyrir syndir vorar (1Jh 4. 7-10).

Read more »

08.03.07

  09:37:15, Skrásetjari: Jón Rafn Jóhannsson, 371 orð  
Flokkur: Fóstureyðingar og vernd

Barnabarnabarn þekkts hörundslitaðs þræls, Dred Scotts, berst fyrir réttindum ófæddra barna til að binda enda á fósturdeyðingar

ST. LOUIS, 7. mars 2007 (LifeSiteNews.com) – Í marsmánuði 1856 dæmdi Hæstiréttur Bandaríkjana blökkumanninn og þrælinn Dred Scott óæðri mannveru. Í dag bendir barnabarnabarn hans, Lynne Jackson, á mál hans sem lýsandi vita vonar hvað áhrærir full mannréttindi allra borgara, án tillits til aldurs, líkamsstærðar eða sjálfsstæðis.

Þann 6. mars 1857 var ákveðið að Dred Scott og sérhver afkomandi hörundslitaðra afkomenda af Afrískum uppruna, hvort sem um þræl eða frjálsan mann væri að ræða, teldist ekki borgari í Bandaríkjunum með hliðsjón af Stjórnarskránni. Hörundslitaðir, kvað ákvæðið úr um „eru ekki borgarar í Bandaríkjunum, heldur óæðri mannverrur og með öllu óhæfir til að eiga samskipti við hvíta kynstofninn, bæði í samfélagslegu og pólitísku samhengi og njóta þannig ekki þeirra réttinda sem bæri hvítum mönnum.“ Þetta ákvæði var afnumið í 13 stjórnarskrárbreytingunni tæplega tíu árum síðar með afnámi þrælahalds árið 1865.

Read more »

07.03.07

  15:56:17, Skrásetjari: Jón Rafn Jóhannsson, 842 orð  
Flokkur: Erlendar fréttir

Jafnframt því sem andstæðingar kaþólsku kirkjunnar ásaka hana um aukna dánartíðni vegna eyðni, leiðir tölfræðin þveröfugar niðurstöður í ljós.

LONDON, 5. mars 2007 (LifeSiteNews.com) – Kaþólska kirkjan myrðir „milljónir“ vegna kenninga sinna um hreinlífi, trúfestu í hjónabandinu og með því að vilja ekki breyta „stefnu“ sinni um að banna notkun smokkar í baráttunni gegn EYÐNI. Þetta er vinsælt og augljóslega viðloðandi umfjöllunarefni meðal stórs hluta blaðamanna.

Fréttaskýrendur, einkum enskir, lýsa því yfir með reglubundnum hætti að Jóhannes Páll páfi II og arftaki hans, Benedikt XVI, séu ábyrgir fyrir dauða milljóna manna vegna andstöðu sinnar við getnaðarvarvarnir, einkum smokkanotkun.

Polly Toynbee, blaðamaður hjá The Guardian, notaði tilefnið þegar Jóhannes Páll II andaðist til að segja að Vatíkanið væri „boðberi mannvonsku og hræsni í nútímanum.“ Toynbee hélt því fram að „með banninu á smokkanotkun bæri kirkjan ábyrgð á dauða milljóna kaþólikka og annarra á þeim svæðum í Afríku þar sem kaþólskir trúboðar væru ráðandi og alls staðar annars staðar í heiminum. Í löndum þar sem 50% íbúanna eru eyðnismitaðir eru milljónir munaðarlausra barna fórnardýr kúríunnar.“

Read more »

  11:52:37, Skrásetjari: Jón Rafn Jóhannsson, 445 orð  
Flokkur: Hugleiðingar

J’ accuse – ég ásaka

Þetta eru hin fleygu orð sem rithöfundurinn Zola viðhafði á sínum tíma þegar hann skrifaði hið víðfræga bréf sitt þegar hann ásakaði frönsk stjórnvöld fyrir meðferðina á Dreyfusi. Það var reyndar ekki hann, heldur annar víðfrægur franskur rithöfundur sem kom í heimsókn til Íslands þann 8. júní 1901. Þetta var Victor Hugo ásamt eiginkonu sinni og þeim dr. Jean Charcot, og M. Bonniers. Ferðalangarnir heilsuðu meðal annars upp á föður Ypes Hamon (1864-1925), franskan prest sem starfaði þar á vegum franska sjómannatrúboðsins (Apôtre des Marins). Saga föður Hamons er ein sér afar merkileg. Eftir að hafa verið lokaður inni í Beijing í Kína í boxarauppreisninni ásamt öðrum Evrópumönnum, var hann sendir til Nýfundnalands og síðar Íslands þar sem hann starfaði í mörg ár. Að Íslandsdvölinni lokinni var hann sendur til eyjarinnar Martineque í Indlandshafi. [1]

Nú höfum við þremenningarnir skrifað efni á þessa vefsíðu í dágóðan tíma og vinsældir hennar farið fram úr björtustu vonum sjálfs upphafsmannsins, Ragnars Geirs Brynjólfssonar. Í því fárviðri lyga og rangtúlkana sem ganga um kirkjuna í fjölmiðlum veraldarhyggjunnar bæði hér á landi og um allan hinn Vestræna heim er mikilvægt að halda vöku sinni og verjast þessu fárviðri eftir fremsta megni. En þremur einstaklingum eru takmörk sett í þessum efnum.

Þannig höfum við engin tök á því sjálfir að þýða fjölmargar greinar sem birtast daglega á kaþólskum veffjölmiðlum. Þar sem fjölmargt kaþólskt fólk á Íslandi er ágætlega menntað hvet ég það til að koma til samstarfs við okkur og þýða eina og eina grein. Öll vitum við hversu yfirhlaðnir störfum kaþólskir prestar eru á Íslandi, en við getum lagt okkar að mörkum með því að koma sannleikanum á framfæri. Hristið af ykkur slyðruorðið og látið ekki aðeins nöldrið í kirkjukaffinu nægja, nöldur sem kemur mest frá þeim sem leggja sjálfir ekkert af mörkum, nöldur sem felst í því að ekkert sé gert! Minnist orða Frelsarans: Sælla er að gefa en að þiggja! Ég ásaka þá meðlimi kirkjunnar sem hafa alltaf nægjan tíma til að gera allt annað en það að leggja eitthvað af mörkum sannleikanum til varnar

[1]. Þetta má lesa í lítilli bók sem vinir hans gáfu út að honum látnum: Le P. Yves Hamon, Assomptioniste, Aumônier à Terre-Neuve et en Islande, eftir E. Lacoste, Maison de la bonne presse, Paris, 1929.

06.03.07

  10:52:59, Skrásetjari: Jón Rafn Jóhannsson, 281 orð  
Flokkur: Erlendar fréttir

Sænskir trúarleiðtogar vara við „fósturdeyðingarparadís“

STOKHÓMUR, Svíþjóð, 4. mars 2007 (Zenit.org). – Kristnir trúarleiðtogar í Svíþjóð vara við því að Svíþjóð verði breytt í „fósturdeyðingarparadís,“ eftir að ríkisstjórninn lagði til að konum af erlendum uppruna yrðir heimilað að koma til Svíþjóðar til að fara í fósturdeyðingu á síðari stigum meðgöngu.

S. l. sunnudag skrifuðu Anders Arborelius, kaþólski byskupinn í Stokkhólmi og leiðtogi sænsku Hvítasunnukirkjunnar, Sten Gunnar Hedin, grein í eitt af víðlesnustu dagblöðum Svíþjóðar þar sem þeir fordæmdu þessa ráðagerð stjórnvalda.

Göran Hägglund úr Kristilega demókrataflokknum hefur stutt þessa áætlun sænskar heilbrigðisyfirvalda til að heimila erlendum konum að fara í fósturdeyðingar í Svíþjóð þegar lögin í þeirra eigin heimalandi eru strangari.

„Við sjáum okkur knúða til að hvetja kristna kjósendur til að kjósa ekki samsteypustjórnina í kosningunum 2010,“ skrifuðu þessir trúarleiðtogar. „Sem kristnum einstaklingum ber okkur skylda til að standa vörð um mannhelgina.“

Þeir héldu áfram: „Sem kristnir einstaklingar höfum við þungar áhyggjur af því að sænska ríkisstjórnin er að undirbúa lög sem heimila erlendum konum að koma hingað í fósturdeyðingu á síðari stigum meðgöngu.

Sem kristnir einstaklingar hvetjum við heilbrigðis- og félagsmálaráðherrann til að gera Svíþjóð ekki að fósturdeyðingarparadís . . . Við biðjum stjórn jafn auðugs ríkis og Svíþjóðar til að gera meira fyrir þær konur sem þarfnast hjálpar til að ala börn, bæði í okkar eigin landi og erlendis.“

ZE07030420/JRJ

  05:09:17, Skrásetjari: Ragnar Geir Brynjólfsson   , 324 orð  
Flokkur: Þjóðfélagsrýni, Fastan

Af formælingum og dauðatáknum

Ungur vinur minn sagði við mig um daginn: „Íslensku krakkarnir í skólanum mínum blóta svo mikið. Þau nota ljót orð sem byrja á h, a og d. Af hverju hætta þau þessu ekki? Mér líður illa í skólanum þegar ég heyri þetta.“ Þessi ungi vinur minn sem hefur alið allan sinn aldur í kaþólsku kirkjunni er af erlendu bergi brotinn og honum hefur verið kennt að það sé ekki góð hegðun að blóta og formæla.

Read more »

05.03.07

  02:40:49, Skrásetjari: Jon Valur Jensson   , 97 orð  
Flokkur: Samkirkjuhreyfingin

Sameinast Þjóðkirkjan kaþólsku kirkjunni?

Um það var m.a. rætt í Silfri Egils í gær, og um það efni á ég nú alllanga grein á þessari Moggabloggsíðu minni og vísa hér með til hennar. En í Bretlandi og hinu alþjóðlega biskupakirkjusamfélagi (Anglican Church) er nú rætt af nokkurri alvöru (og að gefnum mörgum tilefnum) um hugsanlega sameiningu þess við kaþólsku móðurkirkjuna. Þjóðkirkjupresturinn Baldur Kristjánsson hefur nú gerzt opinber málsvari þess, að hans eigin kirkja "sameinist undir merkjum páfans í Róm." Þetta eru nokkur tíðindi, bræður og systur.

02.03.07

  00:05:59, Skrásetjari: Sr. Denis O'Leary   , 917 orð  
Flokkur: Greinar eftir Sr. Róbert Bradshaw (dó 1993)

BIBLÍAN - ORÐ GUÐS

Biblían er helgasta bók, sem rituð hefur verið. Hún hefur að geyma orð Guðs; hún segir okkur frá Guði og því, sem hann hefur kennt okkur. Í Biblíunni fræðumst við um þýðingu og tilgang lífsins; við lærum, hvað það er, sem Guð ætlast til af okkur; okkur eru kennd boðorð Guðs; við erum vöruð við því, að eftir dauðann bíður okkar dómur; við lærum um lífið eftir dauðann.

Biblían er raunar ekki ein bók, heldur safn bóka. Í henni eru alls 72 bækur. 45 þeirra voru ritaðar fyrir daga Krists, og nefnast Gamla testamentið. 27 bækur Biblíunnar voru ritaðar eftir daga Krists og nefnast Nýja testamentið.

Orðið "testamenti" merkir samningur eða sáttmáli, sem Guð gerir við mennina. Bókin Exodus, sem gjarnan er kölluð Önnur Mósebók, er þungamiðja og mikilvægasta bók Gamla testamentisins, því að hún greinir frá þeim sáttmála, eða því testamenti, sem Guð gerði við þjóð sína. Inntak hans er þetta: "Ef þið haldið boðorð mín, getið þið verið þess fullviss, að ykkur bíður eilíf hamingja. Þið eruð þjóð mín, og ég er Guð ykkar." Og síðan innsiglar hann þennan sáttmála með því að leiða þjóð sína, undir forystu Móse, út úr þrælahúsinu Egyptalandi inn í frelsi hins fyrirheitna lands.

Það er auðvelt að sjá, hvernig Nýja testamentið hefur hlotið nafn. Það greinir frá alveg nýju skipulagi eða sáttmála, þar sem Guð sendir, ekki aðeins spámann, heldur sinn eigin Son, til þess að deyja fyrir okkur á Golgata og frelsa okkur þannig úr þrældómi syndarinnar.

Mikilvægustu bækur Nýja testamentisins eru hin fjögur guðspjöll Matteusar, Markúsar, Lúkasar og Jóhannesar. Þau segja frá lífi og kenningum Jesú Krists, stofnun kirkjunnar og dauða og upprisu Jesú. Fimmta bókin í Nýja testamentinu, sem er Postulasagan, er sömuleiðis mjög þýðingarmikil, því að hún greinir frá komu hins Heilaga Anda og sögu frumkirkjunnar.

Hver ritaði Biblíuna? Það voru menn, sem Guð valdi sérstaklega til þess hlutverks. Sennilega hafa margir þeirra ekki gert sér grein fyrir því, að það væri Guð sjálfur, sem leiðbeindi þeim og stjórnaði við skriftirnar. Höfundarnir höfðu hver sinn eigin stíl, sín persónueinkenni og meira að segja sínar takmarkanir. En þeir voru innblásnir af Guði, svo að þau trúarlegu sannindi, sem þeir skrásettu, voru í raun og sannleika opinberun frá Guði. Þess vegna getum við sagt, að Biblían sé innblásið rit, hún sé Guðs orð.

En verðum við þá að trúa öllu, sem í Biblíunni segir? Eigum við, svo að dæmi sé tekið að trúa því að Guð hafi skapað heiminn á sjö dögum, eins og stendur í Biblíunni? Svarið er það, að við verðum að trúa því, sem Biblían segir, þegar hún greinir frá sannindum trúarinnar, og þar á meðal auðvitað opinberunum Guðs til mannanna og sögu hinnar útvöldu þjóðar hans. En Biblían var ekki skrásett sem vísindarit og gerir enga kröfu til þess að teljast nákvæm í vísindalegum efnum. Ef höfundur Genesis, sem gjarnar er nefnd Fyrsta Mósebók, ætlar sér að skýra út einhver þýðingarmikil sannindi um Guð, hikar hann ekki við að setja á blað ólíkindalega frásögn, til þess að einfalda mál sitt, alveg eins og kennari leggur áherslu á mikilvæga hluti, með því að segja börnunum dæmisögu. Þess vegna skipti það höfund Genesis ekki meginmáli, hvenær eða hvernig Guð skapaði heiminn. Aðalatriðin eru þau sem koma fram í lýsingu hans, að það hafi verið Guð, sem skapaði heiminn og alla hluti; að hann hafi skapað þetta úr engu; að sköpunarverk Guðs sé háð þeim reglum, sem hann ákvað; og að sköpun mannsins sé hápunkturinn í sköpunarverki Guðs.

Allir ættu að eiga Biblíuna og sýna henni mikla lotningu. Hún er heilög, vegna þess að hún er Guðs orð. Það er ekki aðeins, að hún segi sögu hinna andlegu forfeðra okkar - við skulum muna það, að við erum andlegir afkomendur Abrahams - heldur finnum við einnig í henni ljóslifandi frásögn um það, að Guð sjálfur elskar hvert og eitt okkar.

Heilagri ritningu er ekki ætlað það eitt að vera til skrauts. Við ættum öll að lesa hana að staðaldri. Þó að þú hafir kannski ekki ennþá vanið þig á þennan góða sið, er ekki orðið of seint að byrja. Mig langar til að stinga upp á því, að þú byrjir þá á Nýja testamentinu, sérstaklega guðspjöllunum, því að þau eru ekki aðeins mikilvægustu bækurnar í Biblíunni, heldur einnig þær fallegustu og áhrifamestu.

Það að lesa hina heilögu ritningu er áskorun til okkar; það er tilboð; hún er saga um ást. Hún er eins og fersk uppsprettulind í eyðimörk. Við skulum ekki láta okkur sjást yfir það að neyta vatnsins úr henni.

01.03.07

  10:47:59, Skrásetjari: Jón Rafn Jóhannsson, 467 orð  
Flokkur: Erlendar fréttir

Útgefandi og stofnandi tímarits fyrir lesbískar blökkukonur snýr baki við samkynheigð til að „gefa Guði hjarta sitt og sál – eftir Meg Jalsevac

Breytir markmiði tímarits síns til að hjálpa öðrum til að segja skilið við kynvillu

TRENTON, NJ., 28. febrúar 2007 (LifeSiteNews.com) – Charlene Cothran, atkvæðamikil lesbía úr baráttusveit blökkukvenna fyrir jafnrétti homma og lesbía og útgefandi vinsæls tímarits sem höfðar til virkra samkynhneigðra blökkumanna hugðist ekki breyta neinu áhrærandi líf sitt. Allt líf hennar og jarðneskur ávinningur átti sér djúpar rætur í samfélagi samkynhneigðra. En sökum áhrifa frá predikara einum sem ráðlagði Cothran að gefa Kristi hæfileika sína, þá hefur Cothran snúið baki við lífi sínu sem lesbía og helgað líf sitt því að hjálpa öðrum til að gera hið sama.

Read more »

28.02.07

  23:35:17, Skrásetjari: Sr. Denis O'Leary   , 164 orð  
Flokkur: María Guðsmóðir

María, konan sem Guð valdi

"María fæddi Jesú, son Guðs."

Þessi fáu orð fela í sér lofgjörð okkar til Maríu. María, konan sem Guð valdi til að gegna einstöku hlutverki í veraldarsögunni. Það var hlutverk hennar að vera móðir Messíasar.

Þetta var sagt fyrir af spámönnum Gamla testamentisins. Þeir sögðu að Messías kæmi til að frelsa fólk sitt og að hún myndi fæða hann. Og þannig gerðist þetta allt samkvæmt áformi Guðs. Engri annarri konu hefur nokkru sinni hlotnast annar eins heiður og sá sem Maríu hlotnaðist frá Guði.

Það var líka áform Guðs, að hlutverk Maríu sem móður skyldi ekki taka enda þegar Jesús sneri aftur til himnaríkis heldur yrði hún líka móðir fylgismanna Jesús. Þar erum við meðtalinn! Guð vill að við elskum hana sem okkar himnesku móður.

  17:56:00, Skrásetjari: Jón Rafn Jóhannsson, 2254 orð  
Flokkur: Hið Alhelga Hjarta Jesú, Guðrækni hins helgasta Hjarta Jesú í kirkju nútímans

Guðrækni hins Alhelga Hjarta Jesú í kirkju nútímans (12)

6. 13. FIMMTA TÍMASKEIÐIÐ (1956- ): NÚVERANDI TÍMASKEIÐ

Árið 1956 markaði straumhvörf í sögu guðrækni hins Alhelga Hjarta! Á þessu ári gaf Píus páfi XII út hið meistaralega skrifaða Hirðisbréf sitt „Haurietis Aquas – Um guðrækni hins Alhelga Hjarta,“ eftir að hafa talað um hið Alhelga Hjarta í fjölmörgum útvarpsþáttum sínum og annars staðar. Þar fjallaði hann ítarlega um grundvöll guðrækninnar í ljósi Ritninganna, kirkjufeðranna og helgisiðanna og hvatti fræðimenn til að rannsaka þetta efni nánar. Án þess að vanmeta hið mikla framlag hl. Margaret Marie Alacoque – sem hann sagði að skipaði „heiðurssæti“ fyrir að hafa glætt guðræknina – benti hann á þá staðreynd að bæði guðræknin og Hátíð hins Alhelga Hjarta hafi verið þekkt áður en hún kom til sögunnar.

Read more »

  10:08:41, Skrásetjari: Jón Rafn Jóhannsson, 1587 orð  
Flokkur: Erlendar fréttir

Klámvæðing stúlkubarna – eftir föður John Flynn

RÓM 27. febrúar 2007 (Zenit.org).– Óheilbrigð klámvæðing setur ungar sem eldri stúlkur í sífellt meiri hættu eru niðurstöður skýrslu sem gefin var út þann 19. febrúar s. l. á vegum American Psychological Association (APA). Skýrslan sem heitir „Report of the APA Task Force on the Sexualization of Girls," eru niðurstöður rannsókna á efni og áhrifum ýmsra fjölmiðla: Sjónvarps, tónlistarmyndbanda, sönglagatexta, tímarita, kvikmynda, tölvuleikja og Internetsins.

Rannsóknarhópurinn kannaði einnig áhrif auglýsingaherferða sem beinast að stúlkum.

„Við höfum nægileg gögn í höndum til að segja að kynvæðingin hefur neikvæð áhrif á ýmsum sviðum, bæði hvað áhrærir huglæga afstöðu, líkamlegt og sálrænt heilsufar og heilbrigða þróun kynlífsins,“ segir dr. Eileen Zurbriggen, stjórnandi rannsóknarhópsins og prófessor við sálfræðideild „The University of California,“ Santa Cruz, á blaðamannafundi í kjölfar útkomu skýrslunnar.

Read more »

  01:23:00, Skrásetjari: Jon Valur Jensson   , 439 orð  
Flokkur: Fósturvernd, Siðferði og samfélag, Kristindómur og stjórnmál

Að farga fóstri til að koma í veg fyrir vansælt líf síðar meir?

"Ég hef séð of mörg börn vansæl vegna þess að foreldrarnir hugsa ekki nógu vel um þau, viljum við virkilega bæta á þann fjölda?" Þannig spyr ung kona í langri umræðu um fósturdeyðingar á annarri vefsíðu í gær. Þetta svar birtist þar í gærkvöldi:

Kannski ekki endilega, en viljum við SAXA Á ÞANN FJÖLDA? Um það snýst spurningin á þessari vefsíðu.

Read more »

27.02.07

  23:36:25, Skrásetjari: Sr. Denis O'Leary   , 117 orð  
Flokkur: Dæmisögur og sögur II

Hann varð aldrei stærðfræðingur

Það var einu sinni stúdent sem vildi verða stærðfræðingur. Í nokkrar vikur sótti hann tímana samviskusamlega á hverjum degi og gerði heimavinnuna sína samviskusamlega á hverju kvöldi.

Einn daginn varð hann mjög þreyttur á allri tímasókninni og heimavinnunni. Hann sá að það var mjög erfið vinna að vera stærðfræðingur. Hann fletti í gegnum stærðfræðibókina sína og sá í fyrsta skipti að lausnirnar á dæmunum voru aftast í bókinni. Hann ákvað að framvegis skyldi hann aðeins skrifa niður lausnirnar í stað þess að eyða mörgum klukkutímum í að læra.

Auðvitað varð hann aldrei stærðfræðingur!

  23:26:16, Skrásetjari: Sr. Denis O'Leary   , 349 orð  
Flokkur: Til umhugsunar

Jesús heldur áfram að lækna í gegnum okkur!

Veikindi og þjáningar hafa alltaf verið meðal stærstu vandamála, sem fólk hefur orðið að horfast í augu við í lífinu. Þegar við erum alvarlega veik, verðum við fljótt vanmáttug og auðsæranleg. Við verðum hrædd. Og þegar við erum mjög veik, finnum við stundum fyrir návist dauðans.

Vanheilsa getur gert okkur reið, þunglynd og bitur. Stundum snúumst við gegn Guði þegar við erum veik, vegna þess að við sökum hann.

En vanheilsa getur líka haft gagnstæð hrif. Hún getur hjálpað okkur til að þroskast, svo að við sjáum skýrar hvað er mikilvægt og hvað ekki í lífi okkar. Mjög oft getur vanheilsan hvatt okkur til að leita að Guði og snúa okkur til hans.

Samúð Jesú með hinum sjúku og hinar mörgu lækningar hans eru tákn um það að Guð vakir yfir okkur og lætur sér annt um okkur. Frelsari okkar læknar ekki aðeins líkamann með því að taka burt sjúkdóma. Hann læknar líka sálir okkar með því að taka burt syndina. Samúð hans gagnvart öllum sem þjást gengur svo langt að hann gerir jafnvel þeirra þjáningar að sínum eigin. "Ég var sjúkur og þér vitjuðuð mín."

Ást Jesú á hinum sjúku hefur varðveist um aldir í kirkjunni. Fyrst í klaustrunum, þar sem hinir sjúku fundu skjól. Seinna helguðu margar prestareglur og nunnureglur sig því að annast sjúka.

Til að finna dæmi um það þurfum við ekki að leita mjög langt. Við þurfum aðeins að minnast þess að þrjú af sjúkrahúsunum hér á Íslandi voru í mörg ár rekin af Sankti Jósefs systrum og Fransiskus systrum. Þessar systur og þúsundir fleiri víðsvegar um heim hafa helgað æfi sína því að hjálpa sjúkum. Þær feta í fótspor Jesú.

Jesús heldur áfram að kenna, lækna og þjóna — í gegnum okkur!

  14:12:36, Skrásetjari: Jón Rafn Jóhannsson, 1746 orð  
Flokkur: Fóstureyðingar og vernd

Staðreyndir um áhættuna sem fósturdeyðingar hafa fyrir táningsstúlkur

Grein þessa fékk ég senda frá „The Elliot Institute“ í New York. Hún er úr fréttablaði þeirra: Vol. 6, No. 4 -- Feb. 26, 2007. Engar sambærilegar íslenskar rannsóknir eru fyrir hendi, en ekki er ólíklegt að táningsstúlkur á Íslandi séu gæddar sömu sál og sálarlífi og jafnaldrar þeirra í Bandaríkjunum. Í reynd eru margar rannsóknarniðurstöðurnar byggðar á gögnum frá Norðurlöndunum 

Sjálfsmorðstilraunir 6 sinnum líklegri

Táningsstúlkur eru 6 sinnum líklegri til að reyna sjálfsmorð á síðustu sex mánuðum meðgöngu en þær sem ekki hafa farið í fósturdeyðingu [1]

Táningsstúlkur eru 4 sinnum líklegri til að fremja sjálfsmorð en fullorðin kona sem fer í fósturdeyðingu, [2] og fósturdeyðing tengist iðulega hugsunum um sjálfsmorð meðal fullorðinna kvenna [3]

Sjálfsmorðstíðni meða kvenna sem hafa farið í fósturdeyðingu er 6-7 sinnum hærri meðal kvenna sem hafa farið í fósturdeyðingu. [4]

Táningsstúlkur sem fara í fósturdeyðingu eru líklegri til að glíma við sálræn vandamál [5] og það er þrisvar sinnum líklegra að þær verði að leggjast inn á geðsjúkrahús en táningsstúlkur almennt. [6]

Read more »

  11:31:37, Skrásetjari: Jón Rafn Jóhannsson, 2517 orð  
Flokkur: Hið Alhelga Hjarta Jesú, Guðrækni hins helgasta Hjarta Jesú í kirkju nútímans

Guðrækni hins Alhelga Hjarta Jesú í kirkju nútímans (11)

6. 8. ÖLD ERFIÐRAR BARÁTTU

Erfiðustu hundrað árin í sögu guðrækninnar komu í kjölfar þessara vitrana! Hl. Margaret Marie þjáðist vegna þess að hún var misskilin í tíu ár áður en hennar eigin regla samþykkti þann boðskap sem Kristur hafði fært henni í hendur. Sjálfur gaf Drottinn til kynna, að það yrði blessaður Claude da Columbiere (1641-1682) og Félag Jesú (Jesúítarnir) sem myndu breiða guðræknina út með sérstökum hætti.

Andstæðan kom úr mörgum áttum í senn. Sumt mátti rekja til biskupa þeirra og presta sem aðhylltust Jansenismann með hinni einstrengingslega afstöðu sinni til Guðs. Sumt mátti rekja til vaxandi frjálshyggju, skynsemishyggju og guðleysis sem lífsafstöðu og þjóðfélagsviðmiðun, annað til þess að inntak guðrækninnar þarfnaðist í upphafi nákvæmari skilgreininga bæði í ljósi Ritningarinnar og guðfræðinnar. Sumt mátti rekja til þess að inntak vitrananna var túlkað frjálslega og annað til þess að „allt nýtt“ var litið tortryggnisaugum í kjölfar siðaskiptanna. Nokkrum sinnum kom það fyrir að hið heilaga Sæti vísaði á bug beiðnum um að guðræknin nyti opinberrar viðurkenningar á árabilinu 1697 til 1765. Engu að síður tóku leikmenn guðrækninni opnum örmum í persónulegu bænalífi sínu ásamt fjölmörgum prestum og meðlimum í trúarreglunum. (Leikmennirnir tóku engan þátt í andstöðu klerkastéttarinnar!).

Read more »

26.02.07

  17:51:14, Skrásetjari: Jón Rafn Jóhannsson, 232 orð  
Flokkur: Erlendar fréttir

Finnið elsku Guðs í Kristi krossfestum, segir páfi

Hvetur hina trúðu til að horfa til síðusársins á föstutímanum

VATÍKANIÐ, 25. febrúar 2007 (Zenit.org).– Benedikt XVI hvetur alla kristna menn til að sannreyna elsku Guðs með því að íhuga Krist krossfestan.

Þannig komst páfi að orði í dag, fyrsta sunnudaginn í föstu, áður en hann bað Englabænina ásamt mannfjöldanum sem safnast hafið saman á Péturstorginu. Hann greindi fólkinu frá einkunnarorðum þessarar föstu: „Þeir munu horfa til þess sem þeir gegnumstungu.“

Read more »

1 ... 18 19 20 ...21 ... 23 ...25 ...26 27 28 ... 46

Síðustu pistlar

Kirkju.net er óháð vefrit sem inniheldur aðallega efni tengt kaþólskri trú en einnig um trúmál almennt. Markmiðið er að miðla fróðleik og stuðla að skoðanaskiptum og umræðu innan kaþólsku kirkjunnar á Íslandi sem og að kynna kaþólsku kirkjuna fyrir þeim sem utan hennar eru. Aðalsíða vefritsins sækir pistla inn á bloggsíður og skrifa höfundar hvers bloggs pistla sem hafa kaþólskt eða annað trúarlegt efni sem meginþema. Skoðanir settar fram í pistlunum eru höfundanna sjálfra og ber ekki að túlka þær sem skoðanir trúfélaga eða annarra bloggara. Höfundar bera ábyrgð á efni sem þeir birta á sínu bloggi. Athugasemdir við pistlana eiga að vera á íslensku, málefnalegar og fullt nafn höfundar á að koma fram. Athugasemdum er ritstýrt af höfundi hvers bloggs fyrir sig. Gestapennar innan eða utan kaþólsku kirkjunnar eru einnig velkomnir að senda inn greinar sem eru birtar undir „Ýmsir höfundar.“

Leit

Flokkur

Sr. Denis O'Leary

Kirkjuvefbók Ragnars

Jón Valur Jensson

Ýmsir höfundar

Jón Rafn Jóhannsson

Kirkju.net

  XML Feeds

blog software