Vegurinn til fullkomleikans er leiðbeiningarrit í bænalífinu sem Teresa samdi fyrir dætur sínar í Karmel. Það er Faðirvorið sem hún gerir að grundvelli uppfræðslu sinnar. Í sextánda kafla ritsins má sjá kafla sem margir telja eitt af því fegursta sem hún skrifaði. Þar líkir hún sálinni við drottningu á taflborði sem mátar konunginn með auðmýkt sinni.

Íhuganir um Ljóðaljóðin eru hugleiðingar Teresu um nokkur vers Ljóðaljóðanna. Andlegir vitnisburðir greina frá ýmsum yfirskilvitlegum atvikum úr lífi hennar. Andvörp sálarinnar frammi fyrir Guði gefa okkur innsýn inn í bænalíf þessarar heilögu konu.