Blaðsíður: 1 2 ...3 ... 5 ...7 ...8 9 10 11 12 ... 13

18.07.10

  19:51:14, Skrásetjari: Ragnar Geir Brynjólfsson   , 96 orð  
Flokkur: Helgir staðir á Íslandi

Krosshólaborg

„Landnámskonan Auður djúpúðga nam land í Dalasýslu og reisti bæinn Hvamm. Hún var kristin og segir sagan að hún hafi reist kross á Krosshólaborg og farið þangað til að biðja.

Kvenfélagskonur í Dölum reistu minnisvarða, steinkross um Auði djúpúðgu árið 1965. Við það tækifæri var útimessa við krossinn og mættu 600 manns. Sumarið 2008 var sett upp söguskilti á staðnum. Krosshólaborg er 17 km. fyrir norðan Búðardal við veg nr. 590.“ [1]

Öll færslan - smellið hér til að lesa alla færsluna »

16.07.10

  22:12:56, Skrásetjari: Ragnar Geir Brynjólfsson   , 97 orð  
Flokkur: Samkirkjuleg málefni, Trúin og menningin

Skálholtshátíð verður helgina 17.-18. júlí

Skálholtshátíð verður dagana 17. og 18. júlí en hún er haldin þann sunnudag sem næstur er Þorláksmessu á sumri sem er 20. júlí. Þann dag árið 1198 voru bein Þorláks biskups helga Þórhallssonar tekin úr jörðu og skrínlögð.

Öll færslan - smellið hér til að lesa alla færsluna »

  18:24:05, Skrásetjari: Ragnar Geir Brynjólfsson   , 63 orð  
Flokkur: Bænir

Hin Drottinlega bæn Faðir vor

Faðir vor, þú sem ert á himnum.
Helgist þitt nafn; komi þitt ríki;
verði þinn vilji, svo á jörðu sem á himni.
Gef oss í dag vort daglegt brauð;
og fyrirgef oss vorar skuldir,
svo sem vér og fyrirgefum vorum skuldunautum;
og eigi leið þú oss í freistni,
heldur frelsa oss frá illu.
Amen.

Úr bókinni Bænakver, bls. 9. Útg. Kaþ. kirkjan á Íslandi 2004.

13.07.10

  18:52:13, Skrásetjari: Ragnar Geir Brynjólfsson   , 62 orð  
Flokkur: Pílagrimsferðir, Altarissakramentið

Thor Vilhjálmsson gekk pílagrímsgöngu til Santiago de Compostela

Fréttablaðið greinir frá því í dag á forsíðu að Thor Vilhjálmsson skáld hafi gengið um 800 km. leið árið 2005 í pílagrímsgöngu til Santiago de Compostela á Spáni. Kvikmyndatökulið fylgdi Thor á göngunni og verður kvikmynd um förina frumsýnd í Teatro Principal í hjarta Santiagoborgar 29. júlí. Frumsýningar á Íslandi eru fyrirhugaðar í kvikmyndahúsi í haust og fram eftir vetri.

Fréttablaðið 13. júlí 2010, forsíða og bls. 18.

  10:34:00, Skrásetjari: Ragnar Geir Brynjólfsson   , 221 orð  
Flokkur: Fjölmiðlarýni

RÚV og mbl.is tengja pólitíska óeirðaseggi við kaþólska trú

Í sjónvarpsfréttum RÚV í gærkvöldi var greint frá óeirðum á N-Írlandi. Í fréttinni var greint frá því að „kaþólikkar“ hefðu kveikt í brennum í borginni. Nokkuð lengra gekk mbl.is í fyrirsögn fréttar: „Kaþólikkar köstuðu bensínsprengjum að göngu Óraníu-manna“. Helstu fjölmiðlar í Bretlandi ganga ekki einu sinni svo langt að tengja óeirðaseggina beint við hinar pólitísku fylkingar þjóðernissinna eða sambandssinna. Breska ríkisútvarpið BBC talar um þjóðernissinnaða mótmælendur (nationalist protesters) [1], Telegraph talar um grímuklædda mótmælendur [2] (masked protesters) og Guardian um óreirðaseggi [3] (rioters from the nationalist Ardoyne) og Independent um grímuklædda mótmælendur (masked protestors) [4]

Öll færslan - smellið hér til að lesa alla færsluna »

11.07.10

  10:16:02, Skrásetjari: Ragnar Geir Brynjólfsson   , 63 orð  
Flokkur: Kaþólska kirkjan á Íslandi, Trúarleg tónlist og textar

Sumartónleikar í Dómkirkjunni Landakoti í júlí og ágúst

Í fyrra voru haldnir nokkrir stuttir orgeltónleikar á hádegi á miðvikudögum í Kristskirkju í Landakoti. Vegna góðar reynslu af þeim hefur verið ákveðið að halda þeim áfram sumarið 2010. Líkt og í fyrra hefjast tónleikarnir kl. 12 á hádegi á miðvikudögum í júlí og ágúst og standa til kl. 12.30. Aðgangur er ókeypis en tekið verður við frjálsum framlögum við innganginn.

Úr Kaþólska kirkjublaðinu nr. 6-8, 2010, bls. 18.

07.07.10

  08:50:46, Skrásetjari: Ragnar Geir Brynjólfsson   , 140 orð  
Flokkur: Dulhyggja, Trúarleg tónlist og textar

„Fagur er söngur í himnahöll“

„Forfeður vorir, einkum lærðu mennirnir, höfðu hinar mestu mætur á söng og hljóðfæraleik; sjest það meðal annars á því að þar sem fornritin minnast á sælu annars lífs í himnaríki, láta þau hana einkum vera fólgna í því, að hlusta á sætan englasöng og allskonar fagurlega leikin hljóðfæri.

Öll færslan - smellið hér til að lesa alla færsluna »

04.07.10

  08:28:18, Skrásetjari: Ragnar Geir Brynjólfsson   , 113 orð  
Flokkur: Erlendar fréttir úr heimi kirkjunnar

Benedikt páfi: „Efnahagslífið ætti að taka tillit til almannaheilla“

Úr Kaþólska kirkjublaðinu. Nýlega sagði hinn heilagi faðir í ávarpi: „Efnahagshrun heimsins hefur sýnt fram á hversu brothætt núverandi efnahagskerfi er og þær stofnanir sem því tengjast. Í stað þess að tengjast framleiðslu og neyslu samkvæmt þröngt skilgreindum mannlegum þörfum ætti efnahagslífið að draga dám af mannlegri ábyrgð og innviðir þess ættu að stuðla að virðingu mannsins, almannaheill og raunverulegri þróun, á sviði stjórnmála, menningar og andlegra málefna - hjá einstaklingum, fjölskyldum og samfélagi.“

Öll færslan - smellið hér til að lesa alla færsluna »

25.06.10

  08:44:34, Skrásetjari: Ragnar Geir Brynjólfsson   , 52 orð  
Flokkur: Bænir

Keltnesk bæn

Í gær sá ég ókunnugan mann.
Ég lagði mat á borð,
hellti vatni í glas,
lék ljúfa tónlist honum til ánægju.
Í nafni heilagrar þrenningar
blessaði hann mig og húsið mitt,
bú og ástvini alla,
og lævirkinn söng í hreiðri sínu:
Oft, oft, oft kemur Kristur dulbúinn
sem ókunnugur maður.

Heimild: http://ornbardur.annall.is.

23.06.10

  22:23:36, Skrásetjari: Ragnar Geir Brynjólfsson   , 70 orð  
Flokkur: Trúarleg tónlist og textar

Dana með þætti á EWTN

Margir lesenda munu kannast við írsku söngkonuna Dönu (Dana Rosemary Scallon) sem sigraði í söngvakeppni Evrópskra sjónvarpsstöðva árið 1970 með laginu „All kinds of everything.

Núna er Dana með þætti á kaþólsku sjónvarpsstöðinni EWTN þar sem hún syngur trúarlega tónlist. Hægt er að horfa á stöðina í beinni útsendingu á netinu. Vefsíða Dönu er hér. Til að sjá yfirlit yfir þættina er hægt að smella á „Dana & friends on EWTN“.

17.06.10

  12:50:11, Skrásetjari: Ragnar Geir Brynjólfsson   , 153 orð  
Flokkur: Helgir menn, Kaþólska kirkjan á Íslandi, Altarissakramentið, Trúarleg tónlist og textar

„Drottins móðir, milda og góða.“ Hugleiðing um fjallkonuna

Drottins móðir, milda og góða,
mesta og besta líknin þjóða.
Hreinsa þú mitt hjarta af syndum,
hreinsa í þínum náðarlindum.

Aðeins þú færð þerrað tárin,
þú færð læknað stærstu sárin.
Hvar, sem stígur fæti á foldu,
fögur blóm þar rísa úr moldu.

Gamall sálmur. [1]

Öll færslan - smellið hér til að lesa alla færsluna »

14.06.10

  17:57:25, Skrásetjari: Ragnar Geir Brynjólfsson   , 207 orð  
Flokkur: Kaþólska kirkjan á Íslandi

Biskupsmessa á Djúpavogi: Þangbrands minnst

Úr Kaþólska kirkjublaðinu: Á för sinni um Austurland nýlega stansaði Reykjavíkurbiskup Pétur Bürcher á Djúpavogi og las messu. Það er líklega í fyrsta skipti eftir siðaskipti sem kaþólskur biskup messar þar. Í nágrenni Djúpavogs er sögufrægur staður úr kristnisögu Íslands. Árið 998 (eða 999) sendi Ólafur Tryggvason Noregskonungur trúboðsbiskupinn Þangbrand til Íslands til þess að boða þar kristna trú. Fyrst reyndi Þangbrandur að lenda skipi sínu í Berufirði á Austurlandi en mætti þar hvarvetna andstöðu íbúanna.

Öll færslan - smellið hér til að lesa alla færsluna »

13.06.10

  19:50:25, Skrásetjari: Ragnar Geir Brynjólfsson   , 141 orð  
Flokkur: Fjölmiðlarýni, Erlendar fréttir úr heimi kirkjunnar, Trúin og menningin

Erkibiskup kallar eftir rafrænum vitnisburði

Úr Kaþólska kirkjublaðinu: „Nú á tímum þarfnast heimurinn rafrænna vitna sem geta boðað fagnaðarerindið og leitt samræður við önnur trúarbrögð á netinu“. Þetta sagði Celli erkibiskup forseti Postullegs fjölmiðlunarráðs nýlega í ávarpi til þátttakenda á ráðstefnunni „Digital Witnesses: Faces and Languages in the Cross-Media Age“: „Nú á tímum er líkt og við séum að kanna nýjan heim.

Öll færslan - smellið hér til að lesa alla færsluna »

10.06.10

  06:53:06, Skrásetjari: Ragnar Geir Brynjólfsson   , 77 orð  
Flokkur: Pílagrimsferðir

Sýndarferð í Laterankirkjuna í Róm

Á vefnum má finna athyglisverða vefsíðu þar sem gestum býðst að fara í sýndarferð um basilíku hl. Jóhannesar Lateran í Róm. Þegar á síðuna er komið sést yfirlitsmynd af kirkjunni og er hægt að smella á staði til að skoða. Eftir smá bið birtist nærmynd af staðnum sem hægt er að hreyfa með mús, færa sjónarhorn til hægri eða vinstri eða að/frá til að skoða smáatriði eða fá yfirlitsmynd. Þegar myndin birtist heyrist kirkjutónlist.

Vefslóðin er: http://www.vatican.va/various/basiliche/san_giovanni/vr_tour/index-en.html

05.06.10

  20:29:30, Skrásetjari: Ragnar Geir Brynjólfsson   , 116 orð  
Flokkur: Bænir

Sekvensía

Kom þú, Heilagur Andi,
og send ljósgeisla þinn
frá himnum.

Kom þú, faðir fátækra,
þú gjafari gæðanna
og ljós hjartnanna.

Hjálparinn besti,
ljúfi gestur sálarinnar,
ljúfa hressing hennar.

Öll færslan - smellið hér til að lesa alla færsluna »

28.05.10

  21:54:24, Skrásetjari: Ragnar Geir Brynjólfsson   , 290 orð  
Flokkur: Bænir

Sólarsöngur hl. Frans frá Assisi

Sólarsöngurinn

Þú hinn æðsti, almáttugi, góði Drottinn,
þín er öll lofgerð, vegsemd, heiður og blessun öll,
allt ber þetta þér einum, þú hinn hæsti
og enginn maður er þess verður að nefna þig.

Öll færslan - smellið hér til að lesa alla færsluna »

26.05.10

  22:12:15, Skrásetjari: Ragnar Geir Brynjólfsson   , 60 orð  
Flokkur: Bænir

Blessunarorð hl. Frans frá Assisi

Drottinn blessi þig og varðveiti þig.
Drottinn láti sína ásjónu lýsa yfir þig og sé þér náðugur.
Drottinn upplyfti sínu augliti yfir þig og gefi þér frið.
Drottinn blessi þig.

Amen.

Áletrun á bókamerkimiða sem fylgdi með bókinni: „Hl. Frans frá Assisi, ævi hans og starf.“ Höf. Friðrik J. Rafnar. Torfi Ólafsson bjó undir prentun. Útg. kaþ. kirkjan á Íslandi 1979.

20.05.10

  21:44:04, Skrásetjari: Ragnar Geir Brynjólfsson   , 389 orð  
Flokkur: Kaþólska kirkjan á Íslandi

Umsögn Reykjavíkurbiskups um frumvarp til hjúskaparlaga

Á vefsvæði Alþingis er að finna samantekt umsagna um mál nr. 485 sem er frumvarp til laga um breytingar á hjúskaparlögum. Á vefsíðunni sem er í stafrófsröð eftir sendendum erindanna má finna umsögn Kaþólsku kirkjunnar á Íslandi um frumvarpið. Þessa umsögn gefur herra Pétur Bürcher Reykjavíkurbiskup.

Umsögnin byrjar á því að biskupinn þakkar fyrir að fá að gefa álit sitt á frumvarpinu en furðar sig jafnframt á frumvarpinu sem „felur í sér rangar hugmyndir um gildi mannlegs kynferðis og hjónabandið.“ Biskup rökstyður þessa afstöðu með vísanir í Ritninguna, hirðisbréf páfa, rit Annars Vatíkanþingsins, Trúfræðslurit kirkjunnar og segir:

Öll færslan - smellið hér til að lesa alla færsluna »

16.05.10

  10:52:34, Skrásetjari: Ragnar Geir Brynjólfsson   , 47 orð  
Flokkur: Lífsvernd

Fósturverndarsjónarmið ná yfirhöndinni í Bandaríkjunum

Annað árið í röð eru fleiri Bandaríkjamenn sem styðja fósturverndarsjónarmið en hinir sem styðja frjálsar fósturdeyðingar eða 47% á móti 45%. Þetta kemur fram á vefsíðu Gallup. Þetta er mikill viðsnúningur frá því á 10. áratugnum þegar hlutföllin voru 56% á móti 33% fósturvernd í óhag.

Sjá hér á vefsíðu Gallup: http://www.gallup.com/poll/128036/New-Normal-Abortion-Americans-Pro-Life.aspx

15.05.10

  14:54:54, Skrásetjari: Ragnar Geir Brynjólfsson   , 131 orð  
Flokkur: Bænir

Friðarbæn eignuð hl. Frans frá Assisi

Drottinn, ger þú mig að farvegi friðar þíns,
svo að ég færi kærleika þangað sem hatur er,
fyrirgefningu þangað sem móðgun er,
einingu þangað sem sundrung er,
sannleika þangað sem villa er,
trú þangað sem efi er,
von þangað sem örvænting er,
ljós þangað sem skuggi er,
gleði þangað sem harmur er.

Veit þú, Drottinn,
að ég sækist fremur eftir að hugga en láta huggast,
skilja en njóta skilnings,
elska en vera elskaður,
því að okkur gefst ef við gefum,
við finnum sjálf okkur ef við gleymum okkur sjálfum,
okkur fyrirgefst ef við fyrirgefum
og fyrir dauðann fæðumst við til eilífs lífs.

Amen.

Tekið af bókamerkimiða innan úr bókinni: „Hl. Frans frá Assisi, ævi hans og starf.“ Höf. Friðrik J. Rafnar. Torfi Ólafsson bjó undir prentun. Útg. kaþ. kirkjan á Íslandi 1979.

09.05.10

  10:15:32, Skrásetjari: Ragnar Geir Brynjólfsson   , 172 orð  
Flokkur: Tilbeiðsla

Íhugunarefni rósakransins: Fögnuður - þjáning - dýrð

Hinum svonefndu leyndardómum (e. mysteries) eða íhugunarefnum rósakransins má skipta í þrjá flokka; fagnaðarrík, þjáningarfull og dýrðleg. Þessi skipting hefur varað lengi en Jóhannes Páll II páfi bætti árið 2002 við hinum skíru íhugunarefnum og verður ekki fjallað um þau hér. Hin hefðbundna skipting íhugunarefna er þannig að á mánudögum, fimmtudögum eru fagnaðarrík íhugunarefni, á þriðjudögum og föstudögum eru þjáningarfull íhugunarefni en á miðvikudögum og laugardögum eru dýrðleg íhugunarefni.

Öll færslan - smellið hér til að lesa alla færsluna »

10.04.10

  13:02:40, Skrásetjari: Ragnar Geir Brynjólfsson   , 254 orð  
Flokkur: Trúarleg tónlist og textar

„Friðsæld í dalnum“ - ísl. söngtexti við þekkt lag

Sumir lesenda kannast kannski við lagið „Peace in the Valley“. Lag þetta er samið 1937 af Thomas A. Dorsey fyrir blökkusöngkonuna Mahalia Jackson. Lagið náði miklum vinsældum árið 1951 í flutningi Red Foley and the Sunshine Boys og náði 7. sæti yfir mest seldu sveitasöngvaplöturnar vestra það árið. Þetta er eitt fyrsta gospellagið sem náði mikilli útbreiðslu.

Öll færslan - smellið hér til að lesa alla færsluna »

09.04.10

  21:00:18, Skrásetjari: Ragnar Geir Brynjólfsson   , 246 orð  
Flokkur: Erlendar fréttir úr heimi kirkjunnar

Fyrrum Þrándheimsbiskup hætti vegna ákæru um barnaníð

RÚV greindi frá því í fyrradag að Georg Müller, fyrrverandi biskup kaþólsku kirkjunnar í Þrándheimi í Noregi hefði viðurkennt að hafa beitt dreng kynferðislegu ofbeldi. [1]. Fleiri upplýsingar um þetta mál má finna á vef kaþólsku kirkjunnar í Noregi [2] og á vef blaðsins adressa.no [3 og 4]. Samkvæmt adressa.no átti atvikið sér stað gagnvart kaþólskum dreng, altarisþjóni þegar Müller var prestur í Þrándheimi í byrjun 10. áratugarins.

Öll færslan - smellið hér til að lesa alla færsluna »

31.03.10

  23:27:29, Skrásetjari: Ragnar Geir Brynjólfsson   , 209 orð  
Flokkur: Kenning kirkjunnar

Átti Jesús bræður?

Til eru þeir sem segja að svo sé og nefna tilvitnanir í ritningartexta þar sem talað er um bræður Jesú (t.d. Jóh. 7:3 eða 7:10), þrátt fyrir að vitað sé að í ýmsum málum og siðum þjóða tíðkist að kalla frændur bræður. Áðan var ég að horfa á endursýndan sjónvarpsþátt á EWTN frá því á föstunni 1995 þar sem móðir Angelica kom inn á þetta atriði. Hún ræddi um stöðu Maríu móður Jesú við krossinn. Í Jóhannesarguðspjalli 19:26 segir svo frá þegar hann ávarpar hana:

Þegar Jesús sá móður sína standa þar og lærisveininn, sem hann elskaði, segir hann við móður sína: „Kona, nú er hann sonur þinn.“ Síðan sagði hann við lærisveininn: „Nú er hún móðir þín.“ Og frá þeirri stundu tók lærisveinninn hana heim til sín.

Finnst einhverjum trúlegt að ætla út frá þessum texta að Jesús hefði mælt svo fyrir ef hann hefði átt bræður? Ávarpið „kona“ kemur til vegna tengingar við sköpunarsöguna og syndafallið en í 1. Mósebók er talað um konuna sem höggormurinn tælir. Með þessu orðavali er Jesús því ekki að tala niður til móður sinnar heldur að vísa til þess að hún er farvegur endurlausnarinnar og því andhverfa Evu sem varð verkfæri höggormsins. Einhvern veginn svona komst móðir Angelica að orði og er þetta endursögn eftir minni.

22.02.10

  20:59:06, Skrásetjari: Ragnar Geir Brynjólfsson   , 72 orð  
Flokkur: Kaþólska kirkjan á Íslandi

Föstusöfnunin rennur til Haítí

Kaþólska kirkjublaðið greinir frá því að hin árlega föstusöfnun muni fara fram í öllum kaþólskum kirkjum og kapellum á Íslandi á pálmasunnudag, 28. mars nk. Að þessu sinni mun söfnunarféð renna til fórnarlamba jarðskjálftans mikla á Haítí.

Benedikt páfi XVI hefur undanfarið lagt mikla áherslu á að Haítíbúum verði komið til hjálpar. Þeir sem vilja styðja þessa söfnun geta lagt inn á reikning Caritas á Íslandi: 513-14-202500, kennitala: 591289-1369.

RGB. Heimild: Kaþólska kirkjublaðið nr. 3, 2010 bls. 8.

15.02.10

  20:56:18, Skrásetjari: Ragnar Geir Brynjólfsson   , 289 orð  
Flokkur: Kirkjuárið, Fastan

Fastan hefst á öskudag

Systir Catharina Broomé skrifar í bók sinni Kaþólskur siður [1]:
„Jesús hvatti okkur til að fasta, gefa ölmusu og biðja og sjálfur fastaði hann fjörutíu daga í eyðimörkinni, eins og aðrir helgir menn í Biblíunni. Fjörutíu daga fasta kirkjunnar hefst á öskudegi og stendur yfir til páska. Biskupinn tilkynnir fólkinu reglurnar um föstutímann en þegar á heildina er litið er hverjum manni í sjálfsvald sett hvernig hann innir föstuna af hendi.

Öll færslan - smellið hér til að lesa alla færsluna »

01.01.10

  22:56:13, Skrásetjari: Ragnar Geir Brynjólfsson   , 105 orð  
Flokkur: Trúarleg tónlist og textar

Gaudete, gaudete! Christus est natus

Morgunblaðið greindi frá því á gamlársdag að Tim Hart, stofnandi bresku þjóðlagarokksveitarinnar Steeleye Span hafi látist 61 árs að aldri. Þess er getið hér því annað af tveim vinsælustu lögum þeirrar sveitar var latneski jólasálmurinn Gaudete. Gaudate birtist í Piae Cantiones, safni finnskra og sænskra sönglaga sem gefið var út 1582. Smáskífa með flutningi sveitarinnar á Gaudete náði 14. sæti á breska smáskífulistanum árið 1973.

Öll færslan - smellið hér til að lesa alla færsluna »

30.12.09

  09:17:44, Skrásetjari: Ragnar Geir Brynjólfsson   , 410 orð  
Flokkur: Trúarleg tónlist og textar

Gloria eftir Vivaldi

Ítalska tónskáldið Antonio Vivaldi (1678 – 1741) er líklega einna best þekktur fyrir verk sitt Árstíðirnar. Hann samdi einnig kirkjutónlist enda hafði hann tekið prestvígslu þó svo hann starfaði sem tónlistarkennari. Eitt þekktasta verk hans á því sviði er líklega verkið Gloria.

Öll færslan - smellið hér til að lesa alla færsluna »

24.12.09

  20:16:19, Skrásetjari: Ragnar Geir Brynjólfsson   , 1215 orð  
Flokkur: Dulhyggja, Jólin, Opinberanir

„Í hellinum í Betlehem“

Frásögn sjáandans hinnar blessuðu Anna Katharina Emmerick (1774-1824). Þetta er endurbirtur pistill sem birtist áður hér á vefsetrinu 21.12. 2006

„Sólin var næstum hnigin til viðar þegar þau komu að opi hellisins. Asnamerin unga sem hafði hlaupið frá þeim við hús forfeðra Jósefs var komin þangað og hoppaði glaðlega í kringum þau. 'Sjáðu,' sagði hin blessaða meyja við Jósef, 'það er greinilega Guðs vilji að við förum hérna inn'. Jósef var aftur á móti mjög miður sín og á laun skammaðist hann sín fyrir að hafa talað svo oft um hinar góðu móttökur í Betlehem.

Öll færslan - smellið hér til að lesa alla færsluna »

21.11.09

  20:51:56, Skrásetjari: Ragnar Geir Brynjólfsson   , 105 orð  
Flokkur: Páfinn

„Tónlistin getur orðið að bæn“

Kaþólska kirkjublaðið greinir frá því að Benedikt páfi XVI hafi sagt að tónlistin væri tungumál sem stuðlaði að betri skilningi og samvinnu manna á meðal.

„Tónlistin er hluti menningarinnar og við getum sagt að hún sé fylgifiskur sérhverrar mannlegrar reynslu, frá sársauka til ánægju, frá hatri til ástar, frá sorg til gleði, frá dauða til lífs.“ [1]

„..upphafin tónlist veitir andanum hvíld, kveikir sannar kenndir og laðar okkur á eðlilegan hátt til að lyfta huga og hjarta í hæðir til Guðs við sérhverjar aðstæður mannlegrar tilveru, hvort heldur í gleði eða sorg. Tónlistin getur orðið að bæn.“ [2]

--
[1-2] Tilvitnanir í Páfa. Heimild: Kaþólska kirkjublaðið, 19. árg. 12. tbl. bls. 3

19.11.09

  20:39:18, Skrásetjari: Ragnar Geir Brynjólfsson   , 100 orð  
Flokkur: Kaþólska kirkjan á Íslandi, Jólafasta (aðventa), Trúarleg tónlist og textar

Aðventutónleikar í dómkirkju Krists konungs

Aðventutónleikar verða í dómkirkju Krists konungs í Landakoti 6. desember í samstarfi kórs Kristskirkju og gamla Skálholtskórsins. Tónleikarnir hefjast kl. 14.

Stjórnandi er Hilmar Örn Agnarsson. Strengjasveit leikur undir stjórn Hjörleifs Valssonar. Einsöngvarar eru Sigrún Hjálmtýsdóttir, Egill Ólafsson og Sigurlaug S. Knudsen. Flutt verða trúarleg verk og jólalög. Aðgangseyrir er 2500 kr. Miðar verða seldir á midi.is.

Á tónleikunum verður frumflutt nýtt lag eftir Atla Heimi Sveinsson sem er sérstaklega samið fyrir hinn sameinaða kór Kristskirkju og Skálholtskórinn. Ef eftirspurn verður umfram sætaframboð í kirkjunni verða haldnir aukatónleikar kl. 20 sama dag, 6. desember.

Heimildir: Kaþólska kirkjublaðið 19. árg, nr. 12 bls. 4. Sunnlenska fréttablaðið 19. árg. 46. tbl. bls. 13.

18.11.09

  21:53:37, Skrásetjari: Ragnar Geir Brynjólfsson   , 277 orð  
Flokkur: Erlendar fréttir úr heimi kirkjunnar

Filippseyjar: Áform um niðurrif fátækrahverfa

Asianews greinir frá því að stjórnvöld á Filippseyjum áformi að rífa fátækrahverfi í úthverfum Manila vegna flóðahættu.

Áætlað er að um 400 þúsund manns missi heimili sín. Rosales kardínáli sem jafnframt er erkibiskup í Manila gagnrýnir að ekki skuli hugsað fyrir atvinnu- og húsnæðisþörfum fólksins áður en hús þeirra eru rifin. Hann segir ástæðu flóðanna vera óábyrgt skógarhögg, námavinnslu, lélegt skipulag sorphirðu, slæma skipulagningu borgarinnar og úthverfa hennar.

Öll færslan - smellið hér til að lesa alla færsluna »

  21:21:38, Skrásetjari: Ragnar Geir Brynjólfsson   , 81 orð  
Flokkur: Erlendar fréttir úr heimi kirkjunnar

Indland: Norræn sendinefnd rannsakar ofsóknir gegn kristnum

Asianews greinir frá því að norræn sendinefnd skipuð sendifulltrúum frá Danmörku, Finnlandi, Íslandi, Noregi og Svíþjóð hafi farið til Orissa á Indlandi og kannað ástand mála en nú er meira en ár liðið frá því ofbeldisalda gegn kristnum braust út í héraðinu.

Greint er frá því að sendinefndin hafi rætt í trúnaði við fólk sem upplifði ofbeldið. Mgr Raphael Cheenath, erkibiskup í Bhubaneswar-Cuttack, sagði að fulltrúarnir hafi lýst áhyggjum yfir ástandinu en ekki viljað gefa út neinar yfirlýsingar.

Norræna sendinefndin

Heimild: Asianews.it: http://new.asianews.it/index.php?l=en&art=16886

17.11.09

  22:18:24, Skrásetjari: Ragnar Geir Brynjólfsson   , 121 orð  
Flokkur: Trúarleg tónlist og textar, Trúin og menningin

Oratoría um hl. Sesselju frumflutt í Hallgrímskirkju

Oratoría um hl. Sesselju verður frumflutt í Hallgrímskirkju nk. sunnudag 22. nóvember og hefst flutningurinn kl. 16. Textinn er eftir Thor Vilhjálmsson. Tónlistin er eftir Hafliða Másson.

Það er Mótettukór Hallgrímskirkju og hljómsveit sem mun flytja verkið ásamt einsöngvurunum Þóru Einarsdóttur sópran, Braga Bergþórssyni tenór, Ágústi Ólafssyni barítón og Bjarna Thor Kristinssyni bassa. Stjórnandi er Hörður Áskelsson.

Gunnþór Þ. Ingason hefur ritað pistil um verkið á trú.is og þar segir m.a. „Helgisagan um Cecilíu á sér fornan uppruna sunnan úr löndum, en í hrífandi texta Thors með miðaldahljómi verður hún virk á ný og ber með sér heilnæm áhrif að utan og frá fyrri tíð og kynslóðum hér á landi sem virtu helgi Cecilíu sem endurspeglun anda og náðar Guðs.“

Heimild Trú.is: http://www.tru.is/pistlar/2009/11/um-heilaga-sesselju

15.11.09

  22:32:40, Skrásetjari: Ragnar Geir Brynjólfsson   , 402 orð  
Flokkur: Þjóðfélagsrýni

Guðlastsákvæði íslenskra laga þarf að afnema sem fyrst

Í íslenskum lögum er að finna ákvæði sem bannar guðlast. Svipað ákvæði er í dönskum lögum en því var ekki beitt þegar ólgan varð í tengslum við Múhameðsteikninganar í Jyllandsposten. Að líkindum hefur tilvist þessa lagaákvæðis stuðlað að því að gera ástandið verra því sumum danskra múslíma hefur eflaust fundist að beita ætti ákvæðinu. Guðlastsákvæði íslenskra laga er því best að afnema og jafnframt tryggja tjáningarfrelsi í nýrri íslenskri stjórnarskrá.

Ef dönsk lög hefðu ekki verið með guðlastsákvæði á þessum tíma heldur ákvæði sem tryggði tjáningarfrelsi má gera ráð fyrir að lagaleg staða þeirra sem birtu myndirnar hefði verið sterkari. Í því ljósi hefðu danskir múslímar ekki átt neina kröfu um aðgerðir á vegum danska ríkisins, kröfu sem aldrei var komið til móts við og því var hægt að túlka aðgerðaleysi dönsku stjórnarinnar sem hindrun í vegi múslíma að ná fram rétti sínum.

Öll færslan - smellið hér til að lesa alla færsluna »

1 2 ...3 ... 5 ...7 ...8 9 10 11 12 ... 13