Latest Comments

Viðbrögð: Þrettán manns sem skipulögðu hryðjuverkaárás voru handteknir í Egyptalandi

Athugasemd from: Jon Valur Jensson [Meðlimur]

Þakka þér fyrir að koma þessu hér á framfæri, Ragnar. Skelfilegt er til þess að hugsa, að markviss útrýmingarstefna gagnvart kristnum, einkum karlmönnum og piltum, hefur verið í gangi á vegum Ríkis islams (ISIS-samtökunum) í Sýrlandi og Írak og raunar einnig gegn jesídum, en konum og dætrum hinna myrtu hefur verið hópnauðgað og þær ýmist þvingaðar í hjónabönd með múslimum (og trúfrelsið ekkert) eða settar í kynlífsánauð.

Hörmulegt er það, að kristnir Evrópumenn geta naumast ferðazt lengur óhultir um lönd eins og Egyptaland og Túnis, þar sem fjöldamorð hafa farið fram á saklausum; ekki hjálpar það efnahag þessara landa. ISIS-menn og aðrir ámóta vilja reyra allt í sína trúarharðstjórn og stilla í reynd klukkuna aftur um margar aldir nema helzt á einu sviði: því hernaðarlega.

09.09.17 @ 13:54

Viðbrögð: Að byrja með bæn

Athugasemd from: Jon Valur Jensson [Meðlimur]

Þetta er alveg rétta viðhorfið, Ragnar. Vel lýstirðu þessu, og gott er að mega lofa Guð upphátt í söfnuði trúaðra.

09.09.17 @ 13:39

Viðbrögð: Að byrja með bæn

Athugasemd from: Ragnar Geir Brynjólfsson [Meðlimur]

Sæll Jón og takk fyrir innlitið. Já þetta er þörf og góð áminning hjá Davíð biskupi. Ég kýs samt að láta bera lítið á borðbænum mínum á opinberum stöðum svo sem í matsalnum í vinnunni og hef þá í huga Mt. 6:5-6. Það er hægt að signa sig og biðja svo lítið beri á.

Öðru máli gegnir á samkomum þar sem kaþólskir koma saman, svo sem í veislum Íslendinga sem upprunnir eru á Filippseyjum. Hjá þeim er siður að blessa matinn opinberlega áður en borðhaldið hefst og hef ég oft verið beðinn um að leiða borðbænina, sem geri með ánægju. Þá standa allir upp, hlýða á bænina lesna og signa sig á eftir. Eftir það hefst borðhaldið.

02.09.17 @ 19:47

Viðbrögð: Að byrja með bæn

Athugasemd from: Jon Valur Jensson [Meðlimur]

Vel mælt hjá Davíð biskupi, þakkir séu honum fyrir að minna á þetta og benda okkur veginn fram, hann gerir þetta bæði eðlilegt og sjálfsagt, eins og það líka er fyrir börn Guðs, eins og við öll erum: sköpuð af honum og til samfélags við hann.

22.08.17 @ 03:02

Viðbrögð: Saga og áhrif Jesúítareglunnar hér á landi

Athugasemd from: Ragnar Geir Brynjólfsson [Meðlimur]

Takk fyrir innlitið Vigfús. Kv. RGB.

05.03.17 @ 21:03

Viðbrögð: Saga og áhrif Jesúítareglunnar hér á landi

Athugasemd from: Vigfús Ingvar Ingvarsson [Gestur]  
Vigfús Ingvar Ingvarsson

Þetta er áhugaverður pistill. Ég hef reyndar þýtt 2 bækur eftir jesúítann Gerard W. Hughes, Guð sem kemur á óvart og Guð hvers vegna?
Jesúítar virðast mér annars lítið þekktir hérlendis.

28.10.16 @ 10:18

Viðbrögð: Fjórar nunnur af reglu Kærleiksboðbera féllu í árás á hjúkrunarheimili í Jemen

Athugasemd from: Jon Valur Jensson [Meðlimur]

Til viðbótar við hugleiðingar mínar hér á undan er skylt að geta þessa tvenns:

1. Hver maður, sem veit eða telur sér af Guði fyrirgefið ódæðisverk á borð við þetta eða annað manndráp og aðra alvarlega glæpi, hefur þá skýru siðferðisskyldu að gefa sig fram við lögreglu og taka refsingu þeirri, sem dómstólar setja honum, en jafnframt að bæta eftir öllu megni fyrir brot sitt, með fébótum sem öðru.

2. Hver sá, sem fremur dauðasynd (þá synd sem varpar honum úr náðarstöðu gagnvart Guði og lokar honum hliði himnaríkis), en hlotnast síðar iðrun (sem fæst ekki án verkunar náðar Guðs) og fyrirgefning, hann er eftir það, sé iðrunin alger og hreinsun hans fullkomin, eins og endurfætt barn Guðs og getur þá borið ávexti samboðna iðruninni (Mt.3.8, Post.26.20), þ.e. unnið kærleiksverk með hjálp Guðs. Þau verk eru þá líka öðrum til marks um, að iðrun hans hafi í raun átt sér stað. Án hennar verður hann aldrei Guði þókknanlegur.

Meðal kaþólskra manna, þ.m.t. austurkirkjumanna, er hinn eðlilegi (en ekki einasti) farvegur og vettvangur iðrunar slíkra syndara í gegnum skriftir, enda hefur presturinn vald til að halda eftir syndunum (Mt.16.19, 18.18, Jóh.20.22–23), en það fellur einnig í hans hlut að leggja hinum iðrandi þá skyldu á herðar að gefa sig fram við lögreglu, en tjái maðurinn sig óviljugan til þess, er iðrun hans ónýt og aflausn hans ekki í boði.

10.03.16 @ 16:13

Viðbrögð: Fjórar nunnur af reglu Kærleiksboðbera féllu í árás á hjúkrunarheimili í Jemen

Athugasemd from: Jon Valur Jensson [Meðlimur]

Hafðu heilar þakkir fyrir að rita hér um þessa miklu sorgaratburði, Ragnar, um það göfuga hjálparstarfsfólk og aðra sem án minnsta tilefnis urðu fórnarlömb grimmilegra hryðjuverkaárása í Jemen. Heimurinn er sannarlega ekki öruggur staður, meðan slíkir atburðir geta gerzt. Í raun gengur réttlæti heimsins aldrei upp til fulls án réttlætis Guðs og þess fullnaðardóms sem sjálfur Mannsonurinn Jesús Kristur mun kveða upp yfir öllum mönnum á dómsdegi (Mt. 25.41–46).

Þessir atburðir urðu mér, á ferð minni í gærmorgun að aðsetri Kærleiksboðbera Teresusystra á Íslandi að Ingólfsstræti 12, hvöt til að hefja dulítinn brag, sem mér loksins lánaðist að ljúka við nú í nótt, þá einnig eftir samveru með þeim og boðsgestum þeirra í Safnaðarheimilinu í Hávallagötu og á bænastund í Kristskirkju síðdegis í gær.

En varðandi þá miskunn, sem í 3. erindinu er ljáð máls á og talað um, þ.e. að jafnvel svo hatursfullum hryðjuverkamönnum, sem hér um ræðir, geti Guð í fullveldi sinnar náðar fyrirgefið svo óheyrilega höfuðglæpi, þá skal það nánast augljósa tekið fram, að slíkt gerist í 1. lagi ekki án þess, að viðkomandi hafi notið þar fyrirbæna sinna eigin ástvina eða annarra, sem runnið hafi til rifja hyldýpi synda þeirra, og í 2. lagi aldrei án þeirra eigin gagntæku alvöru-iðrunar. Þótt náð Guðs og miskunnsemi veitist sannarlega án verðskuldunar af allra manna hálfu, sbr. Pál sjálfan postula, er hún þó aldrei ódýr í reynd –– es gibt keine “billige Gnade” (D. Bonhoeffer) –– enda kostaði hún Frelsarans blóð og píslir, og henni er aldrei neytt upp á neinn mann óviljugan, þ.e.a.s. iðrunarlausan.

In Memory of the Sisters of Mercy and their friends, martyred in Yemen in March 2016

O those nuns unselfish, pure,
gave their lives, bestowing
acts of mercy … to endure
whatever, willing – but, for sure,
such painful fate unknowing!

Sadness, as it hurts the most,
comes without a warning.
Tragic, how the evil boast
of their malice – will they roast
in Hell each night and morning?

Still, the Lord may even those
hardened souls recapture
by His Mercy – His who rose
from Death’s dominion – once His foes,
may share in Heaven’s rapture!

10.03.16 @ 06:28

Viðbrögð: Nýr íslenskur texti við „Hallelujah“ eftir Leonard Cohen

Athugasemd from: Ragnar Geir Brynjólfsson [Meðlimur]

Sæl Rósa og takk fyrir innlitið. Afsakaðu að ég svaraði ekki fyrr. Jú það er til upptaka með þessum texta. Hún Helena Páls söng þetta og upptökuna er að finna hér:

https://www.reverbnation.com/helenap%C3%A1lsd/song/15950551-hallel%C3%BAja-cover

25.11.15 @ 22:58

Viðbrögð: Nýr íslenskur texti við „Hallelujah“ eftir Leonard Cohen

Athugasemd from: Rósa Jóhannesdóttir [Gestur]
Rósa Jóhannesdóttir

Komið sæl, er til upptaka af laginu með þessum frábæra texta/ þýðingu Ragnars Geirs ?

Kær kveðja Rósa tónlistarkennari

12.11.15 @ 12:15

Viðbrögð: Bæn Auðar djúpúðgu

Athugasemd from: Vigfús Ingvar Ingvarsson [Gestur]
Vigfús Ingvar Ingvarsson

Þessi bæn er afar athyglisverð - hvernig sem hún annars á að hafa varðveist.

26.05.15 @ 22:35

Viðbrögð: Athyglisvert viðtal við stúlku í flóttamannabúðum í Kúrdistan

Athugasemd from: Ragnar Geir Brynjólfsson [Meðlimur]

Takk fyrir innlitin Guðrún og Jón.

16.04.15 @ 22:05

Viðbrögð: Athyglisvert viðtal við stúlku í flóttamannabúðum í Kúrdistan

Athugasemd from: Jon Valur Jensson [Meðlimur]

Virkilega fallegur vitnisburður, og klár er hún, bara 10 ára stelpa, og full jákvæðs hugar, enda elskar hún Jesúm fölskvalaust.

06.04.15 @ 03:39

Viðbrögð: Athyglisvert viðtal við stúlku í flóttamannabúðum í Kúrdistan

Athugasemd from: Gudrun Hanna Olafsdottir [Gestur]
Gudrun Hanna Olafsdottir

Dugleg, hugrökk og falleg stulka.

05.04.15 @ 11:35

Viðbrögð: Guðhrædda konan

Athugasemd from: Ragnar Geir Brynjólfsson [Meðlimur]

Heill og sæll Jón og takk fyrir innlitið. Já þessi saga fær mann til að hugsa :)

21.02.15 @ 22:28

Viðbrögð: Guðhrædda konan

Athugasemd from: Jon Valur Jensson [Meðlimur]

Verulega góð saga og teygir fram brosið á andliti manns!

21.02.15 @ 21:57

Viðbrögð: Þorlákur helgi - verndardýrlingur Íslands

Athugasemd from: Ragnar Geir Brynjólfsson [Meðlimur]

Ég þakka innlitið og góð orð Jón, jólakveðjur til þín og lesenda.

23.12.14 @ 11:54

Viðbrögð: Allra heilagra og allra sálna messur

Athugasemd from: Jon Valur Jensson [Meðlimur]

Þakka þér, Ragnar. Ágætt var þetta myndband, með mörgum listaverkamyndum, en líka fræðslu, sem kemur sér vel fyrir marga, og nærtækari hlutum úr nútímanum.

04.11.14 @ 05:04

Viðbrögð: 57% Íslendinga telja sig trúaða, 17% fækkun síðan 2005

Athugasemd from: Ragnar Geir Brynjólfsson [Meðlimur]

Takk fyrir innlitið Jón. Já ekki er fréttin góð fyrir trúaða, en betra er að hafa skýra heildarmynd af landslaginu fremur en óskýra og því birti ég þetta hér.

29.09.14 @ 22:04

Viðbrögð: 57% Íslendinga telja sig trúaða, 17% fækkun síðan 2005

Athugasemd from: Jon Valur Jensson [Meðlimur]

Athyglisverð samantekt, Ragnar, þótt ekki sé fréttin góð. Mikið er um heimsóknir á vefsíðuna, enda er vísað í hana sem heimild fréttar á Eyjunni: http://eyjan.pressan.is/frettir/2012/08/10/truudum-faekkar-hratt-a-islandi-6-mesta-minnkun-a-heimsvisu/

17.09.14 @ 02:37