Latest Comments

Viðbrögð: Að vigta börnin

Athugasemd from: Ragnar Geir Brynjólfsson [Meðlimur]

Fín daga, takk sr. Denis!

29.09.14 @ 22:06

Viðbrögð: Að vigta börnin

Athugasemd from: Jon Valur Jensson [Meðlimur]

Góð dæmisaga, sr. Denis!

23.08.14 @ 13:26

Viðbrögð: 33C - Að leita að hinum sönnu verðmætum

Athugasemd from: Jon Valur Jensson [Meðlimur]

Fallegur, vel skrifaður og fyrst og fremst lærdómsríkur pistill og góð áminning hverju og einu okkar. Hjartans þakkir, séra Denis.

18.11.10 @ 04:26

Viðbrögð: Bernadetta í Lourdes

Athugasemd from: Systir M Bernadette/C D C J (Carmelo) [Gestur]  
Systir M Bernadette/C D C J (Carmelo)

sou freira do carmelo do divino coracao de jesus e sou brasileira e estou agora morando na Islandia.e sou devota de S Bernadette desde dos meus 9 anos de idade agradeco por falar um pouco de sua vida.

[„Ég er nunna Karmels hins guðdómlega Hjarta Jesú og ég er Brasilíska og ég er nú að búa í Islandia.e Bernadette S devotee það síðan 9 ára ég þakka fyrir að tala svolítið í lífi þínu.“ Ísl. þýð. Google Translate úr portúgölsku.(RGB)]

06.04.10 @ 10:19

Viðbrögð: Bæn biskups - eftir heilögum Jóhannesi frá Damaskus

Aðalbjörn Leifsson

Hafðu þökk fyrir þessa bæn Séra Denis. Guð blessi þig, þína kirkju og þjónustu í Jesú nafni Amen.

16.05.08 @ 20:19

Viðbrögð: María mey frá Guadalupe

Athugasemd from: Ragnar Geir Brynjólfsson [Meðlimur]

Ég veit nú ekki hvað skal segja Lárus um þessa grein. Mér sýnist hún frekar tína til atriði sem geta með einhverju móti dregið Guadalupe í efa og rökstuðning vanta miðað við sumt af því sem haldið er fram, t.d. að Juan Diego hafi ekki verið til. Fyrir almennan lesanda sem er á höttunum eftir umfjöllun á breiðum grundvelli þá mæli ég frekar með Wikipedia greininni um málið. Þar eru tilvísanir á sömu heimildirnar og greinin tínir til (og reyndar margar fleiri) sem fólk getur þá kynnt sér af eigin raun og lesið sjálft.

11.05.08 @ 22:13

Viðbrögð: María mey frá Guadalupe

Lárus Viðar Lárusson

Óhætt er að mæla með þessari umfjöllun Skeptical Briefs um Maríu mey frá Guadalupe.

http://www.csicop.org/sb/2002-06/guadalupe.html

08.05.08 @ 18:13

Viðbrögð: Fóstureyðing

Athugasemd from: Jon Valur Jensson [Meðlimur]

Það er þakkarvert að fá þennan ýtarlega, góða texta birtan hér á Kirkjunetinu á íslenzku. Þýðingin er mjög góð og búningurinn verðugur, en þetta er texti sem krefst íhugunar og yfirlegu; þá skilja menn betur röklega samhengið.

Heimildir #75 eru allar frá fornkirkjunni, jafnvel sumar frá frumkirkjunni. GS = Gaudium et spes (Gleði og von), eitt skjala II. Vatíkanþingsins. CIC = Corpus iuris canonici = kirkjurétturinn, þ.e. lagasafn kaþólsku kirkjunnar.

05.05.08 @ 21:14

Viðbrögð: Heilög Teresa frá Lisieux. Hvers vegna varð hún fyrir valinu?

Athugasemd from: Jón Rafn Jóhannsson [Meðlimur]
Jón Rafn Jóhannsson

Þetta er fögur samantekt og hafðu þökk fyrir. Teresa litla og trúarbylting sú sem hún hratt af stað – Litli vegurinn – var afturhvarf til einfaldleika Fagnaðarerindisins. Sjálfur sagði Drottinn: „Þegar auga þitt er heilt, þá er og allur líkami þinn bjartur“ (Lk 11. 34).

Heilt auga má einnig þýða sem eitt (haplou) auga. Þannig horfði Teresa til Drottins með hinu eina auga anda síns (nous), hinum andlega skilningi sínum.

Fyrir nokkrum árum dvaldi ég í karmelklaustri. Ábótinn sýndi mér stílabækurnar þrjár sem Teresa skrifaði ævisögu sína í. Þær voru gefnar út í ljósriti vegna þess að bókmenntafræðingar trúðu því ekki, að hún hefði aldrei strokað út eitt einasta orð.

Þetta voru stílabækur sem tíðkaðist að nota í frönskum skólum á tímum Teresu. Þetta er rétt: Ekki eitt einasta orð var leiðrétt, allt skrifað með nettri hendi skólastúlku!

Heilagleiki Teresu leiðir okkur fyrir sjónir að við getum öll þjónað Guði, jafnvel þó að við séum dálítið taugaveikluð og „vitlaus“ með því að fylgja orðum la Madre fundadora (Teresu frá Avíla) eftir: Horfið til hans sem horfir á okkur!

02.05.08 @ 02:31

Viðbrögð: Jesús, læknaðu mig ef þú vilt!

Athugasemd from: Jón Rafn Jóhannsson [Meðlimur]
Jón Rafn Jóhannsson

Heil. Nikolás Kabasílas (um 1320-1363), grískur djúphyggjumaður og guðfræðingur, komst svo að orði um þennan leyndardóm trúarinnar í „Líf í Kristi,“ IV. 6-8):

Fyrirheitið sem samtvinnað er borði evkaristíunnar gerir okkur kleift að lifa í Kristi og Kristi í okkur því að skrifað stendur: „Sá sem etur hold mitt og drekkur blóð mitt, er í mér og ég í honum“ (Jh 6. 56). Ef Kristur lifir í okkur, hvers annars þörfnumst við þá? Hvað getur okkur þá skort? Kristur dvelur í okkur og hvað meira viljum við? Hann er bæði hostía okkar og bústaður. Hversu sæl erum við ekki að vera sá staður þar sem hann býr! Hvílík gleði að við erum sjálf athvarf slíkrar hostíu! Hvað getur þeim skort sem hann meðhöndlar með þessum hætti? Hvað eiga þeir sem eru uppljómaðir í slíku ljósi sameiginlegt með guðleysinu? Hvaða illska getur staðist slíka gæsku? Það er ekkert annað sem megnar að dvelja í okkur eða getur verið okkur mótsnúið þegar Kristur sameinast okkur með þessum hætti. Hann umlykur okkur og snertir okkar dýpsta sjálf. Hann er vernd okkar, skjól og skjöldur til beggja handa. Hann er bæði bústaður okkar og hostían sem fyllir bústað hans.

Við meðtökum ekki hluta hans, heldur hann sjálfan, ekki einungis einn sólargeisla, heldur sólina . . . „En sá er samlagar sig Drottni er einn andi ásamt honum“ (1Kor 6. 17) . . . Sál okkar sameinast hans sál, líkami okkar hans líkama, blóð okkar hans blóði . . . Eða eins og heilagur Páll segir: „Til þess að hið dauðlega uppsvelgist af lífinu“ (2Kor 5. 4) og: „Sjálfur lifi ég ekki framar, heldur lifir Kristur í mér“ (Gl 2. 20).

21.04.08 @ 09:17

Viðbrögð: Maximilian (Max) Kolbe

Athugasemd from: Jón Rafn Jóhannsson [Meðlimur]
Jón Rafn Jóhannsson

Rétt eins og Albert Einstein lagði fram afstæðiskenningu sínu á tuttugustu öldinni, lagði fransiskanabróðirinn Maximilian Kolbe fram helgunarkenningu sína í eins konar reiknilíkani:

„ÞINN VILJI = minn vilji!“

Engin sköpuð vera hefur lotið vilja Guðs með jafn afgerandi hætti og hin sæla Mey og orð hennar „VERÐI MÉR EFTIR ORÐUM ÞÍNUM (Lk 1. 38) hafa verið herkvaðningarkall allra hinna heilögu kirkjunnar í aldanna rás. Við getum því hiklaust kallað hana fyrirmynd okkar í helgun.

Orðum sínum fylgdi Kolbe sjálfur eftir og gekk í fótspor Krists krossfests þegar hann fórnaði lífi sínu fyrir samfanga sinn. Klaustur það sam hann stofnaði í Nagasakí á Japansárum sínum starfar enn í dag. Það skemmdist ekki mikið þegar kjarnorkusprengjunni var varpað á Nagasakí.

Spakur maður sagði: „Ekki reynist unnt að dæma um heilagleika nokkurs hinna heilögu fyrr en að dauðastundinni lokinni.“ Hl. Maximilian Kolbe er sannarlega heilagur og biður fyrir okkur í hinni stríðandi kirkju á jörðu:

Hl. Maximillian Kolbe. Bið þú fyrir oss syndugum mönnum. Bið þú fyrir Tíbet og ráðamönnum Kína svo að þeir megi sjá hið óskapaða ljós Krists.!

16.04.08 @ 17:07

Viðbrögð: Skírn í Heilögum Anda

Athugasemd from: Jón Rafn Jóhannsson [Meðlimur]
Jón Rafn Jóhannsson

Veri Jesús í sálum okkar í Heilögum Anda. Amen.

16.04.08 @ 02:33

Viðbrögð: Líkamleg lækning og andleg

Athugasemd from: Jón Rafn Jóhannsson [Meðlimur]
Jón Rafn Jóhannsson

Mig langar að víkja dálítið nánar að andlegri græðslu Kristselskunnar. Einn Englendinganna sem Japanir tóku höndum við fall Singapore í Annarri heimstyrjöldinni greindi frá eftirfarandi atviki í æviminningum sínum.

Ensku stríðsfangarnir voru fluttir með járnbrautarlest í þrælkunarbúðir inni í landi, meðal annars til að smíða brúna yfir Kvaifljótið. Á einni brautarstöðinni kom járnbrautarlest úr gagnstæðri átt sem var full af helsærðum japönskum hermönnum. Ósjálfráð viðbrögð Bretanna voru þau að hlaupa til næsta vatnskrana til að svala þorsta hinna hrjáðu og hlúa að þeim eftir bestu getu.

Japönsku varðmennirnir störðu þrumulostnir á þetta og vissu ekki hvernig þeir ættu að bregðast við vegna þess að þetta var þeim með öllu óskiljanlegt. Sama sagan endurtók sig við sigur Bandamanna. Japönsku fangaverðirnir flúðu í stórum hópum til fjalla vegna þess að þeir gengu út frá því sem vísu að Englendingarnir myndu drepa þá fyrir óhæfuverk þeirra. Smám saman þegar þeir komu svo niður úr fjöllunum og voru sendir heim til Japans, þá var þetta þeim óskiljanlegt með öllu.

Japanir og Kínverjar eru grimmlyndar þjóðir í hernaði vegna þess að þeir þekkja ekki Kristselskuna. Þetta gildir einnig um ógnarstjórn Kínverja í Tíbet. Biðjum fyrir Tíbet og Kína, að ráðamenn Kínverja megi hljóða andlega græðslu.

14.04.08 @ 10:08

Viðbrögð: Líkamleg lækning og andleg

Athugasemd from: Jón Rafn Jóhannsson [Meðlimur]
Jón Rafn Jóhannsson

„Undarlegt og óskiljanlegt er hið kristna líf í augum heimsins.“ Hlýðum á orð Benedikts páfa XVI sem hann mælti þegar hann var innsettur í embætti þann 24. apríl 2005:

Í Austurlöndum nær tíðkaðist það að konungar kölluðu sig hirða fólksins. Þetta var táknmynd valds þeirra, kaldhæðnisleg líking: Í augum þeirra voru þegnar þeirra sem sauðir sem hirðirinn gat losað sig við að vild. Þegar hirðir allrar auðmýktar, hinn lifandi Guð, varð sjálfur lamb, þá skipaði hann sér stöðu með lömbunum, þeim sem troðnir eru undir fótum og deyddir. Það er með þessum hætti sem hann opinberar sig til að vera hinn sanni hirðir: „Ég er góði hirðirinn . . . Ég legg líf mitt í sölurnar fyrir sauðina.“

Það er ekki valdið heldur elskan sem frelsar okkur! Þetta er tákn Guðs: Hann er sjálf elskan. Hversu iðulega óskum við þess ekki að Guð opinberi sig í meira valdi, að hann slái frá sér með áþreifanlegri hætti, sigri illskuna og skapi nýjan heim. Öll valdakerfi réttlæta sig sjálf einmitt með þessum hætti. Þau réttlæta alla tortímingu sem stendur í vegi framfaranna og frelsis mannkynsins. Við þjáumst vegna langlyndis Guðs. Þrátt fyrir þetta þörfnumst við langlyndis Guðs sem varð lamb og segir okkur að það sé hinn krossfesti Eini sem frelsar, en ekki þeir sem krossfestu hann. Heimurinn frelsast fyrir langlyndi Guðs. Það er óþolinmæði mannsins sem tortímir honum.

Mylla Guðs malar hægt en örugglega í langlyndi sínu. Tíbetar eru í hópi hinna hrjáðu – lambanna – og Guð hefur ekki gleymt þeim. Biðjum fyrir Tíbet!

14.04.08 @ 09:26

Viðbrögð: Að játast Guði

Athugasemd from: Ragnar Geir Brynjólfsson [Meðlimur]

Það sem faðirinn sagði, segir okkur um hvað lækning snýst. Lækning er að játast Guði. Þegar við, sem börn Drottins, getum játast honum, verðum við aldrei særð. Drottinn gerir aldrei neitt sem særir okkur. Hann er Guð kærleikans. Við særum okkur sjálf þegar drögum okkur í hlé og afneitum honum.

Þetta eru athyglisverð orð og þau sýna mikinn og djúpan skilning á Guði. Mér finnst þau sýna að ekki beri að líta svo á að kraftaverk séu tilneydd inngrip Guðs inn í gallað gangverk heimsins eins og einföld sýn á hann heldur stundum fram heldur vísbending um áskorun og þá áskorun í tvennum skilningi, þ.e. í fyrsta lagi persónulegri og einstaklingsbundinni áskorun um að játast Guði, þ.e. að taka lækningu hugarfarsins, “verði þinn vilji". Ég held líka að í kraftaverkum sem og öllum þeim erfiðleikum sem Guð heimilar að gerist felist um leið vísbendingar um áskorun fyrir mannkynið hvar það geti gert betur, í þessu tilfelli lagt sig betur fram og lagt áherslu á að finna lækningar við hvítblæði - eða hvað?

13.04.08 @ 11:09

Viðbrögð: Að játast Guði

Athugasemd from: Jón Rafn Jóhannsson [Meðlimur]
Jón Rafn Jóhannsson

Þetta er fögur frásögn. Það er nákvæmlega svona sem Guð hefur leitt mér afstöðu kínverskar stjórnvalda fyrir sjónir. Orð heilags Páls koma í hugann:

Því að hið ósýnilega eðli hans, bæði hans eilífi kraftur og guðdómleiki, er sýnilegt frá sköpun heimsins, með því að það verður skilið af verkum hans. Mennirnir eru því án afsökunar. Þeir þekktu Guð, en hafa samt ekki vegsamað hann eins og Guð né þakkað honum, heldur hafa þeir gjörst hégómlegir í hugsunum sínum, og hið skynlausa hjarta þeirra hefur hjúpast myrkri. Þeir þóttust vera vitrir, en urðu heimskingjar (Rm 1. 19-20).

Guð er að framkvæma ráðsályktun sína í Kína, einmitt núna, já, á þessari stundu. Milljónir kristinna manna hafa úthellt blóði sínu fyrir sannleika krossins: Liðið píslarvætti!

Fórnir þeirra eru ekki til einskis, heldur Guði til dýrðar! Tíbetar þjóna Guði eins og þeir þekkja hann af verkum hans í sköpuninni. En kommúnisminn er og verður helstefna.

Hann hefur hvergi þróast til góðs heldur skilið eftir sig tortímingu og dauða. Hann getur ekki þróast til góðs vegna þess að ljósið á ekkert sameiginlegt með myrkrinu.

Þótt stjórnmálafræðingar þessa heims trúi því enn sumir að kommúnisminn geti þróast, þá gera allar þjóðir í Austurlöndum fjær sér ljóst að hann er helstefna tortímingar og dauða!!!

Guð er að vinna stórkostlegt verk í Kína og mín spá er sú að í náinni framtíð nái mesta vakning mannkynssögunnar fram að ganga þegar Guð græðir kínversku þjóðina, rétt eins og föðurinn í frásögninni hér að ofan.

„Því að þekking vor er í molum og spádómur vor er í molum. En þegar hið fullkomna kemur, þá líður það undir lok, sem er í molum“ (1Kor 13. 9-10).

Biðjum fyrir Tíbet og Kína! Lifi frjálst Tíbet!

13.04.08 @ 02:46

Viðbrögð: Of áköf í trúboðinu

Athugasemd from: Gunnar Friðrik Ingibergsson [Gestur]  
Gunnar  Friðrik Ingibergsson

Þessi var góður Dennis :)

28.02.08 @ 18:21

Viðbrögð: "Með þeim mæli, sem þér mælið, mun yður aftur mælt verða."

Jón Valur Jensson

Frábær saga og lýsandi, séra Denis. Kær kveðja.

14.11.07 @ 23:49

Viðbrögð: BIBLÍAN - ORÐ GUÐS

Athugasemd from: Jón Rafn Jóhannsson [Meðlimur]
Jón Rafn Jóhannsson

Stundum finnst mér eins og mótmælendur hafi gleymt þeirri staðreynd, að það var kaþólska kirkjan sem gaf þeim Ritninguna.

Eftir að hinir heilögu feður höfðu safnað ritum Biblíunnar í kanón varð Biblían til. Eins og þeir hafi ekki vitað af ótal handritum sem gnóstíkerar skrifuðu, fjölmörgum guðspjöllum sem voru ekki í neinni samhljóðan við þá arfleifð sem þeir meðtóku úr höndum postulanna.

Þó að vegvilltir prófessorar póst-módernískrar guðfræði falli í stafi af hrifningu yfir handritum sem fundist hafa á öskuhaugunum í Alexandríu, þá skipta þau kirkjuna engu máli.

Hinir heilögu feður dæmdu þau óhæf í kanóninn og því eru þau ekki í Biblíunni. En þeir vissu svo sannarlega af alls kyns annarlegum guðspjöllum sem þeir höfnuðu vegna þess að þau grundvölluðust á mennskum hugsmíðum og hugarórum sem voru ekki í samhljóðan við OPINBERUNINA!

03.03.07 @ 14:53

Viðbrögð: Jesús heldur áfram að lækna í gegnum okkur!

Athugasemd from: Jón Rafn Jóhannsson [Meðlimur]
Jón Rafn Jóhannsson

Gleymum ekki líknarheimilinu (hospicio) sem rekið var á Skriðuklaustri á fimmtándu öld og kom fornleifafræðingunum í opna skjöldu. Vafalaust hafa slík líknarheimili einnig verið fyrir hendi í öðrum klaustrum á Íslandi, en það á tíminn eftir að leiða í ljós. Kærleiksþjónsta kirkjunnar er ekki nýtt fyrirbrigði.

Fyrir nokkrum árum sá ég eitt slíkt í Essex á Englandi sem rúmaði 600 manns og rekið var á vegum Karmelítareglunnar fyrir ensku siðaskiptin. Í Spekibók Salómons sjáum við að „góður læknir sé Guðs gjöf,“ mig minnir í sjöunda kaflanum.

28.02.07 @ 11:37