Blaðsíður: 1 2 4 ...6 ...7 8 9 10 11 12 ... 20

18.08.07

  11:20:45, Skrásetjari: Jón Rafn Jóhannsson, 5336 orð  
Flokkur: Synir Réttlætissólarinnar – Af prestkonungum Adamskynslóðarinnar

Prestkonungar Adamskynslóðarinnar – 1

I. UM ARATTA GAN EDEN (URAR(A)TU) EÐA PARADÍSARGARÐINN

Sjá myndir 1. Lesandanum skal bent á að best er að hlaða myndskrá á skjáborð og hafa tiltæka við lestur kaflans því að hér er um þungar pdf skrár að ræða

Þessi kafli hefur verið aukinn og endurbættur bæði hvað varðar texta og myndræna framsetningu.

Í ævafornri súmerskri frásögn sem varðveist hefur á fleygrúnatöflu og er frá því um 2900 f. Kr sem fannst í jörðu er greint frá því að prestkonungurinn Enmerkar í Úruk í Súmer gerði út sendimann til landsins Aratta á Edensléttunni sem Súmerar töldu land hamingjunnar. (Mynd 1. 1) Frásögnin nefnist „Enmerkar og konungur Aratta.“ Sendimanninum var ætlað að ná í gull og eðalsteina (lapis lazuli) til að skreyta hið nýja musteri gyðjunnar Inanna sem Enmerkar var að reisa henni til dýrðar í borginni. Aratta var staðsett hátt upp í Zagrosfjöllunum á vatnaskilum milli Evrópu, Asíu og Austurlanda nær. (Mynd 1. 2) Það er þetta sama landsvæði sem við sjáum að Biblían nefnir Araratland (2K 19. 37) þegar hún víkur að Sanheríb Assýríukonungi og örlögum hans. Vikið verður nánar að þessu síðar (í grein 16) vegna þess að nafn hans tengist þeim stað þar sem örk Nóa hafnaði eftir flóðið mikla, eða á fjallinu Judi Dagh í Kúrdistan sem evrópskir ferðalangar á miðöldum ákváðu illu heilli að kenna við annað fjall mun norðar, það er að segja fjallið Ararat í Armeníu, þvert á ríkjandi arfleifð. Fjallað verður nánar um þetta í grein 16.

Öll færslan - smellið hér til að lesa alla færsluna »

  10:09:12, Skrásetjari: Jón Rafn Jóhannsson, 378 orð  
Flokkur: Kynþáttahyggjan og átök þjóða

„Leyfið börnunum að koma til mín.“

Úr ávarpi Benedikts páfi XVI á Fimmta heimsdegi fjölskyldunnar í Valencía á Spáni, 8. júlí 2006:

Faðir og móðir hafa sagt fullkomið „já“ frammi fyrir ásjónu Guðs sem felur í sér kjarna sakramentisins sem sameinar þau. Hvað lýtur að innri sambandi fjölskyldunnar og fullkomleika þess, þá verða þau einnig að segja „já“ og samþykkja þau börn sem þau hafa fætt eða ættleitt sem öll bera sín persónulegu einkenni. Með þessum hætti munu börnin alast upp í andrúmslofti viðurkenningar og ástúðar og þegar þau hafa komist til nægilegs þroska þráð að segja „já“ gagnvart þeim sem gáfu þeim lífið . . .

Kristur hefur ætíð leitt okkur fyrir sjónir háleitasta takmark lífs okkar og þar með fjölskyldulífsins: „Þetta er mitt boðorð, að þér elskið hver annan, eins og ég hef elskað yður. Enginn á meiri kærleik en þann að leggja líf sitt í sölurnar fyrir vini sína“ (Jh 15. 12-13). Elsku Guðs hefur verið úthellt yfir okkur sjálf í skírninni. Þar af leiðandi hafa fjölskyldurnar meðtekið þá köllun að leggja rækt við þessa sömu elsku vegna þess að Drottinn gerir okkur kleift í krafti mennskrar elsku okkar að vera næm, ástrík og miskunnsöm eins og Kristur.

Öll færslan - smellið hér til að lesa alla færsluna »

17.08.07

  10:37:42, Skrásetjari: Jón Rafn Jóhannsson, 351 orð  
Flokkur: Kynþáttahyggjan og átök þjóða

Sköpuð í elsku til að elska

Úr ávarpi Benedikts páfi XVI á Fimmta heimsdegi fjölskyldunnar í Valencía á Spáni, 8. júlí 2006:

„Guð sem er elska og sem skapaði manninn og konuna í elsku hefur kallað þau til að elska. Með sköpun mannsins og konunnar kallaði hann þau til að lifa í elskuríku samfélagi í hjónabandinu. „Þannig eru þau ekki lengur tvö heldur eitt hold“ (Trúfræðsluritið, 337). Þetta er sá sannleikur sem kirkjan boðar heiminum stöðugt. Hjartfólginn forveri minn, Jóhannes Páll páfi II sagði „að maðurinn hefði verið skapaður í líkingu Guðs“ (1M 1. 27) ekki einungis sem mennskur einstaklingur, heldur einnig í því persónulega sambandi sem karlinn og konan hafa lifað í frá upphafi.  Þau verða að ímynd Guðs með fyllri hætti í samfélagi sínu fremur en sem einstaklingar (14. nóvember 1979) . . .

Öll færslan - smellið hér til að lesa alla færsluna »

16.08.07

  10:17:26, Skrásetjari: Jón Rafn Jóhannsson, 389 orð  
Flokkur: Bænalífið, Kristselskan

Miskunnarbæn Heil. Faustína Kowalska (1905-1938).

„Bar þér þá ekki einnig að miskunna samþjóni þínum,
eins og ég miskunnaði þér?“

Ó Guð minn, Háheilaga Þrenning. Ég þrái að tilbiðja miskunn þína með sérhverjum andardrætti mínum, sérhverju hjartaslagi, sérhverjum slætti púlsins. Ég þrái að ummyndast að fullu og öllu í miskunn þína og verða þannig að lifandi endurspeglun þinni, Drottinn. Megi háleitasti eiginleika þinna, óræðisdjúpi miskunnarinnar, verða úthellt yfir náunga mína um sál mína og hjarta.

Öll færslan - smellið hér til að lesa alla færsluna »

14.08.07

  10:30:14, Skrásetjari: Jón Rafn Jóhannsson, 612 orð  
Flokkur: Bænalífið

Heilög Teresa frá Avíla um hina innri bæn

Hinir heilögu hafa greint frá þeirri gæsku sem sá verður aðnjótandi sem leggur rækt við bænina, ég á við hina innri bæn. Dýrð sé Guði fyrir þessa gæsku! Ef þessi gæska væri ekki fyrir hendi dirfðist ég ekki í stærilæti mínu að minnast á hina innri bæn, jafn áfátt og mér er hvað varðar auðmýktina. Ég get greint frá reynslu minni af henni. Hún felst í því að þrátt fyrir að sá sem leggur rækt við hana verði eitthvað á, má hann ekki leggja árar í bát vegna þess að það er í krafti hennar sem hann getur bætt ráð sitt. Það yrði mun erfiðara að bæta fyrir slíkt án bænarinnar. Megi honum verða forðað frá því að djöfullinn freisti hans eins og mín, svo að hann hætta ekki að biðja sökum falsk­rar auðmýktar. Megi hann trúa því að orð Guðs geta ekki brugðist. Ef við iðrumst í raun og veru og ásetjum okkur að misbjóða ekki Guði, mun hann glæða fyrri vináttubönd sín að nýju og gefa okkur hlutdeild í þeim náðargjöfum sem hann hefur þegar veitt, og stundum auka þær að mun ef iðrunin er borin fram af fyllstu einlægni.

Öll færslan - smellið hér til að lesa alla færsluna »

08.08.07

  11:26:18, Skrásetjari: Jón Rafn Jóhannsson, 1537 orð  
Flokkur: Hugleiðingar

Við gerum ekkert án trúar

Að fróðra manna sögn tekur það um 20 sjómílur að stöðva risaolíuflutningaskip á „fullu“ skriði. Skriðþunginn er þetta mikill vegna þyngsla farmsins. Ef skipstjórinn trúir því að ógn steðji að skipi hans vega fyrstu viðbrögð hans þungt fyrir sjórétti. Dæmi eru jafnvel um að skipstjóri hafi verið sýknaður fyrir sjórétti vegna þess að hann varð að taka ákvörðun sína í flýti. Sjóréttardómararnir vega slíkt og meta í ljósi sérþekkingar sinnar.

Við getum í vissum skilningi líkt heilu þjóðríki við slíkt risaolíuflutningaskip. Í stjórnmálum er um „skammtíma“ og „langtímaákvarðanir að ræða. Við skulum taka sem dæmi fólksfjölgunina. Þar er um langtímaákvarðanatöku að ræða. Ákvörðum sem tekin er í dag liggur þannig ekki á borðinu fyrr en eftir svo sem sjötíu ár þegar árangurinn kemur í ljós. Við verðum þannig að trúa því að við höfum tekið rétta ákvörðun. Hér er þróunin ekki stöðvuð í einni skyndingu fremur en ákvörðun skipstjórans í brúnni verði þess valdandi að skipið stöðvist „á punktinum.“

Öll færslan - smellið hér til að lesa alla færsluna »

05.08.07

  10:16:55, Skrásetjari: Jón Rafn Jóhannsson, 760 orð  
Flokkur: Getnaðarverjasamfélagið

Nýr umhverfisvávaldur: Eituúrgangur frá getnaðarvarnalyfjum – eftir Colin Mason [1]

Þetta er grein sem ég fékk senda frá Population Research Intitute í s.l. viku og fyllsta ástæða þykir til að þýða.

Kæru félagar!

Það þykir ekki æskilegt að við fyllum líkami okkar af hormónasterum. En að dreifa slíkum hormónum út í náttúruna er jafnvel sínu alvarlegra.

Steve Mosher. [1]

EITRIÐ FRÁ GETNAÐARVARNALYFJUNUM

Umhverfissaga ársins blasir nú við sjónum manna, en þessi „óþægilegu sannindi“ – svo að gripið sé til orða Al Gore – virðast vera meiri en svo, að flestir umhverfissinnar geti horfst í augu við þau.

Árið 2005 gerðu líffræðingarnir John Wooding og David Norris rannsókn á fiskum í Colorado Boulder Creek. Niðurstöður þeirra voru afar alvarlegar. Eins og greint er frá þeim í Denever Post var um alvarlega kynröskun að ræða hjá 123 fiskum, einkum silungi, sem veiddur var með tilviljanaúrtaki. 101 fiskanna voru kvenkyns, 12 karlkyns og 10 þeirra furðuleg samblanda karlfiska og kvenfiska og það svo mjög, að vísindamennirnir treystu sér ekki til að kyngreina þá.

Öll færslan - smellið hér til að lesa alla færsluna »

03.08.07

  10:38:18, Skrásetjari: Jón Rafn Jóhannsson, 1152 orð  
Flokkur: Hugleiðingar, Bænalífið

„Og hann gjörði þar ekki mörg kraftaverk sökum vantrúar þeirra“ (Mt 13. 58)

Fyrirsögnin hér að ofan er komin úr guðspjalli dagsins (3. ágúst). Þar er greint frá því að Jesú predikaði í samkunduhúsinu í ættborg sinni. Og menn undruðust speki hans og vald jafnframt því sem þeir trúðu honum ekki. Svo er enn í dag. Við getum sagt að nú sé það kirkjan sem sé ættborg Jesú og að menn þekki til tilvistar hans, en trúi ekki á orð hans og boðskap. Þetta er sökum stærilætis hjartna þeirra sem er uppspretta allra synda og afneitunar á Guði. Orðið synd þýðir sundrung, að sundra samfélaginu við Guð og þar með Jesú sem er Guð. Og sjálfur sagði hann: „Allt vald er mér gefið á himni og jörðu“ (Mt 28. 18).

Einn þáttur í þessu valdi hans er að fyrirgefa syndir og hann fól kirkju sinni þetta vald á hendur: Sannlega segi ég yður: Hvað sem þér bindið á jörðu, mun bundið á himni, og hvað sem þér leysið á jörðu, mun leyst á himni“ (Mt 18. 18). Þetta er skriftavaldið sem kaþólskir prestar hafa til að fyrirgefa syndirnar í skriftum. Ef skriftabarnið meðtekur „fyrsta orðið“ sem kemur af vörum skriftaföðurins eins og það sé komið frá Guði sjálfum, liggur vilji hans ljóst fyrir.

Öll færslan - smellið hér til að lesa alla færsluna »

01.08.07

  08:44:09, Skrásetjari: Jón Rafn Jóhannsson, 590 orð  
Flokkur: Bænalífið, Kristselskan

Það er í Kristselskunni sem Ritningarnar ljúkast upp fyrir okkur í Heilögum Anda

Nafni minn Jón Valur þótti ég taka of djúpt í árina þegar ég komst svo að orði: „Að öðrum kosti köfnum við í stækju Satans.“ Hér vék ég að mætti hinnar sönnu eða hreinu bænar. Kristselskan er forsenda hennar og þetta sjáum við opinberað okkur með áþreifanlegum hætti þegar lærisveinarnir voru á leiðinni til Emmaus, eins og greint er frá þessu atviki í Lúkasarguðspjallinu. Lærisveinarnir sögðu: „Brann ekki hjartað í okkur, meðan hann talaði við okkur á veginum og lauk upp fyrir okkur Ritningunum?“ (Lk 24. 32).

Það er Heilagur Andi sem opinberar okkur Kristselskuna og þá brennur mannshjartað í elsku til Drottins og allra manna, já, jafnvel skordýra! Við getum ekki borið kennsl á hann eða lært að þekkja hann nema í náð Heilags Anda. Og það er einungis með þessum hætti sem sannleikur Ritninganna lýkst upp fyrir okkur. Að öðrum kosti eru þær einungis lesnar með hyggjuviti mennskra hugsmíða og slík afstaða er röng. Í heilagri Ritningu er fjársjóðurinn fólginn í jörðu sem Jesú benti okkur á: Perlan dýrmæta sem er dýrmætari öllu öðru í alheiminum.

Öll færslan - smellið hér til að lesa alla færsluna »

31.07.07

  09:37:39, Skrásetjari: Jón Rafn Jóhannsson, 1197 orð  
Flokkur: Hugleiðingar

Svar til Grétars Einarssonar.

Ég tel nú útséð um að Grétar Einarsson rökstyðji ummæli þau sem hann hafði um páfa þegar hann komst svo að orði „að mér þykir ásjóna páfa vera sem helgríma karlægrar hómófóbískrar gagnkynhneigðarrembu.“ Ekki svo að skilja að ég vænti þess. Án þess að þekkja til téðs Grétars er ljóst af ummælum hans að hann tilheyrir þeim hópi fólks sem grípur til digurmæla, án þess að sýna þá lágmarks háttvísi að rökstyðja mál sitt eða færa fyrir því rök. Þannig hefur þessi hópur fólks farið „hátt“ á bloggsíðum með slíkum orðhengilshætti. Því er gleðilegt að sjá að hópur þeirra bloggara sem heldur uppi vörnum fyrir kristindóminn fer ört vaxandi. Þetta bendir eindregið í þá átt að kristnu fólki í landinu blöskri þetta atferli. Í reynd er framkoma þessa fólks í samhljóðan við hið svokallaða „Lúkasarmál“ þar sem móðursýki og hópsefjun réð ferðinni.

Öll færslan - smellið hér til að lesa alla færsluna »

29.07.07

  18:26:11, Skrásetjari: Jón Rafn Jóhannsson, 262 orð  
Flokkur: Bænalífið

SANNLEIKSBÆN HEIL. KATRÍNAR FRÁ SIENA

Sannleikur þinn kenndi okkur að hrópa og að okkur yrði svarað; að knýja á og að lokið yrði upp, að biðja og við myndum öðlast. Ó, eilífi Faðir! Þjónar þínir hrópa á miskunn þína og biðja. Svara okkur því. Ég veit að miskunnsemin er óaðskiljanlegur hluti verundar þinnar. Því getur þú ekki neitað okkur um hana eða vísað þeim á bug sem biðja um hana. Þjónar þínir knýja á dyr sannleika þíns vegna þess að í sannleika eingetins Sonar þíns (Jh 14. 6) þekkja þeir þá ómælanlegu elsku sem þú berð í brjósti til mannkynsins. Þannig getur eldur elsku þinnar ekki neitað að ljúka upp fyrir þeim sem knýja á af þolgæði.

Ljúk því dyrunum upp og brjót á bak aftur harðneskju hjartna mannanna sem þú hefur skapað – ef ekki sökum þeirra sem ekki knýja á – þá vegna óumræðilegrar elsku þinnar og elsku á þeim þjónum þinna sem knýja á. Eilífi Faðir! Verð við bænum þeirra sem þú sérð að standa við dyr sannleika þíns og biðja. . . Ljúk upp dyrum ómælanlegrar elsku þinnar sem þú hefur gefið okkur með dyrum Orðs þíns. Ég veit að þú lýkur upp jafnvel áður en við getum knúið á vegna þess að það er í þeirri elsku sem þú hefur gefið þjónum þínum sem þeir knýja á og hrópa til þín sjálfum þeir til vegsemdar og sálunum til hjálpræðis. Gefðu þeim brauð lífsins, það er að segja ávöxt blóðs eingetins Sonar þíns.

  12:16:19, Skrásetjari: Jón Rafn Jóhannsson, 997 orð  
Flokkur: Hugleiðingar

Um helgrímu dauðamenningar veraldarhyggjunnar og sannleika Orðs Guðs

Aðsent bréf Grétars Einarssonar hér að neðan krefst nánari umfjöllunar. Í uppafi segir hann: „Þetta er nú alveg hárrétt; að þrenninguna á að skrifa með stórum staf,“ sem hann skrifar síðan með litlum staf!!! Hann segir síðan: „Þá verð ég að viðurkenna að mér þykir ásjóna páfa vera sem helgríma karlægrar hómófóbískrar gagnkynhneigðarrembu.“ Ég vænti þess að hann rökstyðji þessa afstöðu sína nánar, ef taka á hann alvarlega. Vafalaust höfum við félagarnir nú þegar svarað þessum fullyrðingum að stórum hluta hér á Kirkjunetinu.

Öll færslan - smellið hér til að lesa alla færsluna »

25.07.07

  09:42:20, Skrásetjari: Jón Rafn Jóhannsson, 804 orð  
Flokkur: Hin heilaga arfleifð

Eru konur ekki líka menn?

Svo hefur hlutast til á undanförnum árum að ég hef þurft að hafa töluverð samskipti við lúterskar konur í sambandi við útgáfustarfsemi. Þetta er tilefni spurningar minnar hér að ofan. Vissulega eru allar konur líka menn. Við erum öll sköpuð í „líkingu og mynd“ Guðs (1M 1. 26), en þetta felur í sér að öll berum við Guðsímyndina hulda hið innra eftir skírnina.

Lúterskar konur á Íslandi (og fjölmargar kaþólskar) eru helsýktar af þeim ofsafengna femínisma sem rekja má til þeirra Friedrichs Engels og frú Margrétar Sanger í Bandaríkjunum. Þetta er hugmyndafræði sem er komin beint úr herbúðum hins fallna verndarkerúba – Satans, og gengur þvert á boðskap heilagrar Ritningar.

Öll færslan - smellið hér til að lesa alla færsluna »

17.06.07

  11:38:37, Skrásetjari: Jón Rafn Jóhannsson, 727 orð  
Flokkur: Bænalífið

Bergingarbæn – í tilefni stórhátiðar hins Alhelga Hjarta Jesú

Alhelga Hjarta Jesú, líknarríkt náðardjúp
loga lifandi elsku. Miskunna þú mér
syndugum manni, eins og þú líknaðir
lærisveininum í óumræðilegri elsku þinni,
þeim sem hallaði sér að brjósti þínu við
kvöldmáltíðina.

Í íkonuarfleifð kirkjunnar er til undurfögur íkona af því atviki þegar Jóhannes guðspjallamaður hallaði sér að brjósti Jesú. Í reynd er þetta leyndardómur
Evkaristíunnar. Í heilagri bergingu hvílum við í faðmi Drottins og hlustum á
hjartaslátt hins Alhelga Hjarta hans.

Öll færslan - smellið hér til að lesa alla færsluna »

16.06.07

  12:04:39, Skrásetjari: Jón Rafn Jóhannsson, 733 orð  
Flokkur: Erlendar fréttir

Marxismi lífsins eða marxismi dauðamenningarinnar? – Hugleiðing í tilefni sextíu ára prestvígsluafmælis föður Paul Marx, O.S.B.

POSTULI LÍFSINS
Þessi grein er skrifðuð af Stephan Mosher, framkvæmdastjóra Population Research Institute:

Ég stend í mikilli þakkarskuld við föður Marx. Hann hjálpaði mér til að ganga inn í hreyfingu lífsverndarsinna, mikilvægustu samfélagshreyfinguna í heiminum í dag. Hann hjálpaði mér til að nálgast Krist og leiddi mig til kaþólskrar trúar – þannig að ég skynja að ég á honum mikið að þakka í sál minni. Hann kenndi mér að sjá samhengið á milli getnaðarvarna og fósturdeyðinga, þannig að í vissum skilningi get ég einnig þakkað honum fyrir börn mín. Hann stofnaði Population Research Institute árið 1989 og bað mig um að stjórna samtökunum árið 1995, þannig að ég get þakkað honum postulega viðleitni mína. Og enn, 87 ára gamall, biður hann fyrir starfi okkar daglega.

Öll færslan - smellið hér til að lesa alla færsluna »

10.06.07

  10:08:49, Skrásetjari: Jón Rafn Jóhannsson, 119 orð  
Flokkur: Bænalífið

Bæn heil. Efraíms hins sýrlenska (306-373)

Ó heilaga Frú, Guðsmóðir, full náðar, þú sem ert dýrð eðlis okkar, farvegur allra gæða, Drottning alls sem stendur Heilagri Þrenningu næst; Meðalganga alls heimsins á eftir Meðalgangaranum. Þú, hin leyndardómsfulla brúður sem samtengir jörðina hinu himneska, lykilinn sem lýkur Paradís upp fyrir okkur. Fyrirbiðjandi okkar og Meðalgangari! Horfðu til trúar minnar, horfðu til brennandi guðrækni minnar og minnst máttar þíns og miskunnar. Móðir hins Eina sem er hin sanna miskunn og gæska. Umvef hjarta mitt í eymd þess með fyrirbænum þínum og gerðu mig þess verðan að dvelja Syni þínum til hægri handar. Amen.

04.06.07

  12:12:41, Skrásetjari: Jón Rafn Jóhannsson, 132 orð  
Flokkur: Vefrit Karmels

Vefrit Karmels koma út í kiljum

Nú er fyrsta Vefrit Karmels komið út í kilju, það er að segja Hin myrka nótt sálarinnar eftir hl. Jóhannes af Krossi. Framfarirnar hafa verið örar í útgáfu rafrænna bóka og það er bandaríska fyrirtækið Lulu Publishing sem gerir þetta kleift með því að bjóða afar hagstætt verð og skilmála. Þannig er þetta fyrsta rit boðið lesendum á ríflega 16 evrur (um 1400 krónur) komið heim að dyrum með Íslandspósti. Ætlunin er að gefa öll Vefrit Karmels út með þessum hætti í komandi framtíð – eina kilju mánaðarlega, eins konar bók mánaðarins. Næsta kiljan í ritröðinni verður síðan Uppgangan á Karmelfjall og koll af kolli, þar til öll ritin verða tiltæk íslenskum lesendum.
TENGILL

28.05.07

  08:42:02, Skrásetjari: Jón Rafn Jóhannsson, 317 orð  
Flokkur: Erlendar fréttir

Hægrimenn sigra í spænsku sveitastjórnarkosningunum

Rétt eins og komið hefur fram hér á Kirkjunetinu var barist um „sál Frakklands“ í forsetakosningunum sem lauk með sigri Sarkozys. Í almennum fréttaskýringum kemur ekki fram að hér hefur verið tekist á um grundvallarafstöðuna til ýmissa baráttumála lífsverndarsinna, líkt og til „giftingar“ samkynhneigðra og fjölskyldugilda og vernd fjölskyldunnar. Í Frakklandi lauk þessum átökum með sigri hægrimanna og þar með kristinna lífsgilda.

Það hefur ekki farið fram hjá neinum af hversu miklu offorsi spænskir sósíalistar hafa fótumtroðið öll lífsverndarsjónarmið síðan þeir komust óvænt til valda árið 2004. Spænsku sveitarstjórnarkosningarnar hafa verið prófsteinn á stefnu Jose Luis Rodriguez Zapatero, en þingkosninagar fara fram á Spáni á næsta ári (2008).

Öll færslan - smellið hér til að lesa alla færsluna »

27.05.07

  05:47:16, Skrásetjari: Jón Rafn Jóhannsson, 298 orð  
Flokkur: Kraftaverk tengd Guðsmóðurinni

Brúður Heilags Anda – eftir hl. Lous Grignion de Montfort

Þegar María hefur fest rætur í sálinni glæðir hún með henni undursamlega náð sem einungis hún ein er umkomin að glæða. Það er hún ein sem er hin ávaxtaríka Mey sem hefur aldrei og mun aldrei eiga sér jafningja í hreinleika og frjósemi. Ásamt Heilögum Anda ól María þann mesta ávöxt sem nokkru sinni mun sjá dagsins ljós: Guðmennið. Þar af leiðandi mun hún glæða þau stórmerki sem birtast munu við enda tímanna. Það er henni sem er falið að móta og uppfræða hina miklu og heilögu sem koma munu við enda veraldarinnar vegna þess að einungis þessi einstæða og undursamlega Mey getur glætt einstæða og mikla hluti í einingu Heilags Anda.

Þegar Heilagur Andi og Brúðgumi hennar finnur Maríu í einhverri sál hraðar hann sér á vettvang og gerir sér bústað í henni. Hann gefst þessari sál fúslega með hliðsjón af þeim sess sem hún hefur gefið brúði hans. Ein af meginástæðunum sem býr því að baki að Heilagur Andi gerir ekki undursamleg stórmerki í sálunum er sú, að hann finnur ekki í þeim nægilega mikla sameiningu við trúfasta og óaðskiljanlega brúði sína. Ég segi „óaðskiljanlega brúði“ vegna þess að frá því andartaki sem eðlislæg elska Föðurins og Sonarins varð eitt með Maríu til að mynda Jesú, höfuð hinna útvöldu og Jesús í hinum útvöldu, hefur hann aldrei hafnað henni vegna þess að hún hefur ávallt verið trúföst og frjósöm. [1]

[1]. Umfjöllun um sanna guðrækni á hinni blessuðu Mey, 35-36. 
 

22.05.07

  18:14:56, Skrásetjari: Jón Rafn Jóhannsson, 1997 orð  
Flokkur: Hugleiðingar

Eldur sannleikans og Kjalnesingagoðinn

Það er mikið skrafað á Íslandi í dag, svo mikið, að við getum kallað fjölmiðlamenninguna skrafskjóðumenningu. Einn ávöxtur hennar var borinn á borð fyrir landsmenn á Rúv 2 fyrir tveimur dögum í síðdegisþættinum (eftir kaffitímann). Þetta var viðtal við Jóhönnu Harðardóttir Kjalnesingagoða. Þar lofsöng hún hin heiðnu goð, einkum Þór, vegna þess að hann veitir henni svo mikinn styrk í erilsömu starfi sem blaðamaður! Hún tók fram að fyrir nokkrum árum síðan hefði hún hugað á djáknanám, reynt að lesa Biblíuna, en hún hefði verið henni sem lokuð bók. Hins vegar hefði hún fundið hinn sanna kærleika í ásatrúnni fornu, en ekki í Hvíta-Kristi. Tja, það er nú svo.

Öll færslan - smellið hér til að lesa alla færsluna »

12.05.07

  08:51:14, Skrásetjari: Jón Rafn Jóhannsson, 1048 orð  
Flokkur: Hugleiðingar

„Ef heimurinn hatar yður, þá vitið, að hann hefur hatað mig fyrr en yður.“

Í dag er runninn upp kjördagur. Nú gefst okkur öllum gott tækifæri til að bera krossi Krists vitni: Öllum þeim sem á annað borð telja sig kristna. Mín eigin afstaða liggur ljós fyrir, afstaða sem ég hef endurtekið hvað eftir annað hér á kirkju.net og geri enn og aftur: Sem kristinn maður get ég ekki veitt þeim stjórnmálaflokkum brautargengi sem fótumtroða kristna mannhelgi í reynd, þrátt fyrir allan fagurgala um annað. Það eru verkin sem tala á kjördag og bera sjálfum sér vitni.

Í hugleiðingunni sem fylgir með guðspjalli dagsins er gripið til orða þeirra sem Jóhannes Páll II páfi viðhafði hinn 7. maí árið 2000 á Samkirkjulegri minningarathöfn um votta trúarinnar á tuttugustu öldinni.

Öll færslan - smellið hér til að lesa alla færsluna »

06.05.07

  18:33:57, Skrásetjari: Jón Rafn Jóhannsson, 299 orð  
Flokkur: Erlendar fréttir

Nicholas Sarkozy forseti Frakklands!

Þau ánægjulegu tíðindi liggja nú fyrir að Nicholas Sarkozy er sigurvegari frönsku forsetakosninganna. Kosningabaráttunni hefur verið lýst sem styrjöld um sál Frakklands vegna þess að frambjóðendurnir eru á öndverðum meiði í afstöðunni til lífsverndar og fjölskyldunnar.

Meðan Royal hefur heitið því að lögleiða „hjónabönd“ samkynhneigðs fólks og rétt samkynhneigðra til að ættleiða börn, hefur Sarkozy haldið fram fjölskylduvernd. „Fyrirmynd okkar,“ segir hann, „verður að halda áfram að vera fjölskylda gagnkynhneigðra: Börn þarfnast föður og móður.“

Sarkozy sem er núverandi innanríkisráðherra hefur jafnvel hvatt Frakka til að snúa baki við andúð og fordómum gagnvart trúnni og horfa að nýju til jákvæðra samskipta kirkju og ríkis. Í bók sinni La République, les religions, l'espérance [Lýðveldið, trúin, vonin] sem kom út á síðasta ári gagnrýndi hann harðlega „fyrri kynslóðir“ sem hafa hæðst að, fyrirlitið og gert lítið úr prestum.“

Auk þess setti hann fram þá kröfu að kirkjum yrði gert kleift að fá opinbera fjárhagsaðstoð til kærleiksþjónustu. Jafnframt því að viðurkenna að kirkjan glæði von, veitir fólki í neyð hjálp og sé almennt séð jákvætt þjóðfélagsafl, þá gagnrýndi hann þá „sem telja það eðlilegt að ríkisvaldið fjármagni fótboltavelli, söfn, leikhús og barnaheimili, en jafnskjótt og kæmi að því að reisa kirkjur legði ríkið ekki fram svo mikið sem eyrisvirði.“

Þetta eru mikil tíðindi sem eiga eftir að hafa áhrif um alla Evrópu í nánustu framtíð. „Vive la France religieuse!“

03.05.07

  10:43:57, Skrásetjari: Jón Rafn Jóhannsson, 761 orð  
Flokkur: Hugleiðingar

Ég, vinur minn og bíllinn

Ég og vinur minn er um afar einhuga menn í öllu sem við tökum okkur fyrir hendur. Þannig veittum við því athygli fyrir um það bil 12 árum að bíll var á bílastæðinu hjá okkur sem fór ekki í gang. Við tókum þegar að ræða það okkar á milli að óhjákvæmilegt væri að koma honum aftur í gang. Þar sem við erum afar yfirvegaðir menn tókum við þegar að velta því fyrir okkur hvernig best væri staðið að þessu (að ýta bílnum í gang aftur). Þetta höfum við gert reglulega síðan og einnig notið aðstoðar ráðhollra manna hvað áhrærir framkvæmdina vegna þess að flan er aldrei til fagnaðar.

Í sannleika sagt hefur afar einarður hópur manna og kvenna slegist í lið með okkur sem styður okkur með ráðum og dáð. Úr þessu hafa í reynd myndast stjórnmálasamtök með listabókstafnum X-BD (Byrjum að drífa í þessu). Þannig sjáum við það í hendi okkar að brátt muni líða að því að bílnum verður (ef til vill) ýtt í gang.

Öll færslan - smellið hér til að lesa alla færsluna »

01.05.07

  11:11:11, Skrásetjari: Jón Rafn Jóhannsson, 598 orð  
Flokkur: Hugleiðingar

Eiginmaður Maríu, smiðurinn.

Leó páfi XIII komst svo að orði: „Jósef sem átti ættir sínar að rekja til konunga, varð eitt með henni sem er heilögust allra kvenna í hjónabandinu. En þessi útvaldi faðir Guðsonarins varði öllu sínu lífi til að vinna og með iðjusemi sinni og hæfileikum aflaði hann viðurværis fyrir fjölskyldu sína.“ [1] „Starf handverksmannsins er fjarri því að vera lítilsiglt heldur andhverfa þessa þegar það helst i hendur við dyggðirnar og þá verður það göfgandi.“ [2] Jesús, Guðsonurinn, og sjálfur Guð vildi að litið yrði á sig og hugsað um sig sem handverksmann og gekk enn lengra: „Hann vék sér ekki undan því að stunda handverksiðju mestan hluta lífs síns.“ [3] Sögðu þeir ekki, samferðamenn hans hér á jörðinni: „Er þetta ekki smiðurinn, sonur Maríu?“ (Mk 6. 3). Og enn og aftur spurðu þeir: „Hvaðan kemur honum þá öll þessi speki? „Hver er sú speki, sem honum er gefin, og þau kraftaverk, sem gjörast fyrir hendur hans?“ (Mk 6. 2).

Öll færslan - smellið hér til að lesa alla færsluna »

30.04.07

  21:47:56, Skrásetjari: Jón Rafn Jóhannsson, 43 orð  
Flokkur: Vefrit Karmels

Vefrit Karmels í nýjum búningi

vefrit_ karmels

Undanfarið hef ég unnið að því að uppfæra Vefrit Karmels og svo að segja klæða vefsíðuna í sumarbúning. Nú liggur árangurinn fyrir. Vefsvæðið hefur einnig verið
fært yfir á kirkju.net,

Slóðin er nú:

http://vefrit-karmels.kirkju.net

27.04.07

  11:26:56, Skrásetjari: Jón Rafn Jóhannsson, 587 orð  
Flokkur: Kraftaverk tengd Guðsmóðurinni

Hvítklædda konan í Tien-Tsin í Kína árið 1901

Áður hef ég vikið að franska prestinum föður Yves Hamon hér á Kirkjunetinu. Eins og þar kom fram starfaði hann á Fáskrúðsfirði frá 1901-1906 á vegum franska Sjómannatrúboðsins. Vart var hann kominn heim frá miðunum við Nýfundnaland þegar yfirboðarar hans báðu hann um að fara til Kína. Þar geisaði Boxarauppreisnin aldrei sem fyrr og Frakkar ákváðu að senda spítalaskipið Notre-Dame de Salud á vettvang. Hlutverk skipsins átti að felast í því að flytja særða franska hermenn frá Kína til Japan.

Skipið var hlaðið vistum ætluðum Frökkum sem innilokaðir voru í Kína. Það lagði upp frá Marseille þann 10, ágúst 1901 og auk hjúkrunarfólks og presta flutti það 54 yfirmenn hersins og 454 undirmenn og óbreytta hermenn auk 218 hesta. Farið var sem leið lá um Rauðahafið og stefnt til Aden. Faðir Hamon minnist þess í minningum sínum hversu mjög ferðin um Rauðahafið tók á menn þar sem hitinn fór iðulega upp í 45 stig og menn urðu að hafast við ofanþilja og fjölmargir hestar létu lífið vegna óbærilegs hitans.

Öll færslan - smellið hér til að lesa alla færsluna »

26.04.07

  09:21:02, Skrásetjari: Jón Rafn Jóhannsson, 425 orð  
Flokkur: Hugleiðingar

Athugasemdir við skrif Kristins Hauks Guðnasonar sagnfræðings.

Maður nokkur er nefndur Kristinn Haukur Guðnason og er sagnfræðingur að mennt. Hann er ekki alveg ókunnur okkur hér á Kirkjunetinu vegna þess að fyrir nokkrum misserum skrifaði hann hér á vefsíðunni og þá svo stóryrtur og með guðlasti, að lokað var á hann. Hann fór geyst á Moggablogginu í einni hinna ágætu greina Jóns Vals Jenssonar: Giftingartillaga 41 prests gengur gegn kristinni kenningu. Ég ætlaði mér alltaf að svara rangfærslum hans þar, en vannst ekki tími til þess áður en tímamörkin til athugasemda runnu út.

Öll færslan - smellið hér til að lesa alla færsluna »

22.04.07

  13:51:06, Skrásetjari: Jón Rafn Jóhannsson, 1003 orð  
Flokkur: Hugleiðingar

Hinn algildi sannleikur – kærleiki elskunnar

Kristin trú er opinberunartrú og það var Drottinn Jesús sem opinberaði okkur eðli Guðs Föður fyrir tvö þúsund árum sem elsku. Það er elskan sem er hinn algildi sannleikur, eða með orðum Jóhannesar guðspjallamanns:

Þér elskaðir, elskum hver annan, því að kærleikurinn er frá Guði kominn, og hver sem elskar er af Guði fæddur og þekkir Guð. Sá sem ekki elskar þekkir ekki Guð, því að Guð er kærleikur. Í því birtist kærleikur Guðs meðal vor, að Guð hefur sent Einkason sinn í heiminn til þess að vér skyldum lifa fyrir hann. Þetta er kærleikurinn: Ekki að vér elskuðum Guð, heldur að hann elskaði oss og sendi Son sinn til að vera friðþæging fyrir syndir vorar.

Þér elskaðir, fyrst Guð hefur svo elskað oss, þá ber einnig oss að elska hver annan. Enginn hefur nokkurn tíma séð Guð. Ef vér elskum hver annan, þá er Guð stöðugur í oss og kærleikur hans er fullkomnaður í oss. Vér þekkjum, að vér erum stöðugir í honum og hann í oss, af því að hann hefur gefið oss af sínum Anda. Vér höfum séð og vitnum, að Faðirinn hefur sent Soninn til að vera Frelsari heimsins. Hver sem játar, að Jesús sé Guðs Sonur, í honum er Guð stöðugur og hann í Guði. Vér þekkjum kærleikann, sem Guð hefur á oss, og trúum á hann.

Guð er kærleikur, og sá sem er stöðugur í kærleikanum er stöðugur í Guði og Guð er stöðugur í honum. Með því er kærleikurinn orðinn fullkominn hjá oss, að vér höfum djörfung á degi dómsins, því að vér erum í þessum heimi eins og hann er. Ótti er ekki í elskunni. Fullkomin elska rekur út óttann. Því að óttinn felur í sér hegningu, en sá sem óttast er ekki fullkominn í elskunni.

Vér elskum, því að hann elskaði oss að fyrra bragði. Ef einhver segir: „Ég elska Guð,“ og hatar bróður sinn, sá er lygari. Því að sá sem elskar ekki bróður sinn, sem hann hefur séð, getur ekki elskað Guð, sem hann hefur ekki séð. Og þetta boðorð höfum vér frá honum, að sá sem elskar Guð á einnig að elska bróður sinn“ (1Jh 7-21).

Öll færslan - smellið hér til að lesa alla færsluna »

21.04.07

  10:48:09, Skrásetjari: Jón Rafn Jóhannsson, 721 orð  
Flokkur: Hugleiðingar

Bjargið alda, borgin mín

Því ber að fagna hvernig forráðamenn bloggsíðu Morgunblaðsins hafa brugðist við vaxandi ágangi nafnlausra níðskrifara, skrifum einstaklinga sem „þora“ ekki að koma fram undur réttu nafni og vega að fólki og samtökum með níðskrifum sínum. Einnig er ljóst að sumir þessara níðskrifara grípa til fleiri nafna en eins í taumlausu hatri sínu á mönnum og málefnum.

Eitt eiga margir þeirra sameiginlegt: Hamslaust hatur á kristindóminum og kirkjunni. Sumir þeirra hafa sér það til afsökunar að vera nýheiðingjar sem eru alls fáfróðir um málefni kirkjunnar. Iðulega er átakanlegt að sjá hvernig þeir opinbera þessa fáfræði sína og því leita þeir skjóls í nafnleyndinni svo að þeim verði ekki núið slíkt um nasir.

Öll færslan - smellið hér til að lesa alla færsluna »

19.04.07

  11:31:51, Skrásetjari: Jón Rafn Jóhannsson, 964 orð  
Flokkur: Hugleiðingar

Um kveifska menn, arga og sannleikann

Nú má sjá ávexti afkristnunnar þjóðarinnar á bloggsíðunum á netinu. Þetta er annarrar kynslóðar nýheiðingjar sem aldir eru upp af foreldrunum af fyrstu kynslóð guðsafneitunarinnar. Þetta eru einstaklingar sem hafa flosnað svo gjörsamlega upp úr arfleifð sinni að kristindómurinn er þeim framandi, ef ekki með öllu ókunnur. Þetta lýsir sér meðal annars í orðbragði þessa fólks þar sem blótsyrðin vella fram af sama þunga og stórflóð lýsingarorða auglýsingastóriðju neyslusamfélagsins. Í hugum kristinna manna er þetta einungis enn önnur staðfestingin á orðum Frelsarans:

Öll færslan - smellið hér til að lesa alla færsluna »

14.04.07

  14:35:11, Skrásetjari: Jón Rafn Jóhannsson, 192 orð  
Flokkur: Vefrit Karmels

Ný útgáfa: Ljóð andans á html flettiriti

espiritual

+ Jesús, María

Kæru kristssystkini. Mig langar að vekja athygli ykkar á nýju verki á Vefrit Karmels, en hér er um íkonur að ræða sem Karmelsysturnar í Harassa í Líbanon gerðu í tilefni 400 ára árstíðar hl. Jóhannesar af Krossi. Verkið heitir: Frá myrkrinu til Ljóssins (De las tienieblas a la luz) og er á íslensku.

TENGILL

Hið andlega brúðkaup Krists og kirkjunnar og sérhverrar sálar sem gengur veg helgunarinnar hefur ávallt verið kjarni dulúðar kaþólsku jafnt sem lútersku kirkjunnar. Minnumst þess að það var Guðbrandur byskup Þorláksson sem lét þýða verk Martins Möllers – Mysterium magnum – og gefa út árið 1615 eða; Sá mikli leyndardómur um það himneska brullaup og andlega samtenging vors herra Jesú Krists og hans brúðar kristilegrar kirkju.

Það er einmitt þetta sem heil. Jóhannes af Krossi fjallar um í Ljóði andans (Cantico espiritual) sem einnig má finna á Vefrit Karmels.

Þetta er okkur öllum þörf áminning nú þegar veraldarhyggjan (secularism) gerir svo harða atlögu að helgi kristins hjónabands. Í íkonuskrifum Karmelsystranna í Harassa verður þetta að miklu listaverki. Njótið heil.

10.04.07

  10:45:33, Skrásetjari: Jón Rafn Jóhannsson, 1491 orð  
Flokkur: Hugleiðingar

Um kirkju Krists og veraldarhyggjuna

Drottinn er upprisinn og krossfesti dauðann á Fórnarhæð krossins með því að úthella sínu eigin blóði til að frelsa okkur undan valdi dauðans. Þetta er kjarni friðþægingarinnar og boðunar kirkjunnar frá upphafi vegferðar hennar á jörðinni: SJÁLFUR LEYNDARDÓMUR PÁSKANNA!

Eitt sinn sagði vinur minn – kaþólskur prestur sem nú er genginn inn í fögnuð dýrðarinnar: „Jón, það er ekki alltaf auðvelt að boða kross Krists, þann kross sem við meðtókum fyrir 2000 árum. Það er ekki ávallt auðvelt að boða nútímamanninum kross Krists!“ Hann mælti þessi orð af reynslu úr boðunarstarfi sínu.

Öll færslan - smellið hér til að lesa alla færsluna »

27.03.07

  12:40:57, Skrásetjari: Jón Rafn Jóhannsson, 815 orð  
Flokkur: Fóstureyðingar og vernd, Kynþáttahyggjan og átök þjóða

Um barnaníð og markvissa útbreiðslu hómósexúalisma innan kaþólsku kirkjunnar (2)

ANGIST PÁLS PÁFA VI – eftir föður Paul Marx OSB. Greinina mátti fyrst sjá á prenti í „The Wanderer.“

Fáir gera sér grein fyrir þeim mikla þrýstingi sem var ríkjandi þegar Páll páfi VI gaf út Hirðisbréf sitt Humanae Vitae þann 25. júlí 1968.

Á öðru Vatíkanþinginu tóku kardínálarnir að ræða siðgæði það sem býr að baki getnaðarvarna. Guðfræðingar höfðu ráðist á kenningar kirkjunnar hvað áhrærir ábyrgðina samfara fjölskylduáætlunum og hófu „samviskuafstöðuna“ upp til skýjanna.

Jóhannes páfi XXIII skipaði fámenna nefnd sem átti að rannsaka hvort pillan væri æskileg við fæðingastjórnun vegna þess að hún myndaði engan vegg á milli eiginkonu og eiginmanns, eins og guðfræðingarnir við Louvainháskólann (í Belgíu) héldu fram.

Eftir að Jóhannes páfi andaðist stækkaði Pál páfi nefndina til muna, en hún átti að vera honum ráðgefandi hvað vék að lokaniðurstöðunni. „Aldrei,“ sagði Páll páfi VI, „hefur nokkur páfi staðið frammi fyrir jafn afdrifaríkri ákvörðun.“

Öll færslan - smellið hér til að lesa alla færsluna »

25.03.07

  12:14:05, Skrásetjari: Jón Rafn Jóhannsson, 525 orð  
Flokkur: Fóstureyðingar og vernd, Getnaðarverjasamfélagið

Alheimshreyfing hjóna til hjóna (The Couple to Couple League International (CCLI)

Það var John og Sheila Kippley sem stofnuðu samtökin 1971. John er kaþólskur leikmannaguðfræðingur sem skrifaði bók í kjölfar þeirrar miklu umræðu sem kom í kjölfar hirðisbréfsins Huamanae Vitae árið 1968. Þar sem hann vildi ekki líkjast faríseunum sem Jesú fordæmdi vegna þess að þeir lögðu á menn byrðar „sem erfitt var að bera“ og snertu sjálfir „ekki byrðarnar einum fingri,“ (Lk 11. 46) tók hann ásamt eiginkonu sinni Sheilu að kenna hjónum hina náttúrlegu fjölskylduáætlun (NFP) svo að kaþólikkar gætu lifað til samræmis við kenningar kirkjunnar. Sheila hafði lagt stund á rannsóknir um brjóstagjöf og áhrif þeirra til að glæða frjósemi eftir barnsfæðingu. Í kjölfarið tók hin að kenna lífvæna brjóstagjöf (eða náttúrlegt móðurhlutverk) sem óaðskiljanlegan hluta námskeiðahalds CCLI.

Öll færslan - smellið hér til að lesa alla færsluna »

24.03.07

  11:30:33, Skrásetjari: Jón Rafn Jóhannsson, 222 orð  
Flokkur: Kraftaverk tengd Guðsmóðurinni

Dauði fyrir Evu, líf fyrir Maríu!

Þann 25. mars er minningardagur opinberunar Maríu Guðsmóður í Lourdes þegar hún sagði við heil. Bernadettu: „Ég er hinn FLEKKLAUSI GETNAÐUR!“

Við skulum því hyggja að því hvað „Ljós mannanna“ (Lumen Gentium) segir:

LÍFIÐ KOM FYRIR MARÍU

Það er því við hæfi að hinir heilögu feður sjá Maríu sem verkfæri Guðs, ekki einungis með óvirkum hætti, heldur sem meðvirka í endurlausn mannkynsins í trú og hlýðni.

Heil. Íreneus segir: „Með hlýðni sinni varð hún að uppsprettu hjálpræðis bæði sjálfri sér og öllu mannkyninu til handa.“ Því eru þeir ekki svo fáir meðal hinna fornu feðra sem fullyrða fullir gleði í predikun sinni: „María leysti hnút óhlýðni Evu með hlýðni sinni. Það sem meyjan Eva hneppti í fjötra með vantrú sinni, leysti meyjan María með hlýðni sinni.“ Þegar þeir báru Maríu saman við Evu, þá nefndu þeir hana „Móður lifenda“ og enn oftar sögðu þeir: „Dauði fyrir Evu, líf fyrir Maríu“ (Lumen Gentium, VIII 56).

Þetta er óaðskiljanlegur hluti okkar heilögu kaþólsku trúar eins og við meðtókum hana úr höndum hinna heilögu feðra og mæðra.
 
SJÁ

1 2 4 ...6 ...7 8 9 10 11 12 ... 20