Latest Comments

Viðbrögð: Hjalti Magnússon: Bæn

Athugasemd from: Jon Valur Jensson [Meðlimur]

Ekki veit ég til þess, að langafi minn hafi gefið út fleiri ljóð en þau, sem eru á 16 blaðsíðna kverinu Einfeldningur. Mér er það gleðiefni að birta þetta hér og þykist kenna hér og í fleiri kvæðum hans og vísum innileg merki trúar hans, eins og sést hér á því, með hve fallegum hætti hann ávarpar skapara sinn og frelsara, og með samanburði við annan kveðskap í kverinu er augljóst, að þessi hátignarlega virðing fyrir guðdómnum og elskufullur andi gagnvart Jesú, ásamt bænarhita (sjá ávörpin hér: I:1-2, II:2, III:4 (og 6), IV:1,2,6), hefur verið honum inngróin trú, vafalítið frá bernskuárum, þar sem hann ólst upp með trúuðum foreldrum sínum (og af sjö prestum var hann kominn í beinan karllegg), en hann “flutti með foreldrum sínum að Rafnseyri 1860 og var hjá þeim áður alla stund, en flutti aftur frá Baulhúsum í Arnarfirði 1863 að Eyri í Seyðisfirði og var þá orðinn giftur Friðrikku …” (Sighvatur Borgfirðingur, ibid.).
Vafalítið tel ég, að Hjalti eigi þau innilegu eftirmæli sem í nafni móður hans eru letruð á grafstein séra Magnúsar á Rafnseyri, en hann lézt þar 7. sept. 1860, 59 ára gamall, en 31 ár prestur.

PS. Allri stafsetningu kversins er haldið hér óbreyttri. Prentað var það í Prentsmiðju Stefáns Runólfssonar á Ísafirði fyrir 120 árum.

19.07.18 @ 19:35

Viðbrögð: Hjalti Magnússon: Bæn

Athugasemd from: Jon Valur Jensson [Meðlimur]

Þannig ritar langafi minn Hjalti um þetta inngangs-kvæði sitt í smákverinu Einfeldningur, nokkur ljóðmæli (Ísaf. 1898, gefin út af höfundinum), s. 3-4. Hjalti var fæddur á Svarfhóli í Álftafirði, N-Ís., 4. nóv. 1839, sonur Magnúsar prests í Ögurþingum og síðast á Rafnseyri, Þórðarsonar prests, síðast í Ögurþingum, Þorsteinssonar, og konu hans Matthildar Ásgeirsdóttur prófasts á Holti í Önundarfirði, Jónssonar prófasts þar (móðurföður Jóns forseta), Ásgeirssonar. Hjalti var kvæntur Friðrikku saumakonu Kristjánsdóttur sterka á Borg í Arnarfirði Guðmundssonar. Þau voru á ýmsum stöðum við Ísafjarðardjúp og á Ísafirði, búandi og í vinnumennsku, og formaður var hann einnig. Áttu þau nokkur börn, m.a. Magnús, “skáldið á Þröm", og tvo syni átti hann að auki, Jens í Bolungarvík og Hinrik vélstjóra, afa undirritaðs (hann og Hjalti eru með æviskrár í Kennaratali IV, 108 og 109, en Magnús á Þröm í sama riti, I, 470, og í Ísl. æviskrám, III, 445). “Hjalti var hagorður og vel að sér ger um marga hluti, drengur góður og glaður hvað sem á móti blés, ráðvandur og vel gefinn, var við barnakennslu á vetrum á síðari árum og fór það betur en mörgum sem lærðu meira.” (Sighvatur Grímsson Borgfirðingur: Presta æfir á Íslandi, XI,1, bls. 59 o.áfr.: Magnús Þórðarson). Ljóst er af orðalagi hans við þetta ljóð, að hann hefur verið barnakennari í Djúpinu a.m.k. 1896-8, sennil. til dd., einnig getið sem heimiliskennara í Súgandafirði 1891-2 og 1896 (Ktal). “Hann varð bráðkvaddur á Dvergasteini í Álftafirði 15. maí 1899, [nær] 60 ára, en Friðrikka kona hans dó á Ísafirði 7. júní 1913″ (Sighv. Bgf.). Friðrikka ól upp Hinrik, afa undirritaðs, en móðir hans var Sigurlína María Hinriksdóttir kaupm. og útgm. á Ísafirði, Sigurðssonar á Seljalandi.

19.07.18 @ 19:16

Viðbrögð: Á messudegi heil. Lárentíusar

Athugasemd from: Ragnar Geir Brynjólfsson [Meðlimur]

Takk fyrir þennan fróðlega pistil og góðu fréttir af sr. Jürgen.

03.09.16 @ 10:02

Viðbrögð: Nýtt biskupsefni kaþólskra

Athugasemd from: Ragnar Geir Brynjólfsson [Meðlimur]

Takk fyrir pistilinn Jón. Hann er vel að þessum vegsauka kominn, mikill ágætismaður og góður í viðkynningu. Til hamingju Davíð biskup!

01.10.15 @ 19:27

Viðbrögð: Hverjir eru 200 sinnum líklegri til að fá AIDS en gagnkynhneigðir?

Athugasemd from: Jon Valur Jensson [Meðlimur]

Þakka þér, Ómar. Þetta er jafn-satt og það er fallega hugsað hjá þér: “fyrir trú held ég boð Guðs og vegna þess að ég elska hann sem bjargaði mér syndaranum, Guð endurreisti mig fyrir trú á þann vitnisburð sem sonur hans hefur gefið.”

Gangi þér vel á veginum, bróðir í Kristi.

01.08.15 @ 05:36

Viðbrögð: Franskir sjómenn, franska kirkjan ... spítalar á Íslandi og sjálf kaþólska kirkjan og viðgangur hennar hér

Athugasemd from: Ragnar Geir Brynjólfsson [Meðlimur]

Heill og sæll Jón. Takk fyrir fróðlegan pistil og bestu kveðjur.

28.06.15 @ 09:32

Viðbrögð: Hverjir eru 200 sinnum líklegri til að fá AIDS en gagnkynhneigðir?

Athugasemd from: Ómar [Gestur]
Ómar

Ég þakka ekki lúterum fyrir mitt hjálpræði í Kristi heldur þeim manni sem kom með heilagar ritningar til mín, þá er ég var í þreingingum og sálarangist, var þá búinn að leita leingi og vel, hver tilgangur minn væri, svo kom trúinn því meira sem ég las í biblíuni, og hafði ég verið á undann í þjónustu anda þessa heims, og undir hans umsjá,í gegnum skóla lýfsins, sem var búinn að vera erfiður, tók ég á móti vitnisburði Jesús krists, og ég sem aldrei hef séð neitt yfirnáttúrulegt heirði orð hans koma til mín eins og töluð væru til mín,ég gerði þarna yðrunn var algerlega tilbúinn að gefast Guði fyrir trú á vitnisburð sonar hans Jesús Krists, ég fann og upplifði synd mína burttekna upplifði lausn algera lausn frá þessari byrði sem ég hafði frá anda þessa heims,en Drottin gerði mér það ljóst stuttu seinna að svo ég gæti lifað, sigrandi lífi þá yrði ég að endurfæðast, og öðlast hjálparann sem ég átti að fá þegar ég fermdist, og ég endurtók skírn mína í trú og fékk hjálparann, helagan anda, fyrir trú held ég boð Guðs og vegna þess að ég elska hann sem bjargaði mér syndaranum,Guð endurreisti mig fyrir trú á þann vitnisburð sem sonur hans hefur gefið, hvernig getið þið blessað syndinna sem Drottinn fór á krossin fyrir, sambúð karls við karl, og konu við konu,hugsið ykkur um vel hverja þið leggið hendur ykkar yfir, ég veit að ég er dýru verði keiptur, og líkaminn er fyrir Guð en ekki synd, ég er ekki sá sem ég var ég er í dag maður sem elskar réttlæti en hatar það sem ég jafnvel gerði áður, við lifum á tíma fæðingarhríðanna ,það sér sá sem er ekki veruleikanum fyrtur, ég er ekki háskólageinginn kláraði ekki einu sinni grunnskóla, en hef farið í gegnum skóla lífsins og hef smakkað mart í honum, mér er alveg sama um stafsetningarvillunar sem eru í þessum orðum, enda ekki mikið mentaður í speki þessa heims?.Líkaminn er kirkjann, hver sem hún er, því hvar er bróðir minn hvar er sistir mín eða móðir mín sá sem heldur boð föður míns sem er á himnum, hann er bróðir minn sistir og móðir. Guð er innvígður í alla veröld sína, en er samt persónulegur, og þegar þið horfið á krossin og sjáið son hans, þa´sjáið þið hvað hann elskar ykkur mikið, Guð blessi ykkur.

08.06.15 @ 16:06

Viðbrögð: Hverjir eru 200 sinnum líklegri til að fá AIDS en gagnkynhneigðir?

Athugasemd from: Jon Valur Jensson [Meðlimur]

Það skal ég gera, Sif. Var fyrst að sjá þetta innlegg þitt nú og er upptekinn við annað, en svar færðu hér von bráðar.

16.05.15 @ 14:25

Viðbrögð: Hverjir eru 200 sinnum líklegri til að fá AIDS en gagnkynhneigðir?

Athugasemd from: Sif [Gestur]  
Sif

Jón Valur,þú segir “Þetta er nefnilega alls ekki eins sjálfgefið mál og þú virðist ímynda þér.” Komdu með heimildir sem afsanna það sem Hallgeir segir.

17.04.15 @ 05:08

Viðbrögð: Hverjir eru 200 sinnum líklegri til að fá AIDS en gagnkynhneigðir?

Athugasemd from: Jon Valur Jensson [Meðlimur]

Og til hvaða heimildar (ef einhverrar) vísar þú í því efni, Hallgeir? –– Þetta er nefnilega alls ekki eins sjálfgefið mál og þú virðist ímynda þér.

08.06.14 @ 03:38

Viðbrögð: Hverjir eru 200 sinnum líklegri til að fá AIDS en gagnkynhneigðir?

Athugasemd from: Hallgeir Ellýjarson [Gestur]
Hallgeir Ellýjarson

Gagnkynhneigðar konur eru margfalt líklegri til þess að smitast af HIV en lesbíur. Þið minnist auðvitað ekkert á það.

05.06.14 @ 20:29

Viðbrögð: Við þurfum nýjan Frans van Hooff fyrir sveltandi Sýrlendinga

Athugasemd from: Jon Valur Jensson [Meðlimur]

Kærar þakkir fyrir innleggin, báðir tveir!
Já, Ragnar, þetta er fróðlegt um séra Franz; hann gaf allt sitt.
Sannur prestur, segi ég, og mega margir taka hann sér til fyrirmyndar.

27.02.14 @ 18:07

Viðbrögð: Við þurfum nýjan Frans van Hooff fyrir sveltandi Sýrlendinga

Athugasemd from: Gunnar Ingibergsson [Gestur]
Gunnar Ingibergsson

Góð grein Jón en sorglegt er ástandið í Sýrlandi og hvað þá í Mið Afríku þar sem framin eru þjóðarmorð.

19.02.14 @ 13:52

Viðbrögð: Við þurfum nýjan Frans van Hooff fyrir sveltandi Sýrlendinga

Athugasemd from: Ragnar Geir Brynjólfsson [Meðlimur]

PS. Hér er leiðrétting. Ég er titlaður hér “ritstjóri þessa kirkjunets” sem ég er ekki og hef ekki verið.

06.02.14 @ 07:29

Viðbrögð: Við þurfum nýjan Frans van Hooff fyrir sveltandi Sýrlendinga

Athugasemd from: Ragnar Geir Brynjólfsson [Meðlimur]

Blessuð sé minning séra Frans. Ég ræddi við bróður hans í erfisdrykkjunni eftir jarðarförina og hann sagði við mig að af föðurarfi Frans hafi ekkert verið eftir, ekki neitt, en arfurinn mun hafa verið umtalsverður, hann hefur líklega farið mest allur í að fjármagna þessa umfangsmiklu fata- og hjálpargagnaflutninga. Takk fyrir þennan góða pistil Jón og bestu kveðjur til þín!

03.02.14 @ 17:42

Viðbrögð: Af refsingum fyrr og síðar

Athugasemd from: Jon Valur Jensson [Meðlimur]

Með Stóradómi hófust dauðadómar í stórum stíl um kynferðismál, þótt hægt hafi farið framan af: tvær persónur voru dæmdar til dauða í þessum sökum á Alþingi 1563–95 (þ.e. 1573, í sama málinu). En á 17. öld er refsigleðin komin í algleyming, t.d. greina Alþingisbækur og annálar frá 18 líflátum fyrir þessi brot á Alþingi á einum saman árunum 1641–1650, þar af níu fyrir skírlífisbrot, átta fyrir sifjaspell og einu fyrir hórdóm.* Þessir dauðadómar voru, eins og fram er komið, byltingarkennd breyting frá kaþólskri tíð.

Þetta, m.a., höfðu Íslendingar upp úr siðaskiptunum, en jafnframt, að sjúkraþjónusta klaustranna lagðist af með öllu.

** Sjá Davíð Þór Björgvinsson: ‘Stóridómur’, í Lúther og íslenskt þjóðlíf, Rvík, Hið íslenska Lúthersfélag, 1989, bls. 133; nánar í ritgerð eftir Þorgeir Kjartansson: ‘Stóridómur. Nokkur orð um siðferðishugsjónir Páls Stígssonar’, í Sögnum 1982, s. 2–12.

06.11.13 @ 12:30

Viðbrögð: Vanmetum ekki gildi skrifta í trúnaði, jafnvel fyrir glæpamenn og fórnarlömb þeirra

Athugasemd from: Ragnar Geir Brynjólfsson [Meðlimur]

Heill og sæll Jón.

Ég held að reglulegar skriftir geti verði mjög hjálplegar fyrir fólk sem gerir sér grein fyrir veikleikum sínum og vill fá aðstoð við að takast á við þá, sem og dýpka sig, þroskast og finna með hjálp skriftaföðurins og Guðs aðra vankanta á sjálfum sér sem það hefur ekki tekið eftir.

Án þess að hafa neitt fyrir mér í því þá ætla ég samt að játningar stórglæpa á borð við morð eða barnaníð heyri til alegrra undantekninga. Mér finnst líklegt að flestir prestar ljúki starfsævi sinni án þess að heyra nokkurn tíma játaðan stórglæp í skriftastól.

Þarna væri þó verðugt athugunarefni og ég er viss um að viðtal við kaþólskan prest í einhverju dægurritanna þar sem farið er almennt yfir þessi mál myndi þykja athyglisverð lesning og víkka sjónarhorn meðborgara okkar á þetta málefni.

02.11.13 @ 13:41

Viðbrögð: Af refsingum fyrr og síðar

Athugasemd from: Jon Valur Jensson [Meðlimur]

Þakkir, Ragnar!

PS. Hef bætt ýmsu við athugasemdirnar, síðast með viðauka við aths.*** rétt áðan, í hádeginu 31. okt.

30.10.13 @ 11:46

Viðbrögð: Af refsingum fyrr og síðar

Athugasemd from: Ragnar Geir Brynjólfsson [Meðlimur]

Magnað ljóð og fróðlegar skýringar!

30.10.13 @ 06:44

Viðbrögð: Doktorsrit um Jón biskup Arason

Athugasemd from: Jon Valur Jensson [Meðlimur]

Þakka þér fyrir þetta, Ragnar! Og rétt er það sem þú segir um dr. Sigurð Nordal –– og þessar bækur hans eru enn mjög íhugunarverðar og mikils virði. Við ættum að ausa af brunni þekkingar hans, reynslu og ígrundunar, einnig í tengslum við okkar trú og trúvörn.

En það má bæta því við um 94 ára fréttina / frásögnina í Vísi, að laus er hún við að fjalla um hið eiginlega söguefni, Jón biskup Arason, nefnir hann ekki einu sinni á nafn! og í engum tilfellum nefndra athugasemda við doktorsritið er verið að geta þess, hvaða atvik eða málefni þær fjalli um. En sem lýsing á fyrirkomulagi doktorsvarnar (og heiðursdoktors-útnefningar) í hinum unga Háskóla Íslands er þetta samt fróðleg frásögn.

Doktorsritgerð Páls Eggerts er fyrsta bindið í miklu ritverki hans, Menn og menntir siðskiptaaldarinnar á Íslandi, I–IV (Rv. 1919–1926).

27.10.13 @ 19:57
Ábyrgðarmaður: Jón Valur Jensson guðfræðingur.

Önnur blogg sama höfundar: [jonvalurjensson.blog.is]
[jvj.blog.is]
[krist.blog.is] (þátttaka)
[lifsrettur.blog.is]

Leit

blogging software