« Heilög Teresa frá Avíla um hina innri bænNýr umhverfisvávaldur: Eituúrgangur frá getnaðarvarnalyfjum – eftir Colin Mason [1] »

08.08.07

  11:26:18, Skrásetjari: Jón Rafn Jóhannsson, 1537 orð  
Flokkur: Hugleiðingar

Við gerum ekkert án trúar

Að fróðra manna sögn tekur það um 20 sjómílur að stöðva risaolíuflutningaskip á „fullu“ skriði. Skriðþunginn er þetta mikill vegna þyngsla farmsins. Ef skipstjórinn trúir því að ógn steðji að skipi hans vega fyrstu viðbrögð hans þungt fyrir sjórétti. Dæmi eru jafnvel um að skipstjóri hafi verið sýknaður fyrir sjórétti vegna þess að hann varð að taka ákvörðun sína í flýti. Sjóréttardómararnir vega slíkt og meta í ljósi sérþekkingar sinnar.

Við getum í vissum skilningi líkt heilu þjóðríki við slíkt risaolíuflutningaskip. Í stjórnmálum er um „skammtíma“ og „langtímaákvarðanir að ræða. Við skulum taka sem dæmi fólksfjölgunina. Þar er um langtímaákvarðanatöku að ræða. Ákvörðum sem tekin er í dag liggur þannig ekki á borðinu fyrr en eftir svo sem sjötíu ár þegar árangurinn kemur í ljós. Við verðum þannig að trúa því að við höfum tekið rétta ákvörðun. Hér er þróunin ekki stöðvuð í einni skyndingu fremur en ákvörðun skipstjórans í brúnni verði þess valdandi að skipið stöðvist „á punktinum.“

Stjórnmálamenn og flokkar verða að trúa því að ákvörðun þeirra sé sú eina og rétta og þjóðinni til farsældar með hliðsjón af framtíðinni. Ef við trúum því ekki að bíllinn okkar skili okkur ekki á áfangastað í sumarfríinu veljum við einhvern annan ferðamáta. Ef við trúum því að við getum ekki klifið fjallið sem okkur langar til að gera í fríinu, þá látum við það ógert að ganga á það. Maðurinn gerir ekkert án trúar á að það sem vaki fyrir honum nái fram að ganga.

Í gærkveldi horfði ég á athyglisverða mynd á þýskri sjónvarpsstöð. Hún greindi frá lífi sex systra og afstöðu þeirra til föður þeirra sem þær höfðu í reynd ekki mikil kynni af vegna þess að hann var alltaf að vinna fyrir vin sinn Hitler: Hann trúði sem sagt á málstaðinn og var sífellt að vinna og stríða fyrir flokkinn. Uppskeran að stríðinu loknu var dauðadómur yfir honum fyrir illdæðisverk sem hann framkvæmdi á blásaklausum Gyðingum. Við getum sagt að honum hafi ekki orðið að trú sinni fremur en foringjanum mikla sem bar sín brenndu bein í jarðholu fyrir utan „bunkerið“ ásamt ástkonu sinni. Basta: Ekkert Þúsundáraríki!

Snúum okkur aftur að stjórnmálamönnunum og nú á meginlandi Evrópu. Fyrir 40 árum síðan létu fjölmargir þeirra heillast af draumsýn dauðamenningarinnar: Fósturdeyðingum. Lög voru sett sem tryggðu konum „rétt“ til frjálsra fósturdeyðinga. Nú blasa afleiðingarnir við sjónum: Hrun fólskfjöldapýramídans. Raunsæir stjórnmálamenn í Evrópu gera sér ljóst að geigvænleg vandamál blasa við að skömmum tíma liðnum. Og nú er komið að kjarna málsins. Þrátt fyrir að ákvarðanir yrðu teknar á þessari stundu til að snúa þessari þróun við, þá skila þær engum árangri fyrr en í fyrsta lagi eftir um 70 ár eða einhvern tíma skömmu fyrir aldamótin 2100. Evrópuþjóðirnar eru dæmdar til að ganga í gegnum þær hremmingar sem samfara eru fólskfjöldahruninu.

Þrátt fyrir að allar staðreyndir og málsgögn lægju fyrir gátu þrjár af þýsku systrunum í myndinni sem ég vék að hér að ofan ekki horfst í augu við að faðir þeirra hefði verið stríðsglæpamaður. Þær trúðu á sakleysi hans: Mundu eftir þeim pabba sem kom einstaka sinnum heim og var góður við þær. Margir – allt of margir – trúa enn á þann þátt dauðamenningarinnar sem felst í hugmyndafræði fósturdrápanna. Þeir vilja ekki horfast í augu við afleiðingarnar. Í reynd eru þeir ofsatrúarmenn!

Við skulum taka annað dæmi um þessa ofasatrú: Smokkatrúna. Smokkurinn á að bjarga öllu og uppræta eyðnina í heiminum sem talsmenn heilbrigðisstofnanna segja að sé orðin stjórnlaus þrátt fyrir smokkinn. Einn af starfsmönnum íslensku þróunarhjálparinnar kom fram í ríkissjónvarpinu fyrir tveimur dögum og benti á hinn athyglisverða árangur sem náðst hefur í Úganda, án þess þó að geta um ástæðurnar sem búa þessum árangri að baki. Hún er sú að stjórnvöld hafa hvatt íbúa landsins til að iðka öruggt kynlíf, það er að segja að karlmennirnir forðist allt lauslæti ekki síður en konurnar og ekki síst samkynhneigð, en þar er eina meginuppsrettu útbreiðslu eyðninnar að leita.

Nú veit ég að ofsatrúarmenn dauðamenningarinnar ærast vegna þess að ein helsta grein trúarjátningar þeirra er óbeislað kynlíf „a la mode“ Kinsley þar sem allir gera það með öllum. Í magnvana bræði snúast þeir gegn kirkjunni og lífsverndarsinnum og afneita öllum fyrirliggjandi staðreyndum. Þetta er vegna þess að í blindri ofsatrú sinni trúa þeir á málstað sinni.

Eins og ég segi, þá gerum við ekkert án trúar. Því skiptir það miklu máli á hvað við trúum. Í hatri blindrar ofsatrúar sinnar snúast þeir gegn Drottni Jesú Kristi og kirkjunni sem þeir ásaka um allt sem fer úrskeiðis í þeirra eigin vígstöðvum gegn lífinu. Nú upp á síðkastið hefur vísindasagnfræðingurinn Steindór J. Erlingsson boðað það sem Jón Valur nefnir „Steindórsfræði“ á bloggsíðu sinni. Eitt af þeim atriðum sem hann hefur bent á er að þær 25 þjóðir sem tryggi velferð þegna sinna hvað best séu ekki kristnar, það er að segja Evrópuþjóðirnar, vegna þess að stór hluti þegna þeirra hafi hafnað kristinni trú.

Að vissu leyti hefur hann á réttu að standa. Í kristinni guðfræði eru þær skilgreindar sem síð-kristnar (post-Christian) vegna þess að þær hafa hafnað kristinni arfleifð sinni undir stjórn ógæfusamra stjórnmálamanna. Innan skamms tíma verða þær að horfast í augu við geigvænleg vandamál af þessum sökum vegna skefjalausra fósturdrápa. svo geigvænleg, að lífskjör þeirra munu hrynja. Svo fer ávallt fyrir þeim sem hafna lífinu.

Í Steindórsfræðunum er Drottinn Jesú ekki hátt metinn, heldur lítið á hann sem einn af fjölmörgum heimslitaspámönnum Gyðinga sem voru áberandi frá því á tímum Makkabeanna. Hann er hvorki Drottinn eða Guðsonurinn sem holdgaðist á jörðu í mennskri mynd og sagði:

Ég hef ekki sagt yður þetta frá öndverðu, af því ég var með yður. En nú fer ég til hans, sem sendi mig, og enginn yðar spyr mig: ,Hvert fer þú?' En hryggð hefur fyllt hjarta yðar, af því að ég sagði yður þetta. En ég segi yður sannleikann: Það er yður til góðs, að ég fari burt, því ef ég fer ekki, kemur Hjálparinn ekki til yðar. En ef ég fer, sendi ég hann til yðar. Þegar hann kemur, mun hann sanna heiminum, hvað er synd og réttlæti og dómur, – syndin er, að þeir trúðu ekki á mig, réttlætið, að ég fer til Föðurins, og þér sjáið mig ekki lengur, og dómurinn, að höfðingi þessa heims er dæmdur.

Enn hef ég margt að segja yður, en þér getið ekki borið það nú. En þegar hann kemur, Andi sannleikans, mun hann leiða yður í allan sannleikann. Hann mun ekki mæla af sjálfum sér, heldur mun hann tala það, sem hann heyrir, og kunngjöra yður það, sem koma á. Hann mun gjöra mig dýrlegan, því af mínu mun hann taka og kunngjöra yður. Allt sem Faðirinn á, er mitt. Því sagði ég, að hann tæki af mínu og kunngjörði yður (Jh 16: 5-15).

Í „Steindórsfræðunum“ er slíkur Guð ekki fyrirfinnalegur: Lifandi Guð. Það er ofur eðlilegt að Steindór J. Erlingsson trúi ekki á þennan Guð vegna þess að hann opinberast ekki í fræðibókum mennskrar hughyggju heldur í Heilögum Anda í sakramentum kirkjunnar í auðmýkt hjartans.

Dauðamenningin hafnar þessum Drottni, en trúir því engu að síður að trúin á hann sé uppspretta alls ills. Hún trúir á hann eins og djöflarnir: „Án elsku“ (Jk 2. 19) og hatar boðskap hans. Því mun henni ekki auðnast að sigla fleyi hugsmíða sinna til friðarhafnar endurlausnarinnar í hrunadansi sínum vegna þess að í blindri ofsatrú sinni sér hún ekki váboðana sem standa í vegi. Því mun hún ganga sama helveg og þeir sem trúðu af ofsa á boðskap leiðtoganna miklu á fyrri öld markaðan blóðferli mennskra hörmunga.

9 athugasemdir

Athugasemd from: Gunnar Ingibergsson [Gestur]
Gunnar Ingibergsson

Smokkatrúna. Smokkurinn á að bjarga öllu og uppræta eyðnina í heiminum sem talsmenn heilbrigðisstofnanna segja að sé orðin stjórnlaus þrátt fyrir smokkinn.

Smokkurinn er notaður sem vörn gegn
kynsjúkdómum og að þeir dreifist milli manna en ekki að uppræta þá.
Merkilegt hvað guð er valda mikil ekki
getur hann upprætt sjúkdóma.

10.08.07 @ 20:59
Athugasemd from: Jón Rafn Jóhannsson [Meðlimur]
Jón Rafn Jóhannsson

Guð virðir frjálsan vilja mannsins. Ef þú ákveður að skjóta sjálfan þig í löppina, Gunnar, þá kemur Guð ekki í veg fyrir það.

Útbreiðslu kynsjúkdóma (eyðni auk 48 nýrra afbrigða kynsjúkdóma) má rekja til sóðaskaps í kynlífinu.

Ég bendi enn á þann árangur sem náðst hefur í Úganda þar sem fólk hefur tekið sig á í þessum efnum og ástandið stórbatnað.

Sannleikur orða heilags Páls hefur ekkert breyst í aldanna rás: „Þess vegna hefur Guð ofurselt þá svívirðilegum girndum. Bæði hafa konur breytt eðlilegum mökum í óeðlileg, og eins hafa líka karlar hætt eðlilegum mökum við konur og brunnið í losta hver til annars, karlmenn frömdu skömm með karlmönnum og tóku út á sjálfum sér makleg málagjöld villu sinnar“ (Rm 2. 26-27).

Hin „maklegu“ málagjöld til forna voru sárasótt og klamadía sem Gyðingar voru blessunarlega lausir við vegna þess að þeir virtu hreinleikaákvæði lögmálsins í kynlífinu.

En þess er ekki að vænta í hedonisma kynóra nútímans og því taka menn (og konur) þetta út á líkama sínum þrátt fyrir oftrú sína á vernd smokksins sem bregst að minnsta kosti í 10% tilvika. Basta!

11.08.07 @ 10:55
Athugasemd from: Gunnar Ingibergsson [Gestur]  
Gunnar Ingibergsson

Nei eyðni veiran á upptök sín í simpösum
í Afríku og slóðum þar sem át á öpum hefur’
tíðkast enda Hiv veiran margt skylt með
siv veirunni sem er í öpum svo það sé á
hreinu. Þannig að eyðni veiran er sjálfsagt
tilkominn vegna stökkbreytinga. Jón fórstu
nokkuð á Gay pride í dag.

11.08.07 @ 17:52
Athugasemd from: Jón Rafn Jóhannsson [Meðlimur]
Jón Rafn Jóhannsson

Gunnar! Staðreyndin er sú að kynvilla er afar útbreidd meðal skynlausra skepna í náttúrunni. Líklegast er þetta upphaf veirunnar í mannöpum. En allt fram á síðustu áratugi áður en dauðamenningin með hedonisma sínum náði sér á skrið var það talið sjálfsagt að homo sapiens hefði stjórn á fýsnum sínum og hagaði lífi sínu ekki eins og skynlausar skepnurnar.

Ef ég hefði átt heimangengt hefði ég ekki farið á Gay pride, heldur valið fiskinn á Dalvík. Ég verð að játa að mér finnst það pínulegt að sjá fullorðið fólk auglýsa kynlíf sitt í fjöldagöngum. Minnir mig á upplausnina í Rómaveldi til forna þegar kynfýsnirnar réðu ferðinni í klæðavali og framkomu. Rómverjar völdu sér „fíflakonung“ á Saturnial hátíðinni, en í dag eru það dragdrottningar.

Svo að ég vitni aftur í Norsk Polarinstitut, þá gerðu þeir athyglisverða rannsókn á mávasamfélagi í Norðurnoregi sem var sæmilega siðprútt að hætti máva. Síðan kom óvænt fiskigengd og samfélagið lagðist í hóglífi og á fimm árum hrundi það. Sterkustu karlfuglarnir gengu um og nauðguðu kvenfuglunum að vild, drápu unga og ungfugla og kynvilla varð að plágu.

Satt best að segja virðist mega yfirfæra slíkar rannsóknir á mannleg samfélög (samanber aumingja Rómverjana og siðferðisgildi dauðamenningarinnar.

12.08.07 @ 12:10
Athugasemd from: Gunnar Ingibergsson [Gestur]  
Gunnar Ingibergsson

Staðreyndin er sú að kynvilla er afar útbreidd meðal skynlausra skepna í náttúrunni. Líklegast er þetta upphaf veirunnar í mannöpum.
Þessu er ég sammála þér Jón kynvilla
virðist vera milli dýra og hafa rannsóknir
leitt það í ljós

Af því þú talar um Úganda og eyðni þá
hef ég heyrt um árangurinn sem hefur náðst
þar í landi vegna þess að stjórnvöld
þar viðurkenndu vandann og tóku strax
á honum með fræðslu til almennings og eins
þú segðir að fólk frestaði kynlífi og
væri vakandi um eigið heilbrigði og tæki
ábyrgar ákvarðanir. Hvað varðar aðra
staðreynd um mikla útbreiðslu veirunnar
er það að í Afríku er kynja jafnrétti
af skornum skammti og karlmenn eiga
konur eins og hluti og stjórna þeim
og konur hafa lítinn völ á því að verja
sig fyrir kynsjúkdómum og hefur líka
að mörgu leyti gert það að verkum
að það hefur reynst kaþólsku kirkjunni
erfitt að boða skírlífi eða hvað þá
smokkanotkun í sumum löndum þó að það
sé ekki aðalástæðan fyrir útbreiðslunni
heldur valdastaða karlmanna er sterk
í svona samfélögum og þar fátækt er mikil
leiðir það til þess að fólk fyrir að
koma sér áfram með því að selja blíðu
sína. Enda held ég að kirkjan sé á milli
steins og sleggju í Afríku. Enda á maður
ekki horfa bara á kaþólsku kirkjuna heldur
eru fleiri þættir sem koma þarna til greina
eins og ég hef nefnt.
Áttu tengil á mávarannsóknirnar . það
væri gaman að lesa það.

13.08.07 @ 16:14
Athugasemd from: Jón Rafn Jóhannsson [Meðlimur]
Jón Rafn Jóhannsson

Þakka þér fyrir greinagóða umræðu Gunnar ( ég á við að þú ert undantekning frá reglunni. Ég veit ekki nema þetta sé skólakerfinu að kenna, en yfirleitt rökræða Íslendingar ekki, heldur lifa í heimi innantómra slagorða).

Það er fráleitt að halda því fram að útbreiðsla kynsjúkdóma eigi ekkert með lífstíl fólks að gera. Ég er ekki sammála þér þegar þú segir að kaþólska kirkjan „sé á milli steins og sleggju í Afríku.“ Vöxtur hennar er hvergi meiri en einmitt á eyðnisvæðunum í Afríku. Það eru hins vegar boðberar nautnahyggju (hedonisma) vestrænna þjóðfélaga sem eru á milli steins og sleggju í Afríku. Suðurafríka er gott dæmi hér um. Þar hefur 48 milljónum smokka verið dreift ókeypis á meðal almennings samtímis því sem útbreiðsla eyðni og annarra kynsjúkdóma hefur stóraukist, enda er Suðurafríka enn undir miklum áhrifum frá Evrópu (Stórabretlandi).

Ég hef lauslega vikið að hinni einu öruggu getnaðarvörn eða hinum náttúrlega tíðahring kvenna (sem þróuð hefur verið í kaþólskum háskólum s. l. þremur áratugum) og krefst engrar lyfjameðferðar heldur almennrar skynsemi í lífsháttum. Japanir sem hafa þungar áhyggjur af röskun fólkspýramídans eru fyrsta ríkið í heiminum sem hefur tekið sms skilaboð í farsíma til notkunar í ríkum mæli að kostnaðarlausu. Upplýsingum um konurnar er safnað saman í gagnagrunn í Tókýó sem í augnablikinu geymir upplýsingar um 2,5 milljónir kvenna. Þær fá síðan upplýsingar sendar daglega um frjósemi sína.

Það er alrangt sem haldið er fram að kaþólska kirkjan styðji ekki fjölskylduáætlanir heldur þvert á móti. Kirkjan vill ekki að fólk eignist börn sem það getur síðan ekki alið önn fyrir. Hún hvetur fólk til að gera fjölskylduáætlanir með hliðsjón af fjárhagi sínum. Hins vegar er hún alfarið á móti fósturdeyðingum og hamslausu lauslæti fólks nú á tímum og hvetur fólk til ábyrgðar í kynlífinu. Það er þetta sem við sjáum nú gerast í Úganda.

Hvað varðar mávarannsóknina þá var hún töluvert mikið rædd í Þýskalandi fyrir 30 árum. Ég starfaði þá hjá Süddeutche Zeitung í München og var látinn lesa fréttir yfir frá Skandinavíu þar sem ég var Skandinavi. Fréttin var birt í blaðinu og nokkur lesendabréf bárust í kjölfarið.

Hvað varðar fjöldagöngur fólks þá hefur fjöldinn ekkert með sannleikann að gera. Það var enginn skortur á viðhlæjendum hvorki í Moskvu, Berlín eða München. Og þrátt fyrir að „foringinn mikli“ heillaði fólk með fjöldafundum fyrir mæður og börn á Odeonplaz í München á sunnudögum (þar sem gefnar voru ókeypis blöðrur og ís) hafði þetta ekkert með sannleikann að gera, enda lág hann á borðinu eftir stríðið þegar 85% borgarinnar voru rústir einar. Þetta var sökum þess að stærsti herflugvöllurinn í Suðurþýskalandi var reistur í München miðri þannig að Bandamenn voru neyddir til að gera loftárásir á saklausa borgara á degi sem nóttu.

14.08.07 @ 10:09
Jón Valur Jensson

Snarpur ertu, nafni, og kraftur í þessari umræðu.
Ætla að setja tengil á þetta efni þitt af Moggabloggi mínu. - Kær kveðja.

23.08.07 @ 01:13
Athugasemd from: Jón Rafn Jóhannsson [Meðlimur]
Jón Rafn Jóhannsson

Við vitum það báðir nafni sem gamlir sæfarendur, að það fer ekki vel fyrir þeim skipstjórnarmanni sem plottar ekki kúrsinn út í kortið fyrirfram til að forðast alla váboða. Slíkt fley nær aldrei farsællega til hafnar nema þá fyrir glópalán.

Strákarnir (og stelpurnar) þarna í lobbýklíkunni í Brüssel hefðu vaflauast haft gott af því að taka „pungaprófið“ áður en þeir lögðu upp í þessa helsiglingu. Það er ávallt dapurlegt að sjá skip steyta á skeri.

23.08.07 @ 10:13
Jón Valur Jensson

Satt mælirðu, Jón. Siglum áfram okkar rétta kúrs um tilveruna.

23.08.07 @ 12:49


Form is loading...