« Söfnun Missio á Heimstrúboðsdaginn 18. októberNýr íslenskur texti við þekktan erlendan sálm »

03.10.09

  21:39:10, Skrásetjari: Ragnar Geir Brynjólfsson   , 231 orð  
Flokkur: Páfinn, Þjóðfélagskenningin, Erlendar fréttir úr heimi kirkjunnar

Umburðarbréf páfa: „Efnahagslífið þarfnast siðferðisreglna til að það geti starfað eðlilega“

Þróun þjóðanna byggist á því að viðurkenna að mannkynið er ein fjölskylda. Því geta kristin trú og önnur trúarbrögð aðeins lagt sitt af mörkum til þróunarinnar ef Guð hefur sinn stað í hinu opinbera lífi. Þetta er meðal þess sem fram kemur í nýlegu bréfi páfa.

Hinn 29. júní á þessu ári á Pétursmessu og Páls, kom út umburðarbréf Benedikts páfa XVI sem ber heitið „Caritas in Veritate“ eða „Kærleikur í sannleika“ Í inngangi bréfsins minnir páfi á að kærleikurinn sé kjarninn í félagsmálakenningu kirkjunnar. Í 1. kafla er lögð áhersla á mikilvægi uppbyggingu kristins samfélags í anda frelsis og réttlætis. Í 2. kafla er mannleg þróun meginviðfangsefnið. Ef ágóðinn verður eina markmiðið þá er hann knúinn fram án þess að hafa í huga almannaheill. 3. kaflinn lofar gjafmildina og í 4. kafla er minnt á að ríkisstjórnir og alþjóðlegar stofnanir megi ekki missa sjónar á rétti manna og ítrekað er að ríkisvaldið verði að skapa aðstæður sem leggja höfuðáherslu á stöðu og heill fjölskyldunnar. 5. kaflinn fjallar um samvinnu fjölskyldu mannanna. Þróun þjóðanna byggist á því að viðurkenna að mannkynið er ein fjölskylda. Því geta kristin trú og önnur trúarbrögð aðeins lagt sitt af mörkum til þróunarinnar ef Guð hefur sinn stað í hinu opinbera lífi.

RGB tók saman. Byggt á stuttri útgáfu bréfsins sem birtist í Kaþólska kirkjublaðinu, 8.-9. tbl. 2009.
Sjá umfjöllun Asianews um bréfið hér: [Tengill].
Bréfið í heild sinni er að finna hér: [Tengill]

No feedback yet