« Um kirkju Krists og veraldarhyggjunaAlheimshreyfing hjóna til hjóna (The Couple to Couple League International (CCLI) »

27.03.07

  12:40:57, Skrásetjari: Jón Rafn Jóhannsson, 815 orð  
Flokkur: Fóstureyðingar og vernd, Kynþáttahyggjan og átök þjóða

Um barnaníð og markvissa útbreiðslu hómósexúalisma innan kaþólsku kirkjunnar (2)

ANGIST PÁLS PÁFA VI – eftir föður Paul Marx OSB. Greinina mátti fyrst sjá á prenti í „The Wanderer.“

Fáir gera sér grein fyrir þeim mikla þrýstingi sem var ríkjandi þegar Páll páfi VI gaf út Hirðisbréf sitt Humanae Vitae þann 25. júlí 1968.

Á öðru Vatíkanþinginu tóku kardínálarnir að ræða siðgæði það sem býr að baki getnaðarvarna. Guðfræðingar höfðu ráðist á kenningar kirkjunnar hvað áhrærir ábyrgðina samfara fjölskylduáætlunum og hófu „samviskuafstöðuna“ upp til skýjanna.

Jóhannes páfi XXIII skipaði fámenna nefnd sem átti að rannsaka hvort pillan væri æskileg við fæðingastjórnun vegna þess að hún myndaði engan vegg á milli eiginkonu og eiginmanns, eins og guðfræðingarnir við Louvainháskólann (í Belgíu) héldu fram.

Eftir að Jóhannes páfi andaðist stækkaði Pál páfi nefndina til muna, en hún átti að vera honum ráðgefandi hvað vék að lokaniðurstöðunni. „Aldrei,“ sagði Páll páfi VI, „hefur nokkur páfi staðið frammi fyrir jafn afdrifaríkri ákvörðun.“

Meirihluti nefndarinnar komst að þeirri niðurstöðu að breyta ætti kenningum kirkjunnar. Inntak þessarar neikvæðu skýrslu voru látnar leka út til „The National Catholic Reporter“ sem varð til þess að rugla trúaða kaþólikka enn meira í ríminu. Jafnhliða þessu biðu guðfræðingar sérfróðir í siðfræði, líkt og bróðir Charles Curran við „the Catholic University of America“ og fylgisveinar hans tilbúnir með ritvélarnar til að hvetja til þess að horfið væri frá Humanae Vitae til samviskuafstöðunnar. Í reynd snérust kirkjuleg yfirvöld í 12 Evrópulöndum gegn hirðisbréfi páfa.

Hinn víðkunni franski erfðafræðingur. dr. Jerome Lejeune, greindi mér eitt sinn frá því að ef Heilagur Andi hefur nokkru sinni gripið með beinum hætti inn í líf páfa, þá hafi það svo sannarlega gerst á þessari stundu og sagt við hann: „Farðu þessa leið!,“ og þetta var sú ákvörðun sem Páll páfi tók í Humanae Vitae gagnvart froðufellandi óvinum kirkjunnar. Dr. Lejeune fullyrti að ef til vill ætti það eftir að koma í ljós að Humanae Vitea væri mikilvægasta hirðisbréf allra tíma vegna þess að það myndi bjarga mannkyninu.

Við skiljum þetta betur í dag í ljósi þess að 14. þróuanarríki bjóða fram fleiri líkkistur árlega en vöggur og þar sem 79 þjóðir sem fela í sér 40% mannkynsins eru að deyja út vegna lágrar fæðingartíðni. Allt má skrifa þetta á reikning getnaðarvarna, vananna og fósturdeyðinga. Hversu rétt hafði páfinn ekki fyrir sér! Hversu mjög skjátlaðist ekki guðfræðingunum! Hversu mjög skjátlaðist ekki heiminum!

Það er í raun og veru stórkostlegt að vera kaþólskur nú á dögum ef þið gerið ykkur ljóst hvað er að gerast í heiminum og hversu rétt og spámannleg kenning kaþólsku kirkjunnar um siðgæði kynlífsins er, einkum eins og hún er tjáð í „Casti Connubii“ Píusar páfa XI og „Humanae Vitae“ Páls páfa VI. Eða eins og hinn mikli þýski lífsverndarsinni dr. Siegfried Ernst – þá mótmælandi en nú kaþólskur – sagði eitt sinn við mig: „Mestu mistökin sem mótmælendur hafa nokkru sinni gert var að samþykkja getnaðarvarnir árið 1930,“ en þetta markaði upphafið að hruni kristindómsins á tuttugustu öldinni.

Eftir að hafa heimsótt og unnið í 91 landi hef ég komist að raun um að ekkert það land er að finna þar sem getnaðarvarnir hafa ekki leitt til fósturdeyðinga og aukið stórlega á saurlifnað æskufólks, hjónaskilnaði og það sem við sjáum blasa við í hinni alþjóðlegu kynlífsupplausn.

Eða eins og breskur háðfugl sem snéri heim til kaþólsku kirkjunnar (fyrst og fremst sökum Humane Vitea) sagði: „Þegar þú segir á annað borð að þú rjúfir samhengið á milli getnaðar og kynlífs hjónabandsins, þá hefur þú snúið til hins forna heiðindóms að nýju þar sem getnaðarvarnir, fósturdeyðingarlyf og fósturdeyðingar blómstruðu, en allt leiddi þetta til þess að þjóðir dóu út eftir að tekið var að iðka fósturdeyðingar.“ — „Og ef tekið er að líta á kynlíf sem afþreyingu,“ sagði Malcolm Muggeridge, þá eru öll göt af hinu góða.“

Eða eins og spakur maður til forna orðaði það: „Guð fyrirgefur alltaf, menn stundum, en náttúran aldrei.“

No feedback yet


Form is loading...