« Trúarleg ljóð eftir Ólöfu frá HlöðumFrumvarp um tilraunir og gernýtingu á fósturvísum samþykkt eftir sáralitlar umræður á Alþingi Íslendinga »

29.04.08

  11:46:50, Skrásetjari: Jon Valur Jensson   , 282 orð  
Flokkur: Fósturvernd, Siðferði og samfélag, Unborn children – abortion

Mynd af 10 vikna fóstri vekur bæði athygli og "óánægju"

Mynd þessi af deyddu fóstri hefur heldur betur valdið fjaðrafoki síðustu daga:

https://www.liveaction.org/news/wp-content/uploads/2014/06/10-week-abortion.jpg

Kröfur um ritskoðun eða refsingu fyrir að birta þessa mynd á Moggabloggi mínu 27. apríl hafa komið fram og ekki aðeins á vefslóð minni þar. Hvers eiga ófædd börn að gjalda, að ekki megi sýna í reynd meðferðina á þeim af hendi fósturdeyðingalækna? Á að fela sannleikann? Á að láta undan þeim, sem vilja banna þetta mikilvæga tjáningarfrelsi, þótt það sé notað í þeim einum tilgangi að halda uppi málsvörn fyrir saklaust, varnarlaust mannslíf sem sætir ofsókn í samfélagi okkar og í flestum löndum heims?

Batnar hagur samfélagsins við það að vita ekkert af því, hvaða áhrif fósturdeyðing hefur í reynd? Er það ekki þvert á móti gagnleg þekking að vita, hvað fóstrið er, hvernig það lítur út (sjá t.d. þrjár myndir HÉR, ásamt grein og umræðum) og hvernig þau fóstur eru leikin, sem deydd eru? Hafa menn ekki viljandi sýnt myndir af krabbameinssýktum lungum í sjónvarpi fyrir alla að sjá, börn sem fullorðna, til þess jafnvel að valda þvílíku 'sjokki' eða viðbjóði, að menn hætti að reykja? Stóð ekki yfir auglýsingaherferð í sjónvarpi með sviðsettum, hryllilegum stórslysum til að fæla ökumenn frá ábyrgðarlausum glannaakstri og ölvun við stýrið? Þar þjóna ljótu myndirnar göfugum tilgangi, en það sama á við um þessa mynd hér ofar. Samt rjúka þeir, sem vilja "frelsi til fóstureyðinga", upp til handa og fóta í viðleitni sinni til að fá þessa mynd ritskoðaða á Moggablogginu. Málefnastaða þeirra, sem kvarta og ásaka mig, boðbera slæmra tíðinda, er svo sannarlega ekki sú, að birting sannleikans komi þeim vel.

Viðauki, af því að myndin sést ekki lengur: Hér er önnur mynd, af 11 vikna fóstri, og vantar höfuðið á: http://lifsvernd.com/11w-02.jpg

8 athugasemdir

Athugasemd from: Jon Valur Jensson [Meðlimur]

Það má taka það fram, að með myndbirtingu þessari var ég ekki að reyna að sýna sem hryllilegasta mynd – því að þá hefði ég valið aðrar myndir miklu ljótari – heldur upplýsandi mynd, einkum til þess að það sæist, að fóstur á þessum aldri (10 vikna) eru ekki einhver “frumuklasi” eða óskapnaður, eins og sumir ímynda sér, heldur þróaðar lífverur með fullt af fíngerðum líffærum, sem þarna sjást allvel í kviðarholinu.

Og þessu má við bæta: Ef myndin sjálf sýnir allt of mikinn grófleika, hvað þá um verknaðinn sjálfan, hlýtur hann ekki að vera það algrófasta? Og verðum við ekki að hugleiða, hvort við, með því að fela myndir af þessu, séum ekki jafnvel óbeint að gefa þeim miklu meiri grófleika það framhaldslíf, sem hann sízt verðskuldar? – flest það fólk, sem fær ekki að sjá þetta, veit þá áfram sem minnst um áhrif og inntak fósturdeyðinga og lætur sig þennan praxís þá litlu eða engu skipta.

01.05.08 @ 03:20
Aðalbjörn Leifsson

Oft er sagt “afhverju eru þið að sýna börnunum okkar þessar myndir?” eina svarið sem við höfum er ” afhverju leyfið þið börnunum okkar að verða svona?” Takk fyrir að vekja máls á þessu Jón. Guð blessi þig.

05.05.08 @ 20:07
Athugasemd from: Jon Valur Jensson [Meðlimur]

Kærar þakkir, Aðalbjörn! Ég var fyrst núna að taka eftir þessu innleggi þínu, sem hafði ekki birzt sjálfkrafa.

13.05.08 @ 01:27
Athugasemd from: Hafdís [Gestur]  
Hafdís

Eitthvað hefur verið átt við þessa mynd. 10 vikna fóstur lítur ekki svona út. Það ætti að vera amk þriðjungi minna samkvæmt upplýsingum á www.doktor.is og wikipeidu.

20.05.08 @ 21:44
Jón Valur Jensson

Á myndinni er 10 vikna fóstur; meðalstærð fósturs á þeim aldri er um 6 cm frá sitjanda að hvirfli, en hjá 12 vikna fóstri (eins og HÉR) er meðalstærð um 85 mm frá sitjanda að hvirfli (tölur um stærð fósturs hér skv. Marjorie A. England, A Colour Atlas of Life Before Birth, Wolfe Medical Publications, en þar er um hágæða-vísindarit að ræða). Svara þessu svo betur seinna.

30.05.08 @ 19:31
Athugasemd from: Jon Valur Jensson [Meðlimur]

Já, það virðist sannarlega hafa “verið átt við þessa mynd,” því að um það leyti sem Hafdís þessi setti inn athugasemd sína, þá hvarf myndin bæði héðan af síðunni og af annarri vefsíðu minni á Moggablogginu og það, sem meira er: af vefsíðunni hjá Priests for Life, þaðan sem ég hafði fengið hana! (http://www,priestsforlife.org/resources/abortionimages/10week/10_05.jpg). Ég verð að reyna að bæta þetta upp með einhverju móti á meðan. Hér er önnur mynd (reyndar tvær, en ég á við þá neðri, sem er af 11 vikna fóstri, og vantar höfuðið á; efri myndin þar er aðeins af afrifinni hendi og handlegg 10 vikna fósturs) á vefsíðu Lífsverndar (http://lifsvernd.com/myndir.html), sem einnig sýnir afleiðingu fósturdeyðingar, ekki þó eins skýrt og hin, sem ég hafði áður birt á þessari síðu, en samt á afar greinilegan hátt.

03.06.08 @ 00:21
Athugasemd from: Jon Valur Jensson [Meðlimur]
03.06.08 @ 00:35
Jón Valur Jensson

Myndin hefur verið að birtast og hverfa, birtast aftur og hverfa bæði af þessu vefsetri og mínu Moggabloggi, en en er núna inni.

Á myndinni er hjá fóstrinu “one dime” (10 cent) með mynd F.D. Roosewelts forseta. Raunveruleg dime með mynd hans er um 1,77 cm í þvermál, en á myndinni (a.m.k. eins og ég sé hana í tölvu minni) mælist hún 1,9 cm. Fóstrið virðist hins vegar á myndinni nál. 72–80 mm frá sitjanda að hvirfli. Margföldum það með 1,77 og deilum með 1,9, og þá kemur út raunlengd þessa fósturs frá sitjanda að hvirfli: um 67–74,5 mm. Þetta er að sönnu um 10–20% meiri lengd en meðalstærð fósturs á þeim aldri (skv. hinni traustu bók Marjorie A. England, A Colour Atlas of Life Before Birth), en virðist þó ekki lengra en svo utan þess meðaltals, að vel er hugsanlegt, að 10 vikna fóstur séu til af þessari stærð. Þar að auki ber að taka tillit til þess, að fóstrið er við þessar aðstæður, sundur skorið, deytt og raðað aftur saman, lint í sér, og getur hafa teygzt eitthvað á því.

22.06.08 @ 01:09


Form is loading...

Ábyrgðarmaður: Jón Valur Jensson guðfræðingur.

Önnur blogg sama höfundar: [jonvalurjensson.blog.is]
[jvj.blog.is]
[krist.blog.is] (þátttaka)
[lifsrettur.blog.is]

Leit

blog tool