« Vorvindar breytinga?Um kristna samstöðu »

03.02.06

  18:53:58, Skrásetjari: Jón Rafn Jóhannsson, 499 orð  
Flokkur: Hin heilaga arfleifð

Skaftahliðarfárið

Það var Jónas Kristjánsson sem sem varð fyrstur manna til að nota orðið „kranablaðamennska“ yfir það óráð sem þjakar strákana og stelpurnar í Skaftahlíðinni. Satt best að segja virðist Sigurður Tómasson vera sá eini í þessari aftökusveit almennrar skynsemi og dómgreindar sem haldið hefur sönsum. Mikill er munurinn á þessu hitasóttarfári og þeim vinnubrögðum sem ég kynntist í eldgamladaga þegar ég starfaði við stærsta dagblað Þýskalands. Þá störfuðu þar 3000 manns, þar af 600 blaðamenn, eða álíka mikill fjöldi eins og í Blaðamannafélagi Íslands. Vinnubrögðin voru slík, að þýsku fréttaritararnir í Kaupmannahöfn stafsettu jafnvel íslensk manna- og staðanöfn rétt. Hins vegar tel ég El Pais á Spáni bera höfuð og herðar yfir önnur evrópsk blöð síðustu tvo áratugina fyrir vandaðan og gagnrýnin fréttaflutning. Það voru einmitt þessi vönduðu vinnubrögð blaðsins sem felldu stjórn Aznars illu heilli þegar sósíalfasistarnir komust óvænt til valda í landinu (Það er ljótt að skrökva). Eins og gegndi um skoðanabræður þeirra í Sovétríkjunum sálugu, hafa þessi „frjálslyndu öfl“ hamast við það síðan að afnema kristinn rétt úr spænskri löggjöf. Hér er um skæða farsótt að ræða, eins konar afbrigði andlegrar fuglaflensu. Hinir heilögu feður nefndu þetta hins vegar andlegt bindingarvald myrkraaflanna. Ég er þeim sammála. Þetta er skæður sjúkdómur hjá 365-miðlunum. Til þess að „tolla í tískunni“ dansar svo Moggahróið með á hliðarlínunni líkt og afgamalt kerlingarhró.

Ástæða þessa fárs er einföld: Fáfræði! Í Laugarnesskólanum í gamla daga var tveimur tímum varið vikulega í Biblíusögur. Satt best að segja var þetta ágæt uppfræðsla sem ég hef búið að allt fram til dagsins í dag. „Frjálslyndu“ öflin í menntakerfinu komust síðar að raun um að þessi uppfræðsla væri „varasöm“ og hún var afnumin með einu pennastriki. Átakanlegt er að hlusta á Skaftahlíðarliðið ræða um kristin málefni, fáfræðin er svo mikil.

Ef heldur fram sem horfir mun dálæti þessa fólks á hómósexualismanum líklega blómstra enn frekar í náinni framtíð. Sennilega er þess ekki langt að bíða að forsíður Skaftahlíðarblaðanna fara að birta myndir af hommum sem veifa kynfærunum framan í konur og börn í skrúðgöngum sínum, líkt og í San Francisco. Þetta er eins og karlinn sagði forðum: Það er margt skrýtið í kýrhausnum! En þar sem „frjálslyndið“ blómstrar má eiga á öllu von.

En hvað sem öðru líður sakna ég gamla góða Moggans undir stjórn Matta Jó með lýðræðssinnaða jafnaðarmennsku og kristilegt demókratí að leiðarljósi.

No feedback yet