« Spennandi fyrirlestur um hinn afar útbreidda kristindóm í Asíu í fornöld og á miðöldumBergmál af vindmyllubaráttu veraldarvanra blaðamanna við meinta Gyðingaandúð Rómarkirkjunnar »

15.02.09

  04:00:25, Skrásetjari: Jon Valur Jensson   , 207 orð  
Flokkur: Siðferði og samfélag, Kristindómur og stjórnmál

Rætt um kristindóm og stjórnmál á Omega

Þáttur um þetta efni, m.a. um fyrri tilþrif kirkjunnar á sviði þjóðfélagsmála og hvort kristnir menn nú á dögum eigi að gefa sig í stjórnmálabaráttu, var frumbirtur á Omega-sjónvarpsstöðinni á fimmtudag og í endursýningum áfram, í 5. sinn (það síðasta í bili) í dag, þriðjudag, kl. 13:00. Þar sit ég, Jón Valur Jensson guðfræðingur, fyrir svörum í hálftíma þætti hjá Guðsteini Hauki Barkarsyni, þekktum Moggabloggara, sem nýlega gekk í Íslensku Kristskirkjuna.

Ennfremur hef ég rætt þetta mál nýlega í mínum reglulegu þáttum á Útvarpi Sögu kl. 12.40 á föstudögum, og má vænta framhalds á því.

Í næstsíðustu viku fjallaði ég í öðrum Omegaþætti um Ísland og Evrópubandalagið, í hinni vinsælu þáttaröð Trúin og tilveran, undir stjórn Friðriks Schram, safnaðarprests Íslensku Kristskirkjunnar. Þrátt fyrir lúthersk-evangelískar áherzlur hans á hann mikla samleið með okkur kaþólskum um siðferðismál og margt í skilningi og túlkun Biblíunnar; sameinumst við þar um að standa gegn lausungarhyggju (líberalisma eða 'nýguðfræði') 19.–20. aldar í Þýzkalandi og víðar og í hennar nýrri og að sumu leyti róttækari mynd á 21. öld í vestrænum löndum.

No feedback yet


Form is loading...

Ábyrgðarmaður: Jón Valur Jensson guðfræðingur.

Önnur blogg sama höfundar: [jonvalurjensson.blog.is]
[jvj.blog.is]
[krist.blog.is] (þátttaka)
[lifsrettur.blog.is]

Leit

blogging tool