« Rósakransbænirnar á íslensku á YouTubeSigurður Nordal um möguleika annars lífs »

01.10.15

  19:25:00, Skrásetjari: Ragnar Geir Brynjólfsson   , 132 orð  
Flokkur: Önnur trúarbrögð

Múslimar verja frelsi kristinna í Beirút yfirlýsingunni

Asianews 25.08.2015.

Asianews greindi nýverið frá því að Makassed, góðgerðasamtök sem tengjast æðstaráði súnni múslima í Líbanon hafi gefið út yfirlýsingu um trúfrelsi 20. júní sl. Í þessari yfirlýsingu, sem kennd er við Beirút, ítreka samtökin vilja frjálslyndra múslima til að búa meðal kristinna. Tekið er fram að engan eigi að þvinga til trúskipta og engan megi ofsækja fyrir að vera annarrar trúar. Samkvæmt túlkun þessa hóps bannar íslam stríð, að hrekja fólk af landi sínu eða takmarka frelsi annarra í nafni trúarinnar.

Yfirlýsingunni er ætlað að skerpa á afstöðu líbanskra múslima gegn ofbeldi sem framið hefur verið í nafni trúar þeirra. Í yfirlýsingunni er grundvelli íslam teflt fram í andstöðu við þá sem halda trúnni í gíslingu í þágu valds.

Texta yfirlýsingarinnar er að finna á eftirfarandi tengli, ensk þýðing AsiaNews: [Tengill].

http://www.asianews.it/news-en/Muslims-defend-Christians%E2%80%99-freedom-in-Beirut-Declaration-35135.html

No feedback yet


Form is loading...