« 20. ártíð Hinriks biskups Frehen – Persónuleg minningEru “augljósar mótsagnir” í Biblíunni, m.a. um samkynja mök fólks? Skoðanaskipti við ritstjóra um forvitnileg mál »

28.10.06

  17:08:48, Skrásetjari: Jon Valur Jensson   , 1058 orð  
Flokkur: Málefni samkynhneigðar á sviði þjóðfélags og kirkju

Miðstöð samkynhneigðra í Los Angeles viðurkennir að AIDS sé einkum þeirra sjúkdómur

EINN þáttur í framsókn baráttuforkólfa samkynhneigðra hér á landi – til viðbótar við sókn þeirra á sviði ættleiðingar-, hjúskapar- og skólamála – birtist í þeirri kröfugerð þeirra, að "hommar fái að gefa blóð." Þótt þetta sé gersamlega úr takti við þann óþægilega veruleika, að hinn lífshættulegi sjúkdómur alnæmi er langalgengastur hjá þessum sérstaka þjóðfélagshópi [1], þá dregur það sízt úr þeim móðinn, og í 'hinseginvikunni' veittist þeim létt að fá viðmælendur sína í hópi fjölmiðlamanna til að gleypa við þeirri nýtilbúnu goðsögn [2], að síðustu árin hafi HIV-smit einkum átt sér stað hjá gagnkynhneigðum konum, ekki hommum. Í þessari grein var nýlega bent á, að á liðnu ári var dönskum hommum rúmlega 120 sinnum hættara við HIV-nýsmiti en gagnkynhneigðum körlum, en yfir 300 sinnum hættara við því en gagnkynhn. dönskum konum. Í Arkansas árið 2002 var AIDS og HIV-smit meðal homma 183 sinnum algengara en meðal gagnkynhn. karla; þar eru karlmenn, sem hafa mök við karlmenn, 18 sinnum líklegri til að hafa AIDS en þeldökkar konur. – HIV-smit fannst á Íslandi 1983–2005 hjá 40 konum og 144 körlum, þar af 93 hommum. Árin 2001–5 var HIV-nýsmit meðal karla hér á landi, sem höfðu mök við karla, meira en 30 sinnum algengara en meðal kvenna, sem höfðu mök við karla (sjá tilvísaða grein). – En aftur að hinni nýju frétt sem vísað er til í fyrirsögninni.

UK LifeLeague segir frá þessu 4. þ.m.:

Miðstöð samkynhneigðra í Los Angeles (Los Angeles Gay and Lesbian Centre) hefur nú snúið bakinu við margendurteknum fullyrðingum aðgerðaraðila í málefnum samkynhneigðra og lýsir því yfir á tilkynningatöflum út um gervalla Suður-Californíu, að HIV/AIDS sé “sjúkdómur samkynhneigðra ("a gay disease”). Samkvæmt frásögn Los Angeles Times er áðurnefnd miðstöð að freista þess að taka á vandamáli hraðvaxandi HIV-smit-tíðni meðal samkynhneigðra. Auglýsingarherferðin (sem einnig fer fram í tímaritum) er að hluta til viðbragð við niðurstöðum rannsókna starfsmanna í almennings-heilsugæzlunni, en þeir hafa veitt því eftirtekt, að þrjú af hverjum fjórum HIV-smit-tilfellum eiga sér stað hjá karlmönnum sem eiga í samkynja kynmökum, samkvæmt því sem fréttastofnunin United Press International upplýsti.

Árið 2005 tilkynntu embættismenn í heilbrigðisgeiranum í Bandaríkjunum uggvænlega (alarming) átta prósenta aukningu á HIV-smit-tíðni á einungis einu ári meðal samkynhneigðra og tvíkynhneigðra karlmanna. Stofnunin Center for Disease Control, sem vinnur gegn útbreiðslu sjúkdóma, gaf einnig út viðvörun þess efnis, að rannsókn á 15–29 ára karlmönnum, sem stunduðu samkynja kynmök, hefði "leitt í ljós, að hlutfall HIV-smits, sem ekki hafði verið vitað um (unrecognized HIV infection), væri svo hátt sem 77%."

Skýrsla frá kanadískum heilbrigðisyfirvöldum (Public Health Agency of Canada), útg. í ágúst 2006, upplýsti um snarpa (sharp) aukningu á HIV-smiti, og fundust 51% smitsins hjá karlmönnum sem stunduðu samkynja kynmök.

Samt eru hommar ekki nema um 2,7–2,8% allra karlmanna (eða færri) og um 1,4% fólks af báðum kynjum. Sýnir það vel, að tíðnin er mest í þessum kynhegðunarhópi (sbr. að í hlutfallstölum eru HIV/AIDS-tilfelli í Arkansas í Bandaríkjunum árið 2002 einungis hjá 0,036% gagnkynhneigðra karla, en 6,6% samkynhneigðra karla, sem þýðir, að þar er um 15. hver hommi með AIDS eða HIV-smit; í Bandaríkjunum sem heild á því ári voru 6% homma með HIV/AIDS, sjá tilvísaða grein mína um heimildir).

En um fréttina segja brezku stjórnmálasamtökin The LifeLeague:

We welcome this admission by the Los Angeles Gay and Lesbian Centre. We hope that it produces more responsible sexual behaviour (i.e. abstinence) on the part of the homosexual community. Now that homosexuals have had the courage to admit this, will governments and health 'experts' now show a bit of leadership and responsibility, and do likewise?

Um þetta (og heimildirnar að baki þessum fréttum) má einnig lesa á vefsetrinu LifeSite, sem er afar vönduð upplýsingaþjónusta um lífsverndarmál, siðferði og ástand fjölskyldumála.

–––––––––––––––––––––

NEÐANMÁLSGREINAR

[1] Sýnir þetta bezt, hve varasamt það er, þegar fulltrúar samkynhneigðra og raunar margir talsmenn "frjálslyndis og umburðarlyndis" mæla með því, að krökkum og táningum verði beinlínis kennt það í skólum, að það sé eðlilegt og jákvætt fyrir tvo stráka að eiga kynmök saman. En þær staðreyndir, sem fram koma í þessari grein og í þeirri sem ég birti hér um ástandið í Danmörku árið 2005, mega heita býsna sterk staðfesting á því, að kristin siðferðisboð í þessum efnum – boðorð skírlífis og strangra viðvarana gegn samkynja kynlífi – eru sízt orðin úrelt, heldur sannast gildi þeirra á hverjum degi í þessum heimi. Það ætti í sjálfu sér að fá menn, þ.m.t. stjórnvöld, til að gjalda fyllsta varhug við ofur-"frjálslyndum" tillögum og kröfum um að gera allt sem unnt er til að tryggja framgang og "jafnrétti" samkynhneigðrastefnunnar í löggjöf okkar og þjóðlífi.

[2] Þeirrar goðsagnar varð einna fyrst vart á vefsetri Samtakanna '78. Þar segir á þessari vefslóð: "Á Íslandi eru það einkum gagnkynhneigðar konur sem núna greinast með veiruna." – Vitaskuld er þetta makalaus blekking, eins og ljóst er af þeim upplýsingum sem vísað er til og fram koma í grein minni hér ofar. Hvað sem því líður er goðsögnin komin í gang og sveimar um víða, eins og menn sjá t.d. á þessari Google-síðu. – Má svo búast við, að einhver taki ábyrgð á ruglinu og biðjist afsökunar á því að hafa komið svo villandi frétt á flakk? Nei, menn verða vísast langeygir á því að bíða eftir þvílíkri afsökunarbeiðni, en hitt má næstum stóla á, að einhverjir verði til að atyrða höfund þessara lína fyrir þær sannleiksleitandi greinar sem hann hefur verið að birta um þessa heilsufarstölfræði.

Góðar stundir!

4 athugasemdir

Athugasemd from: Haukur Viðar Alfreðsson [Gestur]
Haukur Viðar Alfreðsson

Því er nú þannig háttað hjá Blóðbankanum að allt blóð sem tekið er úr fólki er rannsakað gaumgæfilega einmitt til að fyrirbyggja smit við blóðgjöf.
Þeir nöldra nú nógu mikið í manni endalaust því alltaf vantar blóð. Ef þá vantar svona mikið blóð, af hverju banna þeir þá ákveðnum hópum að gefa það?
Ef þeir eru svona smeykir við blóð úr ákveðnum hópum, hvernig væri þá að rannsaka blóðið úr þeim sérstaklega?
Blóð er jú bara blóð og flestir samkynhneigðir eru með ósýkt blóð eins og ég og þú.

01.11.06 @ 17:44
Athugasemd from: Jon Valur Jensson [Meðlimur]

Spyrðu Blóðbankann sjálfan, Haukur Viðar. Þeir hafa örugglega betra vit á þessu en við. En af hverju spyrðu, áttu hér einhverra hagsmuna að gæta?

Upplýsingarnar, sem fram koma í þessari vefgrein minni, gera það sízt æskilegt eða álitlegt, að breytt verði frá þeirri stefnu að útiloka homma frá blóðgjöf. Og því til viðbótar má nefna, að fyrir aðeins u.þ.b. tveimur dögum var Ingi Rafn í Alnæmissamtökunum að benda á það í útvarpsviðtali, að gera megi ráð fyrir, að hin mikla aukning HIV-smits hjá samkynhneigðum karlmönnum á Norðurlöndum árið 2005 eigi eftir að valda nýrri smitbylgju hérlendis um tveimur árum seinna.

Lokasetning Hauks Viðars er órökræn, eftir allt það sem ég hafði sagt í vefgreininni hér ofar. Ástand samkynhneigðra karla og gagnkynhneigðs fólks er svo ólíkt í þessum efnum, að munurinn telst margfaldur í tuga-, ef ekki hundraðatali.

Og það er ekki nóg að skima blóðið. Ég hef spurt lækna út í þetta, og þeir hafa tjáð mér, að eftir HIV-smit er um s.k. latens-tímabil að ræða (hálft, jafnvel heilt ár), þegar ekki greinist með skimun, hvort viðkomandi sé sýktur. Því er aldrei of varlega farið, enda hefur Blóðbankinn þegar (fyrir mörgum árum) orðið fyrir einu afdrifaríku áfalli í þessum efnum.

01.11.06 @ 19:49
Athugasemd from: Haukur Viðar Alfreðsson [Gestur]
Haukur Viðar Alfreðsson

Ég á þeirra hagsmuna að gæta að ég vil geta alið börn mín upp í heilbrigðu og fordómalausu samfélagi manna, þar sem trú, kynþáttur og kynhneigð skipta engu máli. Þar sem fólk virðir náunga sinn nógu mikið til að dæma ekki kynhneigð hans sem afbrigðilega þó hún sé önnur.

Ég er gagnkynhneigður. Ég er hvorki stoltur af því né skammast mín fyrir það. Það skiptir engan máli nema mig og unnustu mína hverrar kynhneigðar ég er, og á heldur ekki að gera það því að það sem fram fer í mínu svefnherbergi kemur engum öðrum við.

02.11.06 @ 02:39
Athugasemd from: Jon Valur Jensson [Meðlimur]

Haukur fær ekki marga til að samsinna því, að trú, kynþáttur og kynhneigð skipti engu máli. Samkynhneigðir munu ekki einu sinni taka undir það. En kannski hann hafi bara komizt svona klaufalega að orði. Ég get alveg sagt honum, að samkynhneigð manna og kvenna, sem ég þekki, kemur alls ekki í veg fyrir vingjarnlega framkomu mína eða virðingu mína fyrir þeim sem manneskjum og hæfileikum þeirra.

En lokasetning Hauks er röng. Það skiptir vitaskuld alla máli, að gagnkynhneigð sé yfirgnæfandi kynhneigð í heiminum – annars dæði mannkynið út, það er staðreynd. Það er sömuleiðis rangt gefin alhæfingarforsenda Hauks, að engum geti komið það við, hvað fram fari í svefnherbergjum heimsins. Lög gegn vændi, sifjaspellum, kynferðislegri misneytingu við börn, jafnvel við eiginkonur, gera ekki svefnherbergið að griðastað ofbeldismanna. Þar að auki kemur þjóðfélaginu það í koll, ef einn kynhegðunarhópur iðkar stórhættulegt kynlíf og annar (tvíkynhneigt fólk) ber kynsjúkdóma, sem þannig hafa dreifzt, til hins stóra hóps margra gagnkynhneigðra. Þótt sleppt væri hinum gífurlega fjárhagskostnaði, sem skattborgarar landsins bera vegna lyfja- og læknismeðferðar við alnæmi, þá er skaðinn samt enn meiri og þungbærari fyrir heilsu þeirra, sem verða fyrir HIV-smiti, og fyrir alla þeirra aðstandendur.

02.11.06 @ 11:35


Form is loading...

Ábyrgðarmaður: Jón Valur Jensson guðfræðingur.

Önnur blogg sama höfundar: [jonvalurjensson.blog.is]
[jvj.blog.is]
[krist.blog.is] (þátttaka)
[lifsrettur.blog.is]

Leit

free blog tool