« Sprengjutilræði við kaþólska kirkju á FilippseyjumKristnir og múslimar sameinast í umhverfisvernd »

06.07.09

  18:00:35, Skrásetjari: Ragnar Geir Brynjólfsson   , 161 orð  
Flokkur: Páfinn, Erlendar fréttir úr heimi kirkjunnar

Merkar fornleifarannsóknir framkvæmdar á steinkistu Páls postula

Asianews.it - Páfagarði. Nýlega var greint frá niðurstöðum fornleifarannsókna á steinkistu sem kennd er við Pál postula og sem varðveitt er í Basilikunni sem kennd er við hann í Rómaborg. Tekin voru sýni og við rannsókn þeirra fundust leifar af fjólubláu klæði með gyllingu og einnig fundust leifar af reykelsi. Skv. kolefnisgreiningu eru leifarnar frá 1.-2. öld eftir Krist.

Benedikt XVI páfi sagði þegar greint var frá niðurstöðunum að rannsóknirnar „virðast staðfesta þá arfsögn að í kistunni séu jarðneskar leifar Páls postula. Allt þetta“, hélt páfi áfram, „fyllir sálir okkar djúpri tilfinningu“.

Sjá nánar umfjöllun Asianews hér: http://www.asianews.it/index.php?l=en&art=15686&size=A og á eftirfarandi vefslóð má nálgast upplýsingar um Basiliku hl. Páls og steinkistuna: http://www.annopaolino.org/index.asp?lang=eng

Steinkista Páls postula

No feedback yet