« Ráðgert að stofna munkaklaustur á ÚlfljótsvatniSafnað fyrir kirkju á Selfossi »

26.03.14

  20:35:00, Skrásetjari: Ragnar Geir Brynjólfsson   , 138 orð  
Flokkur: Lífsvernd

Líkamsleifar fóstra hituðu upp breska spítala

Rannsókn hefur leitt í ljós að líkamsleifar deyddra og látinna fóstra voru ásamt öðru notaðar til að hita upp breska spítala [1]. Breska heilbrigðisráðuneytið er búið að banna athæfið. Bill Donahue formaður Catholic League spyr bandaríska þingmanninn Nancy Pelosi af þessu tilefni hvort hún kjósi frekar að láta grafa fóstrin [2] en Pelosi, sem er þekktur stuðningsmaður hins svokallaða frjálsa vals (pro choice), mun veita Margaret Sanger verðlaununum viðtöku á morgun [3]. Ef hún kýs þann kost spyr Donahue hvort ekki sé rökrétt að gefið sé út fæðingarvottorð, (dánarvottorð sé aðeins gefið út í þeim tilfellum þegar manneskja deyr en ágreiningur er um hvort líkamsleifarnar séu leifar manneskju eða sé aðeins lífrænn massi/frumukökkur). Ef hún kjósi ekki þá leið þá spyr Donahue hvort Pelosi muni hafa eitthvað á móti því að skrifstofa hennar verði hituð upp með líkamsleifum.

[1] http://www.washingtontimes.com/news/2014/mar/24/aborted-miscarried-babies-burned-heat-uk-hospitals/
[2] http://www.catholicleague.org/disposing-aborted-babies/
[3] http://www.catholicleague.org/pelosis-duplicity/

2 athugasemdir

Athugasemd from: Jon Valur Jensson [Meðlimur]

Þetta er skelfileg frétt af athæfi þeirra sem báru ábyrgð á fósturvígum í Bretlandi. Ég mun vekja athygli á þessum pistli þínum, Ragnar, en leyfirðu líka, að ég endurbirti þetta á vefnum lifsrettur.blog.is?

28.03.14 @ 00:26
Athugasemd from: Ragnar Geir Brynjólfsson [Meðlimur]

Takk fyrir innlitið Jón.
Já, ég tek undir með þér og það er umhugsunarefni að sumir virðast ekki sjá neitt athugavert við þetta samanber sumar athugasemdir við frétt DV af þessu sem birtist 25.3. sl.: http://www.dv.is/frettir/2014/3/25/fosturleifar-notadar-til-ad-hita-upp-sjukrahus-i-bretlandi/

Jú, auðvitað leyfi ég endurbirtingu á lifsrettur.blog.is.

29.03.14 @ 07:40


Form is loading...