« MinningabrotBiðjum vér, góð systkin »

09.03.06

  07:59:24, Skrásetjari: Jón Rafn Jóhannsson, 636 orð  
Flokkur: Fóstureyðingar og vernd

Hin nýju lög gegn fóstureyðingum í Suður Dakota

Þann 23. febrúar s.l. samþykkti þing Suður Dakotafylkis víðtækt bann gegn fóstureyðingum. Lögin voru samþykkt með 23 atkvæðum gegn 12. Þann 8. mars undirritaði síðan Mike Round (R) fylkisstjóri lögin. Lögin ganga þvert á úrskurð hæstaréttar frá 1973 sem viðurkenndi óskoraðan rétt kvenna til fóstureyðinga. Lögin krefjast þess að hæstiréttur verður að kveða upp nýjan úrskurð fyrir gildistöku þeirra.

Roger W. Hunt (R) sem lagði frumvarpið fram komst svo að orði: „Nú er komið að þeirri stund að alríkislögin um fóstureyðingar muni breytast í náinni framtíð.“ Kate Looby, framkvæmdastjóri „Planned Parenthood of South Dakota“ sem ætlar þegar í stað að kæra fóstureyðingarbannið sagði að „hún væri enn í losti.“ Hún bætti síðan við: „Vissulega er þetta svartur dagur fyrir konur í Suður Dakota. Við áttum von á þessu, en engu að síður er dapurlegt til þess að vita að löggjafarvaldið ber svo litla umhyggju fyrir konum [hvað um lífsrétt barna?]

Auk Suður Dakota hafa önnur ríki íhugað að setja lög sem takmarka rétt til fóstureyðinga á þessu ári, það er að segja Ohio, Indiana, Georgia, Tennessee og Kentucky. Talsmenn fóstureyðinga láta í ljós efasemdir um að hin nýju lög muni fá jákvæða niðurstöðu í hæstarétti. Þannig sagði Nancy Keenan, forseti „NARAL Pro-Choice America“ að „þegar þið sjáið þá samþykkja lög sem fela ekki í sér undanþáguatkvæði vegna nauðgana, sifjaspella eða heilsufars móður, þá gerið þið ykkur ljóst, að úrslit kosninga skipta máli. Við munum verða afar virk á vali á frambjóðendum fyrir kosningarnar 2006 og 2008 sem túlka vilja meirihluta Bandaríkjamanna.“

Á undanförnum árum hefur hreyfingin gegn fóstureyðingum einbeitt sér að baráttunni innan einstakra ríkja sem fela meðal annars í sér skerðingu á réttinum til fóstureyðinga með takmörkunum á úrræðum og biðtíma þar sem foreldrum er gert skylt að taka sér ákveðinn umhugsunartíma, áður en til fóstureyðingarinnar kemur. Chuck Donovan, varaframkvæmdastjóri „Family Research Council og fyrrum talsmaður „National Right to Life Committee“ segir: „Ef við lesum einungis lögin eins og þau eru núna, hafa lögin frá Suður Dakota enga möguleika til að standast úrskurð hæstaréttar í málum þeirra Roe og Casey. [1] Ég verð að taka undir orð þeirra sem telja þetta ekki mögulegt.“

Engu að síður eru aðrir andstæðingar fóstureyðinga bjartsýnni en þeir hafa verið nokkru sinni áður sökum hinna tveggja nýskipuðu og íhaldsömu dómara í hæstarétti, þeirra John G. Roberts Jr. og Samuel A. Alito. Roberts hefur ekki tjáð opinberlega skoðun sína á rétti til fóstureyðinga. Ekki hefur gætt samræmis í afstöðu Alito á fóstureyðingum frá því að hann starfaði sem saksóknari. En hvernig sem úrslit þessa máls verða, er fróðlegt fyrir íslenska lífsverndarsinna að fylgjast með framgangi þess.

[1]. Hér er vísað til úrskurðar hæstaréttar frá 1992 í máli „Planned Parenthood“ gegn Casey. Samkvæmt úrskurðinum hefur kona rétta á fóstureyðingu áður en fóstrið getur lifað sjálfstæðu lífi án móður. Síðari úrskurðurinn er frá 1973 þar sem einstæðri móðir (Roe) var heimilt að ganga undir fóstureyðingu í Texas þar sem lífi móðurinnar var stefnt í hættu á meðgöngutímanum.

Greinin er byggð á fréttum úr Washington Post.

2 athugasemdir

Athugasemd from: Jón Rafn Jóhannsson
Jón Rafn Jóhannsson

Sjá ritningarlestur dagsins: „Allt sem þér viljið, að aðrir menn gjöri yður, það skuluð þér og þeim gjöra. Þetta er lögmálið og spámennirnir.“

Getum við ekki öll verið þakklát foreldrum okkar fyrir að hafa virt rétt okkar til lífs? Megi það vera bæn sérhvers kristins manns, að augu kvenna opnist gagnvart þeirri frumstaðreynd náttúrlegs réttar, að börn hafa rétt til lífs. Öll getum við verið ósegjanlega þakklát Guði fyrir lögmál sitt sem verndaði hinn flekklausa getnað Maríu, hennar sem er fyrirmynd allra mæðra.

Það er til hins náttúrlega réttar sem franska þingnefndin skírskotaði í niðurstöðum sínum nýverið (sjá skráarsafn mitt: Fóstureyðingar: Engin hjónavígsla fyrir hómósexualista eða réttur til tæknifrjóvgunar). Þar má lesa: „Þrátt fyrir bónarbréf og þrýsting frá nokkrum samtökum samkynhneigðs fólks leggur nefndin áherslu á réttarvernd PACS hvað áhrærir hjónabandið. Hún leggur áherslu á að vernda beri réttindi barnsins af hálfu löggjafarvaldsins.“

Þetta er lögfræðilega séð afar mikil nýmæli sem eiga eftir að setja mark sitt á löggjöf ríkja Evrópubandalagsins á komandi árum. Í reynd er ákvæðið um „náttúrlegan rétt barna“ þegar að finna í íslensku barnaverndarlögunum þar sem réttur barnsins er hafður í fyrirrúmi.

09.03.06 @ 09:09
Athugasemd from: Jon Valur Jensson

Það vantaði ekki, að ‘Spegill’ Ríkisútvarpsins tæki þetta mál fyrir á forsendum efnishyggjumanna, nú rétt fyrir helgina. Þyrfti að fara í saumana á þeim málflutningi. Þið getið hlustað á hann á netinu, líklega var þetta föstudags-eða fimmtudagskvöld (10./11. marz), ég hef pistilinn hér.

12.03.06 @ 22:34