« „Einn af yður mun svíkja mig.“Fátæka hafið þér ætíð hjá yður »

09.04.06

  21:34:47, Skrásetjari: Jón Rafn Jóhannsson, 915 orð  
Flokkur: Hugleiðingar

Goðsagnir hómosexualismans

Krafan um „giftingu“ samkynhneigðra hefur komið til sögunnar vegna þess að þeir styðjast við ákveðna hertækni. Þegar þeir Marshall Kirk og Hunter Madsen gáfu út bók sína „After the Ball: How America Will Conquer Its Fear and Hatred of Gays (Eftir dansleikinn: Hvernig Bandaríkin munu sigrast á ótta sínum og hatri á samkynhneigð) [1], settu þeir fram nákvæma aðferð um það hvernig hreyfing samkynhneigðra ættu að ná takmarki sínu. Í grein sem Kirk nefndi „The Overhauling of Straight America“ (Að koma Ameríku kynvillunnar á skrið) [2] skilgreindi hann hertækni sína svo:

„Við getum grafið undan siðrænum áhrifum kirkna með því að draga upp mynd af þeim sem forneskjulegu hugarfari sem er ekki í neinu samræmi við nútímann eða við nýjustu niðurstöður sálarfræðinnar. Við getum beint áhrifum vísindanna og almenningsálitsins gegn rótgrónum kirkjum. Slíkt vanheilagt bandalag hefur gefist vel gegn kirkjunum áður, eins og hvað áhrærir mál eins og hjónaskilnaði og fóstureyðingar . . . Við eigum ekki að berjast fyrir því að iðkun kynvillu hljóti viðurkenningu, heldur einbeita okkur að þjóðfélagslegu misrétti.“

Goðsögn 1

Vísindi og almenningsálitið: Þetta er sú aðferð sem þrýstihópur hómosexualista hefur stuðst við áróðri sínum til stuðnings. En þetta gengur þvert á allar staðreyndir. Til að mynda leituðust talsmenn samkynhneigðra árum saman að halda þeirri hugmynd að almenningi, að þeir væru 10% heildaríbúafjöldans. Þeir skírskotuðu til „vísindalegra rannsókna“ sem hinn mikli „gúrú“ þeirra, Alfred Kinsey, hafði átt að hafa gert máli sínu til stuðnings. En engar vísindalegar rannsóknir hafa getað staðfest niðurstöður Kinseys. Nú er það almennt viðurkennt að tölur hans voru gróflega ýktar. [3].

Rök sem hómosexualistar grípa gjarnan til þegar þeir leitast við að réttlæta hjónaband samkynhneigðra felast í því, að hjónaband gagnkynhneigðra eigi sér einungis trúarlegar rætur og því án alls rökræns innihalds. Michael Kinsley hefur orðað þetta svo í State Magazine: „Við fyrir okkar leyti trúum því ekki að lífsgildi okkar grundvallist á boðum frá Guði.“ Röksemdafærslan gengur ranglega út frá þeirri forsendu, að allir sem séu á móti hjónabandi fólks af sama kyni geri það einungis af trúarlegum forsendum og leitist þannig við að þröngva lífsviðhorfi sínu upp á aðra. Þeir ganga fram hjá þeirri staðreynd að trúað fólk geri slíkt ekki einungis af trúarlegum ástæðum, eins og ljóst er af yfirlýsingu Jóhannesar Páls II frá 3. júní 2003 þar sem einnig er gripið til hinna náttúrlegu raka:

„Rök hómosexualista fyrir sambúð eiga sér hvorki líffræðilegar eða mannfræðilegar forsendur, en slíkt væri skynsamlegar forsendur til að veita slíku viðurkenningu. Slíkt sambúðarform leiðir hvorki til fjölgunar né viðhalds mannkyninu.“

Þetta eru einmitt þau rök sem franska þingnefndin undir forsæti Valèrie Pecresse tók í febrúar s.l., þegar hún hafnaði sambúð og rétti samkynhneigðra til tæknifrjóvgana, það er að segja hín náttúrlegu rök. (sjá á þessum vef: „Engin hjónavígsla fyrir hómósexualista eða réttur til að ættleiða börn.“).

Hjónaband gagnkynhneigðra rennir stoðum undir þjóðfélagslegt öryggi fyrir börn sem getin eru í hjónabandinu og skapar þjóðfélagslega festu. Rannsókn sem gerð var á karlmönnum undir 30 ára aldri í Amsterdam sem Hollenska Aids hjálparstarfið gaf út árið 2003, leiddi í ljós að karlmenn sem ekki eru í sambúð áttu kynmök við 22 einstaklinga á ári, en þeir sem bjuggu í sambúð áttu kynmök við aðra einstaklinga 8 sinnum árlega og að „stöðug sambúð stæði einungis yfir í 18 mánuði.“

Goðsögn 2

Hin goðsögnin sem þrýstihópur samkynhneigðra og fjölmiðlar hafa gripið til æ ofan í æ í réttlætingu sinni á giftingu homma felst í því, að fólk sé fætt með kynhneigð sína. En engar niðurstöður læknisfræðinnar benda í þessa átt. Enn sem komið er hefur erfðavísindunum ekki auðnast að finna neitt „hommagen“ í kortlagningu sinni. [4]

Það er einnig athyglisvert að rannsóknir leiða hins vegar í ljós, þrátt fyrir að þrýstihópur samkynhneigðra og fjölmiðlar leitist við að gera lítið úr því, að fólk hefur snúist frá samkynhneigð til gagnkynhneigðar bæði án og með sálgreiningu. Þagnarmúrinn hvað þetta áhrærir vekur í reynd furðu.

Af þessu má sjá að svokölluð „rök“ samkynhneigðra og talsmanna þeirra eru einungis hreinar goðsagnir sem eru jafn ýkjukenndar og gerðist best í hinum forna heimi mannfáka og einfætlinga.

[1]. Amazon, com, verð 31.95$.
[2]. http://www.totse.com/en/law/justice_for_all/theoverhauling179017.html
[3]. Sjá: One, not ten, percent claims to be homosexual, C.I., World Report, Jan. 2005, pp. 39-40. Hvað áhrærir Kinsey, sjá greinina Talking about sex, Kinsey style, C.I. Jan. 2005, pp. 16-17.
[4]. McGuire, T. (1995): Is homosexuality genetic? A critical review and some suggestions, in Journal of Homosexuality, 28, --: 115-145.

No feedback yet