Flokkur: "Kirkjuárið"

24.12.14

  21:43:00, Skrásetjari: Ragnar Geir Brynjólfsson   , 200 orð  
Flokkur: Helgir menn, Dulhyggja, Jólin

Frásögn Brentano af fæðingu Drottins - heilagt innsæi eða tilfinningaþrunginn skáldskapur?

Þýska skáldið Clemens Brentano tók að sér að skrifa niður frásagnir nunnunnar Anne Catherine Emmerich, þar sem hún lýsir sýnum þeim sem hún upplifði frá barnæsku og síðar meir sem nunna. Fyrir nokkrum árum þýtti ég stutta kafla úr enskri þýðingu bóka Brentano þar sem lýst er undirbúningi fæðingar Drottins. Þýðingar þessar er að finna hér og hér.

Þegar systir Emmerich var tekin í blessaðra tölu af Jóhannesi Páli II páfa árið 2004 var tekið fram að þessi vegsauki hlotnaðist henni ekki vegna rita Brentano, sem sumir telja að stórum hluta vera skáldskap, heldur vegna helgi nunnunnar. Hvað svo sem segja má um rit Brentano þá er enn óútskýrt hvernig á því stóð að hægt var að nota kafla úr þessum ritum til að finna fornleifar skammt frá hinni fornu borg Efesus sem nú er í Tyrklandi, fornleifar sem kristnir menn telja að hafi verið dvalarstaður hinnar heilögu meyjar. En hvorki Brentano né Emmerich komu nokkru sinni til Tyrklands.

Þótt menn efist um trúverðugleika rita Brentano verður að segjast að myndirnar sem dregnar eru upp af fæðingu Drottins gætu eins vel átt heima í vísindaskáldsögu eins og rómantísku verki frá 19. öld ef tilfinningaþrungnum lýsingarorðum væri fækkað aðeins.

Endurbirtur pistill. Birtist áður 25.12.2013

27.03.13

  20:53:00, Skrásetjari: Ragnar Geir Brynjólfsson   , 252 orð  
Flokkur: Kaþólska kirkjan á Íslandi, Fasta og yfirbót, Fastan

Föstudagurinn langi - samstöðudagur með þjáðum

Til eru þeir sem líta á Föstudaginn langa sem leiðinlegan dag því þá sé litla þjónustu eða skemmtanir að fá og storka jafnvel helgidagalöggjöfinni en hún er sett til að tryggja sem flestum næði og kyrrð þennan dag. Það er löng hefð fyrir því í okkar menningu að leita kyrrðarinnar til að leggja stund á innri skoðun. Þetta er fyrir trúarleg áhrif kristninnar en margir þekkja sögurnar af Kristi sem fór út í eyðimörkina til að fasta.

Á föstudaginn langa er þess minnst að þann dag þjáðist Kristur á krossinum og því er tíminn notaður til að rannsaka hugann og samviskuna, horfa inn á við og reyna að finna það sem aflaga hefur farið í eigin ranni. Flestir ættu að hafa gott af þannig innri skoðun hvort sem hún er gerð á trúarlegum forsendum eða ekki. Þennan dag ganga menn því á hólm við vanræksluverk, lesti, stórar eða litlar yfirsjónir eða jafnvel afbrot og einsetja sér að gera betur.

Frá sjónarhóli bæði trúaðra og trúleysingja má einnig allt eins líta á Föstudaginn langa sem samstöðudag með þeim sem þjást eða sem hafa þjáðst og þeirra þarf ekki að leita langt. Þjáning og sorg er víða í okkar samfélagi en margir bera harm sinn í hljóði. Út um víða veröld eru svo næg athugunarefni. Það er gott og sjálfsagt að taka frá einn dag á ári til að rannsaka samviskuna og sýna þeim sem þjást samstöðu. Allt víðsýnt og góðviljað fólk ætti að geta tekið undir nauðsyn þess að huga að þeim málum.

10.02.13

  21:37:00, Skrásetjari: Ragnar Geir Brynjólfsson   , 200 orð  
Flokkur: Kaþólska kirkjan á Íslandi, Fastan

Föstuboð kirkjunnar

„Samkvæmt kirkjulögum er öllu rómversk-kaþólsku fólki frá 18 til 60 ára aldurs skylt að fasta á bindandi föstuboðsdögum. Sjúklingar eru undanþegnir föstu. Bindandi föstuboðsdagar eru öskudagur og föstudagurinn langi. Fasta er það þegar aðeins er neytt einnar fullkominnar máltíðar á dag. Þó er ekki bannað að neyta smávegis af fæðu tvisvar að auki.“

„Allir trúaðir sem náð hafa 14 ára aldri eiga að gera yfirbót alla föstudaga, einkum á lönguföstu. Velja má um eftirtaldar leiðir:

Öll færslan - smellið hér til að lesa alla færsluna »

13.01.13

  20:51:00, Skrásetjari: Ragnar Geir Brynjólfsson   , 114 orð  
Flokkur: Kirkjuárið, Bænir, Biblían

Ritningarlestrar og kirkjuhátíðir 20.-26. jan.

Eftir hádegi 19. jan. hófst 4. vika saltara með fyrra aftansöng sunnudags sem er 2. sd. alm. í kirkjuári. Ritningarletrar og kirkjuhátíðir vikunnar eru:

Öll færslan - smellið hér til að lesa alla færsluna »

05.01.13

  11:31:00, Skrásetjari: Ragnar Geir Brynjólfsson   , 1020 orð  
Flokkur: Kaþólska kirkjan á Íslandi, Jólin

Prédikun séra Jakobs Rollands í útvarpsmessu 30. des. 2012

Útvarpsmessa sunnudaginn 30. desember 2012
Dómkirkja Krists konungs
Séra Jakob Rolland

Kæru bræður og systur í Kristi,
góðir hlustendur nær og fjær.

Á þessum síðasta sunnudegi ársins er okkur ljúft að dveljast um hríð
við jötu Frelsarans í fjárhúsinu í Betlehem. Við höldum jólahátíð ekki
eingöngu á einum degi heldur í tvær vikur. Það er eins og heilög
kirkja sé hugfangin af öllu því sem gerðist kringum fæðingu Drottins
og hún veltir fyrir sér aftur og aftur þeim atburðum sem breyttu rás
sögunnar og færðu mannheimi nýja von. Oss er Frelsari fæddur. Nafn
hans er Immanúel, Guð með oss.

Öll færslan - smellið hér til að lesa alla færsluna »

20.12.12

  18:42:00, Skrásetjari: Ragnar Geir Brynjólfsson   , 11 orð  
Flokkur: Kaþólska kirkjan á Íslandi, Jólin

Messutímar í kaþólsku kirkjunum um jól og áramót

Jólamessutímana í kaþólsku kirkjunum má finna á vef kirkjunnar hér: http://www.catholica.is/STimes.html

22.04.11

  10:37:37, Skrásetjari: Ragnar Geir Brynjólfsson   , 272 orð  
Flokkur: Kaþólska kirkjan á Íslandi, Dymbilvika og páskar

Helgihald föstudagsins langa - dags föstu og yfirbótar

Á föstudaginn langa er ekki lesin heilög messa í rómversk-kaþólskum kirkjum heldur er krossfórnar Jesú Krists minnst í sérstakri guðsþjónustu. Guðslíkamahúsið er haft opið og tómt til að minna á að þennan dag steig Jesús til heljar. Krossmörk eru hulin fjólubláu klæði og krossfórnarinnar er minnst með tilbeiðslu krossins. Líkami Krists er veittur hinum trúuðu í mynd brauðs sem helgað var áður.

Öll færslan - smellið hér til að lesa alla færsluna »

21.04.11

  16:31:44, Skrásetjari: Ragnar Geir Brynjólfsson   , 82 orð  
Flokkur: Kaþólska kirkjan á Íslandi, Dymbilvika og páskar

„Getið þið ekki beðið með mér eina stund?“

„Getið þið ekki beðið með mér eina stund?“ spurði Jesús lærisveinana í grasgarðinum að kvöldi hins fyrsta skírdags. Þessum orðum er beint enn í dag til fylgjenda hans og eru þau hvatning til að dvelja með honum á bæn. Af þessu tilefni eru bænavökur í kaþólskum kirkjum landsins og hefjast þær að lokinni kvöldmáltíðarmessu og vara til miðnættis. Fólk er beðið að fara ekki strax úr kirkjunni (eða koma aftur seinna) heldur dvelja um stund á bæn.

Heimild: Kaþólska kirkjublaðið apríl-maí 2011 bls. 16-20.

10.03.11

  21:24:29, Skrásetjari: Ragnar Geir Brynjólfsson   , 135 orð  
Flokkur: Hjálparstarf, Fasta og yfirbót, Fastan

Föstusöfnun 2011 til styrktar kristnum mönnum í Miðausturlöndum

Kaþólska kirkjublaðið greinir frá því að föstusöfnunin 2011 renni til styrktar kristnum mönnum í Miðausturlöndum:

Öll færslan - smellið hér til að lesa alla færsluna »

24.12.10

  17:53:24, Skrásetjari: Ragnar Geir Brynjólfsson   , 1479 orð  
Flokkur: Dulhyggja, Jólin, Opinberanir

„Fæðing Drottins“

Frásögn sjáandans hinnar blessuðu Anna Katharina Emmerick (1774-1824)

„Ég sá ljómann í kringum meyjuna blessuðu aukast og verða meiri. Ljósið frá lömpunum sem Jósef hafði kveikt var ekki lengur sýnilegt. Meyjan kraup á teppi sínu í víðum kufli sem breiddur var út í kringum hana og hún sneri andlitinu í austur. Um miðnætti var hún gagntekin af alsælu í bæn. Ég sá að hún lyftist þannig að ég sá í gólfið fyrir neðan hana. Hendur hennar hafði hún krosslagðar á brjósti sér.

Öll færslan - smellið hér til að lesa alla færsluna »

15.02.10

  20:56:18, Skrásetjari: Ragnar Geir Brynjólfsson   , 289 orð  
Flokkur: Kirkjuárið, Fastan

Fastan hefst á öskudag

Systir Catharina Broomé skrifar í bók sinni Kaþólskur siður [1]:
„Jesús hvatti okkur til að fasta, gefa ölmusu og biðja og sjálfur fastaði hann fjörutíu daga í eyðimörkinni, eins og aðrir helgir menn í Biblíunni. Fjörutíu daga fasta kirkjunnar hefst á öskudegi og stendur yfir til páska. Biskupinn tilkynnir fólkinu reglurnar um föstutímann en þegar á heildina er litið er hverjum manni í sjálfsvald sett hvernig hann innir föstuna af hendi.

Öll færslan - smellið hér til að lesa alla færsluna »

24.12.09

  20:16:19, Skrásetjari: Ragnar Geir Brynjólfsson   , 1215 orð  
Flokkur: Dulhyggja, Jólin, Opinberanir

„Í hellinum í Betlehem“

Frásögn sjáandans hinnar blessuðu Anna Katharina Emmerick (1774-1824). Þetta er endurbirtur pistill sem birtist áður hér á vefsetrinu 21.12. 2006

„Sólin var næstum hnigin til viðar þegar þau komu að opi hellisins. Asnamerin unga sem hafði hlaupið frá þeim við hús forfeðra Jósefs var komin þangað og hoppaði glaðlega í kringum þau. 'Sjáðu,' sagði hin blessaða meyja við Jósef, 'það er greinilega Guðs vilji að við förum hérna inn'. Jósef var aftur á móti mjög miður sín og á laun skammaðist hann sín fyrir að hafa talað svo oft um hinar góðu móttökur í Betlehem.

Öll færslan - smellið hér til að lesa alla færsluna »

19.11.09

  20:39:18, Skrásetjari: Ragnar Geir Brynjólfsson   , 100 orð  
Flokkur: Kaþólska kirkjan á Íslandi, Jólafasta (aðventa), Trúarleg tónlist og textar

Aðventutónleikar í dómkirkju Krists konungs

Aðventutónleikar verða í dómkirkju Krists konungs í Landakoti 6. desember í samstarfi kórs Kristskirkju og gamla Skálholtskórsins. Tónleikarnir hefjast kl. 14.

Stjórnandi er Hilmar Örn Agnarsson. Strengjasveit leikur undir stjórn Hjörleifs Valssonar. Einsöngvarar eru Sigrún Hjálmtýsdóttir, Egill Ólafsson og Sigurlaug S. Knudsen. Flutt verða trúarleg verk og jólalög. Aðgangseyrir er 2500 kr. Miðar verða seldir á midi.is.

Á tónleikunum verður frumflutt nýtt lag eftir Atla Heimi Sveinsson sem er sérstaklega samið fyrir hinn sameinaða kór Kristskirkju og Skálholtskórinn. Ef eftirspurn verður umfram sætaframboð í kirkjunni verða haldnir aukatónleikar kl. 20 sama dag, 6. desember.

Heimildir: Kaþólska kirkjublaðið 19. árg, nr. 12 bls. 4. Sunnlenska fréttablaðið 19. árg. 46. tbl. bls. 13.

01.11.09

  20:26:58, Skrásetjari: Ragnar Geir Brynjólfsson   , 462 orð  
Flokkur: Kirkjuárið, Altarissakramentið, Kenning kirkjunnar

Þrengingin mikla - hreinsunareldurinn

Því er stundum haldið fram að kenning kaþólsku kirkjunnar um hreinsunareld eigi sér ekki grundvöll í heilagri ritningu. Í fyrri ritningarlestri dagsins í dag 1. nóvember eða allra sálna messu standa þó þessi orð í Opinberunarbókinni, 7. kafla versunum 9-16:

Eftir þetta sá ég, og sjá: Mikill múgur, sem enginn gat tölu á komið, af öllum þjóðum og kynkvíslum, lýðum og tungum, stóð frammi fyrir hásætinu og frammi fyrir lambinu, skrýddur hvítum skikkjum og hafði pálmagreinar í höndum. Og hann hrópaði hárri röddu: Hjálpræðið kemur frá Guði vorum, sem í hásætinu situr, og lambinu. Allir englarnir stóðu kringum hásætið og öldungana og verurnar fjórar. Og þeir féllu fram fyrir hásætinu á ásjónur sínar, tilbáðu Guð og sögðu:
Amen! Lofgjörðin og dýrðin,
viskan og þakkargjörðin,
heiðurinn og mátturinn og krafturinn
sé Guði vorum um aldir alda. Amen.
Einn af öldungunum tók þá til máls og sagði við mig: „Hverjir eru þessir menn sem skrýddir eru hvítum skikkjum og hvaðan eru þeir komnir?“ Og ég sagði við hann: „Herra minn, þú veist það.“ Hann sagði við mig: „Þetta eru þeir sem komnir eru úr þrengingunni miklu og hafa hvítþvegið skikkjur sínar í blóði lambsins. Þess vegna eru þeir frammi fyrir hásæti Guðs og þjóna honum dag og nótt í musteri hans og sá sem í hásætinu situr mun búa hjá þeim. Þá mun hvorki hungra né þyrsta framar og eigi mun heldur sól brenna þá né nokkur breyskja vinna þeim mein. Því að lambið, sem er fyrir miðju hásætinu, mun vera hirðir þeirra og leiða þá til vatnslinda lífsins. Og Guð mun þerra hvert tár af augum þeirra.“ [Leturbr. RGB]

Öll færslan - smellið hér til að lesa alla færsluna »

28.10.08

  21:34:48, Skrásetjari: Ragnar Geir Brynjólfsson   , 279 orð  
Flokkur: Kirkjuárið, Kenning kirkjunnar

Allra heilagra messa og allra sálna messa

Allra heilagra messa er 1. nóvember nk. og allra heilagra messa er 2. nóvember. Á allra heilagra messu verða vökumessur í Kristskirkju í Landakoti og Maríukirkju í Breiðholti. Messan í Kristskirkju hefst kl. 18 og í Maríukirkju kl. 18.30.

Eigum við að biðja fyrir framliðnum?

„Biblían kennir að það sé rétt og hjálpsamlegt að biðja fyrir þeim sem dánir eru. Sálir þeirra sem deyja í náð Guðs en eiga eftir að hreinsast af syndum sínum dvelja um hríð í hreinsunareldi.

Öll færslan - smellið hér til að lesa alla færsluna »

10.02.08

  11:23:32, Skrásetjari: Ragnar Geir Brynjólfsson   , 511 orð  
Flokkur: Trúarpælingar, Fasta og yfirbót, Fastan

Hinar þrjár freistingar Krists í eyðimörkinni

Í upphafi 4. kafla Mattheusarguðspjalls er greint frá því þegar Kristur hélt út í eyðimörkina og fastaði þar í 40 daga og nætur og 'var þá orðinn hungraður'. Þegar þar var komið sögu vitjaði djöfullinn hans og freistaði hans þrisvar sinnum. Hin fyrsta freisting var sú að hann skyldi breyta brauði í steina, önnur freistingin var sú að hann skyldi kasta sér af brún musterisins og koma niður óskaddaður, borinn af englum. Þriðja freistingin var sú að djöfullinn lofaði að gefa honum öll ríki jarðarinnar ef hann félli fram og tilbæði sig.

Öll færslan - smellið hér til að lesa alla færsluna »

07.02.08

  19:36:49, Skrásetjari: Ragnar Geir Brynjólfsson   , 276 orð  
Flokkur: Fasta og yfirbót, Fastan

Fastan - hin andlega eyðimerkurferð

Sá bankareikningur sem einungis er tekið út af tæmist að lokum. Sú veisla sem engan enda tekur verður á endanum óbærileg. Við höldum upp á bolludag og troðum okkur út af bollum og svo á eftir kemur sprengidagur og þá borðum við eins mikið af kjöti og við getum. En hvað svo? Jú síðar koma páskarnir og þá er hægt að láta eins mikið af súkkulaði í sig og maginn leyfir en hvað svo. Jú svo kemur hvítasunnan, og svo verslunarmannahelgin og svo aftur jólin. Vissulega eru þessi veisluhöld sjálfsögð og góð og þau eiga sinn tíma. En það á líka fastan.

Öll færslan - smellið hér til að lesa alla færsluna »

06.02.08

  22:23:47, Skrásetjari: Ragnar Geir Brynjólfsson   , 163 orð  
Flokkur: Fasta og yfirbót, Fastan

Öskudagur - öskudagsmessa og öskukross

Á öskudag hefst 40 daga fasta kristinna manna og hún stendur fram á páskadag. Í kaþólsku kirkjunni er til siðs að fara í messu á öskudag og í lok messunnar gerir presturinn krossmark úr ösku á enni kirkjugesta og mælir um leið þessi orð: "Minnstu þess maður að þú ert mold og að moldu muntu aftur verða". Þetta minnir fólk á hverfulleika lífsins og fallvölt gæði þessa heims.

Öll færslan - smellið hér til að lesa alla færsluna »

30.12.07

  14:44:15, Skrásetjari: Ragnar Geir Brynjólfsson   , 400 orð  
Flokkur: Páfinn, Jólin

Páfi fordæmir vopnagný og ofbeldi

Í Urbi et orbi (til borgarinnar og heimsins) boðskap sínum á jóladag fordæmdi páfi m.a. síendurtekna beitingu vopna á hinum ýmsu ófriðarsvæðum heimsins sem og hryðjuverk og ofbeldi. Sjá hér: [Tengill]

Segja verður að boðskapur páfa er sem fyrr tímabær og þarfur. Ef horft er á hina vestrænu menningu þá verður að viðurkenna að vopnadýrkun og ofbeldisdýrkun er áberandi, sumir myndu segja of áberandi. Afþreyingarefni, bæði tölvuleikir og myndefni byggir gjarnan á ofbeldi og vopnabeitingu til að byggja upp spennu. Oft - allt of oft er réttlætið sýnt sem afleiðing af vopnabeitingunni. En friður dauðans er ekki það sama og hinn sanni friður hjartans sem byggir á innri sátt og fyrirgefningu.

Öll færslan - smellið hér til að lesa alla færsluna »

25.12.07

  12:03:50, Skrásetjari: Ragnar Geir Brynjólfsson   , 172 orð  
Flokkur: Helgir menn, Páfinn, Jólin

„Jólin eru hátíð hinnar endurreistu sköpunar“

Þetta kom m.a. fram í jólapredikun Benedikts páfa XVI sem hann hélt í Péturskirkjunni í gærkvöldi. Þar lagði hann út af túlkun hl. Gregoríusar af Nyssa á jólaguðspjallinu en samkvæmt henni táknar jatan heiminn. Páfi spurði hvað hl. Gergorius hefði sagt hefði hann séð ástand heimsins í dag t.d. vegna misnotkunar á orku. „Koma Krists endurvekur fegurð og virðingu sköpunarinnar og heimsins“ sagði páfi og bætti vð að jólin væru því hátíð hinnar endurreistu sköpunar. „Hvort sem við erum fjáhirðar eða 'vitringar' þá er ljósið og þau skilaboð sem það flytur að fara og hitta Drottin og tilbjiðja hann. Við tilbiðjum hann með því að opna heiminn fyrir sannleikanum, fyrir hinu góða, fyrir Kristi, í þjónustu við þá sem settir eru til hliðar og það er í þeim sem hann bíður okkar.“

Sjá nánar á slóðinni: http://www.zenit.org/article-21389?l=english

08.04.07

  20:45:17, Skrásetjari: Ragnar Geir Brynjólfsson   , 93 orð  
Flokkur: Dymbilvika og páskar, Erlendar fréttir úr heimi kirkjunnar

Til borgarinnar og heimsins - Urbi et orbi

8.04.2007. (AsiaNews.it) - Benedikt páfi XVI flutti boðskap sinn 'Urbi et orbi' eða 'til borgarinnar og heimsins' í dag á Péturstorginu í viðurvist meira en 100 þúsunda. 'Til borgarinnar' vísar til þess að hann er biskup Rómaborgar og því andlegur leiðtogi hennar og 'til heimsins' vísar til hirðisstarfs hans sem páfa og leiðtoga kaþólsku kirkjunnar. „Mannkynið verður að finna á nýjan leik hið sanna andlit Guðs“ sagði páfi m.a. í ávarpi sínu. Að lokum flutti hann kveðju á 62 tungumálum. [1]

  10:53:38, Skrásetjari: Ragnar Geir Brynjólfsson   , 120 orð  
Flokkur: Dymbilvika og páskar, Erlendar fréttir úr heimi kirkjunnar

„Þessi kærleikur er sterkari en dauði“

8.4.2007. (AsiaNews.it) - Páfi leiddi páskavökuna, hátíðlegustu athöfn kaþólsku kirkjunnar innan kirkjuársins í Péturskirkjunni í gærkvöldi. Við þetta tækifæri minntist hann skírnarinnar sem hann sagði að sameinaði manninn Kristi og líkti henni við nýja fæðingu. „Hlið dauðans eru lokuð og enginn kemur þaðan ... En Kristur hefur lykilinn. Kross hans opnar upp á gátt hlið dauðans ... Kross hans, hans róttæki kærleikur er lykillinn sem opnar dyrnar. Kærleikur þess sem þó hann væri Guð gerðist maður til þess að deyja. Þessi kærleikur hefur kraft til að opna dyrnar. Þessi kærleikur er sterkari en dauði.“ [1]

  10:37:31, Skrásetjari: Ragnar Geir Brynjólfsson   , 78 orð  
Flokkur: Fastan, Dymbilvika og páskar, Erlendar fréttir úr heimi kirkjunnar

Páfi biður krossferilinn í Kólosseum

4.7.2007. (AsiaNews.it) - Að venju bað páfi krossferilsbænir í Kólosseum á föstudaginn langa. Krossferilsbæn felst í því að gengið er milli 14 staða og við hvern stað er ákveðinna atriða píslarsögunnar minnst. Páfi sagði við þetta tækifæri að íhugun píslarsögunnar minnti á þá sem þjást í heiminum því að vera kristinn þýddi það að hafa hjarta sem væri móttækilegt fyrir kvöl og þjáningum annarra. [1]

07.04.07

  14:10:44, Skrásetjari: Ragnar Geir Brynjólfsson   , 92 orð  
Flokkur: Kaþólska kirkjan á Íslandi, Dymbilvika og páskar

Páskavökur í kaþólskum kirkjum landsins

Aðfaranótt páska er helgasta nóttin í kirkjuárinu. Fyrst um sinn er dimmt í kirkjunni. Þá verður kveiktur páskaeldur og af honum er kveikt á páskakerti til tákns um upprisu Jesú Krists.

Páskavaka hefst kl. 22 í Kristskirkju Landakoti. Í Maríukirkju Breiðholti hefst vakan kl. 22.30, Í Jósefskirkju Hafnarfirði kl. 21. Í kapellu St. Fransiskussystra Stykkishólmi hefst páskavakan kl. 22. Á Ísafirði hefst páskavakan kl. 19. Í Péturskirkju við Eyrarlandsveg á Akureyri hefst páskavakan kl. 22. Í Barbörukapellu Keflavík hefst páskavakan kl. 19.

Kaþólska kirkjublaðið nr. 4, 2007 bls. 18-19.

06.04.07

  10:48:03, Skrásetjari: Ragnar Geir Brynjólfsson   , 94 orð  
Flokkur: Kaþólska kirkjan á Íslandi, Fasta og yfirbót, Fastan

Föstudagurinn langi - dagur föstu og yfirbótar

Föstudagurinn langi er lögboðinn föstu- og yfirbótadagur. Í Kristskirkju Landakoti hefst krossferilsbæn kl. 11 og guðsþjónusta er kl. 15. Krossferilsbæn á ensku hefst svo kl. 17. Skriftir eru kl. 10-11 og að guðsþjónustu lokinni til kl. 17.

Í Jósefskirkju Hafnarfirði verða beðnar krossferilsbænir kl. 11, skriftir eru kl. 12-14.30. Guðsþjónusta til minningar um þjáningar og dauða Drottins er kl. 15.

Í Maríukirkju við Raufarsel hefst krossferilsbæn og guðsþjónusta kl. 15. Skriftir eru kl. 14-14.30.

Kaþólska kirkjublaðið nr. 4, 2007 bls. 16-17.

06.03.07

  05:09:17, Skrásetjari: Ragnar Geir Brynjólfsson   , 324 orð  
Flokkur: Þjóðfélagsrýni, Fastan

Af formælingum og dauðatáknum

Ungur vinur minn sagði við mig um daginn: „Íslensku krakkarnir í skólanum mínum blóta svo mikið. Þau nota ljót orð sem byrja á h, a og d. Af hverju hætta þau þessu ekki? Mér líður illa í skólanum þegar ég heyri þetta.“ Þessi ungi vinur minn sem hefur alið allan sinn aldur í kaþólsku kirkjunni er af erlendu bergi brotinn og honum hefur verið kennt að það sé ekki góð hegðun að blóta og formæla.

Öll færslan - smellið hér til að lesa alla færsluna »

14.12.06

  17:45:01, Skrásetjari: Ragnar Geir Brynjólfsson   , 188 orð  
Flokkur: Kaþólska kirkjan á Íslandi, Þrettándinn

Blessun heimila á þrettándanum

Kaþólska kirkjublaðið greinir í síðasta tölublaði frá blessun heimila í Landakotssókn á þrettándanum: „Í mörgum löndum þar sem kaþólskir menn eru meirihluti íbúa hefur lengi tíðkast að blessa hús og híbýli á þrettándanum.

Á dyrastafinn eru þá skrifaðir með krít bókstafirnir C + M + B og ártalið. Sumir héldu að þaðan væri verið að minnast vitringanna frá Austurlöndum en svo er ekki. Bókstafirnir eru stytting á latnesku orðunum 'Christus mansionem benedicat', sem þýða, Kristur blessi húsið.

Öll færslan - smellið hér til að lesa alla færsluna »

09.12.06

  10:57:43, Skrásetjari: Ragnar Geir Brynjólfsson   , 140 orð  
Flokkur: Helgir menn, Jólafasta (aðventa)

„Hin mörgu andlit Maríu“ - Sérfræðileiðsögn í Þjóðminjasafni

Greint er frá því á vef Þjóðminjasafnsins að 12. desember kl. 12.10 mun Þóra Kristjánsdóttir listfræðingur bjóða upp á fyrirlestur eða leiðsögn sem ber heitið „Hin mörgu andlit Maríu. - María guðsmóðir í Þjóðminjasafninu“. Táknmálstúlkur er með leiðsögninni. Fyrirlesturinn er hluti af röð sérfræðileiðsagna Þjóðminjasafnsins sem boðið er upp á í hádegi annan hvern þriðjudag í vetur.

Öll færslan - smellið hér til að lesa alla færsluna »

02.12.06

  17:59:13, Skrásetjari: Ragnar Geir Brynjólfsson   , 669 orð  
Flokkur: Kaþólska kirkjan á Íslandi, Hjálparstarf, Jólafasta (aðventa)

Aðventusöfnun Caritas Ísland - reikningsnúmer

Caritas Ísland sem er hjálparstofnun kaþólsku kirkjunnar efndi nýverið til tónleika í Kristskirkju þar sem landskunnir listamenn komu fram og gáfu vinnu sína. Allur ágóði af tónleikunum mun renna til Greiningar- og ráðgjafastöðvar ríkisins. Sigríður Ingvarsdóttir formaður Caritas skrifaði grein í Morgunblaðið föstudaginn 17. nóvember sl. þar sem hún sagði m.a.:

Öll færslan - smellið hér til að lesa alla færsluna »

17.04.06

  10:42:10, Skrásetjari: Ragnar Geir Brynjólfsson   , 525 orð  
Flokkur: Dymbilvika og páskar

Páskarnir eru hátíð gleðinnar

Jóhannes biskup Gijsen skrifaði grein í Kaþólska kirkjublaðið sem kom út fyrir páskana 2006 sem bar heitið „Páskar: Hátíð gleðinnar“. Þar sagði hann m.a.

Á páskadag óskum við hvert öðru gleðilegra páska. Hvað merkir það? Páll postuli segir: „Fyrst þér því eruð uppvaktir með Kristi, þá keppist eftir því, sem er hið efra, þar sem Kristur situr við hægri hönd Guðs. Hugsið um það, sem er hið efra, en ekki um það, sem á jörðinni er. Því að þér eruð dánir og líf yðar er fólgið með Kristi í Guði“ (Kól. 3, 1-3). [1]

Í predikun sinni í páskavökunni aðfaranótt 16. apríl 2006 gerði Benedikt páfi XVI. andlega hugleiðingu Páls postula úr Galatabréfinu að þungamiðju máls síns: „Sjálfur lifi ég ekki framar, heldur lifir Kristur í mér.“ (Gal. 2.20) og sagði m.a:

Öll færslan - smellið hér til að lesa alla færsluna »

14.04.06

  12:10:20, Skrásetjari: Ragnar Geir Brynjólfsson   , 2278 orð  
Flokkur: Dymbilvika og páskar

Via Dolorosa - leið hins kristna manns

Á föstunni og í dymbilviku er forn hefð kaþólsku kirknanna að biðja bæn sem nefnd hefur verið Krossferill Krists. Á föstudaginn langa er þessi bæn hluti af helgiathöfnum dagsins. Í bæninni er minnst atvika sem urðu á leið Krists þar sem hann gekk með krossinn frá dómstól Pílatusar til Golgatahæðar og þar sem líkami hans var borinn til grafarinnar. Sú leið er nefnd Via Dolorosa á latínu eða Sorgarvegur.[1] Bænin inniheldur 14 erindi sem kallast viðstöður, því þegar bænin er beðin í kirkju er gengið um kirkjuna og staðnæmst við 14 myndir af atburðum úr píslarsögunni, en þessar myndir er að finna í kaþólskum kirkjum eða kapellum. Venjan er að biðja stuttan inngang og síðan viðstöðurnar 14 og loks stutt lokaerindi. Bænirnar eru ekki staðlaðar og eru því til margar útgáfur af krossferlum. Gjarnan mætti fara með erindi úr íslenskum helgikvæðum við þessi tækifæri. Hér á eftir eru þessar 14 viðstöður taldar upp ásamt stuttum inngangshugleiðingum við sumar viðstöðurnar og vísunum eða tilvitnunum í ýmis helgikvæði íslensk.

Öll færslan - smellið hér til að lesa alla færsluna »

27.12.05

  15:07:45, Skrásetjari: Ragnar Geir Brynjólfsson   , 844 orð  
Flokkur: Páfinn, Jólin

Án ljóss Krists nægir ljós skynseminnar ekki

Jólaboðskapur Benedikts páfa XVI.

Páfagarði 25. des, 2005 (Zenit.org). Hér á eftir fer stytt útgáfa af jólaboðskap páfa sem hann las áður en hann flutti jólakveðjur sínar „urbi et orbi“, til borgarinnar Rómar og heimsins. Páfi lagði út af orðum Lúkasarguðspjalls: "...ég boða yður mikinn fögnuð, sem veitast mun öllum lýðnum: Yður er í dag frelsari fæddur, sem er Kristur Drottinn" (Lúk. 2:10-11).

„Í nótt sem leið heyrðum við enn einu sinni ávarp engilsins til fjárhirðanna og upplifðum á ný anda kvöldsins helga í Betlehem þegar sonur Guðs gerðist maður, fæddist í fjárhúsi og dvaldi á meðal okkar. Þennan hátíðardag kveður raust engilsins við á ný og býður okkur, konum og körlum þriðja árþúsundsins að bjóða lausnarann velkominn. Megi nútímafólk ekki hika við að bjóða honum í hús sín, borgir og hvert sem er á jörðinni! Á síðasta árþúsundi og sérstaklega á síðustu öldum hafa gífurlegar framfarir orðið á sviði tækni og vísinda. Í dag er aðgangur greiður að miklum efnislegum gæðum. En karlar og konur þessarar tæknialdar eiga á hættu að verða fórnarlömb eigin vitsmunalegu og tæknilegu afreka og enda í andlegri auðn með tómleika í hjarta. Þess vegna er svo mikilvægt að opna huga og hjarta fyrir fæðingu Krists, þessum hjálpræðisatburði sem getur gefið hverri mannveru nýja von.“

Öll færslan - smellið hér til að lesa alla færsluna »