Category: "Málefni samkynhneigðar á sviði þjóðfélags og kirkju"

Pages: 1 2

05/18/15

Kaþólska kirkjan um hjónabandið, hreinlífi og samkynhneigð

Öllum má vera ljóst, að kaþólska kirkjan stendur vörð um hjónabandið, eins og um það er fjallað í guðspjöllum og bréfum Nýja testamentisins. Ennfremur hvikar hún hvergi frá því, sem þar er sagt um kynferðislegt samband fólks af sama kyni, og hafnar því, að samband þeirra geti verið grundvöllur hjónabands. Í þremur greinum í  Trúfræðsluriti Kaþólsku kirkjunnar segir svo:

  • 2357. Samkynhneigð vísar til sambands milli karla og milli kvenna sem með algjörum eða ráðandi hætti laðast kynferðislega að persónum af sama kyni. Það hefur tekið á sig ýmsar myndir í aldanna rás og á hinum mismunandi menningarsvæðum. Sálræn tilurð þess hefur að mestu leyti verið óútskýrð. Með því að styðjast við heilaga Ritningu, er lýsir samkynhneigðum athöfnum sem alvarlegri siðspillingu, [141] hefur erfikenningin ávallt lýst því yfir að "samkynhneigð athöfn feli í sér eðlislæga röskun." [142] Hún stríðir gegn náttúrulögmálinu. Hún útilokar að kynlífið kveiki nýtt líf. Hún sprettur ekki af sannri gagnkvæmri fyllingu, tilfinningalegri og kynferðislegri. Hana má ekki undir nokkrum kringumstæðum viðurkenna.
  • 2358. Þeir karlar og konur sem hafa djúpstæða samkynhneigð eru ekki lítill hópur. Þessi tilhneiging, sem á hlutlægan hátt er röskun, er fyrir flest þeirra erfið raun. Þau ber að umgangast af virðingu, samúð og nærgætni. Sérhverja tilhneigingu til óréttmætrar mismununar gagnvart þeim ber að forðast. Þau eru kölluð til að uppfylla vilja Guðs í lífi sínu og, ef þau eru kristin, að sameina þá erfiðleika, sem skapast vegna ástands þeirra, fórn Drottins á krossinum. [Frh. hér neðar!]

ll frslan - smelli hr til a lesa alla frsluna »

06/16/12

Vaxandi andstaða við róttækni í siðferðismálum og upplausn í kenningarmálum kirkna erlendis

'Klofningur yfirvofandi í dönsku kirkjunni' er fyrirsögn á frétt á Rúv-vefnum, lesinni þar í hádeginu í dag. Ástæðan? Gifting samkynhneigðra í lúthersku kirkjunni þar. Margir prestar og leikmenn eru þessu mjög andvígir. Síðasta örþrifaúrræðið er að sniðganga biskupinn á Fjóni með vali á öðrum nú síðdegis sem leiðbeinanda presta. Og enska kirkjan ólgar af mótmælum.

Lengi sá ritari þessara orða það fyrir, að samkynhneigðramálin gætu reynzt kristnum kirkjum og kenningu mjög skeinuhætt. Allt er það komið fram, sem ég óttaðist, og meira til (nýjasta áhlaupið hér er fráleit kynbreytingarlöggjöf).

ll frslan - smelli hr til a lesa alla frsluna »

11/11/10

Staðgöngumæðrun fyrir samkynhneigða karlmenn?

"Það er ekkert land í heiminum sem vill ættleiða barn til samkynhneigðra," segir Svavar Örn Svavarsson í viðtali við Birgittu Haukdal á vef Mbl.is.

Hafinn virðist þrýstingur á það, að staðgöngumæðrun verði leyfð til að afla samkynhneigðum barna (og sennilega þá með því að greiða þeim fé fyrir).

ll frslan - smelli hr til a lesa alla frsluna »

09/09/10

  13:10:58, Skrsetjari: Jon Valur Jensson   , 472 or  
Flokkur: Málefni samkynhneigðar á sviði þjóðfélags og kirkju

Hverjir eru 200 sinnum líklegri til að fá AIDS en gagnkynhneigðir?

Frétt Rúv, Frakkland: Mikið alnæmi hjá hommum, staðfestir upplýsingar og útreikninga sem birzt höfðu hér fyrir nokkrum árum, að það sé ótrúlega miklu líklegra að samkynhneigðir karlmenn smitist af HIV-veirunni en annað fólk. Á það við um Frakkland, Danmörku og Bandaríkin, svo að dæmi séu nefnd.

ll frslan - smelli hr til a lesa alla frsluna »

06/27/10

Hörmulegt þingmál orðið að veruleika: gifting samkynhneigðra

Sorglegur er þessi dagur fyrir trúfélög og kirkjur í landi okkar. Á grundvelli ofurróttækrar, illa undirbúinnar löggjafar frá Alþingi, sem tekur gildi ekki skv. tímavenju löggjafarvaldsins, heldur á degi samkynhneigðra, í dag, hefur Karl biskup Sigurbjörnsson gefið út nýja gerð hjúskaparforms, þar sem prestum er leiðbeint um að gifta saman karl og karl, sem og konu og konu, og það sagt gert í nafni Guðs. Þetta er í sjálfu sér yfirgengilegt hneyksli í kristinni kirkju.

ll frslan - smelli hr til a lesa alla frsluna »

03/30/09

Andtrúarróttæklingar höfðu hálfan sigur á landsfundi undarlegra 'íhaldsmanna'

Hér var fyrir helgina rætt um róttæka tillögu lausungarhyggjumanna (líberalista) í drögum að ályktun fjölskyldunefndar Sjálfstæðisflokksins. Annað tveggja alvarlegustu atriðanna þar, þ.e.a.s. að svipta presta hjónavígslurétti, var fjarlægt úr tillögunni í meðförum fjölskyldunefndar (á morgunfundi á föstudag), en úrslitin urðu þó ekki endanlega ljós, fyrr en sú meðferð málsins var staðfest af sjálfum landsfundinum.

Áfram er þó keyrt á það, að ein og söm hjúskaparlög skuli lögtekin fyrir bæði homma og lesbíur eins og fyrir venjuleg hjón. Verði þetta einhvern tímann að veruleika á hinu háa Alþingi – þrátt fyrir sáralitla ásækni samkynhneigðra í staðfestingu samvistar (frá árinu 1996) – þá má búast við því, að landsmönnum verði þaðan í frá uppálagt að tala um 'hjónabönd' samkynhneigðra og um slík pör sem hjón. Alltjent myndi það þá komið inn í alla lagabálka, sem snerta hjónabandið, ennfremur í skólabækur o.s.frv.

ll frslan - smelli hr til a lesa alla frsluna »

03/28/09

Barizt um hjónabandið á landsfundi Sjálfstæðisflokksins

Mjög alvarleg tillaga var hluti af drögum að ályktun fjölskyldunefndar Sjálfstæðisflokksins, sem fyrir lágu, þegar landsfundur kom saman í fyrradag. Tvenns konar árás á kristinn sið og kristin gildi felst í þeim:
1) að hjónavígsluréttur verði tekinn af kirkjum og trúfélögum; 2) að hjónabandið verði formlega "afkynjað" – látið ná jafnt yfir hjónaband karls og karls eða konu og konu eins og hið náttúrlega hjónaband karls og konu. Að þvílík tillaga komi fram á flokksþingi þeirra, sem íhaldssamastir eru taldir á stjórnmálasviðinu, sýnir ljóslega, hversu alvarlega er sótt að kristnum grundvallargildum á þeim vettvangi.

Á landsfundinum er uppi virkt og vonandi árangursríkt varnarstarf gegn þessari tillögu, en endanleg ákvörðun fundarins verður þó ekki ljós, fyrr en allsherjarfundur hinna 1900 landsfundarfulltrúa hefur tekið afstöðu til tillagna þessarar róttæku fjölskyldunefndar.

Drögin eru þannig:

ll frslan - smelli hr til a lesa alla frsluna »

03/25/09

Kristnir málefnahópar í stjórnmálaflokkunum

Nú er stefnt að stofnun þeirra í öllum flokkum og framboðum. Sá fyrsti er nýlega til orðinn í Frjálslynda flokknum, og leiðir hann hinn góðkunni Guðsteinn Haukur Barkarson. Í Sjálfstæðisflokknum hefur verið unnið að stofnun slíks hóps frá 7. febrúar, með útsendu bréfi til ýmissa kristinna flokksmanna, sem birt var áðan í þessari vefgrein: Hvatningarbréf um stofnun kristins málefnahóps í Sjálfstæðisflokknum. Vísast hér með til ýtarlegrar greinargerðar fyrir þessu máli í því bréfi. Þið, sem áhugann hafið, vísið öðrum á þetta eða áframsendið það! En nú er Sjálfstæðisflokks-fólkið í slíkum málefnahópi einmitt að fara að hittast fyrir landsfundinn, sem hefst síðdegis á morgun.

ll frslan - smelli hr til a lesa alla frsluna »

10/21/07

  02:57:11, Skrsetjari: Jon Valur Jensson   , 962 or  
Flokkur: Málefni samkynhneigðar á sviði þjóðfélags og kirkju, Siðferði og samfélag, Biblíufræði

Samkynhneigðramál í brennidepli á nýhöfnu Kirkjuþingi

Lúthersk Þjóðkirkja heldur nú sitt Kirkjuþing, frá laugardegi til næstu helgar, og þar gætu úrslit ráðizt um afstöðuna til kröfugerðar um hjónavígslu eða staðfestingu samvistar samkynhneigðra frammi fyrir ölturum þeirrar kirkju. Ýmislegt hefur birzt í fjölmiðlum þar að lútandi, fréttir, viðtöl og greinar, og vil ég sérstaklega nefna ágæta Morgunblaðsgrein Steinunnar Jóhannesdóttur rithöfundar og innlegg hennar í Silfri Egils og kvöldfréttum Rúv í gær. Þá hef ég sjálfur skrifað allnokkuð um þessi mál síðustu daga á Moggabloggi mínu, þ.e. pistlana: "Samvizkufrelsi presta virt" – en hve lengi? 19. okt., Rangt þýdd vers í nýrri Biblíuútgáfu (þ.e. í ritum Páls postula, þar sem hann leggur blátt bann við samkynja kynmökum), Samkynhneigð o.fl. henni tengt: yfirlit fræðsluefnis, rannsókna, hugvekja og umræðna á Kirkju.net, og nýjast: Á að fordæma 'kynvillu' eða taka þátt í útvötnun boðskapar Biblíunnar eða einfaldlega halda sér við rétta merkingu hennar?

Hér er tengill beint inn á hljóðupptöku á fyrri umræðu Kirkjuþings í dag um tillögu biskups Íslands um samkynhneigðramálin, með framsögu hans fyrst (smellið á bláu línuna!) o.s.frv.

ll frslan - smelli hr til a lesa alla frsluna »

04/25/07

  13:54:39, Skrsetjari: Jon Valur Jensson   , 41 or  
Flokkur: Málefni samkynhneigðar á sviði þjóðfélags og kirkju, Biblíufræði

"Sleppum Biblíunni – notumst við nútímamódelin"!

Merkilegt er, hvernig tvöfaldur doktor í guðfræði, sérstakur Lúthers-sérfræðingur, Sigurjón Árni Eyjólfsson, getur haldið Prestastefnu-erindi, Þjóðkirkjan og staðfest samvist, án þess að vitna nokkurn tímann í eitt einasta vers í Biblíunni!

04/23/07

  23:35:27, Skrsetjari: Jon Valur Jensson   , 84 or  
Flokkur: Málefni samkynhneigðar á sviði þjóðfélags og kirkju

Nú vill 41 Þjóðkirkjuprestur bylta kristinni kenningu með því að gifta kynhverfa!

Fyrir liggur tillaga 41 prests á Prestastefnu Íslands, sem hefst á morgun, um að Þjóðkirkjan afli sér "heimildar" frá hinu veraldlega valdi til að gifta samkynhneigða! Um þetta er fjallað í grein minni á Moggablogginu í kvöld – sjá einnig fleiri greinar þar (með því að skoða niður síðuna og síðan smella á: Næsta síða – eða með því að smella á línur í listanum yfir "nýlegar greinar" í dálkinum vinstra megin; sá listi nær þó aðeins yfir 15 nýjustu pistlana).

04/15/07

Landsfundur Sjálfstæðismanna leggur á ráðin um grófa ríkisíhlutun í innri málefni kirkjunnar

Sú frétt var að berast af landsfundi stærsta stjórnmálaflokksins, að þar hafi verið samþykkt sú ályktun, að "forstöðumönnum trúfélaga skuli gert heimilt að staðfesta samvist samkynhneigðra." Hér er hlutazt til um kenningarleg málefni kirkjunnar, reynt að veita prestum veraldlega "heimild" til að gera það, sem Heilög Ritning fyrirbýður öllum kristnum mönnum að ljá máls á. Með þessu, ef hrint verður í framkvæmd á Alþingi, rýfur ríkisvaldið grið á kirkjunni, ryðst inn á hið andlega svið með kröfur veraldarhyggjunnar, leggur þrýsting á kirkjur landsins og gefur í skyn, að "forstöðumenn trúfélaga" hafi vald til að gera eitthvað, sem þau sem trúarsamfélög hafa aldrei samþykkt að taka í mál og ekki samrýmist grundvelli kristinnar trúar.

ll frslan - smelli hr til a lesa alla frsluna »

01/27/07

  12:29:24, Skrsetjari: Jon Valur Jensson   , 371 or  
Flokkur: Málefni samkynhneigðar á sviði þjóðfélags og kirkju

Ráðstefna um lausn frá samkynja kynlífsháttum

Hér er staddur um þessar mundir Alan Chambers, forseti Exodus International, samtaka fyrrverandi samkynhneigðra manna, sem horfið hafa frá þeirri kynhneigð. Ég var í fyrradag á ágætri samkomu hjá hópi trúaðra manna úr ýmsum söfnuðum í Gúttó í Hafnarfirði, þar sem Alan flutti sitt fyrsta erindi hérlendis (þýtt jafnóðum á íslenzku).

Alan þessi er líklega um eða undir fertugu; hann er nú kvæntur maður, og eiga þau hjónin tvö börn. Hann hefur verið kristinnar trúar frá bernskuárum og sótt sína kirkju reglulega. En í fyrrnefndu erindi sínu lýsti hann því, hvernig hann frá því u.þ.b. á níu ára aldri upplifði tilfinningar til sama kyns, sem ágerðust, unz hann fór um margra ára bil út á braut homosexúels lífernis. En þar kom, að hann eignaðist sína reynslu af þeirri hjálp Guðs sem leiddi hann, þrátt fyrir óyfirunna tilfinningu framan af, til rétts vilja og vals, af þeirri braut sem hann var á.

Alan er maður hógvær og opinn í vitnisburði sínum, ódæmandi, minnist þess sífellt í umfjöllun sinni, að Guð elskar alla menn, og gefur góða innsýn í erfiðleika margra samkynhneigðra við að glíma við tilfinningar sínar, eftir að þeir fara að upplifa að þeir hallist fremur að eigin kyni en hinu. Það er óhætt að hvetja menn til að kynna sér reynslu hans, fræðandi og sanngjarnan málflutning, sem miðast umfram allt við að ná til samkynhneigðra, bera því vitni að Guð elski þá og geti hjálpað þeim frá þeirri hneigð í samkynja kynlíf, sem þeir ráða vart eða ekki við af eigin mætti.

Alan Chambers verður bráðlega í Kastljóss-viðtali, sem þegar hefur verið tekið upp. Hann er með dagleg erindi eða ráðstefnuinnlegg á ferð þeirra hjóna hingað frá fimmtudegi til sunnudags. Hann verður í dag, laugardag, ræðumaður á ráðstefnu um samkynhneigð í Fíladelfíu, frá kl. 10-15.00 (létt máltíð í hádeginu; rádstefnugjald: 1000 kr.). Einnig mun hann tala í Hvítasunnukirkjunni í Keflavík á morgun, sunnudag, kl. 11:00.

10/28/06

  17:08:48, Skrsetjari: Jon Valur Jensson   , 1058 or  
Flokkur: Málefni samkynhneigðar á sviði þjóðfélags og kirkju

Miðstöð samkynhneigðra í Los Angeles viðurkennir að AIDS sé einkum þeirra sjúkdómur

EINN þáttur í framsókn baráttuforkólfa samkynhneigðra hér á landi – til viðbótar við sókn þeirra á sviði ættleiðingar-, hjúskapar- og skólamála – birtist í þeirri kröfugerð þeirra, að "hommar fái að gefa blóð." Þótt þetta sé gersamlega úr takti við þann óþægilega veruleika, að hinn lífshættulegi sjúkdómur alnæmi er langalgengastur hjá þessum sérstaka þjóðfélagshópi [1], þá dregur það sízt úr þeim móðinn, og í 'hinseginvikunni' veittist þeim létt að fá viðmælendur sína í hópi fjölmiðlamanna til að gleypa við þeirri nýtilbúnu goðsögn [2], að síðustu árin hafi HIV-smit einkum átt sér stað hjá gagnkynhneigðum konum, ekki hommum. Í þessari grein var nýlega bent á, að á liðnu ári var dönskum hommum rúmlega 120 sinnum hættara við HIV-nýsmiti en gagnkynhneigðum körlum, en yfir 300 sinnum hættara við því en gagnkynhn. dönskum konum. Í Arkansas árið 2002 var AIDS og HIV-smit meðal homma 183 sinnum algengara en meðal gagnkynhn. karla; þar eru karlmenn, sem hafa mök við karlmenn, 18 sinnum líklegri til að hafa AIDS en þeldökkar konur. – HIV-smit fannst á Íslandi 1983–2005 hjá 40 konum og 144 körlum, þar af 93 hommum. Árin 2001–5 var HIV-nýsmit meðal karla hér á landi, sem höfðu mök við karla, meira en 30 sinnum algengara en meðal kvenna, sem höfðu mök við karla (sjá tilvísaða grein). – En aftur að hinni nýju frétt sem vísað er til í fyrirsögninni.

ll frslan - smelli hr til a lesa alla frsluna »

10/25/06

Eru “augljósar mótsagnir” í Biblíunni, m.a. um samkynja mök fólks? Skoðanaskipti við ritstjóra um forvitnileg mál

Enn glíma Þjóðkirkjuprestar og margir trúaðir við ráðgátur um réttan skilning Heilagrar ritningar, m.a. hvort hún hafi komizt í mótsögn við sjálfa sig, t.d. í einu mesta deilumáli samtímans. Eftirfarandi bréfaskipti mín og eins ágæts ritstjóra Morgunblaðsins taka á því máli og geta e.t.v. orðið öðrum gagnleg. Hér er t.d. drepið á sköpunartrú, kvennakúgun, þrælahald og samkynhneigð.

Fyrra bréfið til Morgunblaðs-ritstjóra um “augljósar mótsagnir” í Biblíunni um atriði sem snerta samkynhneigða, en einnig ýmsa aðra hluti:

Til ritstjóra Morgunblaðsins . . . . . . . . . . . . . . . . . . . . . 30. des. 2005.

Sælir og blessaðir, ágætu Styrmir, Karl og Ólafur, á þessari jólahátíð. Staksteinar ykkar frá 27. des. standa í mér. Þar eru gerðar athugasemdir við grein á Vef-þjóðviljanum (þar sem fjallað var um samband kristinnar trúar og stjórnmála), en ekki látið nægja að beina gagnrýninni þangað, því að ekki verður annað séð en að Staksteinar fullyrði, að "augljósar mótsagnir" séu í Ritningunni varðandi mál samkynhneigðra (sjá textann hér neðar).

ll frslan - smelli hr til a lesa alla frsluna »

09/30/06

  22:21:14, Skrsetjari: Jon Valur Jensson   , 4459 or  
Flokkur: Málefni samkynhneigðar á sviði þjóðfélags og kirkju

HIV-nýsmit í hópi danskra homma um 300 sinnum algengara en meðal gagnkynhneigðra, danskra kvenna : rök gegn málflutningi í ísl. fjölmiðum

Fyrr í þessum mánuði var stuttlega rætt og skrifað í nokkrum fjölmiðlum um stóraukningu HIV-smits á Norðurlöndum. Af frumupplýsingum frá Danmörku má draga merkilegar ályktanir, eins og lesa má hér á eftir, en einnig verða birtar hér yfirlitstölur frá Íslandi og fjallað allýtarlega um þessi efni öll og lærdómar af þeim dregnir, sem koma munu mörgum á óvart, ekki sízt bjartsýnum fjölmiðlamönnum íslenzkum, sem tjáð hafa sig um þessi mál nýlega. Lítum samt fyrst á þessa frétt:

ll frslan - smelli hr til a lesa alla frsluna »

09/04/06

  10:13:05, Skrsetjari: Jon Valur Jensson   , 1249 or  
Flokkur: Málefni samkynhneigðar á sviði þjóðfélags og kirkju

Erkibiskupinn í Kantarabyrgi segir, að samkynhneigðir verði eins og aðrir að breyta venjum, hegðun, hugmyndum og tilfinningum sínum, þegar þeir vilja taka þátt í hinu kristna, kirkjulega lífi

Rowan Williams, erkibiskup í Canterbury, leiðtogi ensku biskupakirkjunnar og anglíkanska heimssamfélagsins, hefur kveðið upp úr um afstöðu sína í einhverju veigamesta máli samkynhneigðra. Samkvæmt frétt í The Sunday Telegraph segist hann ákveðinn í því að varðveita einingu kirkjunnar frá því að leysast upp vegna stríðandi fylkinga í alvarlegum deiluefnum um stöðu samkynhneigðra gagnvart kristindómi og kirkju. [1] Þessi einingarviðleitni hans, m.a. gagnvart biskupakirkjumönnum í Afríku, mun hafa átt verulegan þátt í þeirri niðurstöðu sem hann hefur komizt að. Í viðtali við hollenzkt blað, Nederlands Dagblad, segist hann munu styðja kirkjulega ákvörðunartöku (resolution) um að samkynja kynlíf geti ekki samrýmzt (is incompatible with) Heilagri ritningu. [2]

ll frslan - smelli hr til a lesa alla frsluna »

08/31/06

  12:08:44, Skrsetjari: Jon Valur Jensson   , 746 or  
Flokkur: Málefni samkynhneigðar á sviði þjóðfélags og kirkju

Blaðamaður fer á gönuhlaup í umræðu um samkynhneigð

Guðmundur Steingrímsson á oft góða spretti í Bakþönkum Fréttablaðsins. En 19/8 geysist þessi Pegasus fram úr sjálfum sér, angraður af auglýsingu Samvinnuhóps kristinna trúfélaga þar sem hann kvað því „lýst í grófum dráttum hvernig lækna megi samkynhneigð." Gengur grein hans öll út frá þeirri forsendu hans.

En hvað sagði auglýsingin? Textinn var eins stuttur og verða mátti.

ll frslan - smelli hr til a lesa alla frsluna »

08/19/06

Benedikt páfi: jákvæð boðun um fjölskyldugildi

Þann 5. ágúst átti Benedikt XVI. páfi panelumræður með fjórum þýzkum fréttamönnum á sumardvalarstað sínum, Castel Gandolfo. Þessu 40 mín. viðtali var útvarpað sunnudaginn var á þýzku sjónvarpsstöðvunum ARD og ZDF og frá útvarpsstöð Vatíkansins. Hér á eftir fer brot úr þessu viðtali, þar sem páfinn ræðir málefni fjölskyldunnar og hinna ófæddu.

Spyrjandi: "Víkjum að fjölskyldumálum. Fyrir mánuði voruð þér í Valencia [á Spáni] þar sem þér sóttuð Heimssamkomu fjölskyldna. Hver sá, sem hlustaði af athygli, eins og við reyndum að gera í Vatíkanútvarpinu, veitti því eftirtekt, að þér minntuzt aldrei á hugtakið "hjónaband samkynhneigðra" né rædduð um fóstur(d)eyðingar eða getnaðarvarnir.

ll frslan - smelli hr til a lesa alla frsluna »

08/14/06

  22:59:31, Skrsetjari: Jon Valur Jensson   , 231 or  
Flokkur: Málefni samkynhneigðar á sviði þjóðfélags og kirkju

Tilkynning vegna Kastljósþáttar

Í kvöld var undirritaður annar viðmælenda í Kastljósi í Sjónvarpinu. Umræðuefnið var heilsíðuauglýsingin, sem birtist í Mbl. 12. þ.m., undir yfirskriftinni Laus úr viðjum samkynhneigðar, einnig möguleikinn á meðferð til að hjálpa mönnum að breyta kynhneigð sinni o.fl. sem þessi mál snertir. Ég er nú að skrifa grein, sem dregur saman helztu atriðin úr þeim þætti, minni þar á aðalatriði máls og birti viðbótarupplýsingar sem mér tókst ekki að koma að í þættinum. Til viðbótar mun ég drepa á blóðgjafarkröfu talsmanna homma og þá freklegu kröfu, að "fræðsla um samkynhneigð" verði tekin upp í skólum, án þess að foreldrar séu spurðir eins eða neins. Það mál, sem nú er í burðarliðnum á Akureyri, er, ásamt ásókninni gagnvart Blóðbankanum, meðal a.m.k. fjögurra viðbótar-kröfugerðarmála, sem samkynhneigðir hafa verið að draga fram í liðinni Hinseginviku, eftir að þeir höfðu þó fengið geysileg réttindi með lagasetningu frá Alþingi 2. júní sl. Grein mín um Kastljósmálin birtist síðar á Kirkjunetinu (tafðist af óviðráðanlegum ástæðum). Þar mun ég einnig vísa á vefslóðir allra fyrri Kirkjunetsgreina minna um þessi samkynhneigðramál, með fyrirsögn hverrar greinar. –JVJ.

08/12/06

  09:43:38, Skrsetjari: Jon Valur Jensson   , 1995 or  
Flokkur: Málefni samkynhneigðar á sviði þjóðfélags og kirkju

Vísað á vefskrif um samkynhneigð, vandamál tengd hómósexúalisma [1], um s.k. enduráttun o.fl.

Vegna aðsteðjandi ógnar eða áhættu fyrir uppvöxt barna og unglinga [2], kynheilbrigði í landinu [3], kristið siðferði, sjálfa kenningu kirkjunnar og helgisiði [4] hefur allmikið verið skrifað um málefni samkynhneigðra á vefsetrinu Kirkju.net. Ástæða er til að gefa hér nokkurt yfirlit um ýmsar þessara greina, af því að þær sjást hér ekki allar á einum stað. Þá verður ennfremur bent á nokkrar lykilvefsíður erlendar, þar sem hægt er að nálgast gagnlegar upplýsingar um þessi umdeildu efni í fjölda pistla og fræðigreina.

ll frslan - smelli hr til a lesa alla frsluna »

06/03/06

  02:15:58, Skrsetjari: Jon Valur Jensson   , 1000 or  
Flokkur: Málefni samkynhneigðar á sviði þjóðfélags og kirkju

Vanþekkingin fer með sigur af hólmi á Alþingi

Sú hörmungarfrétt berst nú frá Alþingi, að frumvarpið um ofréttindi homma og lesbía var samþykkt þar endanlega og mótatkvæðalaust kl. 20:58 í kvöld, 2. júní. Sjá vefsíðu þingsins um feril málsins (sú vefsíða er um leið og verður lykill að ræðunum, sem fluttar voru um málið í öllum umræðum, um frumvarpið sjálft, breytingartillögur og endanlegt form 'laganna'). Sjá einnig: hvernig atkvæði féllu. Enginn þingmaður greiddi atkvæði gegn frumvarpinu og afgreiðslu þess eftir 1., 2. og 3. umræðu. Frumvarpið var samþykkt með 41 samhljóða atkvæði! Fjarvistum voru tvær konur (í leyfi), en fjarverandi við lokaafgreiðslu 20.

ll frslan - smelli hr til a lesa alla frsluna »

05/30/06

  01:02:58, Skrsetjari: Jon Valur Jensson   , 740 or  
Flokkur: Málefni samkynhneigðar á sviði þjóðfélags og kirkju

53% sammála ræðu Karls biskups á nýársdag, 35% á móti

Þennan pistil sendi ég allmörgum bréfavinum 5. jan. 2006, eftir miklar um-ræður í tilefni af nýárspredikun Karls biskups Sigurbjörnssonar í Dómkirkj-unni. Bréfið er birt hér í heild, en fáein atriði færð í læsilegra horf á netinu.

Sæl verið þið öll. – Þessa orðsendingu fekk ég frá kristnum bróður í dag:

Það var gott að heyra á Bylgjunni áðan að 53% voru sammála ræðu [Karls] biskups á nýársdag.  Aðeins 35% voru ekki sammála. 12 % sögðu: bæði og. Þannig að meiri hluti þjóðarinnar er vissulega sammála hinum kristnu gildum sem við viljum berjast fyrir. Þetta sem ég vitna í var skoðanakönnun á bylgjan.is í gær.

Sjálfur er ég Karli biskupi þakklátur fyrir predikun hans snjalla og gefandi, ekki sízt vegna þess sem hann sagði þar um mikilvægi barnanna og fæðinga hér á Vesturlöndum ... [Frh. neðar!]

ll frslan - smelli hr til a lesa alla frsluna »

05/06/06

  10:36:42, Skrsetjari: Jon Valur Jensson   , 1674 or  
Flokkur: Málefni samkynhneigðar á sviði þjóðfélags og kirkju

Samkynhneigðir jafnhæfir til barnauppeldis og aðrir?

JVJ fjallar um uppeldisáhrif samkynhneigðra [1]: "Nú dugir ekkert hálfkák né vitlaus vinnubrögð: Það verður að fella þetta stjórnarfrumvarp í róttækustu atriðum þess." (Áður birt í Mbl. 6. maí 2006.)

GUÐRÚNU Ögmundsdóttur þykir trúlega snjall leikur að leggja fram sérfrumvarp um giftingu samkynhneigðra – ekki með það eitt að markmiði að fá slíkar giftingar leiddar í lög, heldur kannski umfram allt til að skapa þá röngu ímynd, að stjórnarfrumvarpið, sem nú liggur fyrir Alþingi, gangi ekki ýkja langt, enda sagðist hún í NFS-fréttum eiga "von á því að það fljúgi í gegnum þingið á næstunni"! Hún gaf þannig í skyn, að stjórnarfrumvarpið sé sjálfsagt, nú sé bara spursmál fyrir þingið að ganga mun lengra, eins og hún óski eftir með tillögu sinni. En þessi ímynd er röng, eins og fyrr sagði, því að stjórnarfrumvarpið stefnir að því að búa til afgerandi réttindi fyrir samkynhneigða til frumættleiðingar erlendra barna og tæknifrjóvgunar í trássi við það bezta sem vitað er um áhrif uppeldis þessa hóps á börn í umsjá hans.

ll frslan - smelli hr til a lesa alla frsluna »

04/23/06

  09:48:39, Skrsetjari: Jon Valur Jensson   , 2199 or  
Flokkur: Málefni samkynhneigðar á sviði þjóðfélags og kirkju, Apologetica – kristin trúvörn

Smáborgara svarað um kröfur samkynhneigðra

Eftirfarandi grein sendi ég Blaðinu þann 27. janúar sl., en af einhverjum ástæðum hefur ekki þótt henta að birta greinina né að svara bréfi mínu. Er þetta alls ekkert einsdæmi, þegar um er að ræða skrif eða yfirlýsingar þar sem gagnrýni er haldið uppi á stefnuna í málum homma og lesbía, sbr. grein mína Af óhlutdrægni fjölmiðla um málefni samkynhneigðra [1]. ––JVJ.

'Smáborgari' Blaðsins tekur oft hressilega á málum. 16/1 kýs hann að ræða réttindakröfur samkynhneigðra – skoðar fyrst, um hvað deilurnar standi, og fer í gegnum það lið fyrir lið. Í 1. lagi segir hann um aukin réttindi þeirra skv. frumvarpi ríkisstjórnarinnar: "Sjálfsagt" [2]. Þetta var karlmannlega mælt og sjaldan verið beitt jafn-snaggaralegri röksemd. En meðal þeirra réttinda-tillagna, sem hann renndi svo léttilega fram hjá, eru frumættleiðing og tæknifrjóvgun lesbía, ásamt því ákvæði að þær fái að leyna börn sín faðerninu, þrátt fyrir sjálfa grundvallargrein Barnalaganna 2003 sem kveður á um rétt allra barna til að þekkja báða foreldra sína. En í EB-löndunum telja einungis 40% manna, að samkynhneigðir eigi að fá að ættleiða börn, en 60% ekki. Í Noregi vilja 39% leyfa það, en 61% ekki, þannig að ekki er þetta "sjálfsagt mál" í þeim löndum. [3]

ll frslan - smelli hr til a lesa alla frsluna »

04/19/06

  14:42:11, Skrsetjari: Jon Valur Jensson   , 313 or  
Flokkur: Málefni samkynhneigðar á sviði þjóðfélags og kirkju

Leiðréttingar rangmæla um skrif okkar Jóns Rafns um mál samkynhneigðra

Lesendum vefsíðunnar www.mir.is , sem hingað leita vegna vísunar Þórðar Sveinssonar á greinar okkar Jóns Rafns um málefni samkynhneigðra, skal á það bent, að pistill Þórðar birtist einnig á hans eigin bloggsetri – á vefsíðunni http://thorfredur.blogspot.com/2006/04/sorglegt-hugarfar.html – og að þar hef ég svarað ummælum hans í allýtarlegu bréfi og svo aftur veitt andsvör við svarbréfi hans sl. nótt. Notendur Macintosh/Apple--tölvu sjá kannski þá sömu vefsíðu í annarri og skírari uppsetningu, með 100% læsilegri stafagerð, á annarri vefslóð: http://www.blogger.com/publish-comment.do?blogID=8982198&postID=114520810661087511&r=ok – Vísa ég hér með til þeirra raka minna, sem þar birtast.

ll frslan - smelli hr til a lesa alla frsluna »

04/09/06

  23:48:52, Skrsetjari: Jon Valur Jensson   , 2345 or  
Flokkur: Málefni samkynhneigðar á sviði þjóðfélags og kirkju

Kæra samkynhneigðra á hendur Gunnari Þorsteinssyni

Eins og kunnugt er, kærði stjórn Samtakanna '78 Gunnar Þorsteinsson, forstöðumann trúfélagsins Krossins, fyrir tiltekin ummæli hans í blaðagrein, Bréfi úr Kópavogi, sem birtist í Morgunblaðinu sunnudaginn 26. febrúar sl. Kæra stjórnarinnar var “borin fram á grundvelli 233a gr. í almennum hegningarlögum þar sem m.a. er kveðið á um fjársektir og fangelsi fyrir að ráðast með háði, rógi, smánun eða ógnun opinberlega á mann eða hóp manna vegna kynhneigðar þeirra.” Á heimasíðu Samtakanna '78 [1] er sagt, að “Í kærunni minni(r) formaður félagsins á þá skýlausu skyldu ríkisvaldsins að vernda minnihlutahópa lögum samkvæmt gegn rógi, níði og smánun hvar sem slíkt er borið fram á opinberum vettvangi.“ Merkilegt er, að bæði kærendur sjálfir og aðrir talsmenn samkynhneigðra (m.a. einn sem hefur sent athugasemdir á þetta vefsetur) bera fyrir sig börn samkynhneigðra, þ.e. að staðhæfingar Gunnars valdi m.a. þeim “sársauka og þjáningu [....], nema hlutur þeirra verði réttur með málsókn ákæruvaldsins og refsingu.“

ll frslan - smelli hr til a lesa alla frsluna »

03/11/06

  03:17:42, Skrsetjari: Jon Valur Jensson   , 538 or  
Flokkur: Málefni samkynhneigðar á sviði þjóðfélags og kirkju

Í sjálfsvald sett – eða undir leiðsögn Drottins?

Bloggað við bloggara um ‘hjónavígslu samkynhneigðra’

Margt er skrafað og skrifað um málefni samkynhneigðra þennan vetur (já, fallega snjóar hann þessa nóttina : greinilegt að vorið er ekki komið, þótt væri hann þesslegur að undanförnu). Við höfum fært hér í letur langar og fjölþættar greinar um málið – kannski ekki að furða, því að tekizt er á um frumvarp og tillöguflutning sem valda myndi umbyltingu í fjölskyldumálum – en nú skal tekið upp léttara hjal. Í nótt sem oftar gekk ég til orðaskrafs við bloggara á vefsíðu gamals nemanda míns. Þar hafði m.a. komið fram umvöndun við Þjóðkirkjuna, sér í lagi Karl biskup, og í því sambandi sagði Guðrún nokkur Vala: “Og hvað eru kirkjulegar athafnir annað en það sem maðurinn hefur fundið upp á sjálfur?"

Spyr sú sem ekki veit! sagði ég á móti og hélt svo áfram:

ll frslan - smelli hr til a lesa alla frsluna »

03/09/06

  01:35:23, Skrsetjari: Jon Valur Jensson   , 741 or  
Flokkur: Málefni samkynhneigðar á sviði þjóðfélags og kirkju

Verulegur árangur af meðferð samkynhneigðra

Meðferð við samkynhneigð er ekki nýlegt fyrirbæri né í sjálfri sér í neinum tengslum við trúarlega bænameðferð nema þar sem það á sér stað. Löng hefð er fyrir slíku meðferðarstarfi geðlækna, sálfræðinga, atferlisfræðinga og þerapista í Bandaríkjunum, frá því alllöngu fyrir þá trúarlegu vakningu sem gætt hefur þar á liðnum áratug. Hér verða birtar upplýsingar um, hve mikill árangur hafi náðst af meðferð við samkynhneigð, og byggt á merkri bók eftir tvo háskólamenn, dr. Stanton Jones og dr. Mark Yarhouse: Homo-sexuality – The use of Scientific Research in the Church´s Moral Debate (InterVarsity Press, 2000). Útreikningar mínir hér á eftir eru byggðir á niðurstöðum kannana, sem þeir rekja í bók sinni.

Heildarniðurstöður dregnar saman í stuttu máli: Bæði í hóp- og einstaklings-meðferðum (sem eru af ýmsu tagi, en sálgreiningarmeðferð algengust) næst fullur árangur eða bati hjá þátttakendum í 27–28% tilfella að meðaltali. Þar við bætast svo þeir, sem teljast eða telja sig vera "í framför", en þeir eru tæplega 32% þeirra sem fóru í hópmeðferð. Þá er þetta farið að nálgast 60% þátttakenda, sem fá einhverja úrlausn í þessu máli, en margir af þeim, sem af ganga, sýna alls enga breytingu. (Frh. neðar.)

ll frslan - smelli hr til a lesa alla frsluna »

03/07/06

  14:17:11, Skrsetjari: Jon Valur Jensson   , 948 or  
Flokkur: Málefni samkynhneigðar á sviði þjóðfélags og kirkju

Vegna Viðhorfsgreinar í Mbl. um mál samkynhneigðra

Opið bréf til Svavars Knúts Kristinssonar blaðamanns

7. marz 2006.

Góðan daginn, Svavar Knútur.

Ég skrifa þér þetta bréf að gefnu tilefni vegna Viðhorfsgreinar þinnar í Morgunblaðinu í dag, undir fyrirsögninni: 'Loksins frjáls'.

ll frslan - smelli hr til a lesa alla frsluna »

02/25/06

  05:03:41, Skrsetjari: Jon Valur Jensson   , 1269 or  
Flokkur: Fósturvernd, Málefni samkynhneigðar á sviði þjóðfélags og kirkju, Lúthersk kristni

Lúther gegn hjónabandi samkynhneigðra

  Eftirfarandi grein var send DV 12. janúar, en fekkst þar ekki birt þrátt fyrir ítrekuð tilmæli. Þá var hún send Fréttablaðinu um 28. jan., en fekkst þar heldur ekki birt, þótt stytt væri niður fyrir 3000 slög til að fá þar inni. En hér er sagt aðeins frá viðhorfum Lúthers til kynmaka samkynja fólks, auk þess sem vikið er að svo ólíkum hlutum sem Gamla testamentinu, skrifum Platóns, ummælum Jesú um Sódómu og skriftaboðum Þorláks biskups helga.

Jón Einarsson, lipur fastapenni á DV, skrifaði pistil um mál samkynhneigðra 10. janúar sl. og ræddi þar viðhorf Karls biskups og ummæli Jónínu Bjartmarz alþm. á Stöð 2. Rétt var af Jóni að leiðrétta orð hennar um hjónabandið sem "sakramenti" í Þjóðkirkjunni, því að það er alls ekki lútherskur skilningur. Nú er hún lærður lögfræðingur og reyndur þingmaður. Það er því viss mælistika á þekkinguna á kristnum sið og trú á síðari tímum að slík frammámanneskja láti þvílík orð falla í sjónvarpsviðtali. Annað var þó ískyggilegra, sem nafni minn lét hjá líða að minnast á, þ.e. að í sama viðtali lagði hún til að trúfélög yrðu "skylduð til að blessa samkynhneigða". [Frh. neðar.]

ll frslan - smelli hr til a lesa alla frsluna »

02/21/06

  04:18:28, Skrsetjari: Jon Valur Jensson   , 2332 or  
Flokkur: Málefni samkynhneigðar á sviði þjóðfélags og kirkju

Samkynhneigðir vanhæfari en aðrir til barnauppeldis

Súsanna, Thelma og staðreyndir um kynferðislega misneytingu o.fl.
Þegar Karl biskup Sigurbjörnsson var í dagblaði sagður fagna réttarbótum fyrir samkynhneigða (Fréttabl. 18. nóv. 2005, fréttin: 'Góðir menn fagna', sem voru orð eftir honum höfð), en leyfði sér þó að setja fram þessa eðlilegu athugasemd: "Við þurfum að horfa á barnið. Réttur þess til lífs og gæða og ástar og umönnunar og öryggis er aðalatriðið, en ekki réttur einhvers til að eiga börn. Mikilvægt er að velferð barnsins sé höfð í fyrirrúmi," þá var skammt að bíða kröftugra andmæla frú Súsönnu Svavarsdóttur, sem reit í sama blað daginn eftir: "[Á]lítur hann [biskupinn] samkynhneigða ekki hæfa til þess að veita barni líf og gæði og ást og umönnun og öryggi? Telur hann gagnkynhneigða aðeins búa yfir slíkum mannkostum? Var ekki faðir Thelmu og þeirra systra gagnkynhneigður? [Leturbr. JVJ.] Hver er þessi maður [biskupinn] að telja sig umkominn að dæma út í bláinn hver getur veitt kærleika?" Því næst vék hún að Biblíunni og ákvæðum hennar um "að maður skuli ganga að eiga konu og þau geta af sér ávöxt og allt það," en gerði lítið úr gildi hennar, mest vegna aldurs hennar og að á hennar tíma "var kannski ekki gert ráð fyrir því að börn í þúsundatali biðu þess á stofnunum um allan heim að einhver vildi elska þau" og nefndi börn í S-Ameríku og A-Evrópu sem dæmi, sem seld væru í vændi (og í annarri grein talaði hún um börn í skókössum á Indlandi). Spurði hún í framhaldi af þessu biskupinn hvað hann vildi að gert yrði við þessi börn. "Hvernig vill kirkjan hans stemma stigu við að slíkt helvíti á jörðu geti þrifist?" – Enn harðmæltari var hún í skrifi þessu, og má kalla það orð að sönnu, að Súsanna hafi þarna tekið að sér að typta Karl biskup opinberlega með vandlætingarsvipu sinni.

En verðum við ekki að viðurkenna, að þetta efnisinnlegg Súsönnu sé eitthvað sem taka verði tillit til? Sópar ekki réttlætisboðskapur hennar burt þeim andmælum gegn ættleiðingu samkynhneigðra á börnum, sem margir umsagnaraðilar um frumvarpið, sem nú liggur fyrir Alþingi, hafa fram að færa? Nei, það er engan veginn svo – eins og sést af eftirfarandi:

ll frslan - smelli hr til a lesa alla frsluna »

01/22/06

  17:16:13, Skrsetjari: Jon Valur Jensson   , 588 or  
Flokkur: Málefni samkynhneigðar á sviði þjóðfélags og kirkju

Yfirlýsing 20 trúfélaga og 20 einstaklinga vegna stjórnarfrumvarps um málefni samkynhneigðra

Eftirfarandi yfirlýsing samvinnuhóps margra kristinna trúarsamfélaga vegna stjórnarfrumvarps um málefni samkynhneigðra hefur verið send hinu háa Alþingi:

Við undirrituð lýsum eindregnum stuðningi við biskup Íslands, þegar hann segir að hjónaband sé sáttmáli milli eins karls og einnar konu, og teljum að nú beri að standa vörð um hina upprunalegu fjölskyldumynd og velferð fjölskyldna og barna í íslensku samfélagi. Um leið hörmum við ....

ll frslan - smelli hr til a lesa alla frsluna »

01/20/06

  01:17:37, Skrsetjari: Jon Valur Jensson   , 528 or  
Flokkur: Málefni samkynhneigðar á sviði þjóðfélags og kirkju

Af óhlutdrægni fjölmiðla um málefni samkynhneigðra

Frá og með sunnudegi 15. jan. 2006 og fram á miðvikudag 18. s.m. – á fjórum dögum – voru fimm allstórir viðtalsþættir um mál samkynhneigðra í þremur ljósvakafjölmiðlum. Í fjórum tilvikum höfðu dagskrárgerðarmennirnir tvo viðmælendur, en einn í þeim fimmta. Og hvernig var nú jafnvæginu háttað milli meginfylkinganna í deilunni? – Níu : núll? Nei, getur það verið?!

ll frslan - smelli hr til a lesa alla frsluna »

01/08/06

  00:40:58, Skrsetjari: Jon Valur Jensson   , 5902 or  
Flokkur: Málefni samkynhneigðar á sviði þjóðfélags og kirkju

Hvert er stefnt í málum samkynhneigðra? Eru menn að hugsa um heill og hag þjóðar – barna og fullorðinna?

Erindi flutt í Útvarpi Sögu föstudaginn 2. des. 2005 – hér birt með afar ýtarlegum neðanmálsgreinum sem upplýsa um margt sem að ófyrirsynju hefur legið í þagnargildi hér á landi. Er næsta víst að hér mun ýmislegt koma lesandanum mjög á óvart, ekki sízt vegna niðurstaðna rannsókna sem hér birtast um félagshætti og heilsufar samkynhneigðra.

Efni mitt í dag er sú stefna sem Alþingi virðist ætla að taka upp í málum samkynhneigðra, þ.e.a.s. með framlögðu stjórnarfrumvarpi um aukin réttindi þeirra, sérstaklega til frumættleiðinga og tæknifrjóvgunar, auk óvígðrar sambúðar af sama tagi og gagnkynhneigðir eiga rétt á. [Sjá neðanmálsgr. 1] Ennfremur liggur í loftinu, að einstakir þingmenn (Guðrún Ögmundsdóttir t.d.) muni hafa frumkvæði um að reyna að gefa færi á því að prestar og forstöðumenn safnaða fái rétt til þess að vígja samkynhneigða í hjónaband frammi fyrir altarinu. – Þetta er nú ekki það sem Þjóðkirkjan hefur verið að biðja um, en samt hafa einstakir prestar leyft sér að ganga fram fyrir skjöldu til að biðja beinlínis um þetta, prestar jafnvel í Þjóðkirkjunni. En Þjóðkirkjan á einfaldlega að fá allan þann frið og umhugsunartíma sem hún þarf á að halda til að gera þetta mál upp við sig.

ll frslan - smelli hr til a lesa alla frsluna »

1 2

Ábyrgðarmaður: Jón Valur Jensson guðfræðingur.

Önnur blogg sama höfundar: [jonvalurjensson.blog.is]
[jvj.blog.is]
[krist.blog.is] (þátttaka)
[lifsrettur.blog.is]

Search

  XML Feeds

blog tool