« Upphafning hins heilaga kross (14. september): Hugvekja tileinkuð heilögum Efraím hinum sýrlenska (um 306-373), djákna og kirkjufræðaraMcCain velur mikinn lífsverndarsinna og móður barns með Downs heilkenni sem varaforsetaefni sitt. »

06.09.08

  09:29:19, Skrásetjari: Jón Rafn Jóhannsson, 44 orð  
Flokkur: Bænalífið

Bæn í minningu herra Sigurbjörns Einarssonar biskups.

Drottinn vor og Guð, ljós vort og yndi. Leið herra Sigurbjörn Einarsson biskup inn til hvíldar þinnar himnesku gleði til að dvelja þar að eilífu í fullsælu hinna heilögu í sigrandi kirkju himnanna! Drottinn, heyr vora bæn. Amen

1 athugasemd

Athugasemd from: Jón Rafn Jóhannsson [Meðlimur]
Jón Rafn Jóhannsson

Aelred frá Rievaulx (1110-1167), sistersíani,
Úr Spegli kærleikans:

„Mannssonurinn er herra hvíldardagsins.“

Þrátt fyrir stórmerki sín jafnast enginn dagur sköpunarinnar á við hinn sjöunda dag þegar ekkert verk var leyst af hendi og Guð hvíldist eftir að hafa lokið verki sínu. „Guð lauk á hinum sjöunda degi verki sínu, er hann hafði gjört,“ greinir Sköpunarsagan okkur frá, „og hvíldist hinn sjöunda dag af öllu verki sínu, er hann hafði gjört“ (1M 2. 2). Hér er okkur greint frá hinum tveimur sérkennum hvíldardagsins: Hann verður að vera dagur og samtímis hvíldartími. Mér virðist að þessi sjöundi dagur sé ekki mældur milli sólrisu og sólarlags og vera bjartur að morgni og rökkvaður að kveldi (spr. 1. 5) . . .

Hlýðum á þann sem tekur fagnandi á móti okkur inn í hvíld sína: „Komið til mín, allir þér sem erfiði hafið og þungar byrðar, og ég mun veita yður hvíld“ (Mt 11. 28). Þetta er undirbúningurinn fyrir hvíldardaginn. Hvað áhrærir hvíldardaginn skulum við enn að nýju leggja við eyru: „Takið á yður mitt ok og lærið af mér, því að ég er hógvær og af hjarta lítillátur, og þá munuð þér finna hvíld sálum yðar“ (v. 29). Hér er í reynd hvíld og kyrrð hins sanna hvíldardags.

Ok hans fær okkur ekki til að kikna heldur sameinar okkur. Þetta ok hefur okkur upp, það er okkur ekki eins og farg. Þetta ok er kærleikurinn og byrði þess náungakærleikurinn. Það er þarna sem við finnum hvíld, það er hér sem við höldum hvíldardaginn hátíðlegan. Þarna erum við leyst undan þrældómsoki . . . Ef svo vill til að við bíðum ósigur gagnvart einhverjum ágalla, felur það ekki í sér að hátíðarhöldum hvíldardagsins ljúki vegna þess að „kærleikur hylur fjölda synda“ (1Pt 4. 8).

06.09.08 @ 09:47


Form is loading...