« Alfreð J. Jolson biskup (1928–1994) – MinningarorðSkapaði Guð ekki heiminn? Stjarneðlisfræðingur ratar út á svið sem er handan eðlisfræðinnar »

Hverjir eru 200 sinnum líklegri til að fá AIDS en gagnkynhneigðir?

  09.09.10. Skrásetjari: Jon Valur Jensson, 472 orð.
Flokkur: Málefni samkynhneigðar á sviði þjóðfélags og kirkju

Hverjir eru 200 sinnum líklegri til að fá AIDS en gagnkynhneigðir?

Frétt Rúv, Frakkland: Mikið alnæmi hjá hommum, staðfestir upplýsingar og útreikninga sem birzt höfðu hér fyrir nokkrum árum, að það sé ótrúlega miklu líklegra að samkynhneigðir karlmenn smitist af HIV-veirunni en annað fólk. Á það við um Frakkland, Danmörku og Bandaríkin, svo að dæmi séu nefnd.

Hér er fréttin öll í heild, eins og hún birtist á fréttavef Rúv í dag:

Samkynhneigðir karlmenn eru nær helmingur þeirra sem smituðust af alnæmi í Frakklandi í hittiðfyrra. Sérfræðingar Heilbrigðiseftirlits Frakklands segja að alnæmissmituðu fólki hafi fækkað ár frá ári í landinu, það eigi þó ekki við um homma. Það sé 200 sinnum líklegra að þeir smitist en annað fólk. Þannig hafi 6.940 ný tilvik alnæmissmits verið skráð í Frakklandi 2008, 48 prósent smitaðra voru samkynhneigðir karlmenn. Almennt hafði þá nýsmituðu fólki fækkað um tvo þúsund á fimm árum, eða frá 2003, en þessi fækkun átti þó ekki við um homma.
Sérfræðingarnir segja ljóst að yfirvöld verði að efla forvarnarstarf meðal þeirra sem séu í mestri hættu, samkynhneigðra karlmanna.

Þetta staðfestir með augljósum hætti, að útreikningar mínir (JVJ) á margfaldri tíðni HIV-smits meðal samkynhneigðra karla, byggðir á tölum frá Danmörku, Bandaríkjunum og víðar, voru ekki víðáttuvitlaus, hlutdrægur hræðsluáróður, heldur í takti við fyrirliggjandi staðreyndir víðar. Ástandið í þessum efnum mun þó vera allnokkru skárra hér á Íslandi en í Frakklandi, hvað tíðni sjúkdómsins hjá samkynhneigðum körlum snertir, miðað við gagnkynhneigða, en þó margfalt meiri tíðni hjá þeim fyrrnefndu.

Sjá um þetta efni eftirfarandi greinar, sem hafa birzt hér áður: Miðstöð samkynhneigðra í Los Angeles viðurkennir að AIDS sé einkum þeirra sjúkdómur (28.10. 2006). – HIV-nýsmit í hópi danskra homma um 300 sinnum algengara en meðal gagnkynhneigðra, danskra kvenna : rök gegn málflutningi í ísl. fjölmiðum (30.9. 2006).

Af þessu er ljóst, að menn eiga ekki að hrapa að dómum með því að halda því fram, að kynlíf samkynhneigðra karlmanna sé jafn 'heilnæmt' og öruggt eins og samfarir karls og konu. Samt var eftirfarandi blákalt haldið fram á vefsetri Samtakanna '78 fyrir nokkrum árum: "Á Íslandi eru það einkum gagnkynhneigðar konur sem núna greinast með veiruna." Þetta er afar villandi, því að vegna fæðar samkynhneigðra er ótrúlega margfalt algengara hjá þeim að bera í sér HIV-veiruna miðað við gagnkynhneigðar konur jafnt sem karla. Vísast um rök fyrir því til greina minna nýnefndra hér fyrir ofan.

En nú er við því að búast, að ýmsir undrist stórlega, þegar þessar staðreyndir eru komnar fram, og fari jafnvel að sjá eftir því að hafa gleypt of greiðlega við ýmsu því, sem þjóðin hefur verið mötuð á um afleiðingar eða öllu heldur öryggi samkynja kynmaka. Aðrir eru vísir með að skella skollaeyrum við þessu, kjósa fremur afneitun en upplýsingu og beita jafnvel þöggun um málið, þar sem þeir fá því við komið. Það verður t.d. fróðlegt að sjá, hvernig blöðin í landinu og vefsíður þeirra bregðast við þessum fréttum frá Frakklandi.

En upplýst þarf umræða okkar að vera, ekki byggð á hleypidómum.

9 athugasemdir

Athugasemd from: Robert [Gestur]
Robert

Þakka þér fyrir þessa grein, og fleira sem þú hefur vandlega gert, til þess að forða ungu og áhrifagjörnu saklausu fólki, frá hörmungum, og óhamingju.

Guð blessi þig og öll þín skrif og störf.

09.09.10 @ 13:59
Athugasemd from: [Meðlimur]

Hjartans þakkir, Robert, fyrir falleg orð. Ég vona bara til Guðs að ég verði til einhvers gagns.

09.09.10 @ 16:29
Athugasemd from: [Meðlimur]

Nýlega kom líka fram í fjölmiðlum að ungir samkynhneigðir eru í áhættu m.t.t. sjálfsvíga. Sjá eftirfarandi lista yfir áhættuhópana:

* Fólk með alvarlegar geðraskanir, sérstaklega þunglyndi eða geðklofa.
* Þeir sem einu sinni hafa gert tilraun til sjálfsvígs eru mun líklegri en aðrir til að reyna að fyrirfara sér.
* Ungir karlmenn, sérstaklega hafi þeir ekki náð að marka sér stefnu í samfélaginu, verða utanveltu.
* Ungir karlmenn og konur með alvarlega fíknsjúkdóma.
* Karlmenn utan sambúðar, sérstaklega ef atvinnuleysi og drykkjusýki fylgir.
* Ungir samkynhneigðir.
* Fangar, einkum í upphafi fangavistar.
* Konur sem komnar eru yfir miðjan aldur eru í meiri hættu en yngri konur.
* Háaldraðir, þ.e. 85 ára og eldri.

(Heimild: Vefur Landlæknisembættisins).

Í þessu sambandi er mikilvægt að kirkjan vinni gegn og fordæmi einelti í garð þessara hópa. Upplýst og hófstillt umræða um málefni þeirra er að líkindum líka til bóta. Þú hefur sýnt hugrekki með birtingu þessara pistla Jón því sumir misskilja það sem fordóma, en í rauninni eru þetta heiðarlegar tilraunir til að upplýsa og koma af stað skoðanaskiptum og umræðu.

21.09.10 @ 18:46
Athugasemd from: Hallgeir Ellýjarson [Gestur]
Hallgeir Ellýjarson

Gagnkynhneigðar konur eru margfalt líklegri til þess að smitast af HIV en lesbíur. Þið minnist auðvitað ekkert á það.

05.06.14 @ 20:29
Athugasemd from: [Meðlimur]

Og til hvaða heimildar (ef einhverrar) vísar þú í því efni, Hallgeir? –– Þetta er nefnilega alls ekki eins sjálfgefið mál og þú virðist ímynda þér.

08.06.14 @ 03:38
Athugasemd from: Sif [Gestur]  
Sif

Jón Valur,þú segir “Þetta er nefnilega alls ekki eins sjálfgefið mál og þú virðist ímynda þér.” Komdu með heimildir sem afsanna það sem Hallgeir segir.

17.04.15 @ 05:08
Athugasemd from: [Meðlimur]

Það skal ég gera, Sif. Var fyrst að sjá þetta innlegg þitt nú og er upptekinn við annað, en svar færðu hér von bráðar.

16.05.15 @ 14:25
Athugasemd from: Ómar [Gestur]
Ómar

Ég þakka ekki lúterum fyrir mitt hjálpræði í Kristi heldur þeim manni sem kom með heilagar ritningar til mín, þá er ég var í þreingingum og sálarangist, var þá búinn að leita leingi og vel, hver tilgangur minn væri, svo kom trúinn því meira sem ég las í biblíuni, og hafði ég verið á undann í þjónustu anda þessa heims, og undir hans umsjá,í gegnum skóla lýfsins, sem var búinn að vera erfiður, tók ég á móti vitnisburði Jesús krists, og ég sem aldrei hef séð neitt yfirnáttúrulegt heirði orð hans koma til mín eins og töluð væru til mín,ég gerði þarna yðrunn var algerlega tilbúinn að gefast Guði fyrir trú á vitnisburð sonar hans Jesús Krists, ég fann og upplifði synd mína burttekna upplifði lausn algera lausn frá þessari byrði sem ég hafði frá anda þessa heims,en Drottin gerði mér það ljóst stuttu seinna að svo ég gæti lifað, sigrandi lífi þá yrði ég að endurfæðast, og öðlast hjálparann sem ég átti að fá þegar ég fermdist, og ég endurtók skírn mína í trú og fékk hjálparann, helagan anda, fyrir trú held ég boð Guðs og vegna þess að ég elska hann sem bjargaði mér syndaranum,Guð endurreisti mig fyrir trú á þann vitnisburð sem sonur hans hefur gefið, hvernig getið þið blessað syndinna sem Drottinn fór á krossin fyrir, sambúð karls við karl, og konu við konu,hugsið ykkur um vel hverja þið leggið hendur ykkar yfir, ég veit að ég er dýru verði keiptur, og líkaminn er fyrir Guð en ekki synd, ég er ekki sá sem ég var ég er í dag maður sem elskar réttlæti en hatar það sem ég jafnvel gerði áður, við lifum á tíma fæðingarhríðanna ,það sér sá sem er ekki veruleikanum fyrtur, ég er ekki háskólageinginn kláraði ekki einu sinni grunnskóla, en hef farið í gegnum skóla lífsins og hef smakkað mart í honum, mér er alveg sama um stafsetningarvillunar sem eru í þessum orðum, enda ekki mikið mentaður í speki þessa heims?.Líkaminn er kirkjann, hver sem hún er, því hvar er bróðir minn hvar er sistir mín eða móðir mín sá sem heldur boð föður míns sem er á himnum, hann er bróðir minn sistir og móðir. Guð er innvígður í alla veröld sína, en er samt persónulegur, og þegar þið horfið á krossin og sjáið son hans, þa´sjáið þið hvað hann elskar ykkur mikið, Guð blessi ykkur.

08.06.15 @ 16:06
Athugasemd from: [Meðlimur]

Þakka þér, Ómar. Þetta er jafn-satt og það er fallega hugsað hjá þér: “fyrir trú held ég boð Guðs og vegna þess að ég elska hann sem bjargaði mér syndaranum, Guð endurreisti mig fyrir trú á þann vitnisburð sem sonur hans hefur gefið.”

Gangi þér vel á veginum, bróðir í Kristi.

01.08.15 @ 05:36


Form is loading...

Ábyrgðarmaður: Jón Valur Jensson guðfræðingur.

Önnur blogg sama höfundar: [jonvalurjensson.blog.is]
[jvj.blog.is]
[krist.blog.is] (þátttaka)
[lifsrettur.blog.is]

Leit

blog tool