Blaðsíður: 1 ... 4 5 6 ...7 ... 9 ...11 ...12 13 14 ... 46

31.10.09

Allir páfarnir í Róm frá upphafi

Hér er um fróðlegan lista að ræða sem nær yfir alla páfana frá upphafi. Má smella á hvert nafn til að fá æviskrá viðkomandi páfa á latínu, stutta eða langa eftir atvikum, með myndum o.fl. Í dálki þar til vinstri má finna vísanir á æviskrár á öðrum tungumálum, m.a. er sú spænska gjarnan ýtarlegri en ýmsar aðrar, en þær frönsku, ensku og þýzku einnig góðar um marga páfa.

Emblem of the Papacy.svg Papae Ecclesiae Catholicae

Öll færslan - smellið hér til að lesa alla færsluna »

30.10.09

  22:23:49, Skrásetjari: Ragnar Geir Brynjólfsson   , 167 orð  
Flokkur: Dulhyggja, Bænir

Um nafnið „Rósakrans“

„Með öllum þjóðum, sem þekktu rósina, var hún tákn ástar og kærleika. Krossfarar fluttu persneska skáldverkið 'Gulistan' með sér til Vesturlanda. Á öndverðri 13. öld varð ljóðið alþekkt meðal aðalsmanna í frönsku gerðinni 'Roman de la Rose'. Ljóðið lýsir ástinni á myndrænan hátt sem gönguför inn í fagran rósagarð.“

„Er almenn menntun hirðfólks jókst voru mansöngvar oft nefndir 'Rosarium' og hirðmeyjar gáfu riddurum sínum 'blómsveiga úr rósum'. Það er því ekki að undra þótt mansöngvum, sem ortir voru til heilagrar Guðsmóður, væri einnig gefið þetta nafn: Rosaria.

Öll færslan - smellið hér til að lesa alla færsluna »

29.10.09

  21:37:14, Skrásetjari: Ragnar Geir Brynjólfsson   , 358 orð  
Flokkur: Erlendar fréttir úr heimi kirkjunnar

Pakistan: Ungur kristinn maður ásakaður um guðlast deyr í varðhaldi

Rome (AsiaNews). Guðlastslög Pakistans kveða á um fangelsi eða dauða þeirra sem lasta kóraninn eða spámanninn Múhameð. Nýlega lést tvítugur kristinn maður í Punjab í varðhaldi ákærður um guðlast. Síðan 2001 er áætlað að um 50 kristnir hafi látið lífið vegna þessara laga. Fjölskyldum er sundrað og þorp eyðilögð. Bæði kristnir og hófsamir múslímar þrýsta á um afnám þessara laga.

Andmælendur laganna segja að þau ýti undir mismunun gegn minnihlutahópum og „lögleiði“ ofbeldi gegn þeim. 12. sept. síðastliðinn var 20 ára gamall Robert Fanish Masih frá þorpinu Jaithikey í Punjab fangelsaður vegna guðlastsákæru. Daginn áður hafði múgur ofstækismanna safnast utan um kirkju staðarins og kveikt í henni auk þess að ræna tvö nærliggjandi hús.

Öll færslan - smellið hér til að lesa alla færsluna »

27.10.09

  22:03:48, Skrásetjari: Ragnar Geir Brynjólfsson   , 206 orð  
Flokkur: Erlendar fréttir úr heimi kirkjunnar

Indland: Sex þúsund kristnir taka hindúatrú í fjöldaathöfn

Mumbai - (AsiaNews). Nýlega var haldin athöfn þar sem sex þúsund kristnir gengust undir hindúatrú við almenna athöfn sem róttækur hindúaleiðtogi Guru Swami Narendra Maharaj gekkst fyrir.

Margir hópar hindúa ásaka kristna menn um að þvinga fram trúskipti til kristni en engin slík mál hafa farið fyrir dómara. Slíkar ásakanir hafa aftur á móti verið notaðar til að réttlæta athafnir á borð við þessa og ofbeldi gagnvart kristnum. Í nokkrum fylkjum Indlands gilda lög sem mæla fyrir um að þegar trúskipti eigi sér stað þurfi þeir sem skipta um trú að gera yfirvöldum grein fyrir ástæðum þess sem og að sannfæra yfirvöld að ekki sé um þvinguð trúskipti að ræða.

Að sögn er þessum lögum framfylgt bókstaflega þegar um er að ræða trúskipti frá hindúisma til kristni en þegar ekki er um að ræða hindúa er lítið gert til að fara eftir lögunum eða yfirvöld gera ekkert til að framfylgja þeim.

Enn heldur svo ofbeldi áfram gegn kristnum. Á sunnudaginn var börðu nokkrir öfgamenn mótmælendaprest eftir messu með hokkíkylfum. Í Karnataka réðust ofstækismenn hindúa inn í messu mótmælendasöfnuðar. Klerkurinn var barinn, biblíur brenndar og hinum trúuðu ógnað.

Samkvæmt gögnum sem kristin samtök GCIC hafa safnað hafa hundruð slíkra tilfella verið skráð á þessu ári.

Heimild Asianews: http://new.asianews.it/index.php?l=en&art=16698

26.10.09

  22:42:12, Skrásetjari: Ragnar Geir Brynjólfsson   , 99 orð  
Flokkur: Dulhyggja, Bænir

Kristin íhugun: Rósakransinn II. hluti

„Naumast finnst svo illa spilltur maður, að ekki verði á honum sjáanleg breyting ef hann biður Rosarium í eitt ár.“ Svo mælti príorinn í Karþúsaklaustrinu í Trier, Adolf von Essen er þangað leitaði vorið 1409 andlega og líkamlega magnþrota maður Dominkus von Preussen. það var Dominikus þessi sem endurbætti rósakransbænina og skrifaði niður ævi Jesú í fimmtíu setningum og hugleiddi við hvert Ave eitt atriði. Hér á eftir kemur annar hluti myndarinnar um rósakransinn sem kynnt var í síðustu bloggfærslu.

[youtube]KAstNjDzy1U[/youtube]

Úr bókinni Rósakransinn. Sr. Hjalti Þorkelsson tók saman. Útg. Kaþ. kirkjan á Íslandi 1978.

Sjá fyrsta hluta myndarinnar hér: [Tengill]

24.10.09

  22:25:15, Skrásetjari: Ragnar Geir Brynjólfsson   , 96 orð  
Flokkur: Dulhyggja, Bænir

Rósakransinn: Kristin íhugun

„Ýmsar aðferðir íhugunar hafa komist í tísku á undanförnum árum. Óvíst er enn hversu góðan ávöxt sumar þeirra muni bera. Ein þekktasta aðferð kristinnar íhugunar er rósakransbæn. Blessun þá, sem hún getur fært, má ekki aðeins lesa af spjöldum sögunnar; hver sá sem iðkar hana getur vitnað um það af eigin reynslu.“

Svo ritar séra Hjalti Þorkelsson í inngangi að ritinu Rósakransinn sem kaþ. kirkjan á Íslandi tók saman og gaf út 1978.

Á Eftirfarandi YouTube tengli, hinum fyrsta af þrem, er fjallað um rósakransinn, guðfræðina sem býr að baki og svokallaða leyndardóma eða íhugunarefni hans: [youtube]Mxa8njqZkY0[/youtube]

23.10.09

  22:59:00, Skrásetjari: Ragnar Geir Brynjólfsson   , 268 orð  
Flokkur: Erlendar fréttir úr heimi kirkjunnar

Indland: Stúlkum lofað heitorði til að koma í kring trúskiptum

AsiaNews - Nýju Delhi. Hæstiréttur Kerala hefur farið þess á leit að hafin verði rannsókn á því þegar stúlkum sem lofað er heitorði enda í höndum íslamskra samtaka þar sem reynt er að fá þær til trúskipta. Óttast er að tilfellin séu yfir 4 þúsund. Ungir menn fá í verðlaun 100 þúsund rúpíur (um 1400 evrur) ef trúskipti verða.

Tveir kvenstúdentar hafa lýst því fyrir dómara að þær hafi verið ginntar með loforðum um hjónaband og síðan haldið föngnum í miðstöð múslima. Þær segjast hafa verið þvingaðar til að horfa á myndefni og lesa bækur sem vegsömuðu trúarofstæki.

Öll færslan - smellið hér til að lesa alla færsluna »

22.10.09

  21:14:22, Skrásetjari: Ragnar Geir Brynjólfsson   , 38 orð  
Flokkur: Erlendar fréttir úr heimi kirkjunnar

Móðir Angelica stofnandi EWTN heiðruð af páfa

Benedikt XVI páfi sæmdi nýverið móður Angelicu stofnanda sjónvarpsstöðvarinnar EWTN heiðurskrossi páfa. Þetta er æðsti heiður sem páfi veitir leikmönnum eða meðlimum trúarreglna í þakklætisskyni fyrir störf þeirra.
Sjá nánar á eftirfarandi myndskeiði frá RomeReports (á ensku):
[youtube]DFRtOzeUVJs[/youtube]

21.10.09

  22:19:02, Skrásetjari: Ragnar Geir Brynjólfsson   , 65 orð  
Flokkur: Erlendar fréttir úr heimi kirkjunnar

Páfi samþykkir nýjar reglur sem heimila anglíkönskum prestum að fá kaþólska vígslu

Asianews - Páfagarði. Benedikt páfi XVI hefur samþykkt reglur sem heimila giftum prestum anglíkönsku kirkjunnar að fá vígslu sem kaþólskir prestar.

Þetta gerir að verkum að prestar anglíkönsku kirkjunnar geta fengið vígslu sem kaþólskir prestar en fá að halda í hefðir sinna kirkjudeilda. Dæmi eru um að hópar anglíkana hafi gengið í kaþólsku kirkjuna svo sem Amritsar biskupsdæmi á Indlandi og sóknir í Bandaríkjunum.

Anglíkanskir prestar

RGB/AsiaNews. [Tengill]

  02:56:41, Skrásetjari: Jon Valur Jensson   , 71 orð  
Flokkur: Fósturvernd, Siðferði og samfélag, Unborn children – abortion

11 vikna fóstur sem ekki var talið vert þess að lifa

11 vikna

Hér vantar sjálft höfuðið. En þetta er sannleikurinn, lesendur góðir.

Ætla menn nú að flýja í gjótur sínar og hellisskúta eigin réttlætingar til að forðast hina komandi reiði, eða vilja þeir takast á við sannleikann, herða sig upp til að gera iðrun síns fyrra tómlætis, koma fram í ljósið og gefa sig í fórnfúsa baráttu fyrir réttlátan heim og hjálpræði fyrir hina ófæddu?

Öll færslan - smellið hér til að lesa alla færsluna »

19.10.09

  21:13:26, Skrásetjari: Ragnar Geir Brynjólfsson   , 163 orð  
Flokkur: Erlendar fréttir úr heimi kirkjunnar

Pakistönsk börn biðja rósakransinn - heimsátak fyrir friði

Faisalabad (AsiaNews). „Dag hvern sjáum við myndir í sjónvarpinu af sprengjum og eyðileggingu. Við viljum ekki að það gerist aftur og því biðjum við rósakransinn.“ Svo mælir Sharoon 10 ára í Faisalabad biskupsdæmi í Pakistan.

Það er í þessum sama anda sem pakistönsk börn hafa tekið þátt í átakinu „milljón börn biðja rósakransinn“ en því var hrundið í framkvæmd í Venezuela og dagur þess var haldinn hátíðlegur í gær.

Forsvarsmenn framtaksins segja að heimurinn þarfnist friðar og einingar. Að biðja til guðs leiði til uppgötvunar á sannri trú og trú færi kærleika, kærleika í gagnkvæmri þjónustu sem sé uppspretta friðar.

Pakistönsk börn biðja rósakransinn

Pakistan er eins og kunnugt er vettvangur hernaðarátaka milli Talibana og stjórnarhersins í norðvestur hluta landsins sem og ofbeldis gagnvart minnihlutahópum, sem gjarnan er framfylgt í krafti guðlastslaganna. „Við erum hrædd“ segir Mariam 14 ára. „Við biðjum Maríu mey að sannfæra þá um að hætta að berjast. Það er frábært að biðja rósakransinn heima á kvöldin. Við sitjum og biðjum með foreldrum okkar.“

RGB/AsiaNews. [Tengill]

17.10.09

  23:05:17, Skrásetjari: Ragnar Geir Brynjólfsson   , 200 orð  
Flokkur: Erlendar fréttir úr heimi kirkjunnar

Þekktur vísindamaður ver páfa

Þekktur vísindamaður á sviði eyðnirannsókna Edward C. Green frá Bandaríkjunum tók í mars sl. upp hanskann fyrir Benedikt XVI páfa eftir að hann hafði hvatt til ábyrgðarfullrar breytni í baráttunni við eyðni í Afríku.

Ef grein vísindamannsins er lesin sést að ástæða þess að verjur duga ekki til að hefta útbreiðslu eyðni í Afríku er sú að margt fólk hefur fleiri en einn rekkjunaut á sama tímabili. Helstu ráðin til að hefta útbreiðslu eyðni í Afríku að mati Green eru trúfesta í samböndum og að fólk takmarki fjölda rekkjunauta. Þessi ráð hafa dugað vel í Úganda og nýlega hafa Botswana og Swaziland tekið upp þessa stefnu.

Í viðtali við BBC sagði Green að þó að ekki væri sýnt fram á orsakasamband milli verjunotkunar og aukningar í fjölda HIV smita þá væru vísbendingar um að tengsl væru á milli hvatningar til verjunotkunar og áhættusamari kynhegðunar. Sjá grein Wikipediu um Edward C Green og grein í JAIDS sem vísað er á hér fyrir neðan.

[1] Grein Edward C. Green í The Washington Post: The Pope May Be Right.

[2] Grein Wikipediu um Edward C. Green.

[3] Grein í JAIDS, sem Edward C. Green byggir á.

Byggt á Kaþ. Kirkjubl. nr. 10-11, 2009, bls. 10. Wikipediu og JAIDS greininni.

  08:36:51, Skrásetjari: Ragnar Geir Brynjólfsson   , 35 orð  
Flokkur: Kaþólska kirkjan á Íslandi

Fræðslufundir um kaþólska trú í Landakoti

Fræðslufundir fyrir þá sem vilja kynna sér kaþólska trú verða haldnir vikulega í vetur á þriðjudögum kl. 20.00 í safnaðarsal Kristskirkju, Hávallagötu 16 í Reykjavík.

Upplýsingar gefur sr. Jakob Rolland í síma 552 5388.

Heimild: Kaþólska kirkjublaðið nr. 10-11 2009 bls. 14.

14.10.09

Engin merki um aukinn mæðradauða í El Salvador vegna banns við fósturdeyðingum; og um vefinn Krist.blog.is

Samnefnd grein um þetta er nýbirt á Vísisvefnum. Á sama tíma og græskulítil heimspressan slær upp “niðurstöðum könnunar” hinnar hlutdrægu Guttmacher-stofnunar (AIG) um áhrif löggjafar á fjölda fósturdeyðinga, löglegra sem ólöglegra, í löndum heims, þá er viðeigandi að benda á staðreyndir um ýtarlega könnun á áhrifum banns við fósturdeyðingum í einu ríkja Mið-Ameríku, El Salvador. Raktar eru niðurstöður hennar skv. uppl. læknisins Rene Leiva í British Medical Journal, en framlag hans nefnist 'Illegal abortion in El Salvador: no evidence of increase maternal mortality'.
Í raun hefur mæðradauði minnkað í El Salvador ...

Öll færslan - smellið hér til að lesa alla færsluna »

13.10.09

  17:38:29, Skrásetjari: Ragnar Geir Brynjólfsson   , 80 orð  
Flokkur: Kaþólska kirkjan á Íslandi

Messubókin „Missale Romanum“ þýdd á íslensku

Kaþólska kirkjublaðið greinir frá því að unnið sé að útgáfu Rómversku messubókarinnar „Missale Romanum“ á íslensku. Þýðingin á eftir að fá staðfestingu Rómar.

Aðalþýðandinn er Svavar Hrafn Svavarsson dósent við Háskóla Íslands en séra Jürgen Jamin, séra Hjalti Þorkelsson, Óskar Þorsteinsson, Gunnar F. Guðmundsson, Pétur Urbancic og Þorkell Örn Ólason hafa unnið að prófarkalestri þýðingarinnar undanfarna mánuði.

Talsverð vinna er eftir áður en þýðingin kemur út, enda er messubókin á annað þúsund blaðsíður að lengd.

Heimild: Kaþólska kirkjublaðið 10.-11. tbl. 2009, bls. 4.

11.10.09

  11:44:24, Skrásetjari: Ragnar Geir Brynjólfsson   , 238 orð  
Flokkur: Kaþólska kirkjan á Íslandi, Erlendar fréttir úr heimi kirkjunnar

Söfnun Missio á Heimstrúboðsdaginn 18. október

Sunnudaginn 18. október fer fram söfnun í öllum kirkjum og kapellum Kaþólsku kirkjunnar á íslandi, sem og um allan heim til styrktar starfsemi kirkjunnar í fátækustu löndum heims.

Í tilefni af söfnuninni kynnir Missio á Norðurlöndum nú vanda fólks sem býr við matarskort og þjáist af hungri. Skóli nokkur í Suður-Afríku er grundvallaður á síræktarstefnu sem miðar að því að brauðfæða almenning. Missio styður fólkið við uppbyggingu samvinnufélaga í landbúnaði og rekur tvo skóla sem veita sérmenntun á sviði landbúnaðar og síræktar. Markmiðið er að 200 fullorðnir og börn kynnist grundvallaratriðum síræktar með það að markmiði að þau geti brauðfætt sig sjálf. Þörf er á kennurum og verkfærum til þessa verkefnis.

Árið 1992 ýtti skotinn Magnus McFarlane-Barrow verkefninu „Máltíðir Maríu“ úr vör. Starfið hófst með 200 daglegum máltíðum í Malawí en nú fá 356.000 börn í 14 fátækustu löndum heims mat og menntun daglega. Átakið er rakið til djúprar trúarlegrar reynslu sem McFarlane-Barrow varð fyrir í Medjugorje árið 1982.

Matur er keyptur á mörkuðum heimamanna og nú koma börnin í skólana því þar er maturinn, en áður komu þau ekki í skólana því þau þurftu að hjálpa til við mataröflunina. Mikill fjöldi sjálfboðaliða hjálpar til við átakið og þeir skuldbinda sig til að nota ekki meira en 6% söfnunarfjár til fjáröflunar og innan við 1% til stjórnunarstarfa. Oft eru þeir langt undir þessum mörkum.

Frétt Telegraph um McFarlane-Barrow
Heimasíða Máltíða Maríu.
Heimasíða Meðugorje.
Síða Wikipediu um Máltíðir Maríu.

RGB tók saman. Byggt á Kaþólska kirkjublaðinu, 10.-11. tbl. 2009, bls. 2-4

03.10.09

  21:39:10, Skrásetjari: Ragnar Geir Brynjólfsson   , 231 orð  
Flokkur: Páfinn, Þjóðfélagskenningin, Erlendar fréttir úr heimi kirkjunnar

Umburðarbréf páfa: „Efnahagslífið þarfnast siðferðisreglna til að það geti starfað eðlilega“

Þróun þjóðanna byggist á því að viðurkenna að mannkynið er ein fjölskylda. Því geta kristin trú og önnur trúarbrögð aðeins lagt sitt af mörkum til þróunarinnar ef Guð hefur sinn stað í hinu opinbera lífi. Þetta er meðal þess sem fram kemur í nýlegu bréfi páfa.

Hinn 29. júní á þessu ári á Pétursmessu og Páls, kom út umburðarbréf Benedikts páfa XVI sem ber heitið „Caritas in Veritate“ eða „Kærleikur í sannleika“ Í inngangi bréfsins minnir páfi á að kærleikurinn sé kjarninn í félagsmálakenningu kirkjunnar. Í 1. kafla er lögð áhersla á mikilvægi uppbyggingu kristins samfélags í anda frelsis og réttlætis. Í 2. kafla er mannleg þróun meginviðfangsefnið. Ef ágóðinn verður eina markmiðið þá er hann knúinn fram án þess að hafa í huga almannaheill. 3. kaflinn lofar gjafmildina og í 4. kafla er minnt á að ríkisstjórnir og alþjóðlegar stofnanir megi ekki missa sjónar á rétti manna og ítrekað er að ríkisvaldið verði að skapa aðstæður sem leggja höfuðáherslu á stöðu og heill fjölskyldunnar. 5. kaflinn fjallar um samvinnu fjölskyldu mannanna. Þróun þjóðanna byggist á því að viðurkenna að mannkynið er ein fjölskylda. Því geta kristin trú og önnur trúarbrögð aðeins lagt sitt af mörkum til þróunarinnar ef Guð hefur sinn stað í hinu opinbera lífi.

RGB tók saman. Byggt á stuttri útgáfu bréfsins sem birtist í Kaþólska kirkjublaðinu, 8.-9. tbl. 2009.
Sjá umfjöllun Asianews um bréfið hér: [Tengill].
Bréfið í heild sinni er að finna hér: [Tengill]

29.09.09

Merkur vefur með kardínálum kirkjunnar – og um ofsóttan biskup tékkneskan: Stepán Trochta

Mjög fræðandi vefur um kardínála kaþólsku kirkjunnar reynist vera HÉR, og spannar hann yfir heil 1897 ár. Þar eru ýmsar vefslóðir til upplýsingar um þá, m.a. þessi listi í tímaröð frá árinu 112 til 2009; þar má síðan smella á nafn-línu hvers kardínála til að sjá æviágrip hans. Svo eru þarna ennfremur heil æviágrip þeirra á tímabilinu 999–2009, rúmum þúsund árum,

Öll færslan - smellið hér til að lesa alla færsluna »

23.09.09

  16:03:31, Skrásetjari: Jon Valur Jensson   , 398 orð  
Flokkur: Kirkjulatína, Bænamál, Miðaldasaga og kirkjan, Trúarljóðaþýðingar JVJ, Kenning kaþólskrar kirkju

Boëthius: Quod mundus stabili fide

De consolatione philosophiæ, liber II, metrum VIII

(þ.e. 8. ljóð í 2. bók í ritinu Huggun heimspekinnar)

Að heimur stöðugur standi,
þótt stórum breytist í þróun ;
að eining endalaus haldist
með öllu kviku, þó stríði ;
að röðull rósrauðan morgun
fram reiði gullnum í vagni,
en nótt, sem vísað er veginn
af Venus, ljómi í tungli ;

Öll færslan - smellið hér til að lesa alla færsluna »

19.09.09

  22:39:12, Skrásetjari: Jon Valur Jensson   , 514 orð  
Flokkur: Fósturvernd, Bænamál, Miðaldafræði íslenzk, Ýmis skáld, Miðaldasaga og kirkjan

Karla-Magnúsar bæn

  • Róms af bás þó ræðu spinni,
  • rekks ei mýkir lyndi það,
  • hefur hann lás í hendi sinni
  • Himnaríkis dyrum að.

Nokkur gömul handrit á ég, þar á meðal vísna- og bænamál, og var vísan sú undarlega úr einu þeirra. Er þar um að ræða 3. erindi úr átta vísna bréfi, ortu af Ólafi Erlindssyni til Jóns í Bót. Er það austfirzkt efni, ritarinn B. Sveinsson í Viðfirði.

En efnið, sem hér fer á eftir, handrit sem ég birti nú þennan hluta úr: Karla-Magnúsar bæn, er fagurlega ritað, en skrifarans eða eiganda ekki getið. Tvískipt er það og hér aðeins birt úr fyrri hlutanum, en í upphafsorðum þess seinni sést, að skrifað er þetta örugglega eftir 1747.

Öll færslan - smellið hér til að lesa alla færsluna »

06.09.09

  22:53:08, Skrásetjari: Jon Valur Jensson   , 629 orð  
Flokkur: Bænamál, Ýmis skáld, Kristindómur og menning, Kaþólskir Íslendingar

Torfi Ólafsson, sálmahöfundur og velgjörðarmaður kaþólskrar kirkju

Eins og Þjóðkirkjan hefur átt sálmakveðskap Sigurbjörns Einarssonar, sem óx fram með árunum og varð með því bezta sem sú kirkja hefur alið af sér í andlegum ljóðum og innilegri trúrækni, þannig eigum við kaþólikkar okkar Torfa Ólafsson, sem hefur um langt árabil auðgað kirkju sína að þýddum sálmum og frumsömdum trúarversum.

Það skal þakkað, sem vel er gert, og hvað má heita betra tilefni en hrifning á kirkjubekk við lestur eins af hans þýddu sálmum, og gott var að taka undir hann með öðrum í sömu messu nýliðins dags. En það er líka tilefni, að nú í vor, 26. maí, hélt Torfi upp á níræðisafmæli sitt, og er það höfðinglegur aldur sem hann ber með prýði, því að andlega hress er hann og fer flestra erinda sinna gangandi og heldur sér þannig við góða heilsu.

Öll færslan - smellið hér til að lesa alla færsluna »

23.08.09

  14:01:46, Skrásetjari: Ragnar Geir Brynjólfsson   , 192 orð  
Flokkur: Trúarleg tónlist og textar

Nýr íslenskur texti við þekktan erlendan sálm

Lesendur kirkjunetsins kannast kannski við sálm sem þekktur er á ensku undir heitinu „Peace is flowing like a river.“ Upptöku af sálminum og enskan texta má finna á eftirfarandi vefslóð:

http://www.turnbacktogod.com/peace-is-flowing-like-a-river-song/

Þessi útgáfa af laginu er ekki sú algengasta en í henni er notast við viðlag sem ekki er til staðar í algengari útgáfum, eins og heyra má t.d. hér:

http://www.youtube.com/watch?v=YOORBVwQ6lA
Færsluhöfundur gerði nýlega íslenskan texta við þennan sálm, þ.e. þá útgáfu hans þar sem viðlag er sungið og kemur hann hér á eftir:

Öll færslan - smellið hér til að lesa alla færsluna »

13.08.09

  11:37:55, Skrásetjari: Ragnar Geir Brynjólfsson   , 382 orð  
Flokkur: Melkorka Mjöll Kristinsdóttir

Upplýst val og ættleiðing

Eftirfarandi pistill eftir Melkorku Mjöll Kristinsdóttur birtist í Mbl. sunnud. 9. ágúst og er endurbirtur hér með leyfi höfundar.

ÍSLENSK ættleiðing hjálpar tilvonandi foreldrum að finna barn sem þarf á þeim að halda. Þetta eru börn frá Kína, Indlandi og fleiri löndum. Það er sjaldgæft en kemur samt fyrir að íslenskt ungbarn er ættleitt á sama hátt og börn sem koma erlendis frá. Barnavernd sér um að koma íslensku börnunum til ættleiðingarforeldra.

Öll færslan - smellið hér til að lesa alla færsluna »

05.08.09

  21:15:48, Skrásetjari: Ragnar Geir Brynjólfsson   , 218 orð  
Flokkur: Páfinn, Erlendar fréttir úr heimi kirkjunnar

Benedikt páfi: Gegn „alræði afstæðishyggjunnar“

Asianews.is - Castel Gandolfo. Benedikt páfi flutti hið fyrsta almenna ávarp sitt frá sumaraðsetri sínu í Castel Gandolfo í dag. Hann minntist þess að 150 ár eru liðin frá dauða verndardýrlings sóknarpresta hl. Jean Marie Vianney sem gjarnan er nefndur sóknarpresturinn í Ars (Cure d'Ars).

Páfi sagði að sóknarpresturinn í Ars hefði barist gegn „alræði skynsemishyggjunnar“. Í dag berðust prestar gegn „alræði afstæðishyggjunnar“ Hvorki skynsemishyggja né afstæðishyggja duga til að seðja þorsta mannsins eftir sannleika. Árangur sóknarprestsins í Ars byggðist á vináttu hans við Krist.

Öll færslan - smellið hér til að lesa alla færsluna »

02.08.09

  21:29:00, Skrásetjari: Ragnar Geir Brynjólfsson   , 236 orð  
Flokkur: Trúarleg tónlist og textar

Nýr íslenskur texti við „Hallelujah“ eftir Leonard Cohen

Hér á eftir kemur nýr íslenskur texti eftir færsluhöfund við lagið Hallelujah eftir kanadíska söngvaskáldið Leonard Cohen. Lagið er fallegt, tilfinningaþrungið en þó einfalt eins og sum önnur laga Cohen en enski frumtextinn hentar ekki til kirkjusöngs. Þessi eftirfarandi texti byggir því að litlu leyti á upprunalegum texta söngvaskáldsins en er ætlaður til þess að nota þegar lagið er flutt á trúarlegum samkomum.

Öll færslan - smellið hér til að lesa alla færsluna »

26.07.09

  13:37:12, Skrásetjari: Jon Valur Jensson   , 739 orð  
Flokkur: Kirkjusaga, íslenzk, Úr lífi og starfi kirkjunnar, Kaþólskir Íslendingar

Séra Halldór S. Gröndal er látinn

Halldór S. Gröndal

Sárt er að sjá eftir þeim góða manni, Halldóri Gröndal, sem var lifandi í trúnni og gaf sig allur henni á vald. Mikill öðlingur var hann og reisn yfir honum, og í hópi presta var hann sannur hugsjónarmaður. Sr. Halldór varð bráðkvaddur á heimili sínu að morgni fimmtudags 23. þessa mánaðar.

Sá, sem þetta ritar, kynntist honum fyrst sem Þjóðkirkjupresti, en betur sem kaþólskum bróður í trúnni, eftir að hann hafði snúið sér til móðurkirkjunnar og var í því efni jafnheill og í fyrra afturhvarfi sínu til Guðs. Hann hafði ungur gengið námsbraut verzlunarmanns,

Öll færslan - smellið hér til að lesa alla færsluna »

25.07.09

  23:34:26, Skrásetjari: Ragnar Geir Brynjólfsson   , 141 orð  
Flokkur: Erlendar fréttir úr heimi kirkjunnar

England og Wales: Kaþólskar kirkjur taka upp varnir gegn svínaflensu

ICN - London. Kaþólsk biskupsdæmi í Englandi og Wales hafa tekið upp ráðstafanir til að koma í veg fyrir flensusmit í messum. Þegar friðarkveðjan er gefin eru safnaðarmeðlimir beðnir um að spenna greipar líkt og í bæn, snúa sér að nærstöddum, hneigja sig lítillega og segja „friður sé með þér“. Þetta er gert í stað þess að heilsast með handabandi.

Altarissakramentinu er útbýtt í útrétta hönd en ekki á tungu eða frá kaleik. Sakramentisþjónar eru beðnir um að þvo sér með sótthreinsandi efni fyrir og eftir útdeilingu sakramentisins.

Reglur Westminster biskupsdæmis má sjá hér: www.rcdow.org.uk/diocese/default.asp?library_ref=4&content_ref=2424

Frétt ICN er að finna hér: http://www.indcatholicnews.com/news.php?viewStory=14660

  23:12:27, Skrásetjari: Ragnar Geir Brynjólfsson   , 105 orð  
Flokkur: Erlendar fréttir úr heimi kirkjunnar

Norður Kórea: Kona tekin af lífi fyrir að dreifa biblíum

Seoul - Asianews.it. Stjórnvöld í Norður-Kóreu létu nýlega taka konu af lífi fyrir að dreifa biblíum og að vera njósnari Suður-Kóreu. Foreldrar hennar, eiginmaður og börn voru sett í fangabúðir fyrir pólitíska fanga. Norður-Kórea hefur lýst yfir „Stríði gegn trúarbrögðum.“ Þótt dauðarefsingum fari fækkandi í Norður-Kóreu er þeim enn beitt í nokkrum mæli fyrir brot allt frá morðum og til þess að hafa dreift erlendum kvikmyndum.

Sjá hér: http://new.asianews.it/index.php?l=en&art=15880

  23:05:37, Skrásetjari: Ragnar Geir Brynjólfsson   , 95 orð  
Flokkur: Páfinn

Án Guðs veit samfélagið ekki hvert á að stefna

Páfagarði - Asianews.it. Páfi hélt ræðu við síðdegisbænir í dómkirkjunni í Aosta á Norður-Ítalíu, skammt frá þar sem hann dvelst í sumarbústað sínum og sagði við það tækifæri að Guð sýndi ekki hinn raunverulega styrk sinn í peningum eða hernaðarmætti heldur í miskunn og fyrirgefningu. „Guð er nálægt manninum og getur þjáðst með honum og þannig beint straumi góðmennsku inn í hafsjó illskunnar í heiminum.“

Sjá hér: http://new.asianews.it/index.php?l=en&art=15878

06.07.09

  18:58:16, Skrásetjari: Ragnar Geir Brynjólfsson   , 256 orð  
Flokkur: Erlendar fréttir úr heimi kirkjunnar

Sprengjutilræði við kaþólska kirkju á Filippseyjum

Asianews.it - Filippseyjum. Sprengja sprakk við matvöruverslun fyrir utan Dómkirkju hins flekklausa getnaðar, rómversk-kaþólska basilíku á suðurhluta Filippseyja í gærmorgun. 5 létust og 45 særðust. Kirkjan er í borginni Cotabato sem er höfuðborg sjálfsstjórnarsvæðis múslima á Mindanao, næst stærstu eyju Filippseyja. Á síðasta ári sauð uppúr á þessu svæði vegna aukinna krafna herskárra múslima sem vilja sjálfstæði svæðisins frá Filippseyjum. Um það má lesa hér.

Öll færslan - smellið hér til að lesa alla færsluna »

  18:00:35, Skrásetjari: Ragnar Geir Brynjólfsson   , 161 orð  
Flokkur: Páfinn, Erlendar fréttir úr heimi kirkjunnar

Merkar fornleifarannsóknir framkvæmdar á steinkistu Páls postula

Asianews.it - Páfagarði. Nýlega var greint frá niðurstöðum fornleifarannsókna á steinkistu sem kennd er við Pál postula og sem varðveitt er í Basilikunni sem kennd er við hann í Rómaborg. Tekin voru sýni og við rannsókn þeirra fundust leifar af fjólubláu klæði með gyllingu og einnig fundust leifar af reykelsi. Skv. kolefnisgreiningu eru leifarnar frá 1.-2. öld eftir Krist.

Benedikt XVI páfi sagði þegar greint var frá niðurstöðunum að rannsóknirnar „virðast staðfesta þá arfsögn að í kistunni séu jarðneskar leifar Páls postula. Allt þetta“, hélt páfi áfram, „fyllir sálir okkar djúpri tilfinningu“.

Öll færslan - smellið hér til að lesa alla færsluna »

28.06.09

  20:14:36, Skrásetjari: Ragnar Geir Brynjólfsson   , 68 orð  
Flokkur: Umhverfismál, Erlendar fréttir úr heimi kirkjunnar

Kristnir og múslimar sameinast í umhverfisvernd

Asianews - Faisalabad. Kristnir og múslimar hafa sameinast í umhverfisvernd. Biskuparáðið gefur út græna stefnu sem opin er öllum trúuðum. Blaðamenn múslima kalla framtakið „jákvætt skref“. Kaþólskur prestur segir að umhyggja fyrir umhverfinu sé verkefni sem Guð úthlutar sérhverjum manni.

Sjá nánar hér: http://www.asianews.it/index.php?l=en&art=15630&size=A

26.06.09

  17:04:14, Skrásetjari: Ragnar Geir Brynjólfsson   , 46 orð  
Flokkur: Erlendar fréttir úr heimi kirkjunnar

Kaþólskar fjölskyldur á Filippseyjum hittast og lesa biblíuna

Fjölskyldur í Manila hittast um hverja helgi til að lesa biblíuna saman
Asianews greinir frá því að hundrað kaþólskar fjölskyldur á í Manila erkibiskupsdæmi hittist hverja helgi til að lesa biblíuna saman. Markmiðið er að styrkja trúna og miðla henni til barnanna.

Tengill: http://new.asianews.it/index.php?l=en&art=15620

01.06.09

  11:36:18, Skrásetjari: Ragnar Geir Brynjólfsson   , 317 orð  
Flokkur: Stjórnmálarýni, Þjóðfélagsrýni, Trúin og menningin

Annar í hvítasunnu - sjálfsagður frídagur?

Í dag er annar í hvítasunnu og munu margir eflaust njóta dagsins og frísins því það viðrar vel hér á Suðurlandi. Líklega mun þó ekki vera fjölmennt í messum þó svo upprunalegur tilgangur með þessum helgidegi hafi verið sá að gefa fólki tækifæri til að sækja helgihald. Margir hafa líka eflaust sótt kirkju í gær og þannig uppfyllt messuskyldu sína á þessari kirkjuhátíð.

Öll færslan - smellið hér til að lesa alla færsluna »

24.05.09

  08:57:18, Skrásetjari: Jón Rafn Jóhannsson, 316 orð  
Flokkur: Hugleiðingar

Hollur undirbúningur fyrir hvítasunnuna – John Henry Newman, kardínáli (1801-1890):„Að rísa upp með Kristi.“

Þeir eru ekki af heiminum, eins og ég er ekki af heiminum“

Hefjið nú þennan heilaga páskatíma og rísið upp með Kristi. Sjáið, hann býður ykkur framrétta hönd sína. Hann er að rísa upp, rísið upp með honum. Rísið upp úr gröf hins gamla Adams frá lítilsigldum áhugamálum og öfund; frá afbrýðisemi og önuglyndi jarðneskra markmiða; frá þrældómsoki vanans; frá ringulreið ástríðnanna, frá tálsýnum holdsins, frá ísköldum yfirvegunum anda heimsins; frá léttúð; frá eigingirni; frá hégómaskap; frá sjálfshyggju; frá kveifarskap; frá sjálfsblekkingu og dramblæti. Héðan í frá skuluð þið leggja rækt við það sem er svo miklum erfiðleikum háð, en ætti ekki að vera svo og má ekki láta ógjört: Að vaka, biðja og íhuga . . .

Sýnið fram á að hjarta ykkar og þrár, að líf ykkar sé með Guði. Takið frá tíma á hverjum degi til að leita að honum . . . Ég er ekki að hvetja ykkur til að hverfa úr heiminum eða snúa baki við skyldustörfum ykkar í heiminum, heldur að endurleysa tímann. Ekki að verja tíma ykkur einungis til að gleðjast eða til félagslífsins, en einungis að gefa Kristi örfáar mínútur. Ekki einungis að ákalla hann þegar þið eruð þreytt og megnið ekki að gera neitt nema að sofa. Látið alls ekki undir höfuð leggjast að vegsama hann eða að biðja fyrir heiminum og kirkjunni í ríkum mæli til að gera ykkur merkingu textans ljósa af einlægni, að keppa eftir því, „sem er hið efra“ og bera því vitni að hjarta ykkar er risið upp með honum og „líf yðar er fólgið með Kristi í Guði“ (Kol 3. 1-3).

1 ... 4 5 6 ...7 ... 9 ...11 ...12 13 14 ... 46

Síðustu pistlar

Kirkju.net er óháð vefrit sem inniheldur aðallega efni tengt kaþólskri trú en einnig um trúmál almennt. Markmiðið er að miðla fróðleik og stuðla að skoðanaskiptum og umræðu innan kaþólsku kirkjunnar á Íslandi sem og að kynna kaþólsku kirkjuna fyrir þeim sem utan hennar eru. Aðalsíða vefritsins sækir pistla inn á bloggsíður og skrifa höfundar hvers bloggs pistla sem hafa kaþólskt eða annað trúarlegt efni sem meginþema. Skoðanir settar fram í pistlunum eru höfundanna sjálfra og ber ekki að túlka þær sem skoðanir trúfélaga eða annarra bloggara. Höfundar bera ábyrgð á efni sem þeir birta á sínu bloggi. Athugasemdir við pistlana eiga að vera á íslensku, málefnalegar og fullt nafn höfundar á að koma fram. Athugasemdum er ritstýrt af höfundi hvers bloggs fyrir sig. Gestapennar innan eða utan kaþólsku kirkjunnar eru einnig velkomnir að senda inn greinar sem eru birtar undir „Ýmsir höfundar.“

Leit

Flokkur

Sr. Denis O'Leary

Kirkjuvefbók Ragnars

Jón Valur Jensson

Ýmsir höfundar

Jón Rafn Jóhannsson

Kirkju.net


Fatal error: Uncaught Error: Call to a member function flag() on boolean in /home/n982112/public_html/inc/widgets/widgets/_item_info_line.widget.php:215 Stack trace: #0 /home/n982112/public_html/inc/widgets/model/_widget.class.php(629): item_info_line_Widget->display(Array) #1 /home/n982112/public_html/inc/skins/model/_skin.class.php(315): ComponentWidget->display_with_cache(Array, Array) #2 /home/n982112/public_html/inc/skins/_skin.funcs.php(2411): Skin->container('Sidebar', Array) #3 /home/n982112/public_html/skins/custom_skin/index.main.php(240): skin_container('Sidebar', Array) #4 /home/n982112/public_html/inc/_blog_main.inc.php(890): require('/home/n982112/p...') #5 /home/n982112/public_html/index.php(67): require('/home/n982112/p...') #6 {main} thrown in /home/n982112/public_html/inc/widgets/widgets/_item_info_line.widget.php on line 215