Pages: 1 ... 3 4 5 ...6 ... 8 ...10 ...11 12 13 ... 45

02/15/10

  20:56:18, Skrsetjari: Ragnar Geir Brynjólfsson   , 289 or  
Flokkur: Kirkjuárið, Fastan

Fastan hefst á öskudag

Systir Catharina Broomé skrifar í bók sinni Kaþólskur siður [1]:
„Jesús hvatti okkur til að fasta, gefa ölmusu og biðja og sjálfur fastaði hann fjörutíu daga í eyðimörkinni, eins og aðrir helgir menn í Biblíunni. Fjörutíu daga fasta kirkjunnar hefst á öskudegi og stendur yfir til páska. Biskupinn tilkynnir fólkinu reglurnar um föstutímann en þegar á heildina er litið er hverjum manni í sjálfsvald sett hvernig hann innir föstuna af hendi.

ll frslan - smelli hr til a lesa alla frsluna »

01/23/10

  01:32:44, Skrsetjari: Jon Valur Jensson   , 220 or  
Flokkur: Bænamál, Úr lífi og starfi kirkjunnar, Messu- og tíðasöngur

Te Deum – við þetta er gott að hvíla huga sinn og styrkjast

Thomas Tallis (c.1505–1585) hefur skilið eftir sig undursamlega hymna og messusöngslög. Á því myndbandi, sem hér fylgir, fer saman hágæða-kórsöngur og fallegar Kristsmyndir. Því miður vantar hér upplýsingar um það, hver kórinn er, en hann veldur ykkur ekki vonbrigðum! Þetta er gott efni til að dvelja við fyrir svefninn eða í kyrrð morgunsins.

ll frslan - smelli hr til a lesa alla frsluna »

01/01/10

  22:56:13, Skrsetjari: Ragnar Geir Brynjólfsson   , 105 or  
Flokkur: Trúarleg tónlist og textar

Gaudete, gaudete! Christus est natus

Morgunblaðið greindi frá því á gamlársdag að Tim Hart, stofnandi bresku þjóðlagarokksveitarinnar Steeleye Span hafi látist 61 árs að aldri. Þess er getið hér því annað af tveim vinsælustu lögum þeirrar sveitar var latneski jólasálmurinn Gaudete. Gaudate birtist í Piae Cantiones, safni finnskra og sænskra sönglaga sem gefið var út 1582. Smáskífa með flutningi sveitarinnar á Gaudete náði 14. sæti á breska smáskífulistanum árið 1973.

ll frslan - smelli hr til a lesa alla frsluna »

12/30/09

  09:17:44, Skrsetjari: Ragnar Geir Brynjólfsson   , 410 or  
Flokkur: Trúarleg tónlist og textar

Gloria eftir Vivaldi

Ítalska tónskáldið Antonio Vivaldi (1678 – 1741) er líklega einna best þekktur fyrir verk sitt Árstíðirnar. Hann samdi einnig kirkjutónlist enda hafði hann tekið prestvígslu þó svo hann starfaði sem tónlistarkennari. Eitt þekktasta verk hans á því sviði er líklega verkið Gloria.

ll frslan - smelli hr til a lesa alla frsluna »

12/28/09

  08:36:39, Skrsetjari: Jón Rafn Jóhannsson, 950 or  
Flokkur: Bænalífið

Hin heilaga fjölskylda og hreinleiki hjartans

Sjá meðfylgjandi mynd

Endurbirtur pistill sem birtist upprunalega 28.11.2007.

Svo er sagt að þegar hin heilaga fjölskylda var á leið til Egyptalands á flótta undan heiftaræði Heródesar hafi ræningi nokkur sem var víðkunnur af illvirkjum sínum og níðingsverkum heft för þeirra. En þegar hann sá barnið í faðmi Guðsmóðurinnar sagði hann: „Jafnvel þó að sjálfur Guð væri hér á ferð væri hann ekki fegurri en þetta barn!“ Og hann lét þau fara í friði. Undarlegt er til þess að hugsa að þessi miskunnarlausi ræningi lét hrífast af fegurð barnsins á sama tíma sem valdstjórnarmenn leituðust við að fyrirkoma því.

ll frslan - smelli hr til a lesa alla frsluna »

12/24/09

  20:16:19, Skrsetjari: Ragnar Geir Brynjólfsson   , 1215 or  
Flokkur: Dulhyggja, Jólin, Opinberanir

„Í hellinum í Betlehem“

Frásögn sjáandans hinnar blessuðu Anna Katharina Emmerick (1774-1824). Þetta er endurbirtur pistill sem birtist áður hér á vefsetrinu 21.12. 2006

„Sólin var næstum hnigin til viðar þegar þau komu að opi hellisins. Asnamerin unga sem hafði hlaupið frá þeim við hús forfeðra Jósefs var komin þangað og hoppaði glaðlega í kringum þau. 'Sjáðu,' sagði hin blessaða meyja við Jósef, 'það er greinilega Guðs vilji að við förum hérna inn'. Jósef var aftur á móti mjög miður sín og á laun skammaðist hann sín fyrir að hafa talað svo oft um hinar góðu móttökur í Betlehem.

ll frslan - smelli hr til a lesa alla frsluna »

  11:41:01, Skrsetjari: Ragnar Geir Brynjólfsson   , 987 or  
Flokkur: Sr. Þórhallur Heimisson

Allt um Ágústus keisara - eða Júlíus Sesar Oktavíanus

Eftirfarandi pistill eftir sr. Þórhall Heimisson birtist áður á bloggsíðu hans og er hann endurbirtur hér með leyfi höfundarins.

Og þá er það annar frægur úr jólaguðspjallinu – Ágústus keisari en, í gær tók ég fyrir Heródes mikla. Hver var eiginlega þessi Ágústus sem mánuðurinn ágúst er nefndur eftir og er fyrstur allra nefndur til sögunnar í guðspjalli Lúkasar, jólaguðspjallinu?

Árið 45 fyrir Krists burð hafði Júlíus Sesar sigrast á öllum óvinum sínum innan og utan Rómaveldis. Hann lét kjósa sig konsúl til lífstíðar og harðstjóra og hélt þannig við lýði þeim fornu stofnunum rómverska lýðveldisins sem hann þó fyrirleit umfram aðra menn. Hann var ókrýndur konungur ríkisins og lagði á þeim stutta tíma sem hann átti eftir ólifaðan grunninn að rómverska heimsveldinu, IMPERIUM ROMANUM.

ll frslan - smelli hr til a lesa alla frsluna »

12/20/09

Séra Jón Habets – á 15. ártíð hans

Uppteknum hætti heldur undirritaður með því að vilja minnast hér genginna kaþólskra kennimanna. Hér er endurbirt nánast óbreytt 15 ára minningargrein um einn merkilegra manna í presta röð, erlendan mann, Jan Habets, sem varð þó svo inngróinn umhverfi sínu í Stykkishólmi og þátttakandi í andlegu lífi Íslendinga, að það var ekkert eðlilegra en að tala um hann sem séra Jón Habets, eins og hann kallaði sjálfan sig í greinarskrifum. En því er þessi grein birt nú, svo skömmu fyrir jól, að þessi fjórði sunnudagur í aðventu er ártíðardagur hans.

ll frslan - smelli hr til a lesa alla frsluna »

12/18/09

  21:27:04, Skrsetjari: Ragnar Geir Brynjólfsson   , 1152 or  
Flokkur: Sr. Þórhallur Heimisson

Í borg hinna dauðu

Eftirfarandi pistill eftir séra Þórhall Heimisson birtist á bloggi hans 14.12. sl. og er hann endurbirtur hér með leyfi höfundarins.

Nú eru slétt þrjú ár síðan ég heimsótti borg hinna dauðu undir Vatikaninu í Rómaborg ásamt hópi af íslenskum ferðalöngum.

Frá því skömmu fyrir síðari heimsstyrjöldina hafa staðið yfir fornleifarannsóknir á grunninum undir Péturskirkjunni sem er höfuðkirkja Vatikansins og einn mesti pílagrímastaður rómversk-kaþólsku kirkjunnar. Sú Péturskirkja sem nú stendur var vígð árið 1626. Hún er reist á grunni eldri kirkju frá tímum Konstantínusar keisara á 4. öld, en kirkja Konstantínusar var aftur byggð á fornum grafreit og helgistað.

ll frslan - smelli hr til a lesa alla frsluna »

12/17/09

  00:30:09, Skrsetjari: Jon Valur Jensson   , 766 or  
Flokkur: Kirkjusaga, íslenzk, Úr lífi og starfi kirkjunnar, Kristindómur og menning, Kaþólskir Íslendingar

Kaþólsk kirkja í Árbæjarsafni?

Það er yndislegt að koma í Árbæjarsafn og sjá þá miklu uppbyggingu sem þar hefur átt sér stað, í miklum fjölda margvíslegra safnhúsa. Síðastliðinn sunnudag var þar mikil gestakoma, og sjálfur komst pistilshöfundur í guðsþjónustu í fornri sóknarkirkjunni, rétt við pílárana hjá Flóaprestinum Kristni Ágústi Friðfinnssyni, sem þar hefur séð um helgiþjónustu á aðventunni. 

En er þar kaþólsk kirkja að auki? Ekki fyllilega, því að afhelguð var hún formlega, og þó er nánd hennar þar sterkari en þegar sama hús stóð við Túngötu fyrir um aldarfjórðungi. Nú fer lesandinn að renna grun í, hvað skrifarinn er að fara. Já, það er íþróttahús ÍR, sem flutt var upp í Árbæ, en það var upphaflega kaþólsk kirkja ...

ll frslan - smelli hr til a lesa alla frsluna »

12/11/09

Páfinn hneykslast að vonum á barnaníðingshætti prestahóps á Írlandi

Frá því var sagt á BBC World Service í fréttatíma um hádegið, að Benedikt páfi 16. deili með írsku þjóðinni hneykslun og skömm vegna kynferðislegrar misneytingar 45 presta gegn börnum, en sumir þeirra hafa ástundað þetta áratugum saman og erkibiskupar þeirra ekki brugðizt við með réttum hætti, heldur í misráðinni tilraun til að hlífa kirkjunni við umtali og smán breitt yfir þessi alvarlegu sakamál. Á meðan gátu viðkomandi brotamenn haldið áfram mannskemmandi athæfi sínu í þeim nýju sóknum sem þeir voru sendir til.

Fjöldi hinna kærðu presta nemur rétt tæpu 1% miðað við fjölda kaþólskra presta í írska lýðveldinu á árinu 2008 (4.752), en mikil fækkun hefur átt sér stað á prestsvígslum á seinni árum, meðalaldur í stéttinni er 61 ár, og búizt er við enn meiri fækkun þar á næstu áratugum, allt niður í 1.500 árið 2028.

Hér er ýtarlegar sagt frá hneykslismálinu á vef BBC: Pope shares Irish 'abuse outrage'. Þá er ennfremur frásögn af þessu á fréttavef kirkjunnar í Róm (zenit.org): Pope to Write Letter to Irish on Abuse Scandal (allar fréttir og viðtöl á Zenit eru á ensku, frönsku, þýzku, spænsku, portúgölsku og ítölsku).

ll frslan - smelli hr til a lesa alla frsluna »

11/21/09

  20:51:56, Skrsetjari: Ragnar Geir Brynjólfsson   , 105 or  
Flokkur: Páfinn

„Tónlistin getur orðið að bæn“

Kaþólska kirkjublaðið greinir frá því að Benedikt páfi XVI hafi sagt að tónlistin væri tungumál sem stuðlaði að betri skilningi og samvinnu manna á meðal.

„Tónlistin er hluti menningarinnar og við getum sagt að hún sé fylgifiskur sérhverrar mannlegrar reynslu, frá sársauka til ánægju, frá hatri til ástar, frá sorg til gleði, frá dauða til lífs.“ [1]

„..upphafin tónlist veitir andanum hvíld, kveikir sannar kenndir og laðar okkur á eðlilegan hátt til að lyfta huga og hjarta í hæðir til Guðs við sérhverjar aðstæður mannlegrar tilveru, hvort heldur í gleði eða sorg. Tónlistin getur orðið að bæn.“ [2]

--
[1-2] Tilvitnanir í Páfa. Heimild: Kaþólska kirkjublaðið, 19. árg. 12. tbl. bls. 3

11/19/09

  20:39:18, Skrsetjari: Ragnar Geir Brynjólfsson   , 100 or  
Flokkur: Kaþólska kirkjan á Íslandi, Jólafasta (aðventa), Trúarleg tónlist og textar

Aðventutónleikar í dómkirkju Krists konungs

Aðventutónleikar verða í dómkirkju Krists konungs í Landakoti 6. desember í samstarfi kórs Kristskirkju og gamla Skálholtskórsins. Tónleikarnir hefjast kl. 14.

Stjórnandi er Hilmar Örn Agnarsson. Strengjasveit leikur undir stjórn Hjörleifs Valssonar. Einsöngvarar eru Sigrún Hjálmtýsdóttir, Egill Ólafsson og Sigurlaug S. Knudsen. Flutt verða trúarleg verk og jólalög. Aðgangseyrir er 2500 kr. Miðar verða seldir á midi.is.

Á tónleikunum verður frumflutt nýtt lag eftir Atla Heimi Sveinsson sem er sérstaklega samið fyrir hinn sameinaða kór Kristskirkju og Skálholtskórinn. Ef eftirspurn verður umfram sætaframboð í kirkjunni verða haldnir aukatónleikar kl. 20 sama dag, 6. desember.

Heimildir: Kaþólska kirkjublaðið 19. árg, nr. 12 bls. 4. Sunnlenska fréttablaðið 19. árg. 46. tbl. bls. 13.

11/18/09

  21:53:37, Skrsetjari: Ragnar Geir Brynjólfsson   , 277 or  
Flokkur: Erlendar fréttir úr heimi kirkjunnar

Filippseyjar: Áform um niðurrif fátækrahverfa

Asianews greinir frá því að stjórnvöld á Filippseyjum áformi að rífa fátækrahverfi í úthverfum Manila vegna flóðahættu.

Áætlað er að um 400 þúsund manns missi heimili sín. Rosales kardínáli sem jafnframt er erkibiskup í Manila gagnrýnir að ekki skuli hugsað fyrir atvinnu- og húsnæðisþörfum fólksins áður en hús þeirra eru rifin. Hann segir ástæðu flóðanna vera óábyrgt skógarhögg, námavinnslu, lélegt skipulag sorphirðu, slæma skipulagningu borgarinnar og úthverfa hennar.

ll frslan - smelli hr til a lesa alla frsluna »

  21:21:38, Skrsetjari: Ragnar Geir Brynjólfsson   , 81 or  
Flokkur: Erlendar fréttir úr heimi kirkjunnar

Indland: Norræn sendinefnd rannsakar ofsóknir gegn kristnum

Asianews greinir frá því að norræn sendinefnd skipuð sendifulltrúum frá Danmörku, Finnlandi, Íslandi, Noregi og Svíþjóð hafi farið til Orissa á Indlandi og kannað ástand mála en nú er meira en ár liðið frá því ofbeldisalda gegn kristnum braust út í héraðinu.

Greint er frá því að sendinefndin hafi rætt í trúnaði við fólk sem upplifði ofbeldið. Mgr Raphael Cheenath, erkibiskup í Bhubaneswar-Cuttack, sagði að fulltrúarnir hafi lýst áhyggjum yfir ástandinu en ekki viljað gefa út neinar yfirlýsingar.

Norræna sendinefndin

Heimild: Asianews.it: http://new.asianews.it/index.php?l=en&art=16886

11/17/09

  22:18:24, Skrsetjari: Ragnar Geir Brynjólfsson   , 121 or  
Flokkur: Trúarleg tónlist og textar, Trúin og menningin

Oratoría um hl. Sesselju frumflutt í Hallgrímskirkju

Oratoría um hl. Sesselju verður frumflutt í Hallgrímskirkju nk. sunnudag 22. nóvember og hefst flutningurinn kl. 16. Textinn er eftir Thor Vilhjálmsson. Tónlistin er eftir Hafliða Másson.

Það er Mótettukór Hallgrímskirkju og hljómsveit sem mun flytja verkið ásamt einsöngvurunum Þóru Einarsdóttur sópran, Braga Bergþórssyni tenór, Ágústi Ólafssyni barítón og Bjarna Thor Kristinssyni bassa. Stjórnandi er Hörður Áskelsson.

Gunnþór Þ. Ingason hefur ritað pistil um verkið á trú.is og þar segir m.a. „Helgisagan um Cecilíu á sér fornan uppruna sunnan úr löndum, en í hrífandi texta Thors með miðaldahljómi verður hún virk á ný og ber með sér heilnæm áhrif að utan og frá fyrri tíð og kynslóðum hér á landi sem virtu helgi Cecilíu sem endurspeglun anda og náðar Guðs.“

Heimild Trú.is: http://www.tru.is/pistlar/2009/11/um-heilaga-sesselju

11/15/09

  22:32:40, Skrsetjari: Ragnar Geir Brynjólfsson   , 402 or  
Flokkur: Þjóðfélagsrýni

Guðlastsákvæði íslenskra laga þarf að afnema sem fyrst

Í íslenskum lögum er að finna ákvæði sem bannar guðlast. Svipað ákvæði er í dönskum lögum en því var ekki beitt þegar ólgan varð í tengslum við Múhameðsteikninganar í Jyllandsposten. Að líkindum hefur tilvist þessa lagaákvæðis stuðlað að því að gera ástandið verra því sumum danskra múslíma hefur eflaust fundist að beita ætti ákvæðinu. Guðlastsákvæði íslenskra laga er því best að afnema og jafnframt tryggja tjáningarfrelsi í nýrri íslenskri stjórnarskrá.

Ef dönsk lög hefðu ekki verið með guðlastsákvæði á þessum tíma heldur ákvæði sem tryggði tjáningarfrelsi má gera ráð fyrir að lagaleg staða þeirra sem birtu myndirnar hefði verið sterkari. Í því ljósi hefðu danskir múslímar ekki átt neina kröfu um aðgerðir á vegum danska ríkisins, kröfu sem aldrei var komið til móts við og því var hægt að túlka aðgerðaleysi dönsku stjórnarinnar sem hindrun í vegi múslíma að ná fram rétti sínum.

ll frslan - smelli hr til a lesa alla frsluna »

11/12/09

  20:30:46, Skrsetjari: Ragnar Geir Brynjólfsson   , 118 or  
Flokkur: Erlendar fréttir úr heimi kirkjunnar

Texas: Forstöðukona hjá útibúi Planned Parenthood hættir

Catholic Online greinir frá því að stjórnandi útibús Planned Parenthood í Texas hafi sagt upp störfum eftir að hafa horft á sónarmynd af því þegar fóstur var deytt.

Forstöðukonan Abby Johnson hafði unnið hjá Planned Parenthood í átta ár og verið stjórnandi í tvö ár. Hún sagðist hafa byrjað að hafa efasemdir um starfsemi samtakanna í kjölfar þess að henni var sagt að reyna að fjölga fósturdeyðingum eftir að efnahagskreppan skall á. „Peningarnir voru ekki í fjölskylduáætlunum né forvörnum heldur í fósturdeyðingunum og ég var ekki sátt við það“ sagði Johnson.

Kristilegir hópar hafa undanfarin ár skipulagt 40 daga bænasamkomur í því skyni að draga úr fjölda fósturdeyðinga og hefur Johnson gengið til liðs við einn slíkan.

Heimild: http://www.catholic.org/national/national_story.php?id=34748

11/11/09

  01:24:18, Skrsetjari: Jon Valur Jensson   , 347 or  
Flokkur: Bænamál, Bækur

Guð, hvers vegna?

Bók eftir brezkan Jesúíta, Gerard W. Hughes, prest, kennara og rithöfund, er komin í prentun á vegum Skálholtsútgáfunnar. Bókin heitir Guð, hvers vegna? Þýðandinn er séra Vigfús Ingvar Ingvarsson á Egilsstöðum (en hann er einnig ritstjóri Kirkjuritsins). Má lesa sér til um höfundinn og verk hans hér á vefsetri hans, einnig hér. Sagt verður nánar frá bókinni síðar. Á meðan má vísa til þess, að hér er formáli hennar á ensku. Bókin fjallar um bænalífið, með leiðsögn um andlegar æfingar.

ll frslan - smelli hr til a lesa alla frsluna »

11/10/09

  21:07:32, Skrsetjari: Ragnar Geir Brynjólfsson   , 84 or  
Flokkur: Erlendar fréttir úr heimi kirkjunnar

Kanada: Biskup handtekinn vegna barnakláms

Catholic Online greinir frá því að Raymond Lahey biskup í Antigonish, Nova Scotia hafi sagt af sér embætti og gefið sig fram við lögreglu á fimmtudaginn var í kjölfar ákæru um vörslu barnakláms.

Það voru lögreglumenn á Ottawa flugvelli sem fundu myndirnar á fartölvu biskupsins og staðfestu rannsóknir lögreglunnar að um barnaklám var að ræða. Lahey biskup hafði áður komið að rannsóknum á ásökunum um meinta áreitni presta í biskupsdæminu. Antigonish biskupsdæmi telur liðlega 130 þúsund manns í 118 sóknum og trúboðsumdæmum.

Heimild Catholic Online: http://www.catholic.org/international/international_story.php?id=34555&wf=rsscol

11/01/09

  20:26:58, Skrsetjari: Ragnar Geir Brynjólfsson   , 462 or  
Flokkur: Kirkjuárið, Altarissakramentið, Kenning kirkjunnar

Þrengingin mikla - hreinsunareldurinn

Því er stundum haldið fram að kenning kaþólsku kirkjunnar um hreinsunareld eigi sér ekki grundvöll í heilagri ritningu. Í fyrri ritningarlestri dagsins í dag 1. nóvember eða allra sálna messu standa þó þessi orð í Opinberunarbókinni, 7. kafla versunum 9-16:

Eftir þetta sá ég, og sjá: Mikill múgur, sem enginn gat tölu á komið, af öllum þjóðum og kynkvíslum, lýðum og tungum, stóð frammi fyrir hásætinu og frammi fyrir lambinu, skrýddur hvítum skikkjum og hafði pálmagreinar í höndum. Og hann hrópaði hárri röddu: Hjálpræðið kemur frá Guði vorum, sem í hásætinu situr, og lambinu. Allir englarnir stóðu kringum hásætið og öldungana og verurnar fjórar. Og þeir féllu fram fyrir hásætinu á ásjónur sínar, tilbáðu Guð og sögðu:
Amen! Lofgjörðin og dýrðin,
viskan og þakkargjörðin,
heiðurinn og mátturinn og krafturinn
sé Guði vorum um aldir alda. Amen.
Einn af öldungunum tók þá til máls og sagði við mig: „Hverjir eru þessir menn sem skrýddir eru hvítum skikkjum og hvaðan eru þeir komnir?“ Og ég sagði við hann: „Herra minn, þú veist það.“ Hann sagði við mig: „Þetta eru þeir sem komnir eru úr þrengingunni miklu og hafa hvítþvegið skikkjur sínar í blóði lambsins. Þess vegna eru þeir frammi fyrir hásæti Guðs og þjóna honum dag og nótt í musteri hans og sá sem í hásætinu situr mun búa hjá þeim. Þá mun hvorki hungra né þyrsta framar og eigi mun heldur sól brenna þá né nokkur breyskja vinna þeim mein. Því að lambið, sem er fyrir miðju hásætinu, mun vera hirðir þeirra og leiða þá til vatnslinda lífsins. Og Guð mun þerra hvert tár af augum þeirra.“ [Leturbr. RGB]

ll frslan - smelli hr til a lesa alla frsluna »

10/31/09

Allir páfarnir í Róm frá upphafi

Hér er um fróðlegan lista að ræða sem nær yfir alla páfana frá upphafi. Má smella á hvert nafn til að fá æviskrá viðkomandi páfa á latínu, stutta eða langa eftir atvikum, með myndum o.fl. Í dálki þar til vinstri má finna vísanir á æviskrár á öðrum tungumálum, m.a. er sú spænska gjarnan ýtarlegri en ýmsar aðrar, en þær frönsku, ensku og þýzku einnig góðar um marga páfa.

Emblem of the Papacy.svg Papae Ecclesiae Catholicae

ll frslan - smelli hr til a lesa alla frsluna »

10/30/09

  22:23:49, Skrsetjari: Ragnar Geir Brynjólfsson   , 167 or  
Flokkur: Dulhyggja, Bænir

Um nafnið „Rósakrans“

„Með öllum þjóðum, sem þekktu rósina, var hún tákn ástar og kærleika. Krossfarar fluttu persneska skáldverkið 'Gulistan' með sér til Vesturlanda. Á öndverðri 13. öld varð ljóðið alþekkt meðal aðalsmanna í frönsku gerðinni 'Roman de la Rose'. Ljóðið lýsir ástinni á myndrænan hátt sem gönguför inn í fagran rósagarð.“

„Er almenn menntun hirðfólks jókst voru mansöngvar oft nefndir 'Rosarium' og hirðmeyjar gáfu riddurum sínum 'blómsveiga úr rósum'. Það er því ekki að undra þótt mansöngvum, sem ortir voru til heilagrar Guðsmóður, væri einnig gefið þetta nafn: Rosaria.

ll frslan - smelli hr til a lesa alla frsluna »

10/29/09

  21:37:14, Skrsetjari: Ragnar Geir Brynjólfsson   , 358 or  
Flokkur: Erlendar fréttir úr heimi kirkjunnar

Pakistan: Ungur kristinn maður ásakaður um guðlast deyr í varðhaldi

Rome (AsiaNews). Guðlastslög Pakistans kveða á um fangelsi eða dauða þeirra sem lasta kóraninn eða spámanninn Múhameð. Nýlega lést tvítugur kristinn maður í Punjab í varðhaldi ákærður um guðlast. Síðan 2001 er áætlað að um 50 kristnir hafi látið lífið vegna þessara laga. Fjölskyldum er sundrað og þorp eyðilögð. Bæði kristnir og hófsamir múslímar þrýsta á um afnám þessara laga.

Andmælendur laganna segja að þau ýti undir mismunun gegn minnihlutahópum og „lögleiði“ ofbeldi gegn þeim. 12. sept. síðastliðinn var 20 ára gamall Robert Fanish Masih frá þorpinu Jaithikey í Punjab fangelsaður vegna guðlastsákæru. Daginn áður hafði múgur ofstækismanna safnast utan um kirkju staðarins og kveikt í henni auk þess að ræna tvö nærliggjandi hús.

ll frslan - smelli hr til a lesa alla frsluna »

10/27/09

  22:03:48, Skrsetjari: Ragnar Geir Brynjólfsson   , 206 or  
Flokkur: Erlendar fréttir úr heimi kirkjunnar

Indland: Sex þúsund kristnir taka hindúatrú í fjöldaathöfn

Mumbai - (AsiaNews). Nýlega var haldin athöfn þar sem sex þúsund kristnir gengust undir hindúatrú við almenna athöfn sem róttækur hindúaleiðtogi Guru Swami Narendra Maharaj gekkst fyrir.

Margir hópar hindúa ásaka kristna menn um að þvinga fram trúskipti til kristni en engin slík mál hafa farið fyrir dómara. Slíkar ásakanir hafa aftur á móti verið notaðar til að réttlæta athafnir á borð við þessa og ofbeldi gagnvart kristnum. Í nokkrum fylkjum Indlands gilda lög sem mæla fyrir um að þegar trúskipti eigi sér stað þurfi þeir sem skipta um trú að gera yfirvöldum grein fyrir ástæðum þess sem og að sannfæra yfirvöld að ekki sé um þvinguð trúskipti að ræða.

Að sögn er þessum lögum framfylgt bókstaflega þegar um er að ræða trúskipti frá hindúisma til kristni en þegar ekki er um að ræða hindúa er lítið gert til að fara eftir lögunum eða yfirvöld gera ekkert til að framfylgja þeim.

Enn heldur svo ofbeldi áfram gegn kristnum. Á sunnudaginn var börðu nokkrir öfgamenn mótmælendaprest eftir messu með hokkíkylfum. Í Karnataka réðust ofstækismenn hindúa inn í messu mótmælendasöfnuðar. Klerkurinn var barinn, biblíur brenndar og hinum trúuðu ógnað.

Samkvæmt gögnum sem kristin samtök GCIC hafa safnað hafa hundruð slíkra tilfella verið skráð á þessu ári.

Heimild Asianews: http://new.asianews.it/index.php?l=en&art=16698

10/26/09

  22:42:12, Skrsetjari: Ragnar Geir Brynjólfsson   , 99 or  
Flokkur: Dulhyggja, Bænir

Kristin íhugun: Rósakransinn II. hluti

„Naumast finnst svo illa spilltur maður, að ekki verði á honum sjáanleg breyting ef hann biður Rosarium í eitt ár.“ Svo mælti príorinn í Karþúsaklaustrinu í Trier, Adolf von Essen er þangað leitaði vorið 1409 andlega og líkamlega magnþrota maður Dominkus von Preussen. það var Dominikus þessi sem endurbætti rósakransbænina og skrifaði niður ævi Jesú í fimmtíu setningum og hugleiddi við hvert Ave eitt atriði. Hér á eftir kemur annar hluti myndarinnar um rósakransinn sem kynnt var í síðustu bloggfærslu.

[youtube]KAstNjDzy1U[/youtube]

Úr bókinni Rósakransinn. Sr. Hjalti Þorkelsson tók saman. Útg. Kaþ. kirkjan á Íslandi 1978.

Sjá fyrsta hluta myndarinnar hér: [Tengill]

10/24/09

  22:25:15, Skrsetjari: Ragnar Geir Brynjólfsson   , 96 or  
Flokkur: Dulhyggja, Bænir

Rósakransinn: Kristin íhugun

„Ýmsar aðferðir íhugunar hafa komist í tísku á undanförnum árum. Óvíst er enn hversu góðan ávöxt sumar þeirra muni bera. Ein þekktasta aðferð kristinnar íhugunar er rósakransbæn. Blessun þá, sem hún getur fært, má ekki aðeins lesa af spjöldum sögunnar; hver sá sem iðkar hana getur vitnað um það af eigin reynslu.“

Svo ritar séra Hjalti Þorkelsson í inngangi að ritinu Rósakransinn sem kaþ. kirkjan á Íslandi tók saman og gaf út 1978.

Á Eftirfarandi YouTube tengli, hinum fyrsta af þrem, er fjallað um rósakransinn, guðfræðina sem býr að baki og svokallaða leyndardóma eða íhugunarefni hans: [youtube]Mxa8njqZkY0[/youtube]

10/23/09

  22:59:00, Skrsetjari: Ragnar Geir Brynjólfsson   , 268 or  
Flokkur: Erlendar fréttir úr heimi kirkjunnar

Indland: Stúlkum lofað heitorði til að koma í kring trúskiptum

AsiaNews - Nýju Delhi. Hæstiréttur Kerala hefur farið þess á leit að hafin verði rannsókn á því þegar stúlkum sem lofað er heitorði enda í höndum íslamskra samtaka þar sem reynt er að fá þær til trúskipta. Óttast er að tilfellin séu yfir 4 þúsund. Ungir menn fá í verðlaun 100 þúsund rúpíur (um 1400 evrur) ef trúskipti verða.

Tveir kvenstúdentar hafa lýst því fyrir dómara að þær hafi verið ginntar með loforðum um hjónaband og síðan haldið föngnum í miðstöð múslima. Þær segjast hafa verið þvingaðar til að horfa á myndefni og lesa bækur sem vegsömuðu trúarofstæki.

ll frslan - smelli hr til a lesa alla frsluna »

10/22/09

  21:14:22, Skrsetjari: Ragnar Geir Brynjólfsson   , 38 or  
Flokkur: Erlendar fréttir úr heimi kirkjunnar

Móðir Angelica stofnandi EWTN heiðruð af páfa

Benedikt XVI páfi sæmdi nýverið móður Angelicu stofnanda sjónvarpsstöðvarinnar EWTN heiðurskrossi páfa. Þetta er æðsti heiður sem páfi veitir leikmönnum eða meðlimum trúarreglna í þakklætisskyni fyrir störf þeirra.
Sjá nánar á eftirfarandi myndskeiði frá RomeReports (á ensku):
[youtube]DFRtOzeUVJs[/youtube]

10/21/09

  22:19:02, Skrsetjari: Ragnar Geir Brynjólfsson   , 65 or  
Flokkur: Erlendar fréttir úr heimi kirkjunnar

Páfi samþykkir nýjar reglur sem heimila anglíkönskum prestum að fá kaþólska vígslu

Asianews - Páfagarði. Benedikt páfi XVI hefur samþykkt reglur sem heimila giftum prestum anglíkönsku kirkjunnar að fá vígslu sem kaþólskir prestar.

Þetta gerir að verkum að prestar anglíkönsku kirkjunnar geta fengið vígslu sem kaþólskir prestar en fá að halda í hefðir sinna kirkjudeilda. Dæmi eru um að hópar anglíkana hafi gengið í kaþólsku kirkjuna svo sem Amritsar biskupsdæmi á Indlandi og sóknir í Bandaríkjunum.

Anglíkanskir prestar

RGB/AsiaNews. [Tengill]

  02:56:41, Skrsetjari: Jon Valur Jensson   , 71 or  
Flokkur: Fósturvernd, Siðferði og samfélag, Unborn children – abortion

11 vikna fóstur sem ekki var talið vert þess að lifa

11 vikna

Hér vantar sjálft höfuðið. En þetta er sannleikurinn, lesendur góðir.

Ætla menn nú að flýja í gjótur sínar og hellisskúta eigin réttlætingar til að forðast hina komandi reiði, eða vilja þeir takast á við sannleikann, herða sig upp til að gera iðrun síns fyrra tómlætis, koma fram í ljósið og gefa sig í fórnfúsa baráttu fyrir réttlátan heim og hjálpræði fyrir hina ófæddu?

ll frslan - smelli hr til a lesa alla frsluna »

10/19/09

  21:13:26, Skrsetjari: Ragnar Geir Brynjólfsson   , 163 or  
Flokkur: Erlendar fréttir úr heimi kirkjunnar

Pakistönsk börn biðja rósakransinn - heimsátak fyrir friði

Faisalabad (AsiaNews). „Dag hvern sjáum við myndir í sjónvarpinu af sprengjum og eyðileggingu. Við viljum ekki að það gerist aftur og því biðjum við rósakransinn.“ Svo mælir Sharoon 10 ára í Faisalabad biskupsdæmi í Pakistan.

Það er í þessum sama anda sem pakistönsk börn hafa tekið þátt í átakinu „milljón börn biðja rósakransinn“ en því var hrundið í framkvæmd í Venezuela og dagur þess var haldinn hátíðlegur í gær.

Forsvarsmenn framtaksins segja að heimurinn þarfnist friðar og einingar. Að biðja til guðs leiði til uppgötvunar á sannri trú og trú færi kærleika, kærleika í gagnkvæmri þjónustu sem sé uppspretta friðar.

Pakistönsk börn biðja rósakransinn

Pakistan er eins og kunnugt er vettvangur hernaðarátaka milli Talibana og stjórnarhersins í norðvestur hluta landsins sem og ofbeldis gagnvart minnihlutahópum, sem gjarnan er framfylgt í krafti guðlastslaganna. „Við erum hrædd“ segir Mariam 14 ára. „Við biðjum Maríu mey að sannfæra þá um að hætta að berjast. Það er frábært að biðja rósakransinn heima á kvöldin. Við sitjum og biðjum með foreldrum okkar.“

RGB/AsiaNews. [Tengill]

10/17/09

  23:05:17, Skrsetjari: Ragnar Geir Brynjólfsson   , 200 or  
Flokkur: Erlendar fréttir úr heimi kirkjunnar

Þekktur vísindamaður ver páfa

Þekktur vísindamaður á sviði eyðnirannsókna Edward C. Green frá Bandaríkjunum tók í mars sl. upp hanskann fyrir Benedikt XVI páfa eftir að hann hafði hvatt til ábyrgðarfullrar breytni í baráttunni við eyðni í Afríku.

Ef grein vísindamannsins er lesin sést að ástæða þess að verjur duga ekki til að hefta útbreiðslu eyðni í Afríku er sú að margt fólk hefur fleiri en einn rekkjunaut á sama tímabili. Helstu ráðin til að hefta útbreiðslu eyðni í Afríku að mati Green eru trúfesta í samböndum og að fólk takmarki fjölda rekkjunauta. Þessi ráð hafa dugað vel í Úganda og nýlega hafa Botswana og Swaziland tekið upp þessa stefnu.

Í viðtali við BBC sagði Green að þó að ekki væri sýnt fram á orsakasamband milli verjunotkunar og aukningar í fjölda HIV smita þá væru vísbendingar um að tengsl væru á milli hvatningar til verjunotkunar og áhættusamari kynhegðunar. Sjá grein Wikipediu um Edward C Green og grein í JAIDS sem vísað er á hér fyrir neðan.

[1] Grein Edward C. Green í The Washington Post: The Pope May Be Right.

[2] Grein Wikipediu um Edward C. Green.

[3] Grein í JAIDS, sem Edward C. Green byggir á.

Byggt á Kaþ. Kirkjubl. nr. 10-11, 2009, bls. 10. Wikipediu og JAIDS greininni.

  08:36:51, Skrsetjari: Ragnar Geir Brynjólfsson   , 35 or  
Flokkur: Kaþólska kirkjan á Íslandi

Fræðslufundir um kaþólska trú í Landakoti

Fræðslufundir fyrir þá sem vilja kynna sér kaþólska trú verða haldnir vikulega í vetur á þriðjudögum kl. 20.00 í safnaðarsal Kristskirkju, Hávallagötu 16 í Reykjavík.

Upplýsingar gefur sr. Jakob Rolland í síma 552 5388.

Heimild: Kaþólska kirkjublaðið nr. 10-11 2009 bls. 14.

10/14/09

Engin merki um aukinn mæðradauða í El Salvador vegna banns við fósturdeyðingum; og um vefinn Krist.blog.is

Samnefnd grein um þetta er nýbirt á Vísisvefnum. Á sama tíma og græskulítil heimspressan slær upp “niðurstöðum könnunar” hinnar hlutdrægu Guttmacher-stofnunar (AIG) um áhrif löggjafar á fjölda fósturdeyðinga, löglegra sem ólöglegra, í löndum heims, þá er viðeigandi að benda á staðreyndir um ýtarlega könnun á áhrifum banns við fósturdeyðingum í einu ríkja Mið-Ameríku, El Salvador. Raktar eru niðurstöður hennar skv. uppl. læknisins Rene Leiva í British Medical Journal, en framlag hans nefnist 'Illegal abortion in El Salvador: no evidence of increase maternal mortality'.
Í raun hefur mæðradauði minnkað í El Salvador ...

ll frslan - smelli hr til a lesa alla frsluna »

1 ... 3 4 5 ...6 ... 8 ...10 ...11 12 13 ... 45

Síðustu pistlar

Kirkju.net er óháð vefrit sem inniheldur aðallega efni tengt kaþólskri trú en einnig um trúmál almennt. Markmiðið er að miðla fróðleik og stuðla að skoðanaskiptum og umræðu innan kaþólsku kirkjunnar á Íslandi sem og að kynna kaþólsku kirkjuna fyrir þeim sem utan hennar eru. Aðalsíða vefritsins sækir pistla inn á bloggsíður og skrifa höfundar hvers bloggs pistla sem hafa kaþólskt eða annað trúarlegt efni sem meginþema. Skoðanir settar fram í pistlunum eru höfundanna sjálfra og ber ekki að túlka þær sem skoðanir trúfélaga eða annarra bloggara. Höfundar bera ábyrgð á efni sem þeir birta á sínu bloggi. Athugasemdir við pistlana eiga að vera á íslensku, málefnalegar og fullt nafn höfundar á að koma fram. Athugasemdum er ritstýrt af höfundi hvers bloggs fyrir sig. Gestapennar innan eða utan kaþólsku kirkjunnar eru einnig velkomnir að senda inn greinar sem eru birtar undir „Ýmsir höfundar.“

Search

Categories

Sr. Denis O'Leary

Kirkjuvefbók Ragnars

Jón Valur Jensson

Ýmsir höfundar

Jón Rafn Jóhannsson

Kirkju.net

  XML Feeds

blog engine