Blaðsíður: 1 2 3 ...4 ... 6 ...8 ...9 10 11 12 ... 46

01.05.11

  22:30:19, Skrásetjari: Jon Valur Jensson   , 256 orð  
Flokkur: Úr lífi og starfi kirkjunnar, Kirkjusaga nýaldar, alþjóðleg, Páfadæmið í Róm

Jóhannes Páll II páfi lýstur blessaður í morgunmessu í dag

See full size image

Hátíðarandi var ríkjandi í blíðskaparveðri í Rómaborg í dag, þegar því var lýst yfir, að pólski páfinn Jóhannes Páll 2., fæddur Karol Józef Wojtyła, væri kominn í tölu blessaðra. Péturstorgið í Vatíkaninu og allar nærliggjandi götur voru yfirfullar af pílagrímum, m.a. frá Póllandi. Meira en milljón manns tók þátt í gleðinni sem þarna ríkti, og heima í hverju kaþólsku landi var gerla fylgzt með atburðunum í sjónvarpi.

Öll færslan - smellið hér til að lesa alla færsluna »

25.04.11

  10:19:21, Skrásetjari: Ragnar Geir Brynjólfsson   , 260 orð  
Flokkur: Fjölmiðlarýni, Erlendar fréttir úr heimi kirkjunnar

Kaþólskan í fjölmiðlum fyrr og nú

Í sjónvarpsfréttum RÚV að kvöldi föstudagsins langa var landsmönnum greint frá því að „kaþólska kirkjan [væri] íhaldssöm stofnun og færi sér hægt að tileinka sér nýjungar á borð við sjónvarp“. [1].

Fréttamanninum og áheyrendum hans má í þessu sambandi benda á útvarpsstöð Páfagarðs sem stofnsett var 1931 og sett upp af Guglielmo Marconi upphafsmanni útvarpsins. Ágrip af sögu stöðvarinnar er að finna hér. Sú útvarpsstöð sendir í dag út á 45 tungumálum. Útvarpsstöð Páfagarðs er því aðeins einu ári yngri en elsti hluti RÚV er.

Öll færslan - smellið hér til að lesa alla færsluna »

23.04.11

  06:29:15, Skrásetjari: Ragnar Geir Brynjólfsson   , 105 orð  
Flokkur: Fjölmiðlarýni

EWTN sjónvarpsstöðin næst best á Eurobird 1 gervitunglinu

Áhorfendur kaþólsku sjónvarpsstöðvarinnar EWTN hér á landi hafa sumir hverjir eflaust tekið á móti útsendingum hennar frá HotBird 6 gervitunglinu. Gallinn við þær útsendingar er að styrkur þeirra er lítill hérlendis og eru veðuráhrif fljót að spilla móttökuskilyrðum. En EWTN hefur einnig hafið útsendingar í gegnum Eurobird 1 gervitunglið sem er á 28,5° austlægrar lengdar. Það er skammt frá Astra 2 tunglinu sem er á 28,2° og því hægt að nota sama disk fyrir báða hnettina. Merkið frá Eurobird 1 er sterkara en frá HotBird 6 og veðuráhrif hafa mun minna að segja.

--
Tæknilegar upplýsingar: Merkið frá Eurobird er á 12523 Mhz. Symbol Rate er 27500 og Polarity Horizontal.

Heimildir :
http://www.ewtn.co.uk/bysatellite.html
http://www.fjarskiptahandbokin.is

22.04.11

  10:37:37, Skrásetjari: Ragnar Geir Brynjólfsson   , 272 orð  
Flokkur: Kaþólska kirkjan á Íslandi, Dymbilvika og páskar

Helgihald föstudagsins langa - dags föstu og yfirbótar

Á föstudaginn langa er ekki lesin heilög messa í rómversk-kaþólskum kirkjum heldur er krossfórnar Jesú Krists minnst í sérstakri guðsþjónustu. Guðslíkamahúsið er haft opið og tómt til að minna á að þennan dag steig Jesús til heljar. Krossmörk eru hulin fjólubláu klæði og krossfórnarinnar er minnst með tilbeiðslu krossins. Líkami Krists er veittur hinum trúuðu í mynd brauðs sem helgað var áður.

Öll færslan - smellið hér til að lesa alla færsluna »

21.04.11

  16:31:44, Skrásetjari: Ragnar Geir Brynjólfsson   , 82 orð  
Flokkur: Kaþólska kirkjan á Íslandi, Dymbilvika og páskar

„Getið þið ekki beðið með mér eina stund?“

„Getið þið ekki beðið með mér eina stund?“ spurði Jesús lærisveinana í grasgarðinum að kvöldi hins fyrsta skírdags. Þessum orðum er beint enn í dag til fylgjenda hans og eru þau hvatning til að dvelja með honum á bæn. Af þessu tilefni eru bænavökur í kaþólskum kirkjum landsins og hefjast þær að lokinni kvöldmáltíðarmessu og vara til miðnættis. Fólk er beðið að fara ekki strax úr kirkjunni (eða koma aftur seinna) heldur dvelja um stund á bæn.

Heimild: Kaþólska kirkjublaðið apríl-maí 2011 bls. 16-20.

17.04.11

  20:46:03, Skrásetjari: Ragnar Geir Brynjólfsson   , 63 orð  
Flokkur: Fjölmiðlarýni, Páfinn, Altarissakramentið, Erlendar fréttir úr heimi kirkjunnar, Trúin og menningin

Páfagarður ráðgerir að opna fréttaveitu á netinu

Fjölmiðladeild Páfagarðs er nú að vinna að því að opna nýja fréttaveitu á netinu þar sem öllum fréttum yrði safnað saman á einn stað.

Öll færslan - smellið hér til að lesa alla færsluna »

  20:37:34, Skrásetjari: Ragnar Geir Brynjólfsson   , 108 orð  
Flokkur: Páfinn

Bæn við upptöku Jóhannesar Páls páfa II í tölu blessaðra

Ó, heilaga þrenning! Við þökkum þér að þú gafst kirkjunni Jóhannes Pál II páfa og fyrir það að þú lést mildi þíns föðurlega kærleika, dýrð kross Krists og ljómann af anda kærleikans skína í honum.

Öll færslan - smellið hér til að lesa alla færsluna »

09.04.11

  19:01:14, Skrásetjari: Ragnar Geir Brynjólfsson   , 175 orð  
Flokkur: Páfinn, Hjónabandssakramentið

Benedikt páfi: Varlega verði farið við ógildingu hjónabanda

Kaþólska kirkjublaðið greinir frá því að Benedikt páfi XVI. hvetji til þess að varlega verði farið við ógildingu hjónabanda. Jafnframt hvetji hann til aukinnar varkárni við veitingu hjónabandssakramentisins. Þessum orðum beindi hann til dómara við kirkjudómstól hjúskaparmála.

Öll færslan - smellið hér til að lesa alla færsluna »

27.03.11

  20:29:31, Skrásetjari: Ragnar Geir Brynjólfsson   , 82 orð  
Flokkur: Kaþólska kirkjan á Íslandi, Hjálparstarf

Nýtt hús Teresusystra vígt og tekið í notkun

Kaþólska kirkjublaðið greindi frá því að Teresusystur sem áður bjuggu í Breiðholti hafi fest kaup á húsinu að Ingólfsstræti 12 í miðbæ Reykjavíkur.

Öll færslan - smellið hér til að lesa alla færsluna »

18.03.11

  21:30:07, Skrásetjari: Ragnar Geir Brynjólfsson   , 188 orð  
Flokkur: Lífsvernd, Erlendar fréttir úr heimi kirkjunnar

Fyrrum starfsmaður við fósturdeyðingar gengur í Kaþólsku kirkjuna

Áður hefur verið greint frá afturhvarfi Abby Johnson hér á þessu bloggi. Í nýjasta hefti Kaþólska kirkjublaðsins er frétt sem greinir frá því að hún hafi nýlega birt endurminningar sínar:

Öll færslan - smellið hér til að lesa alla færsluna »

13.03.11

  13:19:51, Skrásetjari: Ragnar Geir Brynjólfsson   , 50 orð  
Flokkur: Kenning kirkjunnar

Athyglisverður vefur um náttúrulegar fjölskylduáætlanir

Vefurinn http://nfpandmore.org fjallar um náttúrulegar fjölskylduáætlanir sem byggja á tíðahring kvenna en ekki lyfjainntöku, en kaþólska kirkjan styður slíkar náttúrulegar áætlanir. Á vefsíðunni má finna ýmsar upplýsingar um efnið, tengla á ítarefni og auk þess er boðið upp á niðurhal fræðsluefnis. Tengill á vefinn er kominn á forsíðuna á kirkju.net.

  13:04:59, Skrásetjari: Ragnar Geir Brynjólfsson   , 51 orð  
Flokkur: Kaþólska kirkjan á Íslandi

Nýr vefur Þorlákssóknar opnaður

Nýr vefur Þorlákssóknar hefur verið opnaður. Slóðin á hann er http://www.thorlakur.eu/. Vefurinn er á þrem tungumálum, íslensku, ensku og pólsku. Meðal efnis nýja vefsins er nýlegt hirðisbréf Péturs biskups og viðtal við systur Beatriz da Santíssima Trindade sem er nýkomin til Egilsstaða. Bestu kveðjur í Þorlákssókn og hamingjuóskir með nýja vefinn!

10.03.11

  21:24:29, Skrásetjari: Ragnar Geir Brynjólfsson   , 135 orð  
Flokkur: Hjálparstarf, Fasta og yfirbót, Fastan

Föstusöfnun 2011 til styrktar kristnum mönnum í Miðausturlöndum

Kaþólska kirkjublaðið greinir frá því að föstusöfnunin 2011 renni til styrktar kristnum mönnum í Miðausturlöndum:

Öll færslan - smellið hér til að lesa alla færsluna »

13.02.11

  12:52:58, Skrásetjari: Ragnar Geir Brynjólfsson   , 413 orð  
Flokkur: Þjóðfélagsrýni

Svarið við ágengri veraldarhyggju má ekki vera ágeng kristni

Í nýlegum (*) fyrirlestri sínum um framtíð Evrópu fjallaði Cormac Murphy-O'Connor kardínáli og erkibiskup af Westminster um það sem hann nefndi „ágenga veraldarhyggju“ og sagði meðal annars:

„En hvernig á kirkjan að gera fögnuð og sorgir heimsins að sínum í hinni veraldlegu Evrópu? Veraldarhyggjan (secularism) er í sjálfri sér ekki andsnúin kirkjunni. Til er bæði hlutlaus veraldarhyggja og ágeng veraldarhyggja (agressive secularism). Hin síðari viðurkennir ekki sjálfsagðan aðskilnað hins tímanlega og hins andlega, kirkjunnar og ríkisins heldur er fjandsamleg gagnvart lögmætri nærveru kirkjunnar og reynir að koma í veg fyrir að Guð og kirkja hans fái að sinna sínu hlutverki í mótun þjóðfélagsins. Það er þessi ágenga veraldarhyggja sem hvetur marga - meðal þeirra Benedikt páfa - til árvekni.

Öll færslan - smellið hér til að lesa alla færsluna »

11.02.11

  22:59:00, Skrásetjari: Ragnar Geir Brynjólfsson   , 93 orð  
Flokkur: Erlendar fréttir úr heimi kirkjunnar

Benedikt páfi hvetur kirkjuna til að kynna sér á ný orð Guðs

Kaþólska kirkjublaðið greinir frá því að Benedikt páfi hafi gefið út einlægt ákall til allra í kirkjunni um að endurnýja kynni sín af orði Guðs og vaxa í sífellt meiri kærleika til Guðs orðs: „Við megum aldrei gleyma því að sérhver raunveruleg, lifandi og kristin guðrækni grundvallast á því að orð Guðs sé boðað, meðtekið, tignað og íhugað í kirkjunni.“ Nýtt postullegt áminningarbréf páfa, Verbum Domini (Orð Drottins), var birt þann 11. nóvember 2010 en þar bregst páfi við sérstakri biskupasýnódu frá árinu 2008 um biblíuna og lif kirkjunnar.

Heimild: Kaþ. kirkjubl. 21. árg, 1.-2. tbl. jan.-febr. 2011 bls. 6

05.02.11

  13:45:28, Skrásetjari: Ragnar Geir Brynjólfsson   , 136 orð  
Flokkur: Páfinn, Erlendar fréttir úr heimi kirkjunnar

Möguleikar á sögulegum fundi páfans og rússnesk-orþódoxa patríarkans

Kaþólska kirkjublaðið greinir frá því að yfirmaður utanríkisþjónustu patríarkatsins í Moskvu, Hilarion metrópólíti, hafi nýlega sagt í viðtali við rússneskan fjölmiðil að með hverjum degi færðist nær fundur páfa og patríarkans. Þó væri ekki hægt að staðfesta ákveðna dagsetningu í þessu sambandi.

Raunverulegar undirbúningsviðraður fyrir þennan fund trúarleiðtoganna beggja eru ekki hafnar, að sögn Hilarions. Andstætt því sem áður hafi verið, hafi yfirmaður utanríkismála ekki nefnt nein skilyrði fyrir fundi Kyrills I. og Benedikts XVI. Páfi gat þess í nýútkominni viðtalsbók, Ljósi heimsins, að hann vildi gjarnan hitta patríarkann og að hann teldi að af fundi þeirra gæti orðið í náinni framtíð. Hann þakkaði ennfremur fyrir þá vináttu og vinsemd sem Kyrill patríarki hefði sýnt sér. Fundur páfa með yfirmanni rússnesk-opþódoxu kirkjunnar yrði sá fyrsti síðan kirkjurnar klofnuðu árið 1056.

Heimild: Kaþ. kirkjubl. 21. árg, 1.-2. tbl. jan.-febr. 2011 bls. 6

24.01.11

  21:49:27, Skrásetjari: Ragnar Geir Brynjólfsson   , 81 orð  
Flokkur: Páfinn, Trúin og menningin

Benedikt páfi: „Krossarnir mismuna engum“

Benedikt páfi XVI hefur lagt áherslu á gildi róðukrossa á opinberum vettvangi. Orðrétt sagði hann: „Krossarnir mismuna engum“. Páfi ítrekaði þetta nýlega þegar sendiherra Ítalíu í Vatíkaninu afhenti trúnaðarbréf sitt. Róðukrossar væru ekki aðeins tjáning kristinnar trúar heldur beindust að öllum mönnum sem hefðu góðan vilja. Þá gætu, að sögn páfa, engar félagslegar framfarir orðið í þjóðfélagi þar sem öll trúarbrögð skorti. Slíkt þjóðfélag svipti sig „siðferðilegum auði og rausnarlegum verkum“ trúrækinna kristinna manna.

Heimild: Kaþ. kirkjubl. 21. árg, 1.-2. tbl. jan.-febr. 2011 bls. 6

22.01.11

  15:48:37, Skrásetjari: Ragnar Geir Brynjólfsson   , 46 orð  
Flokkur: Páfinn, Bænir

Bænarefni páfa í janúar 2011

Almennt:
Umhyggja fyrir sköpunarverkinu. Að auðæfi sköpunarverksins verði varðveitt, metin og öllum gert kleift að njóta þeirra.

Fyrir trúboðinu:
Eining kristinna manna. Að kristnir menn megi ná fullri einingu og bera öllum vitni um að Guð er faðir allra.

Heimild: Kaþ. kirkjubl. 21. árg, 1.-2. tbl. jan.-febr. 2011 bls. 5

24.12.10

  17:53:24, Skrásetjari: Ragnar Geir Brynjólfsson   , 1479 orð  
Flokkur: Dulhyggja, Jólin, Opinberanir

„Fæðing Drottins“

Frásögn sjáandans hinnar blessuðu Anna Katharina Emmerick (1774-1824)

„Ég sá ljómann í kringum meyjuna blessuðu aukast og verða meiri. Ljósið frá lömpunum sem Jósef hafði kveikt var ekki lengur sýnilegt. Meyjan kraup á teppi sínu í víðum kufli sem breiddur var út í kringum hana og hún sneri andlitinu í austur. Um miðnætti var hún gagntekin af alsælu í bæn. Ég sá að hún lyftist þannig að ég sá í gólfið fyrir neðan hana. Hendur hennar hafði hún krosslagðar á brjósti sér.

Öll færslan - smellið hér til að lesa alla færsluna »

15.12.10

Guðsdýrkun í veglegum kirkjuhúsum eða náungaþjónusta?

Togstreitu milli fjárframlaga til kirkna og til fátækramála verður oft vart. En rétt eins og menn geta sannarlega eytt fé sínu til áhugamála, félagasamtaka, íþróttaiðkunar, menningarmála og uppbyggingar á slíkum vettvangi – oft jafnvel af skattfé allra, þannig er ekkert fremur hægt að amast við frjálsum framlögum manna til byggingar dómkirkju eins og til dæmis þessarar nýendurreistu í Izhevsk í Udmurtíu austur við Úralfjöll. Kirkjuhúsin eru til þess að halda utan um hina trúuðu og iðkun trúar, þar nærist hún, tjáir sig og byggist upp til að geta gefið af sér, fyrst í fjölskyldunni, en einnig út til náungans.

Öll færslan - smellið hér til að lesa alla færsluna »

11.12.10

  21:44:43, Skrásetjari: Ragnar Geir Brynjólfsson   , 307 orð  
Flokkur: Hreggviður Jónsson

Um bókina „Jesús frá Nasaret“

Eftir Hreggvið Jónsson

Það er mikil tíðindi, þegar út kemur bók á íslensku og höfundur er páfinn í Róm. Bók þessi er: JESÚS frá Nasaret og er höfundur núverandi páfi Benedikt XVI (Joseph Ratzinger). Útgefandi er Bókafélagið Ugla, þýðandi Elín Guðmundsdóttir. Þessi bók hefur verið þýdd og gefin út víða. Hún hefur fengið mikið lof og fimm stjörnur, þar sem um stjörnugjöf er að ræða, bæði hjá lesendum og gagnrýnendum. Sjálfur get ég ekki fjallað um bókina betur, en gert er á bókakápu. Þar stendur:

Öll færslan - smellið hér til að lesa alla færsluna »

09.12.10

  21:46:54, Skrásetjari: Sr. Denis O'Leary   , 357 orð  
Flokkur: Prédikanir

Aðventan er tími bæna til þess að undirbúa jólin

Aðventan er tími bæna til þess að undirbúa jólin og Jesús sjálfur hefur kennt okkur að biðja. Hann var mesti meistari bænarinnar sem uppi hefur verið. Bæn hans á Olíufjallinu, kvöldið áður en píslarganga hans hófst, sýnir okkur með hvaða hugarfari við eigum að biðja. Þegar hann var þangað kominn, sagði hann við lærisveinana: "Biðjið, að þér fallið ekki í freisti. "Þá gekk hann frá þeim, kraup á kné og bað: "Faðir ef þú vilt, þá tak þennan kaleik frá mér! En verði þó ekki minn vilji, heldur þinn." Þannig eigum við líka að biðja.

Öll færslan - smellið hér til að lesa alla færsluna »

30.11.10

  19:41:24, Skrásetjari: Sr. Denis O'Leary   , 654 orð  
Flokkur: Lífsvernd

Frjósemi hjónabandsins

ÚR TKK 2366-2372

2366. Frjósemi er gjöf, markmið hjónabandsins, því hjúskaparkærleikur er í eðli sínu frjósamur. Barnið kemur ekki utan frá eins og einhver viðbót við gagnkvæman kærleika makanna, heldur sprettur það úr sjálfu hjarta þessarar gagnkvæmu gjafar, sem ávöxtur þess og uppfylling. Því kennir kirkjan, sem "stendur með lífinu," [151] að "hvergi megi hindra náttúrulegan eiginleika til getnaðar í neinum athöfnum hjónabandsins." [152] "Þessi tiltekna kenning, sem kennsluvald kirkjunnar iðulega gerir ljósa, er byggð á þeirri órjúfanlegu samtengingu sem er milli
mikilvægis samlífs og mikilvægis getnaðar en hvort tveggja er
eðlislægur hluti hjónabandsins. Þessa órjúfanlegu samtengingu sem Guð hefur komið á, má maðurinn ekki rjúfa af eigin frumkvæði." [153]

Öll færslan - smellið hér til að lesa alla færsluna »

17.11.10

  17:12:51, Skrásetjari: Sr. Denis O'Leary   , 402 orð  
Flokkur: Prédikanir

33C - Að leita að hinum sönnu verðmætum

Hvers konar hlutir vekja hrifningu hjá okkur? Hvað er það sem fær okkur til þess að líta aftur og aftur á suma hluti? Ef til vill lítum við tvisvar á dýran bíl eða við dáumst að fínu og skrautlegu heimili? Kannski kemur það fyrir að við öfundum líkamlegt atgerfi einhvers?

Öll færslan - smellið hér til að lesa alla færsluna »

11.11.10

Staðgöngumæðrun fyrir samkynhneigða karlmenn?

"Það er ekkert land í heiminum sem vill ættleiða barn til samkynhneigðra," segir Svavar Örn Svavarsson í viðtali við Birgittu Haukdal á vef Mbl.is.

Hafinn virðist þrýstingur á það, að staðgöngumæðrun verði leyfð til að afla samkynhneigðum barna (og sennilega þá með því að greiða þeim fé fyrir).

Öll færslan - smellið hér til að lesa alla færsluna »

07.11.10

Páfinn vígir basiliku í Spánarferð

Á nýliðnum degi messaði Benedikt XVI. páfi í hinni fornfrægu borg Santiago de Compostela á NV-Spáni, en milljónir pílagríma sóttu dómkirkju heilags Jakobs þar heim á miðöldum og hafa gert allar aldir síðan. Páfinn bað þar Evrópu að taka sér stöðu með Guði.

„Benedicto" og „Viva el Papa", kalla þúsundir manna, sem næturlangt hafa beðið komu hans til Barcelona, höfuðborgar Katalóníu á Austur-Spáni.

Öll færslan - smellið hér til að lesa alla færsluna »

06.11.10

  21:16:18, Skrásetjari: Ragnar Geir Brynjólfsson   , 52 orð  
Flokkur: Tónleikar

Tónleikar í minningu Jóns Arasonar og sona hans

Skálholtskórinn og Kammerkór Akraness halda tónleika í Skálholtsdómkirkju sunnudagskvöldið 7. nóvember kl. 20. Flutt verður „a capella“ kórtónlist í minningu Jóns Arasonar biskups og sona hans Ara og Björns. Stjórnendur eru Jón Bjarnason organisti í Skálholtsprestakalli og Sveinn Arnar Sæmundsson organisti á Akranesi. Tónleikarnir eru liður í „Safnahelgi á Suðurlandi“ og er aðgangur ókeypis.

04.11.10

  11:32:33, Skrásetjari: Sr. Denis O'Leary   , 531 orð  
Flokkur: Prédikanir

Allra heilagra messa - 1. nóvember

((( Með hliðsjón af Tkk sérstaklega 1716 - 1723 )))

Allra heilagra messa (1. nóvember) og allra sálna messa (2. nóvember) minnir okkur á að við trúum á samfélag allra hinna trúuðu í Kristi,
• þeirra, sem eru pílagrímar í þessum heimi,
• hinna látnu, sem eru að hreinsast af syndum sínum, og
• hinna heilögu, sem á himnum eru. Allar sálir þessar mynda eina kirkju.

Einnig trúum við að í þessu samfélagi hlusti Guð og dýrlingar hans í miskunn og kærleika, ætíð á bænir okkar.

Öll færslan - smellið hér til að lesa alla færsluna »

02.11.10

  18:11:03, Skrásetjari: Ragnar Geir Brynjólfsson   , 548 orð  
Flokkur: Þjóðfélagskenningin

Dyggð og markaður

Félagsleg ábyrgð fyrirtækja undir smásjánni

BERKELEY, Kaliforníu, 19. nóv. 2005 (Zenit.org).- Siðfræði fyrirtækja er mál sem sífellt er í kastljósinu. Fyrr á árinu kom út bókin „The Market for Virtue“ sem gefur yfirlit yfir helstu þætti þess. Höfundur hennar er David Vogel prófessor í Kaliforníu. Í bókinni kemur fram að fjöldi málefna fellur undir félagslega ábyrgð fyrirtækja. Þar má nefna aðstæður í verksmiðjum þróunarlanda, barnavinnu, réttlátt verð til bænda, málefni umhverfisins og mannréttindi. Fyrirtæki geti haft misjafnar ástæður fyrir að fylgja vegi dyggðarinnar við stefnumótun sína. Sum eru með því að verjast fjandsamlegri gagnrýni á meðan önnur líta á það sem skuldbindingu gagnvart félagslegum markmiðum.

Öll færslan - smellið hér til að lesa alla færsluna »

31.10.10

  19:33:33, Skrásetjari: Ragnar Geir Brynjólfsson   , 311 orð  
Flokkur: Kenning kirkjunnar

Lokahreinsunin eða hreinsunareldurinn

Úr trúfræðsluritinu:

„Allir þeir sem deyja í náð Guðs og vináttu en eru ekki fullkomlega hreinsaðir, eru vissulega öruggir um eilíft hjálpræði sitt; en eftir dauðann verða þeir að gangast undir hreinsun í því skyni að öðlast þann heilagleika sem nauðsynlegur er til að ganga inn til hins himneska fagnaðar.

Öll færslan - smellið hér til að lesa alla færsluna »

30.10.10

  15:45:52, Skrásetjari: Jon Valur Jensson   , 76 orð  
Flokkur: Kirkjusaga, íslenzk, Úr lífi og starfi kirkjunnar, Kaþólskir Íslendingar

Endurreisn kaþólsks biskupsdóms á Íslandi

Biskup Frehen

29. október 1968: Tilkynnt var að „kaþólskur biskupsdómur“ hefði verið endurreistur á Íslandi og að Páll páfi sjötti hefði skipað Hinrik Frehen biskup í Reykjavíkurbiskupsdæmi, sem nær yfir land allt. Jafnframt var ákveðið að Landakotskirkja yrði dómkirkja." (Jónas Ragnarsson).

Öll færslan - smellið hér til að lesa alla færsluna »

28.10.10

  20:09:11, Skrásetjari: Jón Rafn Jóhannsson, 1452 orð  
Flokkur: Fóstureyðingar og vernd, Getnaðarverjasamfélagið

Inntak lífsverndarstefnunnar – eftir föður Paul Marx, O.S.B.

Faðir Paul Marx er stofnandi og fyrrum forseti „Human Life International.“ Samtökin sem stofnuð voru árið 1981 eru stærstu samtök lífsverndarsinna og fjölskylduverndar í heiminum. Hlutverk þeirra er að þjálfa, skipuleggja og styðja leiðtoga lífsverndarsinna víðsvegar um heim og verja mannhelgi lífsins og gildi fjölskyldunnar. Samtökin hafa bjargað lífi tugþúsunda barna víðsvegar um heim. Við getum sem best kallað afstöðu Pauls Marx marxisma lífshyggjunnar til mótvægis við marxisma dauðamenningar frú Margaretar Sangers og samtaka hennar: Planned Parenthood International.

Þann 17. nóvember 1979 ræddi ég um lífsverndarhreyfinguna við Jóhannes Pál páfa II. Hann var nýkominn úr ferð til Bandaríkjanna þar sem hann fordæmdi fóstudeyðingar í ávarpi sínu til byskupanna.

Ég þakkaði honum fyrir andstöðu hans við getnaðarvarnir. Ég greindi honum frá reynslu minni í 48 löndum (nú 91). Ég sagði við hans heilagleika að þegar getnaðarvarnir hafa í eitt skiptið fyrir öll öðlast viðurkenningu, þá væru afleiðingarnar fyrirsjáanlegar. Ég tíundaði þetta fyrir honum: Í sérhverju landi leiða getnaðarvarnir til ógnvænlegra fósturdeyðinga. Þegar getnaðarvarnir og fósturdeyðingar hafa verið lögleiddar og náð að breiðast út fellur fæðingartíðnin, þjóðir riða til falls og börnin fylgja fordæmi foreldranna í afskræmingu kynlífsins.

Öll færslan - smellið hér til að lesa alla færsluna »

27.10.10

  17:03:34, Skrásetjari: Jón Rafn Jóhannsson, 532 orð  
Flokkur: Kaþólska kirkjan, uppspretta vestrænnar menningar

Hvernig kaþólska kirkjan lagði grunninn að vestrænni menningu (1)

Nú að undanförnu hef ég verið að lesa hið merka rit Thomas E. Woods, Jr., Ph. D sem kom út á vegum Regnery Publishing, Inc. í Boston árið 2005. Heiti þess er Hvernig kaþólska kirkjan lagið grundvöllinn að vestrænni menningu (How the Catholic Church Built Western Civilization), en ritið hefur valið mikla athygli meðal fræðimanna bæði vestan hafs og austan.

Í reynd ætti þetta ekki að koma okkur Íslendingum svo mjög á óvart vegna þess að það var einmitt kirkjan sem skapaði gullöld íslenskrar menningar og færði þjóðinni dýrmætan menningararf í hendur með „bókaiðju“ klaustranna. Uppgröfturinn á Skriðuklaustri hefur jafnframt leitt í ljós að þar var rekið líknarheimili (hospicio) eins og tíðkaðist í kaþólskum löndum Evrópu á sama tíma. Hl. Þorlákur samdi einnig lög í miklum mæli sem eru í gildi allt fram á daginn í dag. Í reynd var hl. Þorlákur afar vellesinn í lögum hámiðaldanna, svo mjög, að Jóhann IV Englandskonungur fékk hann til að semja lögbók Englendinga og enn í dag er honum auðsýnd sérstök heiðrun í Lincoln eins og margir vita.

Öll færslan - smellið hér til að lesa alla færsluna »

26.10.10

  17:46:33, Skrásetjari: Jón Rafn Jóhannsson, 769 orð  
Flokkur: Kaþólska kirkjan, uppspretta vestrænnar menningar

Hvernig kaþólska kirkjan lagði grunninn að vestrænni menningu (2): Hagfræðin

Ragnar Kristjánsson kemst svo að orði í aðsendri athugasemd: „Ég lærði það í félagsfræði að uppruni kapítalismans má rekja til trúar skiptanna. Þar segja þegar Lúterskirkjan kom til sögunnar og mörg lönd tóku þá trú. Þetta vil Marx Weber meina.“ Sem háskólaborgari ætti téður Ragnar að gera sér ljóst að hugtakið „símenntun“ vegur þungt í akademískri umræðu innan háskólasamfélagsins. Ég minnist eins kunningja míns sem lærði líffræði við HÍ. Hann snéri sér síðan að kennslustörfum. Að fimmtán árum liðnum þegar hann sótti síðan um starf í sérgrein sinni var honum tjáð að menntun hans væri orðin úrelt. Hann yrði því að fara í „endurmenntun“ ef hann hefði áhuga á að starfa sem líffræðingur.

Öll færslan - smellið hér til að lesa alla færsluna »

25.10.10

  17:13:26, Skrásetjari: Jón Rafn Jóhannsson, 1330 orð  
Flokkur: Erlendar fréttir

Hin neikvæða hlið líffæragjafa – mál Oklahomabúans Zack Dunlap og „heiladauðakenningin“

Í september 2003 greindi ástralska dagblaðið Courier Mail sem gefið er út í Brisbane í Ástralíu frá því að rússneskir skurðlæknar fjarlægðu nýru úr heimilislausum sjúklingum og seldu. Gangverð slíkra líffæra er allt að 40.000 $. Einn rússnesku skurðlæknanna sem talaði undir nafnleynd sagði „að almennt talað væru viðkomandi sjúklingar búnir að vera og ættu í mesta lagi þrjá eða fjóra daga ólifaða.“ Margir minnast einnig orðróms sem gekk fjöllunum hærra fyrir nokkrum árum um að heimilislaus börn í Brasilíu væru notuð sem lifandi „líffærabankar,“ þó að erfitt væri að staðfesta þennan orðróm. Kínversk stjórnvöld hafa þannig legið undir grun um að selja líffæri úr fórnarlömbum ógnarstjórnar sinnar og slík viðskipti blómstra alls staðar um hinn vestræna heim, ekki síst í Bandaríkjunum og Kanada. Í nýlegum deilum um „heiladauðakenninguna“ hefur einnig verið vakin athygli á raunverulegri hættu á að hjálparvana sjúklingar væru hafðir að féþúfu lækna og sjúkrahúsa í þessum blómlegu alþjóðlegu viðskiptum eins vaxtarbrodda dauðamenningarinnar.

Öll færslan - smellið hér til að lesa alla færsluna »

1 2 3 ...4 ... 6 ...8 ...9 10 11 12 ... 46

Síðustu pistlar

Kirkju.net er óháð vefrit sem inniheldur aðallega efni tengt kaþólskri trú en einnig um trúmál almennt. Markmiðið er að miðla fróðleik og stuðla að skoðanaskiptum og umræðu innan kaþólsku kirkjunnar á Íslandi sem og að kynna kaþólsku kirkjuna fyrir þeim sem utan hennar eru. Aðalsíða vefritsins sækir pistla inn á bloggsíður og skrifa höfundar hvers bloggs pistla sem hafa kaþólskt eða annað trúarlegt efni sem meginþema. Skoðanir settar fram í pistlunum eru höfundanna sjálfra og ber ekki að túlka þær sem skoðanir trúfélaga eða annarra bloggara. Höfundar bera ábyrgð á efni sem þeir birta á sínu bloggi. Athugasemdir við pistlana eiga að vera á íslensku, málefnalegar og fullt nafn höfundar á að koma fram. Athugasemdum er ritstýrt af höfundi hvers bloggs fyrir sig. Gestapennar innan eða utan kaþólsku kirkjunnar eru einnig velkomnir að senda inn greinar sem eru birtar undir „Ýmsir höfundar.“

Leit

Flokkur

Sr. Denis O'Leary

Kirkjuvefbók Ragnars

Jón Valur Jensson

Ýmsir höfundar

Jón Rafn Jóhannsson

Kirkju.net


Fatal error: Call to a member function flag() on boolean in /home/n982112/public_html/inc/widgets/widgets/_item_info_line.widget.php on line 215