Blaðsíður: 1 ... 19 20 21 ...22 ... 24 ...26 ...27 28 29 ... 46

21.02.07

  09:32:44, Skrásetjari: Jón Rafn Jóhannsson, 306 orð  
Flokkur: Hugleiðingar

Í leyndum hjartans – Hugvekja á öskudag 1983 eftir Jóhannes Pál páfa II

Fastan er tímaskeið sem felst í því að hverfa til sjálfs sín. Þetta er tími innilegra samfélags við Guð í leyndum hjartans og samviskunnar. Það er í þessu persónulega og innilega samfélagi við Guð þar sem höfuðtakmark föstunnar nær fram að ganga: Afturhvarfið.

Í þessum innri leyndardómi, í þessu innilega samfélagi við Guð í fullkomnun sannleika hjartans og samviskunnar hljóma orðin úr sálmi tíðagjörðar dagsins í þeirri djúpstæðustu játningu sem maðurinn hefur nokkru sinni gert frammi fyrir Guði:

„Guð, vertu mér náðugur sakir elsku þinnar, afmá brot mín sakir þinnar miklu miskunnsemi. Þvo mig hreinan af misgjörð minni, hreinsa mig af synd minni, því að ég þekki sjálfur afbrot mín, og synd mín stendur mér stöðugt fyrir hugskotssjónum. Gegn þér einum hefi ég syndgað og gjört það sem illt er í augum þínum. Því ert þú réttlátur, er þú talar, hreinn, er þú dæmir“ (Sl 50. 1-6).

Þessi orð búa yfir hreinsandi mætti, hafa ummyndandi áhrif. Þau ummynda manninn hið innra. Við skulum endurtaka þau á föstunni. En umfram allt annað skulum við leitast við að endurnýja þann anda sem glæðir þau, þann innblástur sem réttilega hefur glætt þessi orð mætti til afturhvarfs. Fastan er í eðli sínu hvatning til samræðna. Ölmusuverkin sem guðspjall dagsins víkur að er vegurinn til þessa afturhvarfs. Við skulum því leggja rækt við þau eftir fremsta megni. En fyrst af öllu skulum við leitast við að standa andspænis Guð hið innra í öllu okkar lífi, í öllu því sem gæðir það inntaki til að nálgast þetta afturhvarf í djúpinu og setur mark sitt á allt inntak iðrunarsálms helgisiða dagsins.

20.02.07

  23:19:15, Skrásetjari: Sr. Denis O'Leary   , 208 orð  
Flokkur: Dæmisögur og sögur II

Ættartala

Sú saga er sögð um konu eina sem eyddi fimmtíu þúsund krónum til að fá ættartölu sína. Hún eyddi síðan öðrum fimmtíu þúsundum til að halda ættartölunni leyndri!

Ástæðan var sú að nokkrir forfeður hennar höfðu haft slæmt orð á sér og hún skammaðist sín fyrir þá.

Ef við hins vegar lesum upphafskafla Matteusarguðspjallsins, þar sem ættartala Jesú er rakin, sjáum við þrjár konur nafngreindar þar sem sérhver Gyðingur hefði skammast sín fyrir.
Fyrsta skal telja Batseba, sem syndgaði með Davíð konungi og leiddi skömm yfir konungborna afkomendur hans.
Önnur var Rahab sem var útlendingur og syndari.
Og sú þriðja var Rut sem var útlendingur (Gyðingar þeirra tíma var í nöp við útlendinga).

Matteus segir okkur að Jesús sé beinn afkomandi þessara kvenna. Guðspjallamaðurinn reynir ekki að leyna því. Hann virðist í raun hafa lagt sig í líma við að minnast á þessar þrjár konur. Þetta kennir okkur strax eitthvað um Jesúm. Hann blygðaðist sín ekki fyrir mannlegt ætterni sitt. Drottinn vor var ekki einungis vinur syndara og útlendinga - hann var skyldur þeim.

  18:09:22, Skrásetjari: Ragnar Geir Brynjólfsson   , 218 orð  
Flokkur: Pjetur Hafstein Lárusson

Klámþing á Íslandi?

Er í lagi, að halda klámþing á Íslandi? Það finnst þeim í klámbransanum a.m.k. En erum við Íslendingar sammála? Vonandi ekki. Klám er ekki aðeins lágkúrulegt fyrirbæri í sjálfu sér; í skjóli þess þrífast eiturlyfjaviðskipti og þrælasala.

Öll færslan - smellið hér til að lesa alla færsluna »

  10:31:20, Skrásetjari: Jón Rafn Jóhannsson, 2295 orð  
Flokkur: Hið Alhelga Hjarta Jesú, Guðrækni hins helgasta Hjarta Jesú í kirkju nútímans

Guðrækni hins Alhelga Hjarta Jesú í kirkju nútímans (6)

4. 4. Í NÝJA TESTAMENTINU

(a) Kristselskan í guðspjöllunum

Nýja testamentið opinberar Guðdómseðlið með áþreifanlegum hætti sem „elsku“ (1Jh 4. 16), og þetta er einnig fullyrt í sálmunum – hið háleita inntak guðrækni hins Alhelga Hjarta – og það í síendurteknu mæli.

Í Nýja testamentinu sjáum við elsku hins holdgaða Guðs. „Því svo elskaði Guð heiminn, að hann gaf Son sinn eingetinn, til þess að hver sem á hann trúir glatist ekki, heldur hafi eilíft líf“ (Jh 3. 16). Í guðspjöllunum lesum við um þau mörgu kraftaverk sem gerð voru í krafti Kristselskunnar og samúðarinnar í garð mannanna vegna þess að engin hirti um það að biðjast hjálpar. Þetta var inntak frásagnarinnar af ekkjunni í Naim (Lk 7. 11-17), lækningunni á manninum sem haldinn var illum anda í Kapernaum (Mk 1. 23-28) og á manninum sem var fæddur blindur (Jh 9. 1-41).

Öll færslan - smellið hér til að lesa alla færsluna »

19.02.07

  23:15:46, Skrásetjari: Sr. Denis O'Leary   , 429 orð  
Flokkur: Bænir

KROSSFERILL

14 myndir er sýna þjáningaleið Krists til Golgata.

I+
Jesús er dæmdur til dauða.
Þrátt fyrir það segir hann: "Fyrir því elskar Faðirinn mig að ég legg líf mitt í sölurnar, svo að ég fái það aftur. Enginn tekur það frá mér, heldur legg ég það sjálfur í sölurnar." Jóh. 10,17-18

II+
Jesús ber sinn kross.
Vissulega er það rétt að "hann tók á sig mein vor og bar sjúkdóma vora." Matt.8,17b

III+
Þegar krossbyrðin var orðin of þung, féll Jesús í fyrsta sinn.

IV+
María var viðstödd alla þessa sorgargöngu. "Þjáning hennar var eins mikil og víðátta hafsins."

V+
"Þegar þeir leiddu hann út, tóku þeir Símon nokkurn frá Kýrene, er kom utan úr sveit, og lögðu krossinn á hann, að hann bæri hann eftir Jesú." Lúk. 23,26

VI+
Kona ein þerrar svitann af andliti Jesú.
"- svo afskræmd var ásýnd hans framar en nokkurs manns og mynd hans framar en nokkurs af mannanna sonum -" Jes. 52.14

VII+
Jesús heldur áfram. Hann örmagnast meir og meir. Hann fellur í annað sinn.

VIII+
"En honum fylgdi mikill fjöldi fólks og kvenna er hörmuðu hann og grétu." Lúk. 23,27

IX+
Jesús gæti sagt í bæn sinni: "Faðir bænheyr þú mig. Nú dreg ég brátt andann í síðasta sinn."

X+
Hermennirnir "gáfu honum vín að drekka, galli blandað ... Þeir köstuðu hlutum um klæði hans og skiptu með sér." Matt. 27,34-35

XI+
Því næst krossfestu þeir hann. Jesús var ekkert nema gæskan og fyrirgefningin, enda þótt hann héngi á krossinum. "Faðir, fyrirgef þeim, því að þeir vita ekki hvað þeir gjöra." Lúk. 23,34

XII+
Og það líður ekki á löngu þangað til hann deyr. "Enginn á meiri kærleik en þann að leggja líf sitt í sölurnar fyrir vini sína." Jóh. 15,13

XIII+
Líkami Jesú er tekinn niður af krossinum. Ef við hugsum okkur Jesúm, sem dó fyrir okkur, gætum við sagt á þessa leið: "Heilagi Faðir, meðtak þú Son þinn Jesúm sem hjálpræðisfórn fyrir alla menn."

XIV+
"En á staðnum, þar sem hann var krossfestur, var grasgarður og í garðinum ný gröf ... Þar lögðu þeir Jesúm." Jóh. 19,41-42

---
---
Páskamorgunninn ljómar í ljósi upprisunnar. Drottinn er upprisinn, hallelúja!

((( Kafli úr bók KOMIÐ OG SJÁIÐ. )))

  10:55:59, Skrásetjari: Jón Rafn Jóhannsson, 1083 orð  
Flokkur: Hið Alhelga Hjarta Jesú, Guðrækni hins helgasta Hjarta Jesú í kirkju nútímans

Guðrækni hins Alhelga Hjarta Jesú í kirkju nútímans (5)

4. 1. HINN RITNINGARLEGI GRUNDVÖLLUR GUÐRÆKNINNAR

Innan þeirra marka sem krafa góðrar textarýni (exegesis) setur er mögulegt að finna allar grundvallarhugmyndirnar hvað áhrærir guðræknina á hinu Alhelga Hjarta á síðum Ritningarinnar. Þar sem notkun hjartans sem tákns um þá elsku Guðs sem okkur er opinberuð í Kristi er síðari tíma þróun innan guðfræðinnar og dulúðarinnar, þá rekumst við ekki á neina sérstaka tilbeiðslu á hinu líkamlega Hjarta hins holdgaða Orðs í heilögum Ritningum. Þessi kafli mun því fjalla um elsku Guðs í Ritningunum, þann skilning sem Biblían leggur í orðið hjarta, víkja að nokkrum atriðum hvað áhræra hinn komandi Messíah sem rættist í Nýja sáttmálanum og að tveimur afar þýðingarmiklum ritningarstöðum: Jh 7. 39-41 og Jh 19. 34.

Öll færslan - smellið hér til að lesa alla færsluna »

  10:39:29, Skrásetjari: Jón Rafn Jóhannsson, 498 orð  
Flokkur: Erlendar fréttir

Benedikt páfi XVI áminnir okkur um „kristnu byltinguna“

VATÍKANIÐ, 18. febrúar 2007 (Zenit.org).– Hin „kristna bylting“ elskunnar er þess umkomin að uppræta illskuna með því að auðsýna góðvild í heiminum, segir Benedikt XVI.

Páfinn gaf út þessa yfirlýsingu í dag þegar hann ávarpaði mannfjöldann á Péturstorginu sem hirti ekki um óhagstætt veðrið til að hlíða á Englabænina. Í ávarpi sínu íhugaði hinn heilagi Faðir boðskap Jesús: „Elskið óvini yðar“ sem lesinn var í sunnudagsguðsþjónustunni.

„Hugmynd Krists er raunhæf vegna þess að hún tekur mið af því að of mikið ofbeldi er ríkjandi í heiminum, of mikið óréttlæti og ekki er unnt að breyta þessu ástandi nema með því að auðsýna meira elsku og góðvild,“ sagði páfi. „Þetta „meira“ kemur frá Guði.“

Öll færslan - smellið hér til að lesa alla færsluna »

18.02.07

  20:39:35, Skrásetjari: Sr. Denis O'Leary   , 57 orð  
Flokkur: Nokkrir gullmolar úr Tkk

Elskið óvini yðar

1825. Af kærleika dó Kristur fyrir okkur meðan við vorum ennþá "óvinir". [100] Drottinn biður okkur að elska eins og hann gerir, jafnvel óvini okkar, gera okkur að náunga þeirra sem fjarlægastir eru og að elska börn og hina fátæku eins og Krist sjálfan. [101] ........

.

100 Rm 5:10. 101 Sbr. Mt 5:44; Lk 10:27-37; Mk 9:37; Mt 25:40, 45.

  17:27:43, Skrásetjari: Jón Rafn Jóhannsson, 674 orð  
Flokkur: Hugleiðingar

Fjölskyldan og stofnanauppeldið

Ég sá afar athyglisverða mynd á DRK 2 á fimmtudagskvöldið. Hún fjallaði um það hvernig farið var með frumbyggjana í Ástralíu allt til ársins 1971. Í sem fæstum orðum voru börnin rifin af foreldrunum, helst sem yngst, til að „breyta“ þeim í „Ástrala.“ Þeim var meinað að tala á „wanga“ og miskunnarlaust refsað ef þau tjáðu sig ekki á ensku. Þau fengu aldrei að snúa aftur heim til síns ættarsamfélags og í dag eru þau nefnd „the lost generations“ (hinar glötuðu kynslóðir) í Ástralíu. Þetta eru lífsfirrtir einstaklingar sem búa við afar djúpstæðar persónuleikaraskanir.

Öll færslan - smellið hér til að lesa alla færsluna »

  15:06:55, Skrásetjari: Ragnar Geir Brynjólfsson   , 470 orð  
Flokkur: Pjetur Hafstein Lárusson

Hvar stöndum við Íslendingar varðandi líðan barna?

Barnahjálp Sameinuðu þjóðanna hefur nú birt skýrslu um líðan barna í rúmlega tuttugu iðnvæddum ríkjum. Skýrslan er kennd við Jonathan Bradshaw, prófessor við háskólann í Jórvík. Í henni kemur fram, að líðan barna er áberandi verst í tveimur hinna iðnvæddu samfélaga, sem rannsökuð voru, þ.e.a.s. í Bretlandi og Bandaríkjunum.

Öll færslan - smellið hér til að lesa alla færsluna »

17.02.07

  10:34:27, Skrásetjari: Jón Rafn Jóhannsson, 306 orð  
Flokkur: Erlendar fréttir

Byskup hvetur kaþólska stjórnmálamenn til að verja lífið

FARGO, Norðurdakota, 16. febrúr 2007 (Zenit.org) – Til að vera trúfastir kaþólikkar verða stjórnmálamenn að starfa með mannhelgina að leiðarljósi segir byskupinn í Fargo.

Samuel Aquila byskup áminnir kaþólska stjórnmálamenn á ábyrgð þeirra og að trú þeirra móti afstöðu þeirra:

„Sérhvert ofbeldisverk sem unnið er gegn saklausum mennskum einstakling allt frá fyrsta andartaki getnaðar sem leiðir til náttúrlegs dauða gengur þvert á vilja Guðs og hafnar eðlislægri helgi einstaklingsins. Sérhver kaþólskur stjórnmálamaður verðu að starfa með þennan sannleika kaþólskrar trúar að leiðarljósi.“

Öll færslan - smellið hér til að lesa alla færsluna »

  09:03:31, Skrásetjari: Jón Rafn Jóhannsson, 1479 orð  
Flokkur: Hið Alhelga Hjarta Jesú, Guðrækni hins helgasta Hjarta Jesú í kirkju nútímans

Guðrækni hins Alhelga Hjarta Jesú í kirkju nútímans (3)

2. 1. MERKING „HJARTANS“

Orðið „hjarta“ er auðugt að merkingargildi. Það hæfir Drottni okkar einstaklega vel.

Við heyrum orðið „hjarta haft um hönd í daglegu máli. Fólk segir: „Hún er hjartahlý,“ „hann leggur hjartað í það sem hann gerir,“ „hún lýtur stjórn hjartans, “ „ekki glata eldmóð hjartans,“ „hversu hjartanlegur er hann ekki,“ „hjarta hennar er úr gulli,“ „ég elska þig af öllu hjarta.“ Allt skírskotar þetta til einhvers sem er djúpt hið innra.

Fólk sannar það með framkomu sinni að orðið hefur ekki glatað merkingu sinni. Það gengur með hjartalagaða skartgripi. Það skiptist á Valentínusarkortum með myndum af hjörtum til að tjá ást sína. Litlu börnin draga upp grófgerðar myndir af hjartanu til að tjá ástúð sína. Skreytilist og auglýsingar grípa til hjartans. Enn í dag er það Amor sem skýtur ástarörvum sínum í hjartastað. Hjörtu eru grafin á trjáboli til að tjá æskuástina. Iðulega er gripið til hjartans í skjaldarmerkjum (og hjartað er tákn Lúters og lúterskunnar enn í dag).

Öll færslan - smellið hér til að lesa alla færsluna »

16.02.07

  09:52:17, Skrásetjari: Jón Rafn Jóhannsson, 1340 orð  
Flokkur: Hið Alhelga Hjarta Jesú, Guðrækni hins helgasta Hjarta Jesú í kirkju nútímans

Guðrækni hins Alhelga Hjarta Jesú í kirkju nútímans (2)

1. 4. GRUNDVÖLLURINN: EINING PERSÓNU KRISTS

Hinn guðfræðilegi grundvöllur þessarar guðrækni sem tilbiður Persónu „út frá Hjartanu“ hvílir á tvenns konar sannindum: (1) Einingu Persónanna og (2) Hlutverki Krists sem Meðalgangara.

Með hugtakinu einingu Persónanna er skírskotað til verundar eingetins Sonar Guðs sem varð maður: Hann var einungis ein Persóna (hin guðlega Persóna) sem bjó yfir tveimur eðlum, öðru guðdómlegu en hinu mennsku. Píus páfi XII komst svo að orði: „Það er því afar brýnt á þessu stigi í kenningu sem er jafn mikilvæg og þessi og krefst slíkra hygginda, að sérhver og einn geri sér ljóst að sannleikur hins náttúrlega tákns þar sem hið líkamlega Hjarta Jesú skírskotar til Persónu Orðsins, hvílir að öllu leyti á grundvallarsannindum einingar Persónanna. Ef einhver heldur því fram að þetta sé ekki sannleikanum samkvæmt, þá reifar hann villukenningar sem kirkjan hefur fordæmt oftar en einu sinni vegna þess að þær ganga þvert á einingu Persóna Krists, þrátt fyrir að hin tvö eðli séu hvort fyrir sig fullkomin og aðgreind“ (gr. 105).

Öll færslan - smellið hér til að lesa alla færsluna »

15.02.07

  09:10:55, Skrásetjari: Jón Rafn Jóhannsson, 987 orð  
Flokkur: Erlendar fréttir

Sendifulltrúi Evrópubandalagsins í Níkaragúa staðinn að ósannindum í dagblaðinu El Diario

Samkvæmt frétt á LifeSiteNews. com í gær var Marc Litvine, sendifulltrúi Evrópubandalagsins í Managúa í Nikaragúa látinn sitja fyrir svörum á Evrópuþinginu af hálfu fulltrúa lífsverndarsinnna. Hann var staðinn að því að beita stjórnvöld þrýstingi til að afnema lög til verndar ófæddum börnum hvað áhrærir fósturdeyðingar.

Tilefnið var viðtal við hann í dagblaðinu El Diario sem Catholic News Agency vitnaði í þar sem hann komst meðal annars svo að orði að Evrópubandalagið hefði „áhyggjur“ af því að fósturdeyðingar væru taldar til glæpa í landinu og að Evrópubandalagið liti lögin sem „skref aftur á bak.“

Þegar Litvine var inntur eftir þessari yfirlýsingu af hálfu annarra fulltrúa á Evrópuþinginu sem eru lífsverndarsinnar þverneitaði hann að dagblaðið hefði rétt eftir sér. Í tölvupósti til írsks MEP (meðlims á Evrópuþinginu), Gabriel Mitchell, komst hann svo að orði: „Ég sagði aldrei það sem eftir mér er haft í blaðinu (sic) og Evrópubandalagið hefur ekki mótað neina allsherjarstefnu til fósturdeyðinga.“

Öll færslan - smellið hér til að lesa alla færsluna »

14.02.07

  10:44:46, Skrásetjari: Jón Rafn Jóhannsson, 279 orð  
Flokkur: Vefrit Karmels

HIRÐISBRÉF PÍUSAR PÁFA XII: HAURIETIS AQUAS komið út í heild á Vefritum Karmels

Hið víðkunna Hirðisbréf Píusar páfa XII – Haurietis Aquas – er nú komið í heild á pdf formati á Vefrit Karmels. Ekki er ofmælt þegar sagt er að hin háleita umfjöllun hins heilaga Föður um guðrækni hins Alhelga Hjarta hafi haft umtalsverð áhrif á guðfræðilega umræðu og stefnumótun kaþólsku kirkjunnar í kjölfar Annars Vatíkansþingsins.

Um 100 rit hafa verið gefin út um guðrækni hins Alhelga Hjarta á s. l. öld í kjölfar hirðisbréfs Píusar XII og meðal höfundanna má finna ekki ómerkari guðfræðinga en þá Hugo og Karl Rahner, Augustus Bea kardínála, Josef Jungmann, Alfons Desburg, Friedrich Schwendermann og Rudolf Schnackenof, svo að einungis fáeinna sé minnst.

Öll færslan - smellið hér til að lesa alla færsluna »

13.02.07

  19:24:06, Skrásetjari: Ragnar Geir Brynjólfsson   , 1107 orð  
Flokkur: Ýmsir höfundar

Hinir heilögu – Fyrirmyndir á lífsleið okkar: Benedikt frá Aniane

(Eftirfarandi grein sem Torfi Ólafsson þýddi úr þýsku birtist í Kaþólska kirkjublaðinu í febrúar 2005 og er endurbirt hér með leyfi ritnefndarinnar og þýðandans. (Aths. RGB )

Benedikt frá Aniane (12. febrúar)

Þessi heilagi Benedikt fæddist árið 750. Faðir hans var Aigulf greifi af Maguelone (Suður-Frakklandi) og miðaðist uppeldi hans við að hann gegndi herþjónustu. Henni gegndi hann í hersveitum Pippins litla og Karls mikla, en 774 ákvað hann að gerast munkur.

Öll færslan - smellið hér til að lesa alla færsluna »

  11:26:40, Skrásetjari: Jón Rafn Jóhannsson, 140 orð  
Flokkur: Erlendar fréttir

Fjöldi kaþólskra fer vaxandi í heiminum – nýjar tölur úr Árbók hins heilaga Sætis

VATÍKANIÐ, 12. febrúar 2007 (Zenit.org). – Fjöldi kaþólskra og presta í heiminum hefur aukist lítillega á síðustu 12 mánuðum samkvæmt Árbók Páfastóls fyrir árið 2007.

Samkvæmt Árbókinni er fjöldi kaþólskra nú einn milljarður og 115 milljónir í heiminum.

Fulltrúi Vatíkansins benti á að fjölgunin væri til samræmis við aukingu á heildaríbúafjölda jarðarinnar og þannig stöðug eða 17, 20%

Engu að síður er meiri vöxtur í sumum heimshlutum en öðrum. Í Afríku nam fjölgunin 3, 1%. Vaxtar hefur einnig gætt í Asíu og Ameríkunum og örlítils vaxtar gætt meðal kaþólskra í Evrópu (Vafalaust er hann einna mest á Íslandi s. l. 15 ár eða úr 3.000 í tæp 8.000). Í Árbókinni kemur fram að fjöldi sóknarpresta hafi vaxið úr 405. 891 í 406. 411.

  03:42:45, Skrásetjari: Jón Rafn Jóhannsson, 64 orð  
Flokkur: Erlendar fréttir

Þjóðaratkvæðagreiðslan í Portúgal

Niðurstöðurnar urðu þær að einungis 26% kosningabærra manna guldu ríkisstjórnarfrumvarpinu atkvæði sitt í kosningunum – meiri stuðnings meðal þjóðarinnar nýtur frumvarpið ekki"

Roger Kiska, lögfræðilegur ráðunautur við Evrópumiðstöðina í lögum og réttlæti í Strassborg sagði að með þessu gengi Jose Socrates þvert gegn vilja meirihluta þjóðarinnar.

SJÁ

12.02.07

  16:21:10, Skrásetjari: Jón Rafn Jóhannsson, 1292 orð  
Flokkur: Hirðisbréf páfa

HIRÐISBRÉF PÍUSAR PÁFA XII: HAURIETIS AQUAS – Um guðrækni hins Alhelga Hjarta, 15. maí 1956 (§ 121-127)

121. Nú þegar vér fylgjum í fótspor forvera vors ávörpum vér fullir gleði enn einu sinni alla ástfólgna bræður vora í Kristi með þeim hvatningarorðum sem Leó XIII af eilífri minningu greip til í lok síðustu aldar í ávarpi sínu til allra hinna trúuðu og allra þeirra sem bera hjálpræði sitt og borgaralegs samfélags síns fyrir brjósti: „Sjá, í dag hefur annað sannverðugt tákn um náð Guðs verið sett oss fyrir sjónir, það er að segja hið Alhelga Hjarta Jesú Krists . . . sem ljómar í ósegjanlegri dýrð úr logunum. Vér verðum að setja alla von vora á það og í því ber að leita alls hjálpræðis og vonar.“ [121]

Öll færslan - smellið hér til að lesa alla færsluna »

  16:21:10, Skrásetjari: Jón Rafn Jóhannsson, 1292 orð  
Flokkur: Erlendar fréttir, Hirðisbréf páfa

HIRÐISBRÉF PÍUSAR PÁFA XII: HAURIETIS AQUAS – Um guðrækni hins Alhelga Hjarta, 15. maí 1956 (§ 121-127)

121. Nú þegar vér fylgjum í fótspor forvera vors ávörpum vér fullir gleði enn einu sinni alla ástfólgna bræður vora í Kristi með þeim hvatningarorðum sem Leó XIII af eilífri minningu greip til í lok síðustu aldar í ávarpi sínu til allra hinna trúuðu og allra þeirra sem bera hjálpræði sitt og borgaralegs samfélags síns fyrir brjósti: „Sjá, í dag hefur annað sannverðugt tákn um náð Guðs verið sett oss fyrir sjónir, það er að segja hið Alhelga Hjarta Jesú Krists . . . sem ljómar í ósegjanlegri dýrð úr logunum. Vér verðum að setja alla von vora á það og í því ber að leita alls hjálpræðis og vonar.“ [121]

Öll færslan - smellið hér til að lesa alla færsluna »

  12:20:05, Skrásetjari: Jón Rafn Jóhannsson, 1628 orð  
Flokkur: Hirðisbréf páfa

HIRÐISBRÉF PÍUSAR PÁFA XII: HAURIETIS AQUAS – Um guðrækni hins Alhelga Hjarta, 15. maí 1956 (§ 111-120)

111. Fyrst þessu er svo varið, þá leikur ekki á því nokkur vafi að þegar kristið fólk auðsýnir hina Alhelga Hjarta Endurlausnarans lotningu uppfyllir það mikilvægan þátt skyldna sinna í þjónustu sinni við Guð og jafnhliða beygir það sig undir Skapara sinn og Endurlausnara, bæði í ástúð hjartna sinna og í sinni ytri breytni í lífinu. Með þessum hætti hlýðnast það boðorðinu guðdómlega: „Og þú skalt elska Drottin, Guð þinn, af öllu hjarta þínu, allri sálu þinni, öllum huga þínum og öllum mætti þínum.“ [113]

112. Auk þess ber það þá óhagganlegu fullvissu í brjósti að það sé ekki einungis knúið til að heiðra Guð fyrst og fremst sjálfu sér til ávinnings til sálar og líkama í þessu lífi og hinu komandi, heldur sé það vegna gæsku Guðs sem það leitast við að auðsýna honum lotningu með því að endurgjalda honum elsku með elsku, að tilbiðja hann og færa honum þakkir. Ef sú væri ekki raunin væri guðrækni hins Alhelga Hjarta Jesú Krists ekki í nokkurri samhljóðan við kjarna kristindómsins vegna þess að maðurinn beindi þá ekki lotningu sinni þegar í stað til hinnar guðdómlegu elsku. Þannig og ekki að ástæðulausu, eins og stundum vill bera við, væri unnt að ásaka þá sem annað hvort misskilja þetta háleita afbrigði guðrækni eða iðka hana með röngum hætti um öfgakennda sjálfselsku og sjálfsþjónkun. Þannig ber öllum að gera sér fullkomlega ljóst að þegar þeir auðsýna hinu Alhelga Hjarta Jesú guðrækni er það ekki hin ytri viðleitni sem vegur þyngst, fremur en að kjarni hennar felist í ávinningnum. Ef Kristur hefur gefið fyrirheit um slíkt í persónulegum opinberunum, þá var það til að hvetja menn til að iðka af enn meiri eldmóði frumskyldur kaþólskrar trúar, það er að segja elsku og fórn og þannig að grípa til allra tiltækra ráða sér til andlegs ávinnings.

Öll færslan - smellið hér til að lesa alla færsluna »

11.02.07

  16:30:44, Skrásetjari: Jón Rafn Jóhannsson, 2013 orð  
Flokkur: Hirðisbréf páfa

HIRÐISBRÉF PÍUSAR PÁFA XII: HAURIETIS AQUAS – Um guðrækni hins Alhelga Hjarta, 15. maí 1956 (§ 101-110)

101. Kirkjan, uppfræðari mannanna, hefur því ávallt verið fullviss um það frá því að hún gaf opinberlega út fyrstu skjölin um guðrækni hins Alhelga Hjarta Jesú að kjarni hennar, það er að segja elskan og fórnin þegar takmarkalaus elska Guðs á mannkyninu er vegsömuð, sé með engum hætti lituð af svo nefndri „efnishyggju“ eða eitri hindurvitna. Miklu fremur er guðrækni þessi afbrigði trúrækni sem er í fullri samhljóðan við þá andlegu tilbeiðslu sem sjálfur Frelsarinn boðaði þegar hann talaði við samversku konuna: „En sú stund kemur, já, hún er nú komin, er hinir sönnu tilbiðjendur munu tilbiðja Föðurinn í anda og sannleika. Faðirinn leitar slíkra, er þannig tilbiðja hann. Guð er andi, og þeir, sem tilbiðja hann, eiga að tilbiðja í anda og sannleika." [104]

Öll færslan - smellið hér til að lesa alla færsluna »

  11:28:14, Skrásetjari: Jón Rafn Jóhannsson, 1549 orð  
Flokkur: Hirðisbréf páfa

HIRÐISBRÉF PÍUSAR PÁFA XII: HAURIETIS AQUAS – Um guðrækni hins Alhelga Hjarta, 15. maí 1956 (§ 91-100)

91. En staðreyndin er sú að ætíð hafa verið uppi einstaklingar sem hafa helgast Guði og þar með fylgt fordæmi hinnar hjartfólgnu Guðsmóður. Postularnir og hinir miklu feður kirkjunnar hafa lagt rækt við þessa guðrækni þakkargjörðar, tilbeiðslu og elsku á hinni háheilögu mennsku Krists, einkum þó á sárum þeim sem gegnumnístu líkama hans þegar hann þjáðist sökum hjálpræðis okkar.

92. Felst auk þess ekki í þessum orðum „Drottinn minn og Guð minn!“ [96] sem hl. Tómas postuli tók sér í munn, orðum sem leiða í ljós að hann hafði breyst úr vantrúarmanni í trúaðan lærisveim, trúarjátning, tilbeiðsla og elska sem rís frá særðri mennsku Drottins hans til hátignar hinnar guðdómlegu Persónu?

Öll færslan - smellið hér til að lesa alla færsluna »

10.02.07

  12:55:43, Skrásetjari: Jon Valur Jensson   , 243 orð  
Flokkur: Fósturvernd

Þjóðaratkvæðagreiðsla um fósturdeyðingar í Portúgal

Ingimar Karl Helgason fréttamaður var með fréttaauka í hádegisfréttum Rúv í dag um hina boðuðu atkvæðagreiðslu um frumvarp um fósturdeyðingar, sem lögð verður fyrir allan almenning á morgun, á þeim Drottins degi. Í lengra máli verður fjallað um þetta efni í Laugardagsþættinum á Rás 1 (sem stendur yfir kl. 1.00–1.50). Ekki sýnist mér þó líklegt, að sú umfjöllun verði hlutlæg eða tillitssöm gagnvart kristinni afstöðu í málinu, því að sérstakur viðmælandi Ingimars Karls verður þar Mariana Mencherao [1], sem leggur áherzlu á, að kaþólska kirkjan sé klofin í þessu máli. Það gengur þvert á það, sem bezt verður vitað um afstöðu kirkjunnar til lífsverndar hinna ófæddu. [2]

Öll færslan - smellið hér til að lesa alla færsluna »

  08:43:43, Skrásetjari: Jón Rafn Jóhannsson, 1497 orð  
Flokkur: Hirðisbréf páfa

HIRÐISBRÉF PÍUSAR PÁFA XII: HAURIETIS AQUAS – Um guðrækni hins Alhelga Hjarta, 15. maí 1956 (§ 81-90)

81. Gjöf Heilags Anda sem úthellt var yfir lærisveina hans er fyrsta áþreifanlega táknið um ríkidæmi kærleika hans eftir sigur uppstigningar hans til hægri handar Föðurins. Að tíu dögum liðnum kom Heilagur Andi sem Faðirinn gaf yfir þá þar sem þeir voru saman í loftsalnum í samhljóðan við það fyrirheit sem gefið var við síðustu kvöldmáltíðina: „Ég mun biðja Föðurinn, og hann mun gefa yður annan Hjálpara, að hann sé hjá yður að eilífu.“ [84] Og þessi Hjálpari sem er hin gagnkvæma elska milli Föðurins og Sonarins er sendur af þeim báðum í mynd eldtungna sem úthellti í sálir þeirra guðdómlegum kærleika í gnægtum og öðrum himneskum náðargjöfum.

82. Innblástur þessa guðdómlega kærleika á sér einnig upptök í Hjarta Frelsarans, en „í honum eru allir fjársjóðir spekinnar og þekkingarinnar fólgnir.“ [85]. Þessi kærleikur er gjöf Jesú Krists og Anda hans og hann er í reynd Andi Föðurins og Sonarins, sem er uppspretta kirkjunnar sem opinberar undursamlegan vöxt hennar fyrir heiðingjunum sem saurgast höfðu af skurðgoðadýrkun, hatri innan fjölskyldunnar, siðspillingu og ofbeldi.

Öll færslan - smellið hér til að lesa alla færsluna »

09.02.07

  07:58:01, Skrásetjari: Jón Rafn Jóhannsson, 1012 orð  
Flokkur: Hirðisbréf páfa

HIRÐISBRÉF PÍUSAR PÁFA XII: HAURIETIS AQUAS – Um guðrækni hins Alhelga Hjarta, 15. maí 1956 (§ 71-80)

71. Það má því lýsa því yfir að hin guðdómlega Evkaristía, bæði sakramentið sem hann gefur mönnunum og fórnin þar sem hann fórnar sér óaflátanlega „frá upprás sólar allt til niðurgöngu hennar “ [73] og jafnframt prestdómurinn, séu með sanni gjafir hins Alhelga Hjarta Jesú.

72. Önnur afar dýrmæt náðargjöf hins Alhelga Hjarta er, eins og vér höfum sagt, María, hin hjarttfólgna Móðir Guðs og elskurík Móðir okkar allra. Hún sem ól Frelsara vorn með holdlegum hætti og ásamt honum kallaði börn Evu til lífs guðlegrar náðar hefur með réttu verið heiðruð sem andleg Móðir alls mannkynsins. Og það er þannig sem hl. Ágústínus skrifar um hana: „Augljóslega er hún Móðir lima Frelsarans (en það erum við) vegna þess að hún deildi með honum erfiðinu í elsku svo að hinir trúföstu limir Höfuðsins gætu fæðst í kirkjunni“ [74]

Öll færslan - smellið hér til að lesa alla færsluna »

08.02.07

  07:16:07, Skrásetjari: Jón Rafn Jóhannsson, 1269 orð  
Flokkur: Hirðisbréf páfa

HIRÐISBRÉF PÍUSAR PÁFA XII: HAURIETIS AQUAS – Um guðrækni hins Alhelga Hjarta, 15. maí 1956 (§ 61-70)

61. En eftir að dýrlegur líkami hans hafði að nýju sameinast sál hins guðdómlega Endurlausnara eftir sigurinn yfir dauðanum, hætti hið Alhelga Hjarta hans ekki og mun aldrei hætta að slá með kyrrðarríkum og órjúfanlegum hjartaslætti. Þannig mun það heldur aldrei hætta að vera tákn þeirrar þríþættu elsku sem bindur hann hinum himneska Föður og öllu mannkyninu, en hann hefur allan rétt til að vera leyndardómsfullt Höfuð þess.

62. Og nú, æruverðugu bræður, og til þess að vér getum safnað saman ríkulegum og sáluhjálplegum ávöxtum með þessum heilögu íhugunum, viljum vér hugleiða og íhuga lauslega þau fjölmörgu geðhrif, mennsk og guðleg, sem Hjarta Frelsara vors Jesú Krists opinberaði okkur í dauðlegu lífi hans og heldur áfram að gera að eilífu. Það er einkum af síðum guðspjallanna sem ljós skín til vor og í styrk þess og birtu megnum vér að ganga inn í hinn hulda stað hins guðlega Hjarta og horfa ásamt postula heiðingjanna á „hinn yfirgnæfandi ríkdóm náðar hans með gæsku sinni við oss í Kristi Jesú.“ [57]

Öll færslan - smellið hér til að lesa alla færsluna »

07.02.07

  07:42:57, Skrásetjari: Jón Rafn Jóhannsson, 905 orð  
Flokkur: Hirðisbréf páfa

HIRÐISBRÉF PÍUSAR PÁFA XII: HAURIETIS AQUAS – Um guðrækni hins Alhelga Hjarta, 15. maí 1956 (§ 51-60)

51. Í styttra máli en ekki áhrifaminni orðum boðar eftirfarandi tilvitnun hl. Jóhannesar frá Damaskus kenningar kirkjunnar: „Fullkominn Guð samlíktist mér fullkomlega og fullkominn maður sameinast fullkomnum Guði, þannig að hann gæti borið fullkomnum manni hjálpræðið. Það sem ekki fólst í samlíking var ekki unnt að græða.“ [49] „Hann samlíktist því öllum til að helga alla.“ [50]

52. Engu að síður ber að taka fram að þessar völdu tilvitnanir í Ritninguna og feðurna og margar áþekkar sem vér höfum ekki gripið til bera því ljóst vitni, að Jesús Kristur var gæddur geðbrigðum og skynhrifum og íklæddist mennsku eðli til að vinna að eilífu hjálpræði voru, en aldrei er hér skírskotað með þessum geðbrigðum til líkamlegs hjarta hans með slíkum hætti að vikið sé að því með beinum orðum sem tákni um takmarkalausa elsku hans.

Öll færslan - smellið hér til að lesa alla færsluna »

06.02.07

  21:50:33, Skrásetjari: Ragnar Geir Brynjólfsson   , 202 orð  
Flokkur: Hjálparstarf, Umhverfismál

Talsmaður hjálparsamtaka segir fátæk lönd ekki ráða við áhrif hlýnunar

ICN, London 5.2.2007. „Fátækt fólk mun ekki geta aðlagast þriggja gráða hlýnun sem spáð er að verði orðin um næstu aldamót.“ Þetta sagði Andrew Pendleton veðurfarsfræðingur hjá Christian Aid hjálparsamtökunum. „Það þýðir að milljónir manna í þróunarlöndum verða að yfirgefa ræktarlönd vegna stækkandi eyðimarka. Þessi fólksflótti ásamt því að hafnarborgir tapast vegna hækkandi sjávarborðs mun umbreyta plánetunni.“ Pendleton sagði einnig að 0,8 gráðu hækkun meðalhita sem varð á síðustu öld hafi þegar orsakað hungur og dauða hjá milljónum þeirra sem helst eiga undir högg að sækja.

Öll færslan - smellið hér til að lesa alla færsluna »

  07:12:56, Skrásetjari: Jón Rafn Jóhannsson, 1113 orð  
Flokkur: Hirðisbréf páfa

HIRÐISBRÉF PÍUSAR PÁFA XII: HAURIETIS AQUAS – Um guðrækni hins Alhelga Hjarta, 15. maí 1956 (§ 41-50)

41. Þannig leikur ekki á því nokkur vafi að Jesú Kristur íklæddist sönnum líkama og hafði allar þær eigindir til að bera sem eru hans, en þar er það elskan sem er ríkjandi um fram allt annað. Það er einnig hafið yfir allan vafa að hann var gæddur líkamlegu hjarta eins og voru vegna þess að án þessa göfuga líkamshluta eru venjubundnar mennskar tilfinningar óhugsandi. Í þessu ljósi slær Hjarta Jesú Krists sem er sameinað hinni guðdómlegu Persónu í einingu í elsku ásamt öðrum tilfinningum – en sameinuðu mennskum vilja gagnteknum guðdómlegum kærleika og þeirri takmarkalausu elsku sem Sonurinn deilir með Föðurnum og Heilögum Anda og í slíkri einingu og samhrynjan, að í þessari þríþættu elsku var ekki um neinar andhverfur eða missamræmi að ræða. [40]

Öll færslan - smellið hér til að lesa alla færsluna »

05.02.07

  07:40:10, Skrásetjari: Jón Rafn Jóhannsson, 1477 orð  
Flokkur: Hirðisbréf páfa

HIRÐISBRÉF PÍUSAR PÁFA XII: HAURIETIS AQUAS – Um guðrækni hins Alhelga Hjarta, 15. maí 1956 (§ 31-40)

31. Jeremía spámaður virðist segja fyrir um þessi undursamlegum áhrif sem áttu að ná fram að ganga sökum miskunnarríkrar og eilífrar elsku Guðs með eftirfarandi orðum: „Með ævarandi elsku hefi ég elskað þig. Fyrir því hefi ég látið náð mína haldast við þig . . . En í þessu skal sáttmálinn fólginn vera, sá er ég gjöri við Ísraels hús eftir þetta – segir Drottinn: Ég legg lögmál mitt þeim í brjóst og rita það á hjörtu þeirra, og ég skal vera þeirra Guð og þeir skulu vera mín þjóð. Og þeir skulu ekki framar kenna hver öðrum, né einn bróðirinn öðrum, og segja: „Lærið að þekkja Drottin," því að þeir munu allir þekkja mig, bæði smáir og stórir – segir Drottinn. Því að ég mun fyrirgefa misgjörð þeirra og ekki framar minnast syndar þeirra“ [25]

Öll færslan - smellið hér til að lesa alla færsluna »

04.02.07

  10:31:36, Skrásetjari: Jón Rafn Jóhannsson, 1595 orð  
Flokkur: Hirðisbréf páfa

HIRÐISBRÉF PÍUSAR PÁFA XII: HAURIETIS AQUAS – Um guðrækni hins Alhelga Hjarta, 15. maí 1956 (§ 21-30)

21. Svo að allir megi gera sér betur ljóst þá uppfræðslu sem ákveðnar tilvitnanir í Gamla og Nýja testamentinu hafa fram að færa hvað áhrærir þessa guðrækni, verða þeir að skilja til fulls hvers vegna kirkjan auðsýnir Hjarta hins guðdómlega Endurlausnara æðstu tilbeiðslu. Eins og þér vitið, æruverðugu bræður, þá eru þessar ástæður tvær að tölu. Önnur þeirra sem einnig skírskotar til annarra heilagra lima líkama Jesú Krists, hvílir á þeirri forsendu, að vér lítum á Hjarta hans sem göfugusta hluta manneðlisins, persónulegri einingu við Persónu hins guðdómlega Orðs. Þar af leiðandi ber að auðsýna því þá vegsemd og lofgjörð sem kirkjan heiðrar Persónu hins holdgaða Guðson sjálfan með. Hér víkjum vér að trúarsetningu vegna þess að hún hefur verið skilgreind á hinu almenna kirkjuþingi í Efesus og öðru kirkjuþinginum í Konstantínópel. [15].

Öll færslan - smellið hér til að lesa alla færsluna »

03.02.07

  18:09:37, Skrásetjari: Jón Rafn Jóhannsson, 89 orð  
Flokkur: Vefrit Karmels

Uppgangan á Karmelfjall eftir Jóhannes af Krossi nú komin út á íslensku

karmelfjall

Nú er Uppgangan á Karmelfjall eftir Jóhannes af Krossi kominn út á íslensku á Vefrit Karmels. Í þessu mesta verki sínu gerir hann grein fyrir hinni virku nótt andans, hvað sá sem leggur rækt við hið andlega líf getur gert í eigin mætti og með sinni eigin viðleitni til að hraða fyrir komu hinnar andlegu nætur.

Í Hinni myrku nótt sálarinnar fjallar hann hins vegar um hina óvirku eða innblásnu nótt. Verkin mynda þannig eina samstæða heild.

SJÁ VEFRIT KARMELS:

02.02.07

  20:44:01, Skrásetjari: Ragnar Geir Brynjólfsson   , 48 orð  
Flokkur: Páfinn

Bænarefni páfa í febrúar 2007

Að gæði jarðar, sem Guð hefur gefið öllum mönnum, verði notuð á ábyrgðarfullan hátt öllum mönnum til hagsbóta.

Að ríkisstjórnir berjist sameiginlega gegn sjúkdómum og farsóttum í þriðja heiminum.

Heimild: Kaþólska kirkjublaðið nr. 2, 2007 bls. 9

  10:09:39, Skrásetjari: Jón Rafn Jóhannsson, 1636 orð  
Flokkur: Hirðisbréf páfa

HIRÐISBRÉF PÍUSAR PÁFA XII: HAURIETIS AQUAS – Um guðrækni hins Alhelga Hjarta, 15. maí 1956 (§ 11-20)

11. Enn aðrir telja þessa guðrækni til byrði eða hafa lítið gildi eða þá gagnslausa með öllu fyrir þá sem berjast í hersveitum hins guðdómlega Konungs og láta að mestu stjórnast af þeirri hugsun, að vinna beri í eigin mætti og grípa til eigin úrræða og hvernig verja beri tímanum í vörn sinni fyrir kaþólskum sannindum, að boða þau og kenna, að samfélagslegar kenningar kristindómsins eigi að leysa hana af hólmi og leggja beri rækt við þá trúrækni sem þeir telja vera meira aðkallandi í dag.

12. Svo eru það þeir sem telja það fjarri sanni að þessi guðrækni veiti mikinn stuðning í réttu kristnu siðgæði og endurnýjun þess bæði í persónulegu lífi einstaklingsins og innan veggja heimilsins og líta fremur á hana sem guðrækni sem nærist hvorki á sál né huga heldur á tilfinningasemi og þar af leiðandi betur við hæfi kvenna vegna þess að hún sé ekki við hæfi menntaðra manna að öllu leyti.

Öll færslan - smellið hér til að lesa alla færsluna »

1 ... 19 20 21 ...22 ... 24 ...26 ...27 28 29 ... 46

Síðustu athugasemdir

Síðustu pistlar

Kirkju.net er óháð vefrit sem inniheldur aðallega efni tengt kaþólskri trú en einnig um trúmál almennt. Markmiðið er að miðla fróðleik og stuðla að skoðanaskiptum og umræðu innan kaþólsku kirkjunnar á Íslandi sem og að kynna kaþólsku kirkjuna fyrir þeim sem utan hennar eru. Aðalsíða vefritsins sækir pistla inn á bloggsíður og skrifa höfundar hvers bloggs pistla sem hafa kaþólskt eða annað trúarlegt efni sem meginþema. Skoðanir settar fram í pistlunum eru höfundanna sjálfra og ber ekki að túlka þær sem skoðanir trúfélaga eða annarra bloggara. Höfundar bera ábyrgð á efni sem þeir birta á sínu bloggi. Athugasemdir við pistlana eiga að vera á íslensku, málefnalegar og fullt nafn höfundar á að koma fram. Athugasemdum er ritstýrt af höfundi hvers bloggs fyrir sig. Gestapennar innan eða utan kaþólsku kirkjunnar eru einnig velkomnir að senda inn greinar sem eru birtar undir „Ýmsir höfundar.“

Leit

Flokkur

Sr. Denis O'Leary

Kirkjuvefbók Ragnars

Jón Valur Jensson

Ýmsir höfundar

Jón Rafn Jóhannsson

Kirkju.net


Fatal error: Uncaught Error: Call to a member function flag() on boolean in /home/n982112/public_html/inc/widgets/widgets/_item_info_line.widget.php:215 Stack trace: #0 /home/n982112/public_html/inc/widgets/model/_widget.class.php(629): item_info_line_Widget->display(Array) #1 /home/n982112/public_html/inc/skins/model/_skin.class.php(315): ComponentWidget->display_with_cache(Array, Array) #2 /home/n982112/public_html/inc/skins/_skin.funcs.php(2411): Skin->container('Sidebar', Array) #3 /home/n982112/public_html/skins/custom_skin/index.main.php(240): skin_container('Sidebar', Array) #4 /home/n982112/public_html/inc/_blog_main.inc.php(890): require('/home/n982112/p...') #5 /home/n982112/public_html/index.php(67): require('/home/n982112/p...') #6 {main} thrown in /home/n982112/public_html/inc/widgets/widgets/_item_info_line.widget.php on line 215