Blaðsíður: 1 ... 7 8 9 ...10 ... 12 ...14 ...15 16 17 ... 46

03.07.08

  22:39:14, Skrásetjari: Ragnar Geir Brynjólfsson   , 3483 orð  
Flokkur: Ýmsir höfundar, Bryndís Böðvarsdóttir

Tómasarguðspjall og hin guðspjöllin fjögur

Eftir Bryndísi Böðvarsdóttur

[Eftirfarandi pistill eftir Bryndísi Böðvarsdóttur birtist upprunalega á bloggsíðu hennar og er hann endurbirtur hér með hennar leyfi. Aths. RGB]

Tómasarguðspjall

Margir vilja meina það, að hið utan-kanónska guðspjall (utan Biblíulega) sem kennt hefur verið við Tómas postula Jesú, eigi fullan rétt á því að vera í Biblíunni eins og hin kanónsku guðspjöll 4 (Matt. Mark. Lúk. Jóh). Það Tómasarguðspjall sem við þekkjum í dag leit dagsins ljós í Nag Hammadí handritafundinum í Egyptalandi 1945 c.a. Það er ritað á koptísku, en hefur nú verið þýtt úr koptísku yfir á ýmis tungumál og þar á meðal Íslensku.

Menn urðu vissulega spenntir þegar þetta guðspjall uppgötvaðist. Töldu ýmsir menn að kominn væri „týndi hlekkurinn" sem veita mundi mönnum nýja innsýn í það hver hinn ,,sögulegi Jesú" var. Ritaðar hafa verið fjölmargar bækur um þetta guðspjall og dregnar margar ályktanir um áreiðanleika þess.

Vandinn er hinsvegar sá að það er ennþá ekkert sem sannar að Tómasarguðspjall sé ritað eftir Tómas lærisvein Jesú.

Öll færslan - smellið hér til að lesa alla færsluna »

29.06.08

  15:27:34, Skrásetjari: Ragnar Geir Brynjólfsson   , 1206 orð  
Flokkur: Þjóðfélagsrýni, Önnur trúarbrögð

Um íslamismann, naívismann og guðlastsákvæðin

Fyrir nokkru las ég bókina Íslamistar og naívistar eftir Danina Jespersen og Pittelkow en hún kom út hér á landi í fyrra. Bókin er í heild sinni athyglisverð og upplýsandi m.t.t. íslamisma og er ekki að sjá galla í efnistökum hennar á því sviði enda hafa höfundarnir aflað sér heimilda víða eins og sjá má á ítarlegri tilvísanaskrá og heimilda eða ritaskrá.

Ég ætla ekki að endurtaka það sem í bókinni stendur endar er ég flestu sammála þar hvað varðar greiningu höfundanna á ástandi mála en renni örstutt yfir þau hugtök sem þar eru notuð. Íslamisma þekkja flestir og hann þarf varla að kynna en höfundarnir nota naívisma í merkingu yfir þá Vesturlandabúa sem hafa lítinn metnað fyrir eigin menningu og telja að gefa beri eftir á flestum sviðum þar sem viðhorf íslam mæta Vestrænni menningu.

Öll færslan - smellið hér til að lesa alla færsluna »

22.06.08

  14:47:11, Skrásetjari: Jon Valur Jensson   , 841 orð  
Flokkur: Úr lífi og starfi kirkjunnar, Kaþólskir Íslendingar

Tveir kaþólskir prestar okkar látnir

Skyndilega, í sömu vikunni, eru tveir af fremstu mönnum meðal presta okkar á seinni hluta 20. aldar burt kallaðir. Þeir eru séra Sæmundur Vigfússon og séra Georg (f. August George), sá síðarnefndi þjóðkunnur sem skólastjóri Landakotsskóla um 34 ára bil, 1964–98, en einnig sem staðgengill biskups frá 1969. Þeirra verður nú minnzt hér nokkrum orðum.

Öll færslan - smellið hér til að lesa alla færsluna »

  02:24:50, Skrásetjari: Jón Rafn Jóhannsson, 472 orð  
Flokkur: Bænalífið, Heilagur Andi

Hin innsiglaða uppspretta – Hl. Gregoríos frá Nyssa (335-395)

Með eftirfarandi orðum víkur hl. Gregoríos að innsta verundardjúpi mannsins í skrifun sínum, hinu innsta sviði Edith Stein eða uppsprettunni hans Jóhannesar af Krossi:

En garðurinn okkar þarfnast einnig uppsprettu, þannig að trjálundirnir fái að blómgast í sífellu og njóti vökvunar. Og þess vegna bætir hann uppsprettunni við þegar hann lofar brúðina og segir: Lokuð lind, innsigluð uppspretta (Ll 4. 12). Orðskviðirnir uppfræða okkur um hvað felst að baki þessarar uppsprettu með dæmisögu: Gæddu uppsprettur þína sætleika. Þér einum skulu þær tilheyra og engum óviðkomandi með þér (Ok 5. 16, 17, Sjötíumannaþýðingin). Hér leggur textinn blátt bann við því, að einhver annar spilli vatninu. Þannig er þessu einnig varið í fyrra textabrotinu okkar: Óviðkomandi er meinað að njóta uppsprettunnar, eins og gefið er í skyn með orðinu innsigluð, sem þýðir eitt og hið sama og „undir eftirliti.“

Öll færslan - smellið hér til að lesa alla færsluna »

17.06.08

  19:33:09, Skrásetjari: Jón Rafn Jóhannsson, 481 orð  
Flokkur: Trúarljóð

Óður sálar sem gleðst yfir því að þekkja Guð í trú – Hl. Jóhannes af Krossi

Hversu vel þekki ég ekki uppsprettuna
sem streymir fram, þótt það sé nótt.

1. Þessi eilífa uppspretta er hulin,
en ég veit vel hvaðan hún streymir fram,
þótt það sé nótt.

2. Upphaf hennar er mér ókunnugt,
en ég veit að allt upphaf er frá henni komið,
þótt það sé nótt.

3. Ég veit að ekkert annað er svona fagurt,
og himininn og jörðin bergja af henni
þótt það sé nótt.

4. Ég veit vel að botn er ekki í henni að finna,
að enginn geti komist hér yfir,
þótt það sé nótt.

Öll færslan - smellið hér til að lesa alla færsluna »

16.06.08

  00:54:02, Skrásetjari: Jón Rafn Jóhannsson, 3878 orð  
Flokkur: Bænalífið, Heilagur Andi

Vísindi krossins – Edith Stein (systir Teresia Benedicta af Krossi OCD) (1891-1942) karmelsystir og trúarheimspekingur – (4)

d. Sálin, „égið“ og frelsið

Það er mikilvægt að varpa eins skýru ljósi og unnt er með andlegum hætti og án ímynda á það hvað þessar rúmmyndir tjá. Þessar ímyndir eru ómissandi. En þær eru óljósar og auðvelt að misskilja þær. Það sem nálgast sálina að utan tilheyrir hinum ytra heimi. Með þessu er átt við það sem tilheyrir ekki sálinni sjálfri og meginreglan er sú að slíkt tilheyrir heldur ekki líkama hennar. Þótt líkami hennar sé nefndur úthverfa hennar, þá er hann hennar úthverfa og einn með henni í einingu verundar hennar og ekki eins úthverfur eins og það sem blasir við henni sem algjörlega framandi og aðskilið. [8]. Meðal þessara framandi og aðskildu fyrirbæra má gera greinarmun á þeim hlutum sem eiga sér augljósa ytri tilveru, það er að segja eru gæddir rúmvídd og þeirra sem eru gæddir innhverfri verund líkt og sjálf sálin.

Öll færslan - smellið hér til að lesa alla færsluna »

12.06.08

  17:10:37, Skrásetjari: Jón Rafn Jóhannsson, 776 orð  
Flokkur: Bænalífið, Heilagur Andi

Vísindi krossins – Edith Stein (systir Teresia Benedicta af Krossi OCD) (1891-1942) karmelsystir og trúarheimspekingur – (3)

c. Innra svið sálarinnar og hugsanir hjartans.

Hugsanir hjartans eru hið upphaflega líf sálarinnar í grunni verundar hennar í djúpi sem fer á undan allri skiptingu í mismunandi sálareigindir og starfsemi þeirra. Þarna lifir sálin nákvæmlega eins og hún er í sjálfri sér, handan alls sem kallað er fram í henni vegna skapaðra vera. Þótt þetta innsta og djúpa svið sé dvalarstaður Guðs og sá staður þar sem sálin sameinast Guði, þá streymir hennar eigið líf héðan út áður en líf sameiningarinnar hefst. Þannig er þetta jafnvel í því tilviki þar sem þessi sameining nær ekki fram að ganga. Allar sálir eru gæddar þessu innsta sviði og verund þeirra er líf.

Öll færslan - smellið hér til að lesa alla færsluna »

11.06.08

  08:43:34, Skrásetjari: Jón Rafn Jóhannsson, 1703 orð  
Flokkur: Bænalífið, Heilagur Andi

Vísindi krossins – Edith Stein (systir Teresia Benedicta af Krossi OCD) (1891-1942) karmelsystir og trúarheimspekingur – (2)

b. Samskipti sálarinnar við Guð og skapaða anda

Með því að grípa til rúmmfræðilegrar líkingar úr náttúruvísindum samtíma síns nefnir hinn helgi maður (Jóhannes af Krossi) Guð hvíldarpunkt eða dýpstu miðju sálarinnar. [1] Samkvæmt þessari vísindalegu afstöðu eru hlutir dregnir með ómótstæðilegum krafti til miðju jarðarinnar vegna þess að þetta er sá punktur þar sem aðdráttaraflið er mest. Steinn inni í jörðinni hefur þegar náð ákveðnum hvíldarpunkti, en þetta er þó ekki enn dýpsta miðjan vegna þess að hann býr yfir eiginleika, mætti og tilhneigingu til að falla enn lengra meðan hann hefur ekki náð til miðpunktsins. Þannig hefur sálin fundið endanlegan og dýpsta hvíldarpunkt sinn í Guði „þegar hún þekkir, elskar og nýtur Guðs af öllum sínum mætti.“ Þetta er aldrei endanlega raunin í þessu lífi. Þegar hún hvílir í hvíldarpunkti sínum fyrir náð Guðs, þá er hér ekki um dýpstu miðjuna að ræða vegna þess að hún getur ávallt gengið enn dýpra inn í Guð. Sá máttur sem dregur hana til Guðs er elskan og elskan getur í þessu tilviki ætíð náð háleitara stigi. Því æðra sem þetta stig er því dýpra dregur akkeri elskunnar sálina niður og þess meira gagntekur Guð hana á þeim rimum stigans sem sálin rís upp eftir til Guðs [2], það er að segja til sameiningar við hann. Eftir því sem hún rís hærra upp til Guðs því dýpra sígur hún niður innra með sér sjálfri: Sameiningin nær fram að ganga í innsta hluta sálarinnar, í dýpsta grunni sálarinnar. Ef þetta virðist allt vera þversagnakennt, þá verður að hafa í huga að hér er einungis um ólíkar rúmmyndir að ræða – sem fylla hvor aðra upp með gagnkvæmum hætti – þar sem leitast er við að tjá það sem á ekkert skylt við rúm og náttúrleg reynsla getur ekki tjáð með fullnægjandi hætti.

Öll færslan - smellið hér til að lesa alla færsluna »

09.06.08

  11:33:58, Skrásetjari: Jón Rafn Jóhannsson, 1332 orð  
Flokkur: Bænalífið, Heilagur Andi

Vísindi krossins – Edith Stein (systir Teresia Benedicta af Krossi OCD) (1891-1942) karmelsystir og trúarheimspekingur – (1)

Árið 1911 hóf Edith Stein nám við háskólann í Breslau og mjög snemma beindist áhugi hennar að heimspekinni. Hún komst í samband við táknmálsfræðinginn Edmund Husserl sem var prófessor í Göttingen og hélt áfram námi sínu þar frá og með árinu 1913. Þarna gat hún fullnægt „einu ástríðu sinni: „Fróðleiksfýsninni“, jafnframt því að vera afar opin gagnvart öllum mannlegum samskiptum. Árið 1916 fylgdi hún læriföður sínum eftir til Freiburg/Breisgau þar sem hún varði doktorsritgerð sína sem hlaut æðstu viðurkenningu: „Um vandamál reynsluskynjunarinnar.“ Verkið vakti mikla athygli meðal heimspekinga og því sem næst samstundis skipaði Husserl þennan hæfileikaríka nemanda aðstoðarmann sinn.

Öll færslan - smellið hér til að lesa alla færsluna »

07.06.08

  08:43:50, Skrásetjari: Jón Rafn Jóhannsson, 444 orð  
Flokkur: Bænalífið, Heilagur Andi

Vísindi elskunnar – hl. Teresa af Jesúbarninu

„Ég vil að þú lesir í bók lífsins þar sem sjá má vísindi elskunnar.“ Vísindi elskunnar, já einmitt, þessi orð hljóma vel í eyrum sálar minnar og það eru einmitt þessi vísindi sem ég þrái. Þótt ég hafi gefið öll auðæfi mín fyrir þau met ég þau einskis eins og brúðurin í hinum heilögu Ljóðaljóðum (8. 7). Ég skil það svo vel að það er einungis elskan sem gerir okkur velþóknanleg fyrir Guði, að það er þessi elska sem eru þau einu gæði sem ég þrái.

Öll færslan - smellið hér til að lesa alla færsluna »

30.05.08

  11:54:25, Skrásetjari: Jón Rafn Jóhannsson, 1630 orð  
Flokkur: Hið Alhelga Hjarta Jesú

Bréf hans heilagleika Benediktusar XVI í tilefni 50 ára minningar útkomu hirðisbréfsins „Haurietis Aquas (Uppsprettu vatnanna).“

Í dag, 50 árum síðar, hafa orð Jesaja spámanns sem Píus XII setti í upphafi hirðisbréfs síns þegar hann minntist aldarminningar aukinnar áherslu á Hátíð hins Alhelga Hjarta Jesú í allri kirkjunni ekki glatað inntaki sínu: „Þér munuð með fögnuði vatni ausa úr lindum hjálpræðisins“ (Jes 12. 3).

Með því að glæða guðræknina á Hjarta Jesú hvatti „Haurietis Aquas“ hina trúuðu að opna sig fyrir leyndardómi Guðs og elsku hans og heimila henni að ummynda sig. Að liðnum 50 árum er þetta enn verðug viðleitni fyrir kristið fólk til að halda áfram að dýpka samband sitt við Hjarta Jesú til þess að glæða trú sína á frelsandi elsku Guðs og fagna henni stöðugt í lífi sínu.

Síðusár Endurlausnarans er uppspretta sú sem hirðisbréfið „Haurietis Aquas“ víkur að: Við verðum að leita til þessarar uppsprettu til að öðlast sanna þekkingu á Jesú Kristi og sannreyna elsku hans með djúpstæðari hætti.

Öll færslan - smellið hér til að lesa alla færsluna »

  08:19:30, Skrásetjari: Jón Rafn Jóhannsson, 418 orð  
Flokkur: Hið Alhelga Hjarta Jesú

Ó Hjarta, elskuríkara öllu öðru – Heil. Geirþrúður frá Helfta (1256-1301)

Í tilefni Hátíðar hins Alhelga Hjarta Jesú

Þú hefur gert svo mikla og undursamlega hluti fyrir mig að ég er bundin þjónustunni við þig að eilífu. Hvernig get ég endurgoldið þér svo fjölþættan ávinning? Hvaða lofgjörð og þakkargjörð gæti ég fært þér að fórn, jafnvel þó að ég úthellti þeim þúsund sinnum yfir þig? Hver er ég, sú aumkunarverða sköpun sem ég er, ef ég er borin saman við þig, yfirfljótandi hjálpræði mitt? Því færi ég þér að fórn þá sál sem þú hefur frelsað. Ég vil auðsýna þér lotningu með allri elsku hjarta míns. Ó, já! Beindu lífi mínu til þín; dragðu mig fullkomlega til þín; gerðu mig að fullu og öllu eitt með þér.

Öll færslan - smellið hér til að lesa alla færsluna »

28.05.08

  11:19:47, Skrásetjari: Ragnar Geir Brynjólfsson   , 51 orð  
Flokkur: Um kirkju.net

Uppfærsla hjá kirkju.net

Verið er að vinna að því að uppfæra bloggið á kirkju.net. Af þeim sökum eru ýmsir tenglar ekki á íslensku og bloggfærslur safnast ekki á forsíðuna. Lesendur eru beðnir velvirðingar á þessu. Hægt er að smella á nöfn pistlahöfundanna til að komast inn á bloggsíður þeirra.

27.05.08

  09:21:06, Skrásetjari: Sr. Denis O'Leary   , 57 orð  
Flokkur: Bænir

Dýridagur

Guð,
þú hefur í þessu undursamlega sakramenti
eftirlátið oss minningu um þjáningar þínar.
Veit oss að tigna svo
hinn heilaga leyndardóm líkama þíns og blóðs,
að vér njótum ávallt ávaxtanna af endurlausn þinni.
þú sem lífir og ríkir með Guði föður
í einingu heilags anda,
Guð um aldir alda. Amen.

26.05.08

  23:58:11, Skrásetjari: Sr. Denis O'Leary   , 51 orð  
Flokkur: Bænir

BÆN VIÐ ÚTSTILLINGU ALTARISSAKRAMENTISINS

Drottinn Guð,
sem eftirlést oss minningu písla þinna
í hinu dásamlega sakramenti;
veit oss, að vér tignum hinn helga leyndardóm
holds þíns og blóðs,
svo að vér verðum ætíð
aðnjótandi ávaxta endurlausnar þinnar.
Þú, sem lifir og ríkir um aldir alda. Amen.

25.05.08

  23:26:02, Skrásetjari: Sr. Denis O'Leary   , 113 orð  
Flokkur: Bænir

Blessaður veri Guð

Blessaður veri Guð.
Blessað sé hans heilaga nafn.
Blessaður veri Jesús Kristur, sannur Guð og sannur maður.
Blessað sé nafnið Jesús.
Blessað sé heilagt hjarta hans.
Blessað sé hið dýrmæta blóð hans.
Blessaður veri Jesús í hinu helgasta Altarissakramenti.
Blessaður veri huggarinn Heilagur Andi.
Blessuð veri hin volduga móðir Guðs, helgust María.
Blessaður sé hinn heilagi og flekklausi getnaður hennar.
Blessuð sé hin dýrlega uppnumning hennar.
Blessað sé nafnið María, mey og móðir.
Blessaður veri heilagur Jósef, hinn skíri bóndi hennar.
Blessaður veri Guð í englum sínum og helgum mönnum.

24.05.08

  22:54:40, Skrásetjari: Sr. Denis O'Leary   , 188 orð  
Flokkur: Til umhugsunar

SAMFÉLAG HEILAGRA

Bæði Gamla testamentið og Nýja testamentið tala um líf eftir þetta líf.

Annað Vatikan þingið lagði mikla áherslu á sambandið milli okkar sem lifum á jörðinni og dýrlinganna, sem eru á himnum. Þetta er mikilvæg kenning í kaþólsku kirkjunni.

Til eru fjögur tilverustig. Þrjú þeirra eru í einingu við Guð og eitt er ekki. Síðasttalda tilverustigið er helvíti.

Hin þrjú eru:

•Kirkja pílagrímanna á jörðinni — það erum við.

•Hin líðandi kirkja í hreinsunareldinum — það eru hinir hólpnu.

•Hin sigursæla kirkja á himnum — til hennar teljast dýrlingarnir.

Sambandið milli okkar og þeirra, sem við höfum þekkt, en eru dánir, er ekki minna en á meðan þeir lifðu. Bæði hinir hólpnu í hreinsunareldinum og dýrlingarnir á himnum leggja hart að sér til að hjálpa okkur að komast í himnaríki. Þó að sálirnar séu í himnaríki eða í hreinsunareldinum þýðir það ekki að þær séu aðgerðalausar. Þær voru hluti af mannkyninu meðan þær lifðu á jörðinni og þær vita að við þörfnumst hjálpar þeirra.

23.05.08

  21:37:06, Skrásetjari: Sr. Denis O'Leary   , 37 orð  
Flokkur: Við brosum!

Ættartala

Sú saga er sögð um konu eina sem eyddi fimmtíu þúsund krónum til að fá ættartölu sína. Hún eyddi síðan öðrum fimmtíu þúsundum til að halda ættartölunni leyndri!

22.05.08

  22:29:01, Skrásetjari: Sr. Denis O'Leary   , 328 orð  
Flokkur: Nokkrir gullmolar úr Tkk

Læknið sjúka!

1508. Heilagur Andi gefur sumum sérstakar náðargáfur til að lækna [118] svo að kraftur náðar hins upprisna Drottins verði sýnilegur. En jafnvel áköfustu bænum er ekki ætíð gefið að lækna alla sjúkdóma. Þannig verður heilagur Páll að læra frá Drottni að “náð mín nægir þér því að mátturinn fullkomnast í veikleika” og að þjáningin sem þola verður getur merkt að “það sem enn vantar á þjáningar Krists, uppfylli ég með líkamlegum þjáningum mínum til heilla fyrir líkama hans, sem er kirkjan”. [119]

1509. (1405) “Læknið sjúka!” [120] Þessa skipun fékk kirkjan frá Drottni og hún kappkostar að hlýða henni með því að annast sjúka og fylgja þeim með ………

Öll færslan - smellið hér til að lesa alla færsluna »

21.05.08

  23:22:20, Skrásetjari: Sr. Denis O'Leary   , 288 orð  
Flokkur: Nokkrir gullmolar úr Tkk

Návist Krists með orði hans og krafti Heilags Anda

1373. “Kristur Jesús er sá sem dáinn er. Og meira en það: Hann er upprisinn, hann er við hægri hönd Guðs og hann biður fyrir oss,” og hann er nálægur kirkju sinni á margan hátt:[195] Í orði sínu, í bæn kirkju sinnar, “hvar sem tveir eða þrír eru saman komnir í mínu nafni, þar er ég mitt á meðal þeirra”, [196] í hinum fátæku, sjúku og þeim sem í fangelsi eru, [197] í sakramentunum sem hann er höfundur að, í messufórninni, og í persónu helgiþjónsins. En “einkum og sér í lagi er hann nærverandi… undir myndum evkaristíunnar.” [198]


1374.
Hvernig návist Krists er háttað undir myndum evkaristíunnar er ………

Öll færslan - smellið hér til að lesa alla færsluna »

  22:14:41, Skrásetjari: Ragnar Geir Brynjólfsson   , 965 orð  
Flokkur: Páfinn, Önnur trúarbrögð

Krefst páfinn tilbeiðslu allra manna?

Á dögunum barst mér í hendur bókin „Deilan mikla milli Krists og Satans“ eftir Ellen G. White sem gefin er út af Frækorninu - bókaforlagi Aðventista í Reykjavík. Eintakið sem ég er með í höndunum er önnur útgáfa 2003. Í 3. kafla bókarinnar er miklu rými varið í ádeilu á rómversk-kaþólsku kirkjuna fyrr á öldum og páfadóminn eins og sjá má t.d. á blaðsíðu 34:

Þegar Konstantín gerðist kristinn að nafninu til á öndverðri fjórðu öld, vakti það mikinn fögnuð og heimshyggjan gekk inn í kirkjuna sveipuð sýndarréttlæti. Nú komst skriður á spillinguna. Heiðindómurinn sem í orði kveðnu átti að heita sigraður var hinn raunverulegi sigurvegari. Andi hans réð lögum og lofum í kirkjunni. Heiðnar kenningar, siðir og hindurvitni voru felld inn í trúariðkanir og tilbeiðslu þessara svonefndu fylgjenda Krists. Málamiðlunin milli heiðindóms og kristni hafði í för með sér tilkomu „manns syndarinnar“ sem spáð hafði verið að koma mundi til að berjast gegn Guði og hreykja sér yfir hann. Þetta risavaxna kerfi falstrúar er meistaraverk valds Satans ..

Öll færslan - smellið hér til að lesa alla færsluna »

20.05.08

  23:19:38, Skrásetjari: Sr. Denis O'Leary   , 332 orð  
Flokkur: Til umhugsunar

Guð hefur látið menn vita að hann væri til

Guð hefur látið menn vita að hann væri til:

1. með hinum sýnilega heimi;

2. með rödd samviskunnar;

3. en einkum með yfirnáttúrlegri opinberun.

1. Hús getur ekki byggt sig sjálft. Miklu síður getur hin mikla alheimsbygging með sínum dásamlega útbúnaði hafa orðið til af sjálfu sér. Alvitur og almáttugur skapari hlýtur að hafa gjört hana. Þess vegna kemst heilög ritning svo að orði: "Himnarnir segja frá Guðs dýrð og festingin kunngjörir verkin handa hans." (Sám. 18,2). "En spyr þú skepnurnar og þær munu kenna þér, fugla loftsins og þeir munu fræða þig, eða jörðina og hún mun svara þér og fiskar hafsins munu segja þér það: Hver þekkti ekki á öllu þessu, að hönd Drottins hefur gjört þetta." (Job. 12,7). "Heimskinginn segir í hjarta sínu: "Enginn Guð er til." (Sálm. 13,I)

2. Í hverri mannssál er ………

Öll færslan - smellið hér til að lesa alla færsluna »

  09:27:41, Skrásetjari: Jón Rafn Jóhannsson, 335 orð  
Flokkur: Hið Alhelga Hjarta Jesú

Bæn hl. Thérèse af Jesúbarninu (1873-1897), karmelnunnu og kirkjufræðara.

„Hver sem vill vera fremstur, sé síðastur allra og þjónn allra.“

Jesús . . .! Hversu mikil er ekki auðmýkt þín, ó guðlegur Konungur dýrðarinnar, með því að gefast öllum prestum þínum án þess að gera mun á þeim sem elska þig og þeim – sem æ! – eru hálfvolgir eða kaldir í þjónustu þinni. Þú kemur niður af himnum þegar þeir ákalla þig. Ó Ástmögur minn, hversu „hógvær og lítillátur af hjarta“ (Mt 11. 29) virðist þú ekki vera undir hulu litlu og hvítu hostíunnar. Þú hefðir ekki getað auðmýkt þig meira til að kenna mér auðmýkt. Með sama hætti og sem svar við elsku þinni þrái ég að systur mínar skipi mér ætíð til sætis á lægsta staðnum til að sannfæra mig um að þessi staður er sannarlega minn . . .

Öll færslan - smellið hér til að lesa alla færsluna »

19.05.08

  23:10:34, Skrásetjari: Jón Rafn Jóhannsson, 1248 orð  
Flokkur: Hin heilaga arfleifð

Tólfpostulakenningin sem hluti hinnar heilögu arfleifðar erfikenningar kirkjunnar

Sjá grísk-íslenskan millilínutexta (interlinear) hér samkvæmt texta Fílóþeos Brýenniós metrópólítana í Níkomedíu.

Í Trúfræðsluriti rómversk kaþólsku kirkjunnar er vikið svofelldum orðum að hinni heilögu arfleifð eða erfikenningu:

Þessi lifandi arfleifð, sem fram er komin í Heilögum Anda, er kölluð erfikenning enda aðgreinist hún frá Heilagri Ritningu þótt hún tengist henni nánum böndum. Í gegnum erfikenninguna “varðveitir kirkjan eilíflega, í kenningu sinni, lífi og tilbeiðslu, allt það sem hún sjálf er, allt það sem hún trúir og lætur það ganga að erfðum til allra kynslóða. Ummæli hinna heilögu feðra vitna um hina lífgandi nærveru þessarar erfikenningar og þau sýna fram á hvernig auðlegð hennar er úthellt í starfi og lífi kirkjunnar, í trú hennar og bænum”. (78)

Og nokkru síðar:

Erfikenningin sem hér um ræðir er komin frá postulunum og lætur hún það ganga í erfðir sem þeir námu af kenningu og breytni Jesú og það sem Heilagur Andi kenndi þeim. Fyrsta kynslóð kristinna manna hafði ekki Nýja testamentið í skriflegum búningi og er Nýja testamentið sjálft skýrt dæmi um ferli hinnar lifandi erfikenningar (83).

Öll færslan - smellið hér til að lesa alla færsluna »

  22:29:22, Skrásetjari: Sr. Denis O'Leary   , 242 orð  
Flokkur: Nokkrir gullmolar úr Tkk

Gyðinglegir og kristnir helgisiðir

"……… 1096. Betri þekking á trú og trúarlífi Gyðinga eins og það er játað og lifað jafnvel í dag getur hjálpað okkur að skilja betur vissa þætti kristinna helgisiða. Bæði hjá Gyðingum og kristnum mönnum er Heilög Ritning undirstöðuatriði í helgisiðum þeirra: prédikunin á Orði Guðs, svarið við Orðinu, lofgjörðar- og árnaðarbænir fyrir lifandi og dánum, og ákall um miskunn Guðs. Orðsþjónustan sækir sína sérstöku uppbyggingu til bænar Gyðinga. Tíðabænirnar og aðrir helgisiðatextar og fast orðalag eiga sér hliðstæður í bæn Gyðinga og einnig okkar lotningaverðustu bænir, þar með talin hin Drottinlega bæn. Efstubænirnar fá innblástur sinn úr hefð Gyðinga. Tengslin milli helgisiða Gyðinga og helgisiða kristinna manna, en einnig munur þeirra innbyrðis, eru einkum sýnileg á hinum miklu hátíðum kirkjuársins eins og á páskum. Gyðingar og kristnir menn halda báðir páska hátíðlega. Hjá Gyðingum er um að ræða páska sögunnar sem stefna til framtíðar; hjá kristnum mönnum eru þeir páskar sem uppfylltust í dauða og upprisu Krists enda þótt það sé ávallt í eftirvæntingu um endanlega fullnustu þeirra. ………"

_________________________

Hérna er að finna Tkk. http://mariu.kirkju.net/trufraedslurit/index.html

  09:11:26, Skrásetjari: Jón Rafn Jóhannsson, 52 orð  
Flokkur: Vefrit Karmels

Daglegur guðspjallatexti ásamt hugleiðingu

Ég vil minna gesti kirkju.net á að daglegan guðspjallatexta ásamt hugleiðingum hinna heilögu má finna hér:

http://vefrit-karmels.kirkju.net/Gudspjall/Inngangur/Inngangur.html

Eins getur fólk fengið guðspjallið ásamt hugleiðingunni sent til sín í rafpósti með því að senda mér línu.

18.05.08

  23:29:24, Skrásetjari: Sr. Denis O'Leary   , 593 orð  
Flokkur: Dýrlingarnir og hetjur

Heilög Margrét María Alacoque

Margrét María Alacoque fæddist í Burgundy héraði í Frakklandi árið 22. júlí 1647.

Þegar hún var 23 ára gömul gekk hún í Paray le Monial klaustrið. Þegar Margrét María hafði verið um tvö ár í klaustrinu, varð hún fyrir mjög undursamlegri reynslu: Jesús birtist henni. Þar sem hún kraup frammi fyrir guðslíkamahúsinu, sá hún ………

Öll færslan - smellið hér til að lesa alla færsluna »

17.05.08

  23:26:04, Skrásetjari: Sr. Denis O'Leary   , 241 orð  
Flokkur: Til umhugsunar

Þríeinn Guð

Kafli úr bókinni "Kaþólskur siður" (1995).

(Bl. 28)

"……… Spurningin "Hver er Guð?" er grundvallarspurning sem menn bera alltaf upp þegar trúmál ber á góma og guðfræðin leitast alltaf við að svara.

Fremsta umfjöllunarefni Biblíunnar er að Guð opinberar sig mönnunum og þar með fylgir fremsta og hin algera sannfæring um að til sé einn Guð, að Guð sé einn. Þá sannfæringu tók kirkjan í arf frá gyðingum, og hinu sama er trúað í islam sem játar opinberum Guðs eins og hún er í Gamla testamentinu: "Heyr Ísrael! Drottinn er vor Guð, hann einn er Drottinn". Allt frá fyrstu öldum kirkjunnar hefur hún hvað eftir annað fundið ástæðu til að leggja áherslu á þá trú.

Guð er einn en ekki í stærðfræðilegum skilningi. Hann er kærleikur og það er hann í sjálfum sér. Kærleikur hans birtist í samfélagi við hann og milli manna. Í Gamla testamentinu eru hugmyndirnar um hann óljósar. Þar er talað um hina guðlegu visku og Anda Guðs eins og um persónur væri að ræða. Það er ekki fyrr en í Nýja testamentinu sem það er sagt ljósum orðum að samfundum við Guð fylgi "náðin Drottins Jesú Krists, kærleiki Guðs og samfélag Heilags anda."

Þessi nýi skilningur spratt upp af kynnum manna af Jesú Kristi. Guð opinberaði sig í Jesú. ………"

  07:51:53, Skrásetjari: Jón Rafn Jóhannsson, 466 orð  
Flokkur: Heilagur Andi

Í þessu ljósi munið þið sjá eilíft ljós – Pétur hinn ærurverðugi, ábóti í Cluny (d. 1029)

Þessi grein kemur í beinu áframhaldi af sýn rússneska aðalsmannsins Motovilov sem vikið var að hér að fram þegar hl. Serafim frá Sarov leiddi hann inn í ljúfleika uppljómunur hins óskaðaða ljóss Heilags Anda.

„Ásjóna hans skein sem sól“ (Mt 17. 2) . . . Hulið skýi holdsins hefur ljósið sem upplýsir sérhvern mann (Jh 1. 9) ljómað í dag. Í dag gerir það þetta sama hold dýrlegt og opinberaði postulunum dýrð sína svo að þeir gætu kunngert heiminum það. Og hvað ykkur varðar, þá munið þið njóta ásæisins á þessari sól að eilífu þegar þið sjáið borgina „stíga niður af himni frá Guði, búna sem brúði, er skartar fyrir manni sínum“ (Opb 21. 2). Aldrei framar mun þessi sól hníga til viðar heldur vera hún sjálf og láta eilífan dag ljóma. Aldrei mun þessi sól vera skýjum hulin, heldur skína að eilífu og veita ykkur fögnuð ljóssins sem aldrei mun endi taka. Aldrei mun þessi sól framar blinda augu ykkar: Hún mun veita ykkur styrk til að mæna á sig og hrífa ykkur með guðlegri dýrð sinni . . . „Og dauðinn mun ekki framar til vera, hvorki harmur né vein né kvöl er framar til“ (Opb 21. 4) sem myrkvað getur þann dýrðarljóma Guðs sem hann hefur gefið ykkur eins og sagt var við Jóhannes: „Hið fyrra er farið.“

Öll færslan - smellið hér til að lesa alla færsluna »

16.05.08

  23:43:29, Skrásetjari: Sr. Denis O'Leary   , 227 orð  
Flokkur: Nokkrir gullmolar úr Tkk

Hvað þýðir “kaþólskur”?

"……… 830. (795, 815-816) Orðið “kaþólskur” þýðir “almennur” í þeim skilningi að vera “allsherjar” eða “viðkomandi öllu - heildinni”. Kirkjan er kaþólsk í tvennum skilningi: Í fyrsta lagi er kirkjan kaþólsk vegna þess að Kristur er nærverandi í henni. “Þar sem Kristur Jesús er nærstaddur, þar höfum við kaþólsku kirkjuna.” [307] Í henni er að finna fullnustu líkama Krists í einingu við höfuð sitt; það þýðir að hún fær frá honum alla “fullnustu meðala hjálpræðisins” [308] sem eru að hans vilja: rétt og full játning trúarinnar, fullt sakramentislegt líf og vígð hirðisþjónusta samkvæmt hinni postullegu vígsluröð. Samkvæmt þessum grundvallarskilningi var kirkjan kaþólsk þegar á hvítasunnudaginn [309] og hún verður kaþólsk þar til Kristur snýr aftur.

831. (849, 360, 518) Í öðru lagi er kirkjan kaþólsk vegna þess að hún er send með erindi út til alls mannkynsins: [310] Allt mannkyn er kallað til þess að tilheyra hinum nýja Guðs lýð. Hann á að vera einn og einstæður og breiðast út um heim allan og vera til á öllum öldum, svo að tilgangur vilja Guðs geti náð að rætast. ………"

_________________________

307 Hl. Ignatíus frá Antíokkíu, Ad Smyrn. 8, 2.
308 UR 3; AG 6; EF 1:22-23.
309 Sbr. AG 4.
310 Sbr. Mt 28:19.

_________________________

Hérna er að finna Tkk. http://mariu.kirkju.net/trufraedslurit/index.html

15.05.08

  22:27:57, Skrásetjari: Sr. Denis O'Leary   , 177 orð  
Flokkur: Bænir

Bæn biskups - eftir heilögum Jóhannesi frá Damaskus

Drottinn,
þú hefur kallað mig
til að vera prestur og biskup,
til þess að þjóna börnum þínum.
Ég veit ekki, hvers vegna
þú hefur gert það í forsjón þinni.
Þú einn veist það.

Drottinn, ………

Öll færslan - smellið hér til að lesa alla færsluna »

  08:49:37, Skrásetjari: Jón Rafn Jóhannsson, 767 orð  
Flokkur: Hin heilaga arfleifð

Hin heilaga arfleifð og Ritningarnar – Sophronij arkimandríti

Í huga Silúan starets var hlýðnin óhjákvæmileg forsenda vaxtar í hinu andlega lífi. Skilningur hans á hlýðninni var samofinn afstöðu hans til hinnar heilögu arfleifðar og Orðs Guðs.

Hann leit á líf kirkjunnar sem líf í Heilögum Anda og hina heilögu arfleifð sem óaflátanlegt starf Heilags Anda í kirkjunni. Þar sem hin heilaga arfleifð felst í eðli sínu í eilífri og óaflátanlegri nærveru Heilags Anda í kirkjunni er hún jafnframt til­vistarlegur grundvöllur hennar. Þannig umvefur hin heilaga arfleifð allt líf kirkjunnar og það í svo ríkum mæli, að Ritn­ingarnar sjálfar eru eitt tjáningarforma hennar. Þetta hefur í för með sér að ef kirkjan væri svipt arfleif­ð sinni yrði hún ekki söm og áður vegna þess að boðskapur Nýja testamentisins er orð Andans „ekki skrifað með bleki, heldur með Anda lifandi Guðs, ekki á steinspjöld, heldur á hjartaspjöld úr holdi“ (2Kor 3. 3-6). Ef við gerðum ráð fyrir því að kirkjan glataði með einum hætti eða öðrum öllum sínum ritum: Gamla og Nýja testamentinu, verkum hinna heilögu feðra og öllum helgisiðabókum sínum, myndi hin heilaga arfleifð endurskrifa Ritningarnar, vafa­laust ekki orðrétt og með öðru tungutaki. En að meginhluta til yrði inntak hinna nýju ritninga tjáning þeirrar sömu trúar „sem heilögum hefur í eitt skipti fyrir öll verið í hendur seld“ (sjá Júd 1. 3). Þær yrðu tjáning þess sama og eina Anda sem sífellt er að starfi í kirkjunni.

Öll færslan - smellið hér til að lesa alla færsluna »

14.05.08

  22:38:00, Skrásetjari: Sr. Denis O'Leary   , 325 orð  
Flokkur: Lífsvernd

Skipulögð barátta fyrir lífinu

Kafli úr hirðisbréfi biskupa Norðurlanda: "Vernd lífsins".

http://www.vortex.is/catholica/fostur.html

3.3. Skipulögð barátta fyrir lífinu.

1. Við leggjum til að í hverju biskupsdæmi eða í hverju Norðurlandanna verði gripið til skipulagðrar baráttu innan kaþólsku kirkjunnar, til þess að efla virðingu fyrir hinu ófædda lífi, með trúfræðslu, sálgæslu, prédikunum og upplýsingum. Í sambandi við það má einnig benda á að ættleiðing gæti verið leið til að bjarga barnslífi.

2. Við leggjum til að fjárhagslega verði séð fyrir slíkri starfsemi með því að stofna "Sjóði lífsins" sem komið verði á stofn í hverju biskupsdæmi í þessu skyni, samkvæmt getu hvers þeirra um sig. Fjármagn sjóðanna byggist á gjöfum fólks í biskupsdæmunum og annarra og skulu þeir styrkja það sem gert er í þágu ófæddra barna og styðja foreldra þeirra, ekki síst ef um einstætt foreldri er að ræða.

3. Kirkjan gæti stuðlað að því að verðandi foreldrar haldi ófæddum börnum sínum með því að annast það sem erfitt væri að ráða fram úr á annan hátt, svo sem með félagslegri hjálp sem margir fara á mis við nú. Kirkjan gæti komið á laggirnar samtökum fyrir fólk sem vill styðja einstæða foreldra, samtökum þar sem einstæðir foreldrar geta hist og hjálpað hver öðrum.

4. Í kaþólsku sóknunum ættu menn að kanna, hvaða möguleikar séu á að hjálpa ungum foreldrum, ekki aðeins fjárhagslega heldur einnig í öðrum hagnýtum efnum. Mikilvægt er að skapa það andrúmsloft í sóknum okkar og guðsþjónustum að barnafjölskyldur finni að þær séu velkomnar. Það verður að vera rými fyrir börnin svo að þau skilji að þau séu mikils metin.

13.05.08

  21:53:32, Skrásetjari: Sr. Denis O'Leary   , 234 orð  
Flokkur: Lífsvernd

Alvarlegar afleiðingar tilbúinna getnaðarvarna

KAFLI ÚR HUMANAE VITAE
UM MANNLEGT LÍF
Heimsbréf hans heilagleika Páls páfa VI, 1968.

http://lifsvernd.com/mariukirkja/humanevitae.html

"……… 17. Ábyrgir menn munu verða langtum sannfærðari um sannleika kenningarinnar, sem kirkjan heldur á lofti í þessu máli, ef þeir íhuga afleiðingar þeirra aðferða og áforma þegar náttúrulegar aðferðir eru ekki notaðar til að koma í veg fyrir fjölgun fæðinga. Þeir skulu fyrst íhuga hve auðveldlega sú leið getur boðið heim hættunni á hjúskaparbroti og hnignun siðferðis. Það þarf ekki að búa yfir mikilli reynslu til að skynja að fullu mannlegan veikleika og skilja að menn - og þá sérstaklega þeir yngri sem eru opnir fyrir freistingum - þurfa á hvatningu að halda til að halda í heiðri siðferðislögmálið og að það er beinlínis syndsamlegt að auðvelda þeim að brjóta lögmálið. Annað er það sem gefur tilefni til að vera á varðbergi. Sá maður, sem venst því að nota getnaðarvarnir á það á hættu að virðing hans fyrir konunni minnki. Með því hættir hann að virða líkamlega og andlega velferð konunnar og í hans augum verður hún einungis tæki til að fullnægja þörfum hans. Hún verður ekki lengur sá lífsförunautur sem hann á að umvefja umhyggju og ástúð. ………"

  18:13:22, Skrásetjari: Jón Rafn Jóhannsson, 470 orð  
Flokkur: Trúarljóð

Hinn guðdómlegi gleðileikur Dante – í þýðingu Guðmundar Böðvarssonar, bónda og skálds frá Kirkjubóli

Nú þegar Borgarleikhúsið hefur sett á fjalirnar verk sem byggist á Hinum guðdómlega gleðileik (Divina commedia) eftir Dante vil ég minna kaþólska lesendur á hina undurfögru þýðingu Guðmundars skálds Böðvarssonar frá Kirkjubóli (1904-1974). Tólf kviður úr Gleðileiknum komu út í þýðingu hans í bundnu máli á vegum Bókaútgáfu Menningarsjóðs árið 1968. Vert er að hafa þetta verk í hávegum. Hinn Guðdómlegi gleðileikur Dante er ein af perlum kaþólskra dulúðarbókmennta.

Sjálfskipaður hópur menningarforkólfa gagnrýndi þýðingu Guðmundar harkalega og án allrar sanngirni á sínum tíma (vafalaust blöskrað djörfung bóndans og erfiðismannsins að ráðast í slíkt verk!). Ég birti hér því brot úr þýðingu Guðmundur úr Paradísarkviðunni 33. 82, 121 ásamt ítalska textanum.

„O abbodante grazia, ond’ io presunsi
ficcar lo viso per la luce eterna,
tanto che la veduta vi consunsi!
Nel suo profondo vidi che s’ interna,
legato con amore in un volume,
ciò che per l’universo si squaderna;

Öll færslan - smellið hér til að lesa alla færsluna »

1 ... 7 8 9 ...10 ... 12 ...14 ...15 16 17 ... 46

Síðustu pistlar

Kirkju.net er óháð vefrit sem inniheldur aðallega efni tengt kaþólskri trú en einnig um trúmál almennt. Markmiðið er að miðla fróðleik og stuðla að skoðanaskiptum og umræðu innan kaþólsku kirkjunnar á Íslandi sem og að kynna kaþólsku kirkjuna fyrir þeim sem utan hennar eru. Aðalsíða vefritsins sækir pistla inn á bloggsíður og skrifa höfundar hvers bloggs pistla sem hafa kaþólskt eða annað trúarlegt efni sem meginþema. Skoðanir settar fram í pistlunum eru höfundanna sjálfra og ber ekki að túlka þær sem skoðanir trúfélaga eða annarra bloggara. Höfundar bera ábyrgð á efni sem þeir birta á sínu bloggi. Athugasemdir við pistlana eiga að vera á íslensku, málefnalegar og fullt nafn höfundar á að koma fram. Athugasemdum er ritstýrt af höfundi hvers bloggs fyrir sig. Gestapennar innan eða utan kaþólsku kirkjunnar eru einnig velkomnir að senda inn greinar sem eru birtar undir „Ýmsir höfundar.“

Leit

Flokkur

Sr. Denis O'Leary

Kirkjuvefbók Ragnars

Jón Valur Jensson

Ýmsir höfundar

Jón Rafn Jóhannsson

Kirkju.net


Fatal error: Call to a member function flag() on boolean in /home/n982112/public_html/inc/widgets/widgets/_item_info_line.widget.php on line 215